ᑲᑐᑎᓗᒍ ᐅᑭᐅᖅᑕᖅᑐᖅ ᓴᖕᖏᒃᑎᐸᓪᓕᐊᑎᓪᓚᕗᑦᖃᓄᐃᓕᐅᕈᑎᒃᓴᖏᓄᑦᐊᕙᓗᓕᐅᕈᑎᒃᓴᐃᑦ 2013-2018−ᒧᑦ

PDF Version (971 Kb, 14 pages)

ᒪᒃᐱᒐᐃᑦ ᐃᓗᓕᖏᑦ

ᓯᕗᓪᓕᕐᒥᒃ ᐱᒋᐊᓕᓵᕐᓂᕐᒧᑦ ᐅᖃᐅᓯᒃᓴᐃᑦ

ᐅᑯᐊ ᑲᓇᑕᒥ ᐅᑭᐅᖅᑕᖅᑐᒧᑦ ᑮᓇᐅᔭᓕᐅᖃᑕᐅᔪᓐᓇᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖁᑎᖓᓄᑦ (ᓇᐃᓈᖅᑕᐅᓯᒪᔪᒥᒃ ᑕᐃᔭᐅᔪᑦ ᐃᒫᒃ, ᑳᓄᐊᒃᑯᑦ) ᖃᓄᐃᓕᐅᕈᑎᒋᓂᐊᖅᑕᖏᓐᓄᑦ ᐊᕙᓗᓕᐅᕈᑕᐅᕗᑦ 2013-2018−ᒧᑦ ᒪᓕᒐᒃᓴᐅᓗᑎᒃ ᐊᖅᑯᑎᐅᔪᑎᑐᑦ ᓇᓗᓇᐃᔭᐃᓂᕐᒧᑦ ᖃᓄᐃᓕᐅᖅᑎᐅᓂᖏᓐᓂᒃ ᐊᒻᒪᓗ ᖃᓄᖅ ᐃᑲᔪᖅᑎᐅᖃᑦᑕᕆᐊᖃᕐᓂᖏᓐᓂᒃ ᑎᒥᖁᑎᒋᔭᐅᓗᑎᒃ ᐅᑭᐅᖅᑕᖅᑐᒥ ᑮᓇᐅᔭᓕᐅᖃᑕᐅᔪᓐᓇᕐᓂᕐᒧᑦ ᐱᕙᓪᓕᐊᑎᑦᑎᔨᐅᓂᕐᒧᑦ, ᐊᑐᕐᓂᐊᖅᑐᓂᒃ ᑕᓪᓕᒪᓄᑦ 5 ᐊᕐᕋᒎᓂᐊᖅᑐᓄᑦ. ᑕᒃᑯᐊ ᑳᓐᓄᐊᒃᑯᑦ ᖃᓄᐃᓕᖓᑎᓐᓂᐊᖅᑕᖏᓐᓂᒃ ᐃᓂᓚᖓᐃᕗᑦ ᑎᒥᖁᑎᖓᑕ ᓯᕗᓪᓕᐅᑎᑦᑕᕆᐊᖃᕐᓂᐊᖅᑕᖏᓐᓂᒃ, ᐊᑐᒐᒃᓴᓕᐊᕆᓂᐊᖅᑕᖏᓐᓄᑦ ᐊᒻᒪᓗ ᖃᓄᐃᓕᐅᕈᑎᒋᓂᐊᖅᑕᖏᓐᓂᒃ ᐃᓱᒪᒋᔭᐅᓗᑎᒃ ᐊᖏᓂᖅᓴᐅᔪᒧᑦ ᓄᓇᕐᔪᐊᒥ ᑮᓇᐅᔭᓕᐅᖃᑕᐅᔪᓐᓇᕐᓂᕐᒧᑦ, ᐱᐅᓯᖃᖅᑐᒦᓐᓂᖏᓐᓂᒃ ᑲᔪᓰᓐᓇᕈᓐᓇᖅᑐᓂᒃ ᐊᒻᒪᓗ ᓂᕆᐅᒋᔭᐅᓕᕈᓐᓇᖅᑐᓂᒃ ᑮᓇᐅᔭᓕᐅᕐᕕᐅᖃᑕᐅᓕᕈᓐᓇᖅᑐᓂᒃ ᐊᒻᒪᓗ ᐊᒃᓱᕈᕐᓇᖅᑕᒃᑰᕈᑕᐅᕙᖕᓂᐊᖅᑐᓂᒃ, ᑕᒡᕘᓇᓴᐃᓇᕐᓗ ᐃᓚᒌᓕᕈᑕᐅᔪᓐᓇᖅᑐᓂᒃ ᐃᓱᒪᖃᕐᓗᑎᒃ ᐱᒋᐊᖅᑎᑕᐅᔪᓐᓇᕐᓂᖏᓐᓄᓪᓗ ᑳᓐᓄᐊᒃᑯᓐᓄᑦ ᓯᕗᓕᐅᖅᑎᐅᓗᑎᒃ ᐅᕝᕙᓗᓐᓃᑦ ᑐᑭᓕᐅᖅᑎᐅᓗᑎᒃ ᐱᕙᓪᓕᐊᑎᑦᑎᔪᒪᓂᕐᒧᑦ ᑕᒪᐃᓐᓄᑦ ᑐᕌᒐᕆᔭᐅᔪᓐᓇᖅᑐᓂᒃ.

ᖃᓄᐃᓕᐅᕈᑎᒃᓴᓂᑦ ᑐᖓᕕᒃᓴᐃᑦ ᒪᓕᒐᒃᓴᐅᔪᓐᓇᕐᓂᕐᒧᑦ ᓇᓗᓇᐃᒃᑯᑕᕆᔭᐅᓂᐊᖅᐳᑦ ᑳᓐᓂᐊᒃᑯᓐᓄᑦ ᐊᑐᐃᓐᓇᐅᑎᑦᑎᓂᖏᓐᓂᒃ ᐱᓗᐊᖅᑐᒥᒃ ᐱᓕᕆᕝᕕᒃᓴᐅᓂᐊᖅᑐᓄᑦ ᐊᒻᒪᓗ ᑐᓴᐅᒪᔾᔪᑎᒋᕙᖕᓂᐊᖅᑕᖏᓐᓄᑦ ᐃᓚᖃᑦᑎᐊᕆᐊᖃᕐᓂᕐᒥᓂᒃ ᐊᒃᑐᖅᑕᐅᓯᒪᖃᑕᐅᓂᐊᖅᑐᓂᒃ. ᑐᓴᐅᒪᑎᑦᑎᔾᔪᑎᒋᕙᒃᑕᖓᑦ ᐃᖃᓇᐃᔭᖅᑎᓕᕆᓂᕐᒧᑦ ᐊᒻᒪᓗ ᑮᓇᐅᔭᓂᒃ ᐊᑐᒐᒃᓴᐅᓂᐊᖅᑐᓂᒃ ᐸᕐᓇᐃᓂᕐᒧᑦ ᑕᐃᒫᒃ ᐊᑐᒐᒃᓴᓄᑦ ᐱᓕᕆᐊᖑᓂᐊᖅᑐᑦ ᐊᒻᒪᓗ ᐱᓕᕆᑎᑦᑎᒋᐊᕈᑕᐅᓂᐊᖅᑐᑦ ᒪᓕᒃᓯᒪᑦᑎᐊᕐᓂᐊᕐᒪᑕ ᓯᕗᓪᓕᐅᑎᑕᐅᖁᔭᐅᔪᓂᒃ. ᑕᒪᓐᓇ ᐃᑲᔪᕐᓂᖃᕐᓂᐊᖅᑐᖅ ᓴᕿᐅᒪᑎᑦᑎᒋᐊᕈᒪᓂᕐᒧᑦ ᐱᓕᕆᕝᕕᖓᓐᓂ ᐋᕐᑭᐅᒪᑦᑎᐊᕈᓐᓇᕐᓂᖏᓐᓂᒃ ᐊᒻᒪᓗ ᐊᑑᑎᖃᑦᑎᐊᕈᓐᓇᕐᓂᖏᓐᓂᒃ ᑐᖓᕕᐅᓯᓈᕐᓗᑎᒃ ᑳᓐᓄᐊᒃᑯᑦ ᖃᓄᐃᓕᐅᕈᑎᒋᔭᖏᓐᓄᑦ ᓴᕿᐅᒪᑎᑕᐅᒋᐊᕐᓂᐊᖅᑐᓄᑦ ᒪᑯᓂᖓ − ᓴᖏᔫᒥᒃ ᖃᓄᐃᑐᑐᐃᓐᓇᕐᓂᒡᓗ ᑮᓇᐅᔭᓕᐅᕐᕕᖃᖅᑐᓂᒃ ᐃᑲᔪᕐᓂᖃᕐᓂᐊᖅᑐᓂᒃ ᐊᑯᓂᐅᔪᒧᑦ ᐊᔪᖅᓴᕈᓐᓃᖅᐸᓪᓕᕈᑕᐅᔪᓐᓇᕐᓂᐊᖅᑐᓂᒃ ᑕᒪᐃᓐᓄᑦ ᐅᑭᐅᖅᑕᖅᑐᒥᐅᑕᓄᑦ ᐃᓄᖕᓄᑦ − ᑕᐃᒫᒃ ᐅᑭᐅᖅᑕᖅᑐᖅᐸᓯᖕᒥᐅᑕᐃᑦ ᐊᕕᒃᑐᖅᓯᒪᓂᖏᓐᓂ ᐊᒻᒪᓗ ᑕᒪᐃᓂᒃ ᑲᓇᑕᒥᐅᑕᐃᑦ ᐃᑲᔪᖅᑕᐅᕚᓪᓕᖅᓯᒪᔪᓐᓇᕐᓂᐊᕐᒪᑕ ᓴᕿᐅᒪᓗᐊᓚᐅᖅᓯᒪᖏᑦᑐᓂᒃ ᐱᑕᖃᓕᕈᓐᓇᖅᑐᓂᒃ ᑮᓇᐅᔭᓕᐅᕐᕕᒃᓴᐅᓕᕈᓐᓇᖅᑐᓂᒃ ᓴᕿᑉᐸᓪᓕᐊᑐᐃᓇᖅᑐᓂᒃ ᓴᕿᑎᑦᑎᓯᒪᓗᑎᒃ ᑲᓇᑕᐅᑉ ᐅᑭᐅᖅᑕᖅᐸᓯᖓᑕ ᐱᖓᓱᓂᒃ ᐊᕕᒃᑐᖅᓯᒪᓂᖏᓐᓂᒃ.

ᑳᓐᓄᐊᒃᑯᑦ  ᓴᖏᔪᒥᒃ ᐅᑭᐅᖅᑕᖅᑐᒥ ᓴᕿᐅᒪᑎᑦᑎᓪᓗᑎᒃ ᑲᑐᔾᔨᖃᑎᒌᖕᓂᒃᑯᑦ

ᓴᕿᑎᑕᐅᓚᐅᖅᓯᒪᔪᑦ ᑖᒃᑯᐊ ᑎᒥᖁᑎᖓᑦ 2009−ᒥ, ᑳᓐᓄᐊᒃᑯᑦ ᑲᓇᑕᐅᑉ ᐃᖃᓇᐃᔭᕐᕕᖁᑎᖏᓐᓃᖔᖅᑐᑑᕗᑦ ᑎᓕᔭᐅᓯᒪᓪᓗᑎᒃ ᑲᒪᔨᐅᑎᑕᐅᓂᕐᒥᒃ ᑕᒪᐃᓐᓂᒃ ᐱᖓᓱᓂᒃ ᐅᑭᐅᖅᑕᖅᑐᖅᐸᓯᖕᒥᐅᑦ ᐊᕕᒃᑐᖅᓯᒪᓂᖏᓐᓂᒃ. ᐊᐅᓚᑦᑎᕕᒃᑕᖃᖅᓱᓂᓗ ᐅᑭᐅᖅᑕᖅᑐᒥ − ᐊᕕᒃᑐᖅᓯᒪᓂᖓᓂ ᐱᔨᑦᑎᕋᕐᕕᒋᔭᒥᓂᒃ ᐊᒻᒪᓗ ᒪᓕᒃᑐᒥᒃ ᐅᑭᐅᖅᑕᖅᑐᒥ ᖃᓄᐃᓕᖓᓪᓚᕆᖕᓂᖏᓐᓂᒃ ᐊᒻᒪᓗ ᑭᐅᒋᐊᑦᑎᐊᕈᓐᓇᕐᓂᖅᓴᐅᓪᓗᑎᒃ ᐅᑭᐅᖅᑕᖅᑐᒥᐅᑕᐃᑦ ᐃᓚᐅᕝᕕᒋᔪᒪᔭᖏᓐᓄᑦ. ᑳᓐᓄᐊᒃᑯᑦ ᐱᓕᕆᖃᑎᖃᖃᑦᑕᖅᐳᑦ ᐃᓚᒋᔭᖏᓐᓂᒃ ᐅᔾᔨᖅᑐᑦᑎᐊᕆᐊᖃᕐᓂᕐᒧᑦ ᑐᖓᕕᖃᑦᑎᐊᕆᐊᖃᕐᓂᖏᓐᓂᒃ ᐊᔪᖅᓴᕈᓐᓃᖅᐹᓪᓕᕈᑕᐅᔪᓐᓇᖅᑐᓂᒃ ᐊᒻᒪᓗ ᐊᔾᔨᒌᖏᑦᑑᑎᐅᔪᓐᓇᖅᑐᓂᒃ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᐅᔪᓐᓇᖅᑐᓂᒃ. ᐊᐅᓚᑦᑎᕕᖓᑦ ᐊᖓᔪᖄᖃᕐᕕᐅᓂᖓᑦ ᐃᖃᓗᖕᓃᑉᐳᖅ, ᐊᕕᒃᑐᖅᓯᒪᓂᖏᓐᓂ ᐱᓕᕆᕝᕕᖃᐅᖅᓱᑎᒃ ᐅᐊᐃᑦᕼᐅᐊᓯᒥ, ᔭᓗᓇᐃᒥ, ᐃᖃᓗᖕᓂ ᐊᒻᒪᓗ ᐃᑲᔪᖅᑕᐅᕝᕕᖃᖅᓱᑎᒃ ᐋᑐᕚᒥ. ᑳᓐᓄᐊᒃᑯᑦ ᐅᓂᒃᑳᓕᐅᖃᑦᑕᕆᐊᖃᖅᑎᑕᐅᕗᑦ ᑲᓇᑕᓕᒫᒧᑦ ᒪᓕᒐᓕᐅᕐᕕᐊᓗᖕᒧᑦ, ᐅᓂᒃᑳᖃᑦᑕᕆᐊᖃᖅᑎᑕᐅᓪᓗᓂ ᒥᓂᔅᑕᖓᑦ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐊᓂᒃ ᑮᓇᐅᔭᓕᐅᕐᕕᒃᓴᓂᒃ ᐱᕙᓪᓕᐊᔪᓕᕆᔨᒃᑯᓐᓄᑦ ᐱᓕᕆᕝᕕᖓᓐᓄᑦ, ᑳᓐᓄᐊᒃᑯᑦ ᐊᐅᓚᑎᔨᖃᖅᐳᑦ ᐊᖓᔪᖄᕐᒥᒃ ᑎᒃᑯᐊᖅᑕᐅᓯᒪᔪᒥᒃ.

ᑕᐅᑐᒐᕆᔭᐅᔪᖅ

ᓴᖏᔫᓪᓗᓂ, ᐊᒥᓱᓂᒃ ᐊᔾᔨᒌᖏᑦᑑᑎᓂᒃ, ᑲᔪᓰᓐᓇᕈᓐᓇᖅᑐᓂᒃ ᐊᒻᒪᓗ ᖃᓄᐃᑦᑐᑐᐃᓐᓇᓂᒃ ᐃᓅᓯᒃᓴᓕᐅᕈᑎᒃᓴᖃᖅᑐᑦ ᐅᑭᐅᖅᑕᖅᑐᒥᐅᑕᓂᒃ, ᐃᓚᖃᖅᑐᓂᒃ ᓄᓇᖄᖃᖅᑐᑐᖃᐅᔪᓂᒃ, ᓄᓇᓕᖕᒥᐅᑕᓂᒃ ᐊᒻᒪᓗ ᓇᖕᒥᓂᖅ ᐱᓕᕆᕕᖃᖅᑐᓂᒃ ᑲᓇᑕᐅᑉ ᐅᑭᐅᖅᑕᑐᖅᐸᓯᐊᓂᒃ ᐊᕕᐊᕕᒃᑐᖅᓯᒪᓂᖏᓐᓂᒃ ᐱᖓᓱᓂᒃ ᑲᓇᑕᐅᒥᑕᓄᑦ ᐊᔪᖅᓴᕈᓐᓃᖅᐸᓕᕈᑎᒋᔪᓐᓇᖅᑕᖏᓐᓂᒃ.

ᑎᓕᔭᐅᓯᒪᓂᖏᑦ

ᓴᕿᑎᑦᑎᒋᐊᕐᓂᖅ ᐊᕕᒃᑐᖅᓯᒪᔪᑦ ᐃᓗᐊᓂ ᑮᓇᐅᔭᓕᐅᕐᕕᒃᓴᖃᖅᑎᑦᑎᓂᖅ ᑲᓇᑕᐅᑉ ᐱᖓᓱᓂᒃ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᖏᓐᓂ, ᐊᑐᐃᓐᓇᐅᑎᑦᑎᓂᒃᑯᑦ ᐊᑐᒐᒃᓴᓂᒃ, ᐃᓚᒋᓕᖅᑎᑦᑎᕙᓪᓕᐊᔪᓐᓇᕐᓂᖅ ᓴᖏᓂᖃᕈᑕᐅᔪᓇᖅᑐᓂᒃ ᑮᓇᐅᔭᓕᐅᕐᕕᐅᓕᕈᓐᓇᖅᑐᓄᑦ ᐅᑭᐅᖅᑕᖅᑐᒥ, ᐊᒻᒪᓗ ᑕᐱᕆᔭᐅᖃᑦᑕᕐᓂᖏᓐᓂᒃ ᐅᑭᐅᖅᑕᖅᑐᒥᐅᑕᓄᑦ, ᐃᓚᒋᔭᐅᓪᓗᑎᒃ ᓄᓇᖃᖃᖅᑐᑐᖃᐃᑦ ᐃᓄᖁᑎᖏᑦ.

ᐊᒃᑐᖅᑕᐅᓯᒪᖃᑕᐅᕙᒃᑐᑦ

ᐅᑭᐅᖅᑕᖅᑐᒥᐅᑕᐃᑦ

ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐊ ᐊᕕᒃᑐᖅᓯᒪᓪᓗᓂ ᐱᖓᓱᓄᑦ ᐊᖏᓂᖃᖅᑎᒋᕗᑦ ᓄᓈᓗᖓᑦ ᑕᒪᕐᒥᒃ 40% ᐳᓴᓐᑎᒥᒃ ᑲᓇᑕᐅᑉ ᓄᓇᖁᑎᖏᓐᓂᒃ, ᐊᒻᒪᓗ ᑭᒡᒐᖅᑐᐃᓪᓗᓂ ᐅᐊᖕᓇᖅᐸᓯᖕᒥᐅᑦ ᑕᕆᐅᖃᕐᓂᐊᓗᐊᓂᒃ, ᐃᓄᖁᑎᖏᑦ ᐅᑭᐅᖅᑕᖅᑐᒥᐅᑕᐃᑦ ᐊᒥᓲᓂᖃᑐᐃᓐᓇᖅᐳᑦ 113,000Footnote 1 −ᓂᒃ. ᑕᐃᒃᑯᐊ ᐅᑭᐅᖅᑕᖅᑐᖅᐸᓯᐅᓂᖓᑕ ᐊᕕᒃᑐᖅᓯᒪᓂᖏᓐᓂ ᐊᐅᓚᑦᑎᕕᖏᑦ ᐊᕕᒃᑐᖅᓯᒪᓂᕐᒥᑦᑐᑦ ᐅᑯᓇᓂ, ᐃᖃᓗᖕᓂ, ᔭᓗᓇᐃᒥ ᐊᒻᒪᓗ ᐅᐊᐃᑦᕼᐅᐊᓯᒥ, ᐊᒥᓲᓂᖅᐹᓂᒃ ᐃᓄᖃᖅᓱᑎᒃ, ᐊᒥᓱᑦ ᐃᓄᖁᑎᖏᑦ ᓄᓇᓕᖕᒥᐅᑕᐅᕗᑦ ᑎᑭᑕᐅᓴᕋᐃᖏᑦᑐᓂ ᐅᖓᓯᒃᑐᓂᓗ ᓄᓇᓕᖕᓂ. ᓈᓴᐃᔨᑦ ᑲᓇᑕᒥ, ᔪᓚᐃ

ᐊᑐᐊᒐᖃᐅᖅᓱᑎᒃ ᐊᒻᒪᓗ ᖃᐅᔨᓴᖃᑦᑕᖅᓱᑎᒃ, ᐊᔾᔨᒌᖏᑦᑑᑎᒻᒪᕆᐊᓪᓗᓪᓗᑎᒡᓗ ᐊᒻᒪᓗ ᐋᕿᒋᐊᕈᓐᓇᐃᓐᓇᖃᑦᑕᖅᓱᑎᒃ ᓄᓇᓕᖕᓄᑦ ᐊᒻᒪᓗ ᓇᖕᒥᓂᖃᖅᑎᐅᔪᓄᑦ ᐱᕚᓪᓕᕈᑎᒃᓴᖏᓐᓄᑦ ᐊᑐᒐᒃᓴᖃᖅᓱᑎᒃ, ᐊᒻᒪᓗ ᑐᑭᓕᐅᖅᑎᐅᖃᑦᑕᖅᓱᑎᒃ ᐱᓕᕆᐊᒃᓴᐅᔪᓂᒃ ᓯᕗᒻᒧᐊᒋᐊᕈᑕᐅᓂᐊᖅᑐᓂᒃ ᐱᒻᒪᕆᐅᔪᓂᒃ ᓄᓇᒥᐅᑕᓕᕆᓂᕐᒥᒃ ᐱᕙᓪᓕᐊᔪᓕᕆᓂᕐᒥᒃ ᐱᓕᕆᐊᖑᔪᒪᔪᓂᒃ, ᑳᓐᓄᐊᒃᑯᑦ ᓴᕿᐅᒪᑎᑦᑎᒐᓱᐊᖅᐳᑦ ᐱᕙᓪᓕᐊᑎᑦᑎᔪᒪᓂᖅ ᓴᖏᔫᓂᐊᖅᑐᓂᒃ, ᐊᔾᔨᒌᖏᑦᑑᑦᑎᐅᔪᓐᓇᖅᑐᓂᒃ ᐊᒻᒪᓗ ᖃᓄᐃᑦᑐᑐᐃᓐᓇᑦᑎᐊᓂᒃ ᑮᓇᐅᔭᓕᐅᕈᑎᒃᓴᖃᕈᓐᓇᕐᓂᖏᓐᓂᒃ ᑕᒪᐃᓐᓄᑦ ᐅᑭᐅᖅᑕᖅᑐᒥᐅᑕᐅᔪᓄᑦ, ᐃᓚᖃᖅᓱᑎᒃ ᓄᓇᖃᖄᖅᑐᑐᖃᐅᔪᓂᒃ. ᐊᕐᕋᒍᓂᒃ ᑕᓪᓕᒪᓂᒃ 5-ᓂᒃ ᐊᒡᒋᖅᑐᓂᒃ, ᑳᓐᓄᐊᒃᑯᑦ ᑕᐅᑐᒐᖃᓗᐊᕐᓂᐊᖅᐳᑦ ᐃᑲᔪᖅᓱᐃᔪᒪᓂᖅ ᐅᑭᐅᖅᑕᖅᑐᒥᐅᑕᓂᒃ ᐃᓚᐅᔪᓐᓇᕐᓂᖏᓐᓂᒃ ᐊᒻᒪᓗ ᐃᑲᔪᖅᑕᐅᕚᓪᓕᕈᓐᓇᕐᓂᖏᓐᓂᒃ ᑮᓇᐅᔭᓕᐅᕐᕕᐅᓕᕈᓐᓇᖅᑐᓂᒃ ᓄᓇᒥᐅᑕᓕᕆᓂᕐᒥᒃ ᐱᕙᓪᓕᐊᑎᑕᐅᔪᓐᓇᖅᑐᓂᒃ, ᓴᖏᓂᖅᓴᐅᓕᕐᓗᑎᒡᓗ ᑐᖓᕕᐅᔪᓐᓇᕐᓂᖏᑦ ᑲᔪᓰᓐᓇᕈᓐᓇᖅᑐᓂᒃ ᐊᒻᒪᓗ ᐊᔾᔨᒌᖏᑦᑐᖅᑕᖃᕐᓂᖏᓐᓂᒃ ᑮᓇᐅᔭᓕᐅᕐᕕᒃᓴᐃᑦ ᑕᒪᐃᓐᓂᒃ ᐅᑭᐅᖅᑕᖅᑐᖅᐸᓯᐅᑉ ᐊᕕᒃᑐᖅᓯᒪᓂᖏᓐᓂ ᓄᓇᓕᖕᓂ.

ᓄᓇᖃᖄᖅᑐᑐᖃᐃᑦᐃᓄᖏᑦ

ᓄᓇᖃᖄᖅᑐᑐᖃᐃᑦ ᐃᓄᖁᑎᖏᑦ ᐊᒥᓲᓂᖅᐹᖑᓪᓗᑎᒃ ᐃᓄᖁᑎᒋᔭᐅᕗᑦ ᐊᒥᓱᓂ ᓄᓇᓕᖕᓂ ᐅᑭᐅᖅᑕᖅᑐᒥ,  ᐊᒻᒪᓗ ᓵᖓᖃᑦᑕᖅᓱᑎᒃ ᐊᔾᔨᐅᖏᑦᑎᐊᖅᑐᓂᒃ ᐊᒃᓱᕈᕐᓇᕈᑕᐅᕙᒃᑐᓂᒃ ᐊᒻᒪᓗ ᓄᑖᓂᒃ ᐱᕚᓪᓕᕈᑕᐅᓕᕈᓐᓇᖅᑐᓂᒃ. ᐊᖏᔪᒥᒃ ᐅᑭᐅᖅᑕᖅᑐᖅ ᓄᓇᑖᕐᕈᑎᖃᕐᕕᐅᓯᒪᔪᖅ, ᐊᒻᒪᓗ ᐊᔩᖃᑎᒌᒎᑕᐅᓕᖅᓱᑎᒃ ᑕᐃᒃᑯᐊ ᓱᓕ ᐋᕿᐅᒫᓂᖏᑦᑐᓂᒃ ᓱᓕ ᓄᓇᑖᕈᑕᐅᓇᓱᐊᖅᑐᑦ. ᑳᓐᓄᐊᒃᑯᑦ ᐃᑲᔪᖅᓱᐃᕗᑦ ᐊᒻᒪᓗ ᐱᓕᕆᖃᑎᖃᖃᑦᑕᖅᓱᑎᒃ ᓄᓇᖃᖄᖅᑐᑐᖃᐅᔪᓂᒃ ᐃᓄᖕᓂᒃ ᐊᒻᒪᓗ ᓄᓇᓕᖕᓂᒃ ᓴᖏᓂᖃᕐᓂᖅᓴᐅᓂᖃᕈᓪᓗᒋᑦ ᐱᕕᒃᓴᖃᓕᕈᓐᓇᕐᓂᖅ ᑮᓇᐅᔭᓕᐅᕐᕕᒃᓴᖃᕈᓐᓇᕐᓂᖅ.

ᐱᓗᐊᖅᑐᒥᒃ, ᑲᓐᓄᐊᒃᑯᑦ ᐱᓕᕆᖃᑎᖃᖃᑦᑕᖅᐳᑦ ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᖏᓐᓂᒃ ᐊᒻᒪᓗ ᓄᓇᖃᖄᖅᑐᑐᖃᐃᑦ ᒐᕙᒪᒃᑯᖏᓐᓂᒃ ᐃᑲᔪᕐᓂᕐᒧᑦ ᐊᔪᕈᓃᖅᓴᐃᓂᕐᒥᒃ ᐅᑭᐅᖅᑕᖅᑐᒥ, ᐃᓚᒋᓪᓗᒋᓪᓗ ᐊᓯᖏᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐃᖃᓇᐃᔭᕐᕖᑦ. ᓄᓇᖃᖄᖅᑐᑐᖃᐃᑦ ᐃᓄᐃᑦ ᐊᒥᓲᓂᖅᐹᕆᔭᐅᕗᑦ ᒪᒃᑯᖕᓂᖅᐹᖑᖁᑕᐅᓪᓗᑎᒡᓗ, ᐊᒥᓱᕈᖅᐸᓪᓕᐊᓂᖅᐹᖑᓪᓗᑎᒡᓗ, ᑕᒪᐃᓂᖏᓄᓪᓗ, ᐊᔪᕈᓐᓃᖅᓴᖅᑕᐅᓂᖏᑦ ᐃᑲᔪᕐᓂᖃᕐᓂᐊᖅᐳᖅ ᐸᕐᓇᒃᓯᒪᑦᑎᐊᕈᓐᓇᕐᓂᖏᓐᓄᑦ ᐊᖑᒪᖃᑕᐅᔪᓐᓇᕐᓂᖅ ᐱᓕᕆᔨᖃᕆᐊᖃᓕᕐᓂᖏᓐᓂᒃ ᐱᖓᓱᓂᒃ ᐅᑭᐅᖅᑕᖅᑐᖅᓯᐅᑉ ᐊᕕᒃᑐᖅᓯᒪᓂᖏᓐᓂ ᐊᒻᒪᓗ ᓯᕗᓂᐅᒃᓴᓂᐊᖅᑐᒥ.  

ᓄᓇᖃᖄᖅᑐᑐᖃᐃᑦ ᐃᓄᐃᑦ % ᐳᓴᓐᑎᑎᒍᑦ ᑕᒪᕐᒥᒃ ᑲᑎᓪᓗᒋᑦ ᐊᒥᓲᓂᖏᑦ
ᓄᓇᖃᖄᖅᑐᑐᖃᐃᑦ ᐃᓕᑕᕆᔭᐅᓯᒪᔪᑦ ᐊᒥᓲᓂᖏᑦ ᐃᓚᖃᖅᑎᑕᐅᕗᑦ ᑲᓇᑕᐅᓪᓗ/ᐊᒥᐊᓕᑲᐅᓪᓗ ᐊᓚᖏᓐᓂᒃ, ᐊᓪᓚᖓᔪᓂᒃ ᐃᓄᖕᓂᒡᓗ)
ᔪᑳᓐᒥ 23.1%
ᓄᓇᑦᓯᐊᕐᒥ 51.9%
ᓄᓇᕗᑦᒥ 86.3%

ᑕᒪᕐᒥᒃᑲᓇᑕᒥᐅᑕᐃᑦ

ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᒃᓴᐃᑦ ᐊᖏᒡᓕᕙᓪᓕᐊᑐᐃᓐᓇᓕᖅᑎᓪᓗᒋᑦ, ᐊᔪᕐᓴᕐᓇᖏᓐᓂᖅᓴᐅᓕᖅᑐᖅ
ᐅᑭᐅᖅᑕᖅᑐᒥᐅᑕᓄᑦ ᐊᒻᒪᓗ ᐊᐅᓚᓐᓂᖅᓴᐅᓕᖅᓱᑎᒃ ᐱᖁᑏᓪᓗ ᐱᔨᑦᑎᕋᐅᑏᓪᓗ ᑕᒪᐅᖓᐅᓂᖏᓐᓄᑦ ᐊᒻᒪᓗ ᑕᒫᖔᕐᓂᖏᓐᓄᑦ ᓄᓇᓕᒡᔪᐊᖃᖃᑕᐅᔪᓂᒃ ᑲᓇᑕᒥ. ᐱᒻᒪᕆᐅᔪᑦ ᐊᖏᔫᑏᑦ ᓴᓇᔭᐅᔪᒪᔪᑦ ᐱᓕᕆᐊᒃᓴᐃᑦ ᑐᕌᖓᓕᕈᓐᓇᕐᒪᑕ ᐱᓕᔭᓐᖏᓃᑦᑐᓄᑦ ᑮᓇᐅᔭᖃᖅᑐᓄᑦ ᐊᑭᑐᔫᑎᓂᒃ ᐊᑭᓕᖅᑐᖅᑕᐅᓇᔭᖅᑐᓂᒃ ᐊᒻᒪᓗ ᑕᐅᓴᖏᓃᑦᑐᓂᒃ ᐃᖃᓇᐃᔮᒃᓴᓂᒃ ᐱᓕᕆᕝᕕᒃᓴᓂᒃ ᓴᕿᑦᑎᔪᓐᓇᖅᓱᑎᒃ ᖁᓕᒐᓴᐅᓇᔭᖅᑐᓂᒃ ᐊᕐᕋᒍᓂᒃ ᐊᒡᒋᖅᑐᓂ. ᐊᔪᖕᓂᖅᓴᖏᓐᓂᖅᓴᐅᓕᕐᓂᖅ ᓴᖏᓂᖅᑖᕈᑕᐅᒋᐊᒃᑲᓐᓂᕈᓐᓇᕐᒪᑕ ᐱᖓᓱᓄᑦ ᐅᑭᐅᖅᑕᖅᑐᖅᐸᓯᖕᒥᐅᑕᐃᑦ ᐊᕕᒃᑐᖅᓯᒪᓂᖏᓐᓄᑦ, ᑐᖓᕕᖃᐃᓐᓇᕆᐊᖃᕈᓐᓃᖅᐸᓪᓕᕈᑕᐅᓂᐊᕐᒪᑕ ᑲᓇᑕᐅᑉ ᒐᕙᒪᒃᑯᖏᓐᓄᑦ, ᑕᒡᕘᓇᓴᐃᓐᓇᕐᓗ ᐱᕕᒃᓴᖃᖅᑎᑕᐅᓗᑎᒃ ᐊᔾᔨᒋᖏᓐᓂᖅᓴᐅᔪᓂᒃ ᐊᒻᒪᓗ ᐊᖏᒡᓕᒋᐊᖅᑕᐅᓯᒪᔪᓐᓇᕐᓂᖏᓐᓂᒃ ᑮᓇᐅᔭᓕᐅᖃᑕᐅᕝᕕᒃᓴᐅᔪᓐᓇᖅᑐᓂᒃ.

ᐃᖃᓇᐃᔭᖅᑏᑦᐱᓕᕆᔩᑦ

ᑳᓐᓄᐊᒃᑯᑦ ᐱᓕᕆᔪᒪᑦᑎᐊᖅᑐᑦ ᐃᖃᓇᐃᔭᖅᑎᖏᑦ ᐱᐅᓯᖃᖅᐳ ᑲᑐᔾᔨᖃᑎᒌᑎᐊᖁᔭᐅᔪᓂᒃ, ᓴᕿᑎᑦᑎᒋᐊᖁᔭᐅᔪᓂᒃ ᐊᒻᒪᓗ ᐊᑕᐅᑎᒃᑰᖃᑦᑕᕐᓗᑎᒃ ᐱᓕᕆᖃᑎᒌᑦᑎᐊᕆᐊᖃᖅᑐᓂᒃ ᐃᖕᒥᓂᒃ ᐊᓯᖏᓐᓂᒡᓗ ᐃᓚᒋᔭᕙᒃᑕᖏᓐᒃ, ᐊᒃᑐᖅᑕᐅᓯᒪᓂᐊᖅᑐᓂᒡᓗ ᓯᕗᒻᒧᐊᒃᑎᑦᑎᕙᓪᓕᐊᔪᒪᓂᕐᒧᑦ ᑮᓇᐅᔭᓕᐅᕐᕕᒃᓴᓂᒃ ᐅᑭᐅᖅᑕᖅᑐᒥ ᐱᕙᓪᓕᐊᑎᑦᑎᔪᓐᓇᕐᓂᕐᒥᒃ. ᑕᓪᓕᒪᐅᓂᐊᓕᖅᑐᓂ ᐅᖓᑖᓃᓪᓗ ᐊᕐᕋᒍᓂᒃ, ᐱᓕᕆᕝᕕᒃᑎᓐᓂ ᑲᔪᓰᓐᓇᕐᓂᐊᖅᑐᒍᑦ ᑐᖓᕕᖃᕐᓂᕐᒥᒃ ᐃᖃᓇᐃᔭᖅᑎᓕᕆᓂᕐᒧᑦ ᐱᓕᕆᔨᓂᒃ ᐃᑲᔪᕐᓂᕐᒧᑦ ᖃᓄᐃᓕᐅᕈᑎᒃᓴᖏᓂᒃ, ᓴᕿᑎᑦᑎᔪᓐᓇᕐᓂᐊᕐᒪᑕ ᐊᔾᔨᒌᖏᑦᑑᑎᐅᔪᓂᒃ ᐊᔪᖏᓐᓂᖃᕐᓂᐊᖅᑐᓂᒃ , ᖃᐅᔨᒪᓂᖃᖅᑐᓂᒃ, ᐊᒻᒪᓗ ᐱᓕᕆᐊᖃᓕᓂᐅᔪᓂᒃ ᑲᒪᔨᐅᓂᐊᖅᑐᓂᒃ ᑎᓕᔭᐅᓯᒪᔪᓂᒃ.

ᖁᔭᓐᓇᒦᒃ ᐃᑲᔪᓚᐅᕋᔅᓯ ᑐᑭᓕᐅᖃᑕᐅᓂᖏᓐᓄᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐃᖃᓇᐃᔭᕐᕖᑦ, ᖁᔭᓕᓯᒪᑦᑎᐊᖅᑐᒍᑦ ᔫᑳᓐ ᒐᕙᒪᒃᑯᖏᑕ ᐱᕙᓪᓕᐊᔪᓕᕆᔨᒃᑯᖏᓐᓂᒃ ᐊᒻᒪᓗ ᐅᑭᐅᖅᑕᖅᑐᒥ ᓴᓇᔭᒃᓴᐃᑦ ᐊᐅᓚᑕᐅᓂᖏᓐᓂᑦ ᐱᓕᕆᔨᖏᓐᓂᒃ ᐊᕙᑎᒥᒃ ᖃᐅᔨᓴᖅᑕᐅᔪᖃᖅᑎᓪᓗᒍ. ᖁᔭᓕᑦᑎᐊᓚᐅᕐᒥᔪᒍᑦ ᓈᒪᑦᓯᐊᓚᐅᕐᓂᖏᓄᑦ ᐱᓕᕆᖃᑎᖃᕈᓐᓇᕐᓂᖅᐳᑦ ᐊᑐᓂ ᑲᓇᑕᐅᑉ ᐃᖃᓇᐃᔭᕐᕕᖏᓐᓂᒃ ᐊᒻᒪᓗ ᑳᓐᓄᐊᒃᑯᓐᓂᒃ ᐃᓚᐅᓚᐅᕐᓂᖏᓐᓂ ᐊᕙᑎᓕᕆᓂᕐᒥᒃ ᖃᐅᔨᓴᕐᓂᕐᒥᒃ. ᒪᓕᒐᕐᓂᒃ ᕿᒥᕐᕈᐊᖃᑕᐅᕙᓪᓕᐊᔪᒪᓂᐊᓕᖅᑐᒋᑦ ᓇᓗᓇᖏᒻᒪᑦ ᖃᐅᔨᓴᖅᑕᐅᔪᓂᒃ ᑐᖓᕕᖃᑦᑎᐊᓕᕈᓐᓇᕐᓂᐊᖅᑐᑦ ᒪᓕᒐᐃᑦ ᐊᑐᖅᑕᐅᔭᕆᐊᖃᕐᓂᖏᓐᓄᑦ.

ᑖᑦ ᒍᑦᓯᐅᓪ, ᐊᕙᑎᓕᕆᓂᕐᒧᑦ ᐊᖓᔪᖄᖅ, ᕕᒃᑐᐊᕆᔭ ᒎᓪᓗ ᑯᐊᐳᕇᓴᒃᑯᖏᓐᓂᒃ

ᓄᓇᒥᐅᑕᓕᕆᓂᕐᒥᒃᐱᕙᓪᓕᐊᔪᓕᕆᔨᐅᓂᖏᑦ

ᓄᓇᕐᔪᐊᓕᒫᒥ ᐱᔪᒪᔭᐅᓂᖏᑦ ᐅᔭᕋᖕᓂᐊᖅᑕᐅᔭᕆᐊᓖᓪᓗ ᐆᒻᒪᖁᑎᓯᐅᕈᑎᒃᓴᐃᓪᓗ ᐅᑭᐅᖅᑕᖅᑐᒥᐅᑕᓄᑦ ᐱᕝᕕᐅᔪᒻᒪᕆᐊᓘᓕᖅᐳᑦ ᐊᑭᓕᖅᑐᖅᑕᐅᔪᓐᓇᖅᑐᓂᒃ ᐃᓗᐊᓂᖓᖅᑐᓂᒃ ᓯᓚᑖᓂᒡᓗ ᓄᓇᓕᒡᔪᐊᖓᓂᒃ. ᑳᓐᓄᐊᒃᑯᑦ ᐱᓕᕆᖃᑎᖃᒻᒪᕆᒃᐸᒃᑐᑦ ᑲᓇᑕᒧᑦ, ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᖏᓐᓄᑦ ᐊᒻᒪᓗ ᓄᓇᖃᖃᖅᑐᓂᒃ ᐃᓚᒥᓂᒃ, ᐊᒻᒪᓗ ᐊᖏᔪᑎᓂᒃ ᓴᓈᖃᖅᑐᓂᒃ, ᐃᓂᓚᖓᔭᐅᔪᓐᓇᕐᓂᖏᓐᓂᑦ ᐱᒻᒪᕆᐅᔪᓂᒃ ᓄᓇᒥᐅᑕᓂᒃ ᓴᓇᔪᒪᔪᓂᒃ ᐊᒻᒪᓗ ᐊᖏᔪᑎᓂᒃ ᓴᓇᔪᒪᔪᓂᒃ. ᐱᓕᕆᕝᕕᖓᓐᓂ ᐅᑭᐅᖅᑕᖅᑐᖅᐸᓯᖕᒥᒃ ᐱᓕᕆᐊᖑᔪᒪᔪᓂᒃ ᐊᐅᓚᑦᑎᔨᐅᕝᕕᖓᑦ ᐊᑑᑎᓕᒻᒪᕆᐊᓗᖕᓂᒃ ᓈᒻᒪᓈᖅᓯᒪᔪᓂᒡᓗ ᐅᖃᐅᔾᔨᒋᐊᖅᑎᐅᔪᓐᓇᖃᑦᑕᖅᐳᑦ, ᑕᒪᐃᓐᓄᓪᓗ ᐃᑲᔪᖅᑕᐅᕝᕕᐅᕙᒃᓱᑎᒃ ᓴᓈᖃᖅᑐᓄᑦ ᐊᖏᔫᑎᓂᒃ ᐊᒻᒪᓗ ᓄᓇᖃᖄᖅᑐᑐᖃᐅᔪᓄᑦ ᐊᑐᖁᓪᓗᒋᑦ ᑕᑯᒃᓴᐅᑦᑎᐊᖅᑐᓂᒃ, ᐊᑑᑎᖃᑦᑎᐊᕐᓂᐊᖅᑐᓂᒃ ᐊᒻᒪᓗ ᓈᒻᒪᓈᖅᓯᒪᑦᑎᐊᖃᑦᑕᕐᓂᐊᖅᑐᓂᒃ ᒪᓕᒐᖅᑎᒍᑦ ᐱᐅᓯᖃᖅᑎᑦᑎᓂ. ᑳᓐᓄᐊᒃᑯᑦᑕᐅᖅ ᐃᑲᔪᖅᓱᐃᕙᒃᑭᕗᑦ ᓄᓇᓕᖕᓂ ᐊᑐᐃᓐᓇᐅᑎᑦᑎᓕᕈᓐᓇᕐᓂᖅ ᓇᓂᑐᐃᓐᓇᖅ ᐱᒻᒪᕆᐅᔪᓂᒃ ᐊᖏᔫᑎᓂᒃ ᓴᓇᔪᖃᕆᐊᕐᓂᐊᓕᖅᑎᓪᓗᒍ.

"ᑳᓐᓄᐊᒃᑯᑦ ᐃᑲᔪᕐᓂᖏᑦ ᐱᕚᓪᓕᕈᑕᐅᓂᐊᖅᑐᑦ ᐅᖓᓯᒃᑐᒥᒃ ᖃᐅᔨᓴᕈᓐᓇᖅᓯᓂᖅ, ᐅᖓᓯᒃᑐᒥᒃ ᖁᒻᒧᐊᒃᑎᑕᐅᓯᒪᔪᑎᒍᑦ ᐊᔾᔨᐅᓕᕈᓐᓇᖅᓯᓗᑎᒡᓗ ᓄᓇᑦᓯᐊᕐᒥᒃ ᐊᒻᒪᓗ ᓄᓇᕐᔪᐊᓕᒫᒥ ᖃᐅᔨᓴᖅᑎᐅᖃᑕᐅᔪᓂᒃ. ᑮᓇᐅᔭᐃᑦ ᐃᑲᔪᕐᓂᐊᖅᑐᑦ ᓄᓇᑦᓯᐊᕐᒥ ᐊᐅᓚᑦᑎᕕᖕᒥᒃ ᓄᓇᓕᕆᓂᕐᒧᑦ ᓄᓇᖑᐊᓕᕆᓂᕐᒧᓪᓗ ᐅᐊᓕᓂᖅᐸᓯᖕᒥᐅᑕᓂᒃ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᖕᒥᒃ ᐃᓅᕕᖕᒦᑦᑐᓂᒃ, ᖃᓄᐃᓕᐅᑦᑎᐊᒃᑲᓐᓂᕈᓐᓇᕐᓂᖏᓐᓄᑦ ᓈᒻᒪᓈᖅᓯᒪᑦᑎᐊᖃᑦᑕᕆᐊᓕᒻᒪᕆᐅᔪᓂᒃ ᐱᓕᕆᐊᖑᕙᒃᑐᓂᒃ, ᓲᕐᓗ ᓯᑯᒥᒃ ᖃᐅᔨᓴᖅᐸᓪᓕᐊᖏᓐᓇᕐᓂᕐᒥᒃ ᐅᕝᕙᓗᓐᓃᑦ ᑯᕕᓯᔪᖃᖅᑐᕕᓂᐅᔪᓂᒃ ᖃᐅᔨᔪᓐᓇᕐᓂᖅ ᑕᒫᓂ ᐃᓄᕕᐊᓗᐃᑦ ᓄᓇᖁᖏᓐᓂ ᐊᕕᒃᑐᖅᓯᒪᓂᕐᒥ."

ᔾᔨᐊᑉ ᐅᑮᕝ, ᐊᕈᐊᕋᒥ ᖃᐅᔨᓴᕐᕕᐊᓗᖕᓂᒃ

ᐊᓯᖏᑦᐃᓚᒋᔭᐅᔪᑦᐱᓕᕆᕝᕖᑦ

ᐊᒥᓱᓗᐊᕋᓗᖏᑎᓪᓗᒋᑦ, ᐅᖓᓯᒌᒃᑑᑎᓃᑎᓪᓗᒋᓪᓗ ᐃᓄᐃᑦ, ᐊᒻᒪᓗ ᑮᓇᐅᔭᓕᐅᕐᕕᒃᓴᐃᑦ ᐃᓚᐃᓐᓈᐱᖏᓃᑎᓪᓗᒋᑦ, ᐊᔾᔨᒌᒃᑐᖅᑕᖃᕐᓂᖏᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᒃᓴᐃᑦ ᐱᒻᒪᕆᐅᓗᖕᒪᑦᑕ ᐊᑯᓂᐅᓂᐊᖅᑐᒧᑦ ᐊᔪᖅᓴᕈᓐᓃᕈᑕᐅᔪᓐᓇᕐᓂᖅ. ᑳᓐᓄᐊᒃᑯᑦ ᐃᑲᔪᖃᑦᑕᖅᐳᑦ ᐅᔾᔨᖅᑐᑦᑎᐊᕐᓂᕐᒧᑦ ᐃᑲᔫᑏᑦ ᑮᓇᐅᔭᓕᐅᕐᕕᐅᔪᓄᑦ ᑲᔪᓰᓐᓇᕈᓐᓇᕐᓂᖏᓐᓂᒃ ᐱᖓᓱᓂᒃ ᐅᑭᐅᖅᑕᖅᑐᖅᐸᓯᐊᓂᖓᑕ ᐊᕕᒃᑐᖅᓯᒪᓂᖏᓐᓂ, ᐱᑕᖃᕐᓂᖏᓐᓄᑦ ᐊᑐᒐᒃᓴᐃᑦ ᑐᕌᖓᔪᑦ ᐱᕈᖅᑎᑦᑎᒋᐊᕈᑕᐅᓂᕐᒧᑦ ᓇᖕᒥᓂᖅ ᐱᓕᕆᕝᕕᒃᓴᖅᑖᕈᑕᐅᔪᓐᓇᕐᓂᖅ ᐊᒻᒪᓗ ᓴᕿᐸᓪᓕᐊᖁᓪᓗᒋᑦ ᑲᔪᓰᓐᓇᕈᓐᓇᕐᓂᐊᖅᑐᑦ ᑮᓇᐅᔭᓕᐅᕐᕕᒃᓴᐃᑦ ᓲᕐᓗ ᐳᓚᕋᑦᑐᓕᕆᓂᖅ, ᓄᓇᒥᒃ ᖃᐅᔨᓴᖅᑐᓕᕆᓂᖅ, ᑲᔪᓰᓐᓇᕈᓐᓇᖅᑐᓂᒃ ᐆᒻᒪᖁᑎᓯᐅᕈᑎᓕᐅᕐᓂᖅ, ᐃᖃᓗᓕᕆᓂᖅ ᐊᒻᒪᓗ ᐃᓕᖅᑯᓯᑐᖃᕐᒧᑦ ᐊᒻᒪᓗ ᐱᐅᓯᑐᖃᕆᔭᐅᔪᓄᑦ ᐱᓕᕆᐊᖑᕙᒃᑐᓂᒃ.

«ᕼᐋᒪᓚᑦᑯᑦ ᐊᕐᕕᐊᓂᒃ ᖁᕕᐊᓱᑦᑎᐊᖅᐳᑦ ᐱᓕᕆᐊᖃᕈᓐᓇᕐᓂᕐᒥᓂᒃ ᑳᓐᓄᐊᒃᑯᓐᓂᒃ ᐱᕙᓪᓕᐊᑎᑎᓂᕐᒧᑦ ᐳᓚᕋᑦᑐᓕᕆᓂᕐᒥᒃ ᐱᓪᓗᑎᒃ ᑕᒫᓂ ᐊᕐᕕᐊᓂ. ᐊᕐᕕᐊᕐᒥᐅᑦ ᐅᐱᒍᓱᑦᑎᐊᕐᒪᑕ ᓴᖏᔪᒥᒃ ᐃᓕᖅᑯᓯᑐᖃᕆᔭᖏᓐᓂᒃ ᐊᒻᒪᓗ ᐱᐅᔪᒻᒪᕆᖕᓂᒃ ᓄᓇᖃᕐᓂᕐᒥᓂᒃ, ᐳᓚᕋᑦᑐᓕᕆᓂᕐᒥᑦ ᓄᓇᓖᑦ ᐱᕚᓪᓕᕈᓐᓇᕐᒥᖕᒪᑕ ᑮᓇᐅᔭᓕᐅᖃᑕᐅᒫᕐᓗᑎᒃ ᐊᑐᖅᑕᐅᒫᕐᓗᑎᒃ ᓴᐳᓐᓂᐊᖅᑕᐅᓯᒪᓗᑎᒡᓗ ᑕᒪᒃᑯᐊ ᐊᑐᖅᑑᓪᓗᐊᖅᑕᖏᑦ."

ᑲᓇᑕᐅᑉ ᓯᕗᓕᐅᖅᑎᖓᑦ ᔅᑏᕙᓐ ᕼᐋᐸᑦ, 7−ᒋᓕᖅᑕᒥᓂᒃ ᐊᕐᕋᒍᑕᒫᖅ, ᐅᑭᐅᖅᑕᖅᑐᖅᐸᓯᖕᒥᒃ, ᐳᓚᕋᓐᓂᖓᓂᒃ − ᐋᒐᓯ 2012

ᐅᑭᐅᖅᑕᖅᑑᑉᐊᕕᒃᑐᖅᓯᒪᓂᖏᓐᓂᒐᕙᒪᒋᔭᐅᔪᑦᐃᖕᒥᓂᒡᓗᐊᐅᓚᑦᑎᔨᐅᓕᖅᑐᑦᓄᓇᖃᖄᖅᑐᑐᖃᐃᑦ

ᐱᓕᕆᕝᕕᖓᓐᓂ ᑐᖓᕕᖃᖃᑦᑕᖅᐳᑦ ᑲᑐᔾᔨᖃᑎᒌᖕᓂᕐᒧᑦ ᐱᐅᓯᖃᕐᓂᕐᒥᒃ ᐊᒻᒪᓗ ᐊᖏᕈᑎᖃᕐᓂᕐᒥᒃ ᐊᕕᒃᑐᖅᓯᒪᓂᖏᓐᓂ ᒐᕙᒪᒋᔭᐅᔪᓂᒃ ᐊᒻᒪᓗ ᓇᖕᒥᓂᖅ ᐊᐅᓚᑦᑎᔨᐅᔪᑦ ᓄᓇᖃᖃᖅᑐᑐᖃᐃᑦ ᐃᓄᖁᑎᖏᓐᓂᒃ ᐅᔾᔨᖅᑐᑦᑎᐊᕆᐊᖃᕐᓂᕐᒧᑦ ᑲᓇᑕᒥ ᐊᕕᒃᑐᖅᓯᒪᓂᖏᓐᓂᓗ ᐱᒋᐊᖅᑎᑕᐅᓯᒪᔪᑦ ᑮᓇᐅᔭᓕᐅᕈᑎᒃᓴᓂᑦ ᐋᕿᐅᒪᑦᑎᐊᕆᐊᖃᕐᓂᖏᓐᓂᒃ. ᓴᖏᔫᓪᓗᑎᒃ ᐱᓕᕆᖃᑎᒎᑎᖏᑦ ᐊᒻᒪᓗ ᐱᓚᖃᑎᒌᒎᓐᓇᕐᓂᖏᑦ ᐃᓚᒥᓂᒃ, ᑳᓐᓄᐊᒃᑯᑦ ᐊᔭᐅᖅᑎᐅᕙᒃᐳᑦ ᐱᕕᒃᓴᐅᓕᖅᑐᓂᒃ ᓴᕿᑉᐸᓪᓕᐊᔪᓂᒃ ᓴᖏᔪᒥᒃ ᑮᓇᐅᔭᓕᐅᕐᕕᐅᕙᓪᓕᐊᔪᓂᒃ ᑐᕌᖓᔪᓐᓇᕐᓂᐊᖅᑐᓂᒃ ᑮᓇᐅᔭᓕᐅᖃᑕᐅᔪᓐᓇᕐᓂᕐᒧᑦ ᐊᔪᖅᓴᕈᓐᓃᕈᑕᐅᔪᓐᓇᕐᓂᖅ ᑕᒪᐃᓐᓂᑦ ᐅᑭᐅᖅᑕᖅᑐᒥᐅᑕᐅᔪᓄᑦ ᐊᒻᒪᓗ ᑲᓇᑕᒥᐅᑕᐅᔪᓄᑦ ᐊᕐᕋᒍᓂᒃ ᑕᓪᓕᒪᓂᒃ ᐅᖓᑖᓅᓪᓗ. ᑳᓐᓄᐊᒃᑯᑦ ᐱᓕᕆᐊᖃᖅᑎᑕᐅᕗᑦ ᑲᓇᑕᒥᒃ ᐊᕕᒃᑐᖅᓯᒪᔪᓂ ᐱᕙᓪᓕᐊᔪᓕᕆᔨᐅᓂᕐᒧᑦ ᐱᖓᓱᓂᒃ ᐅᑭᐅᖅᑕᖅᑐᖅᐸᓯᐅᑉ ᐊᕕᒃᑐᖅᓯᒪᓂᖏᓐᓂᒃ, ᐱᓗᐊᖅᑐᒥᒃ ᑕᒪᓐᓇ ᐱᒻᒪᕆᐅᓪᓗᓂ ᑲᓇᑕᐅᑉ ᒐᕙᒪᒃᑯᖏᑦ ᐱᒻᒪᕆᐅᓂᖅᓴᓂᒃ ᑐᕌᖓᓂᖅᓴᐅᔪᓂᒃ ᖃᓄᐃᓕᐅᖅᑎᐅᓕᖃᑦᑕᕐᓂᖏᓐᓄᑦ ᐅᑭᐅᖅᑕᖅᑐᖅᐸᓯᐅᑉ ᐊᕕᒃᑐᖅᓯᒪᓂᖏᓐᓂ ᐊᒻᒪᓗ ᑲᓇᑕᐅᑉ ᐊᕕᒃᑐᖅᓯᒪᓂᖏᓐᓂᒃ.

ᒐᕙᒪᒋᔭᕗᑦ ᐱᓂᐊᕐᓂᖃᖅᐳᖅ ᐅᔾᔨᖅᑐᑦᑎᐊᕈᒪᓂᖅ ᐅᑭᐅᖅᑕᖅᑐᒥᐅᑕᐃᑦ ᖃᑭᕚᓪᓕᕈᑎᒃᓴᖃᑦᑎᐊᕆᐊᖃᕐᓂᖏᓐᓂᒃ ᓄᓇᒥᐅᑕᖁᑎᐊᓗᖏᓂᒃ ᓇᓂᓯᔪᖃᖅᑎᓪᓗᒍ ᐊᕕᒃᑐᖅᓯᒪᓂᖏᓐᓂ. ᐃᑲᔪᑏᒃᓴᐃᑦ ᑲᔪᓯᔪᓐᓇᖁᓪᓗᒋᑦ, ᓄᓇᒥᐅᑕᓕᕆᔪᓂᒃ ᐱᓕᕆᐊᒃᓴᐃᑦ ᑲᔪᓯᔭᕆᐊᖃᖅᐳᑦ ᐃᖏᕐᕋᑎᑕᐅᓗᑎᒡᓗ ᐋᕿᐅᒪᑦᑎᐊᖅᑐᒥᒃ ᑲᒪᔨᐅᑦᑎᐊᖅᑐᓄᑦ, ᐊᖏᕈᑎᓕᐅᖅᑲᑦᑕᕐᓗᑎᒡᓗ ᐊᕕᒃᑐᖅᓯᒪᓂᖏᓐᓂ ᒐᕙᒪᒋᔭᖏᓐᓂᒃ ᑕᐃᒫᒃ ᑮᓇᐅᔭᐃᑦ ᓴᕿᑎᑕᐅᕙᓪᓕᐊᔪᑦ ᐅᑭᐅᖅᑕᖅᒦᖏᓐᓇᕐᓂᐊᕐᒪᑕ."

ᑲᓇᑕᐅᑉ ᓯᕗᓕᐅᖅᑎᖓᑦ ᔅᑏᕙᓐ ᕼᐋᐸᑦ, 7−ᒋᓕᖅᑕᒥᓂᒃ ᐊᕐᕋᒍᑕᒫᖅ ᐅᑭᐅᖅᑕᖅᑐᖅᐸᓯᖕᒥᒃ, ᐳᓚᕋᓐᓂᖓᓂᒃ − ᐋᒐᓯ 2012

ᑲᓇᑕᐅᑉᒐᕙᒪᒃᑯᖏᑦ

ᑲᓇᑕᐅᑉ ᒐᕙᒪᒃᑯᖏᑦ ᓴᕿᑎᑦᑎᓚᐅᖅᐳᑦ ᑲᓇᑕᒥ ᐅᑭᐅᖅᑕᖅᑐᒥ ᐊᖑᒪᔾᔪᑎᒃᓴᐅᓂᕐᒧᑦ ᐊᒃᓱᕈᕐᓇᖃᑦᑕᖅᑐᓂᒃ ᐊᒻᒪᓗ ᐱᕚᓪᓕᕈᑎᒃᓴᐅᔪᓐᓇᖅᑐᓂᒃ ᐅᑭᐅᖅᑕᖅᑐᒥ, ᐱᒋᐊᖅᑎᑦᑎᓯᒪᓪᓗᑎᒃ ᓴᖏᔪᓂᒃ ᑐᖓᕕᒃᓴᓕᐊᕆᔭᐅᓯᒪᔪᓂᒃ ᒪᓕᒃᑕᐅᓪᓗᑎᒃ ᓯᕗᓪᓕᐅᖁᔭᐅᓯᒪᔪᑦ, ᐃᓚᖃᖅᓱᑎᒃ ᐃᓅᔾᔪᑎᒃᓴᓄᑦ ᐊᒻᒪᓗ ᑮᓇᐅᔭᓕᐅᖃᑕᐅᔪᓐᓇᕐᓂᕐᒧᑦ ᐱᕚᓪᓕᕈᑎᒃᓴᓂᒃ. ᐱᒻᒪᕆᐅᔪᓂᒃ ᐱᓇᓱᐊᖅᑕᐅᓕᖅᐳᑦ ᐱᓕᕆᐊᖑᓪᓗᑎᒃ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐊᓂᒃ, ᐊᒥᓱᓄᑦ ᐊᔾᔨᒌᖏᑦᑐᑎᐅᔪᓄᑦ ᑲᓇᑕᓕᒫᒧᑦ ᑎᒥᖁᑎᒋᔭᐅᔪᓄᑦ. ᐊᒻᒪᑕᐅᖅ, ᑮᓇᐅᔭᖃᖅᑎᑕᐅᓪᓗᑎᒃ ᐃᑲᔫᑎᒃᓴᓄᑦ ᓇᖕᒥᓂᖃᖅᑐᓄᑦ ᓄᓇᓕᖕᓂᓗ ᐱᕚᓪᓕᕈᑎᒃᓴᓄᑦ, ᑳᓐᓄᐊᒃᑯᑦ ᖃᓄᐃᓕᐅᕈᑎᒃᓴᓂᒃ ᑕᐅᑐᒐᖃᖅᑎᑦᑎᒋᐊᖃᑦᑕᖅᐳᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐱᓕᕆᐊᖑᔪᓂᒃ ᐊᑕᖁᓪᓗᒋᑦ ᑮᓇᐅᔭᓕᐅᕐᕕᒃᓴᐅᔪᓐᓇᖅᑐᓄᑦ ᐅᑭᐅᖅᑕᖅᑐᒥ. ᐱᒻᒪᕆᐅᔪᑦ ᐱᓕᕆᐊᖑᕙᓪᓕᐊᓕᖅᐳᑦ ᑮᓇᐅᔭᐃᔭᕈᑕᐅᓪᓗᑎᒃ ᑲᓇᑕᐅᑉ ᐅᑭᐅᖅᑕᖅᑐᐸᓯᐊᓃ. ᑳᓐᓄᐊᒃᑯᑦ, ᐊᕕᒃᑐᖅᓯᒪᓂᕐᒧᑦ ᐱᕙᓪᓕᐊᔪᓕᕆᔨᐅᖃᑕᐅᓂᕐᒥᓄᑦ, ᖃᓄᐃᓕᐅᖅᑎᐅᖃᑕᐅᕙᒃᐳᑦ ᑕᓪᓕᒪᐅᓂᐊᖅᑐᓂᑦ ᐅᖓᑖᓄᓪᓗ ᐊᕐᕋᒍᓂᒃ ᓯᕗᓕᐅᖅᑎᐅᓗᑎᒃ ᐊᒻᒪᓗ ᑐᑭᓕᐅᖅᑎᐅᓗᑎᒃ ᓯᕗᒻᒧᐊᒃᑎᑕᐅᓂᖏᓐᓂᒃ ᐱᒻᒪᕆᐅᓂᖏᑦ ᓄᓇᒥᐅᑕᓕᕆᓂᕐᒥᒃ ᓴᓇᔭᒃᓴᐃᑦ, ᒪᓕᑦᑎᐊᕆᐊᖃᕐᓂᖏᓐᓄᑦ ᒐᕙᒪᒃᑯᑦ ᑲᒪᔨᐅᑦᑎᐊᕆᐊᖃᕐᓂᕐᒧᑦ ᓄᓇᒥᐅᑕᓕᕆᓂᕐᒥᒃ ᐱᕙᓪᓕᐊᑎᑦᑎᓂᕐᒧᑦ, ᐱᒋᐊᖅᑎᑕᐅᔪᒪᔪᓂᒃ. ᑕᒪᒃᑯᐊ ᐊᑑᑎᖃᒻᒪᕆᖕᓂᐊᖅᑐᑦ ᓴᕿᑎᑦᑎᓂᕐᒧᑦ ᐃᖃᓇᐃᔮᒃᓴᓂᒃ ᐱᓕᕆᕝᕕᒃᓴᓂᒃ ᑕᒪᓐᓇ ᐊᑐᖅᑕᐅᔭᕆᐊᖃᒻᒪᕆᖕᓂᐊᖅᑐᖅ ᓴᕿᑎᑦᑎᑦᑎᐊᕈᒪᓂᕐᒧᑦ ᐃᖃᓇᐃᔮᒃᓴᓂᒃ ᐱᓕᕆᕝᕕᒃᓴᓂᒃ ᐊᒻᒪᓗ ᓴᕿᐅᒪᑎᑦᑎᒋᐊᒃᑲᓐᓂᕈᓐᓇᕐᓂᖅ ᐅᑭᐅᖅᑕᖅᑐᒥ ᐊᔪᖅᓴᖏᓐᓂᖅᓴᐅᓂᕐᒥᒃ.

ᐅᑭᐅᖅᑕᖅᑐᒥ ᑮᓇᐅᔭᓕᐅᖃᑕᐅᕝᕕᒃᓴᐃᑦ

ᑳᓐᓄᐊᒃᑯᑦ ᒪᓖᖃᑦᑕᕐᒪᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᒃᑯᑦ ᐱᕙᓪᓕᐊᓂᖏᓐᓂᒃ, ᐊᑯᓂᐅᔪᒥᒃ ᖃᐅᔨᓴᖅᑕᐅᓪᓗᑎᒃ ᐊᑐᖅᑕᐅᓪᓗᑎᒃ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑕᐅᔪᓄᑦ ᓇᓗᓇᐃᒃᑯᑕᐃᑦ, ᑕᐃᔭᐅᔪᑦ ᖃᓗᓈᑎᑐᑦ Northern Economic Index. ᑲᓇᑕᒥᐅᑕᓂᒃ ᑮᓇᔭᓕᐅᕈᑕᐅᔪᑦ ᐊᒃᓱᕈᕐᓇᖅᑐᒃᑰᑲᐃᓐᓇᖃᑦᑕᖅᓯᒪᓪᓗᑎᒃ ᓴᖏᔫᓪᓗᑎᒃ, ᐊᒥᓱᓗᐊᖏᑦᑐᓂᒃ ᐊᓂᒍᖅᓯᒪᔪᓂᒃ ᐊᕐᕋᒍᓂᒃ, ᐅᑭᐅᖅᑕᖅᑐᒥᓕ ᓱᓕ ᐃᓂᒃᓴᓕᒻᒪᕆᐊᓘᕗᑦ ᑮᓇᐅᔭᓕᐅᕐᕈᑎᒃᓴᓂᒃ ᐱᕈᒃᑲᓐᓂᕈᓐᓇᕐᓂᖅ, ᑕᐃᒪᐃᓐᓂᖏᓄᓪᓗ ᐃᑲᔪᕆᐊᒃᑲᓐᓂᕈᓐᓇᖅᑐᑦ ᑲᓇᑕᐅᑉ ᐊᔪᖅᓴᕐᓇᖏᓐᓂᖓᓄᑦ.

ᑲᓇᑕᐅᑉ ᓄᓇᖓᓐᓂᒃ ᓂᐅᕐᕈᑎᒃᓴᖅᓯᒪᑎᒋᓂᖏᑦ ᐊᑭᑐᓗᐊᖏᑦᑐᓂᒃ ($ᒥᓕᔭᖏᓐᓂ)
  2009 2010 2011
ᔪᑳᓐᒥ 2,064 2,182 2,324
ᓄᓇᑦᓯᐊᖅ 3,558 3,633 3,454
ᓄᓇᕗᑦ 1,362 1,589 1,666
ᐅᑭᐅᖅᑕᖅᑐᒥ 6,984 7,404 7,444

ᓇᑭᑦ ᑐᑭᓯᔭᐅᓂᖏᑦ: ᓈᓴᐃᔨᑦ ᑲᓇᑕᒥ

ᑳᓐᓄᐊᒃᑯᑕᐅᖅ ᒪᓕᖃᑦᑕᖅᕆᕗᑦ ᐱᕙᓪᓕᐊᓂᖏᓐᓂᒃ ᑮᓇᐅᔭᓕᐅᕐᕕᒃᓴᐃᑦ ᐊᔾᔨᒌᖏᓐᓂᖃᕐᓂᖏᓐᓂᒃ ᐅᑭᐅᖅᑕᖅᑐᒥ ᐊᑐᖅᑕᐅᓂᖏᓐᓄᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑕᐅᔪᓄᑦ ᓇᓗᓇᐃᒃᑯᑕᐃᑦ, ᖃᓗᓈᑎᑐᑦ ᑕᐃᔭᐅᔪᑦ Northern Economic Diversification Index. 2011−ᖑᓕᑎᓪᓗᒍ, ᐅᑭᐅᖅᑕᖅᑐᒥ ᑮᓇᐅᔭᓕᐅᖃᑕᐅᓂᖏᑦ ᐊᔾᔨᒌᖏᑦᑑᑎᐅᑕᖃᓗᐊᓚᐅᖏᑦᑐᖅ, ᓴᐃᓂᐊᓂᒃ ᑕᒪᐃᓐᓂᒃ ᑲᓇᑕᒥᐅᑕᓂᒃ ᑮᓇᐅᔭᓕᐅᕈᑕᐅᔪᓂᒃ, ᑭᓯᐊᓂ ᓴᕿᐅᒪᔪᖃᖅᐳᑦ ᐱᐅᓯᓂᖅᓴᐅᓯᒪᔪᓂᒃ, ᐊᒥᓲᖏᑦᑐᑦ ᐊᕐᕋᒍᐃᑦ ᐊᓂᒍᖅᓯᒪᓕᕐᓂᖏᓐᓂᒃ, ᐅᑭᐅᖅᑕᖅᑐᒥᐅᑕᐃᑦ ᓱᓕ ᑐᖓᕕᖃᒻᒪᕆᒃᐸᒃᑐᑦ ᐱᖁᑎᖃᕈᓐᓇᕐᓂᖅ ᑎᑭᑎᑕᐅᖃᑦᑕᕆᐊᖃᖅᑐᓂᒃ, ᓄᓇᒃᑰᕈᑎᕐᔪᐊᒃᑯᓪᓗᓐᓃᑦ ᐅᓯᔨᔭᐅᖃᑦᑕᖅᑐᓂᒃ ᐅᕝᕙᓗᓐᓃᑦ ᐅᖓᓯᒃᑐᒥᒃ ᖃᖓᑕᓲᒃᑰᖅᑎᑕᐅᖃᑦᑕᕐᓂᖏᓐᓂᒃ ᖃᓗᓈᓂᖔᖅᓯᒪᔪᓂᒃ ᐱᔭᕆᐊᖃᖅᑕᖏᓐᓄᑦ ᐊᒻᒪᓗ ᐱᖁᑎᕐᔪᐊᓕᕈᑎᒃᓴᓄᑦ ᓴᓇᔭᐅᔭᕆᐊᖃᖅᑕᓄᑦ. ᑕᐃᒪᐃᓐᓂᖏᓐᓄᑦ ᑐᖓᕕᖃᐃᓐᓇᕆᐊᖃᖅᐳᑦ ᖃᓗᓈᓂᖓᖅᑐᓂᒃ ᑎᑭᕝᕕᐅᖃᑦᑕᕿᐊᖃᕐᓂᕐᒥᒃ, ᑕᐃᒪᐃᓕᖓᓂᕐᒥᓄᓪᓗᑦ ᐅᑭᐅᖅᑕᖅᑐᖅᒥᐅᑕᐅᓂᖅ ᐊᑭᑐᓂᖅᓴᐅᖏᓐᓇᖃᑦᑕᖅᐳᖅ ᐊᓯᖏᓐᓂᒃ ᑲᓇᑕᒥᐅᑕᓂᒃ.

ᑕᐃᒪᓕ ᐱᖑᖅᑎᑦᑐᒪᓂᐊᕈᑦᑎᒍᑦ ᑲᔪᓰᓐᓇᕈᓐᓇᕐᓂᐊᖅᑐᑦ, ᐊᔾᔨᒌᖏᑦᑑᑎᐅᓗᑎᒃ, ᐊᒻᒪᓗ ᐊᒥᓲᓕᕐᓗᑎᒃ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᑲᑕᐅᕝᕕᒃᓴᐃᑦ, ᑲᓇᑕᐅᑉ ᒐᕙᒪᒃᑯᖏᑦ, ᐊᖅᑯᑎᖃᖅᓱᑎᒃ ᑳᓐᓄᐊᒃᑯᓐᓂᒃ ᐊᓯᖏᓐᓂᒡᓗ ᐱᓕᕆᕝᕕᖁᑎᖏᓐᓂᒃ, ᐃᑲᔪᖅᑎᒻᒪᕆᐅᓪᓗᑎᒃ ᖃᓄᐃᓕᐅᖅᑎᐅᕗᑦ. ᐱᕈᖅᑎᑕᐅᒃᑲᓐᓂᕈᓐᓇᕐᒪᑕ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᒃᓴᐃᑦ ᐅᑭᐅᖅᑕᖅᑐᒥ ᐱᒋᐊᕈᑎᖃᕐᓗᑎᒃ ᑲᒪᑦᑎᐊᖏᓐᓇᕐᓂᒃᑯᑦ ᓄᓇᒥᐅᑕᓂᒃ ᐱᕙᓪᓕᐊᔪᓕᕆᓂᕐᒥᒃ ᐊᑐᖃᑦᑕᕐᓗᑎᒃ. ᐱᔪᒪᔭᐅᖏᓐᓇᖅᑎᓪᓗᒋᑦ ᐅᔭᕋᖕᓂᐊᖅᑕᐅᔭᕆᐊᓖᑦ ᐱᓗᐊᖅᑐᒥᒃ ᓂᕆᐅᒋᔭᐅᓕᕐᒪᑕ ᖁᕝᕙᓯᒃᓯᕙᓪᓕᐊᑐᐃᓐᓇᕐᓂᐊᕐᓂᖅ, ᐱᔾᔪᑕᐅᓂᖏᓐᓄᑦ ᑕᐃᒪᐃᓕᖓᓂᖏᑦ ᑲᔪᓰᓐᓇᕈᓐᓇᖅᑐᓂᒃ ᑮᓇᐅᔭᓕᐅᕐᕕᐅᕙᒃᑐᑦ ᐱᕈᖅᐸᓪᓕᐊᓂᖏᑦ ᐃᓄᒋᐊᒃᑐᒻᒪᕆᐊᓗᖕᓃᓐᓇᒥᒃ, ᑮᓇᐅᔭᓕᐅᕐᕕᐅᕙᓪᓕᐊᔪᐊᓗᖕᓂᒃ ᓲᕐᓗ ᑦᓴᐃᓇᒥ ᐊᒻᒪᓗ ᐃᓐᑎᔭᒥ, ᐊᒻᒪᓗ ᑮᓇᐅᔭᓕᐅᖃᑕᐅᔪᓐᓇᕐᓂᖏᓐᓂᒃ ᒪᒥᑉᐸᓪᓕᐊᓕᖅᑎᓪᓗᒋᑦ ᓄᓇᓕᒡᔪᐊᑦ ᓲᕐᓗ ᔫᐊᕆᑉ ᐊᒻᒪᓗ ᐊᒥᐊᓕᑲᒥᐅᓂᒃ. ᓂᐅᕐᕈᑎᒃᓴᓄᑦ ᐊᑭᒃᓴᖏᑦ ᐊᓯᔾᔨᖃᑦᑕᐃᓐᓇᕋᓗᐊᖅᑎᓪᓗᒋᑦ ᐊᕐᕋᒍᒥᒃ ᐊᕐᕋᒍᒧᑦ, ᐊᑯᓂᐅᔪᖅ ᖃᓄᐃᓕᕙᓪᓕᐊᓯᒪᓂᖏᑦ ᓴᕿᐅᒪᑎᑦᑎᔪᑦ ᖁᕝᕙᓯᒃᓯᕙᓪᓕᐊᑐᐃᓐᓇᕐᓂᕐᒥ.

ᑲᓇᑕᐅᑉ ᓄᓇᖓᓐᓂᒃ ᓂᐅᕐᕈᑎᒃᓴᖅᓯᒪᑎᒋᓂᖏᑦ
ᐊᑭᑐᓗᐊᖏᑦᑐᓂᒃ ($ᒥᓕᔭᖏᓐᓂ)

ᐅᓇ ᓇᓗᓇᐃᔭᐃᕕᐅᔪᖅ ᑕᑯᑦᓴᐅᑎᑦᓯᔪᖅ ᑮᓇᐅᔭᒃᑯᕕᖏᑕ ᑲᓇᑕᐅᑉ ᐊᕐᕌᒍᑕᒫᖅᓯᐅᑎᖏᓐᓂᒃ ᓂᐅᕕᐊᑦᓴᖁᑎᐅᔪᑦ ᐊᑭᖏᑕ ᓇᓗᓇᐃᔭᐃᕕᒻᒥᒃ ᓯᕕᑐᓂᖃᖅᓱᑎᒃ ᐊᑯᓂᐅᑎᒋᓂᖏᑦ ᐅᕙᓐᖓᑦ 2002ᒥᒃ ᑎᑭᓪᓗᒍ 2011ᒧᑦ, ᑎᑭᑦᓱᒍ ᔪᓚᐃ 2012.  ᑖᒃᑯᐊ ᓇᓗᓇᐃᔭᐃᒍᑎᐅᕗᑦ ᑕᒪᒃᑯᐊ ᓂᐅᕕᐊᖑᖃᑦᑕᖅᑐᑦ ᐊᑭᖏᓐᓂᒃ ᐊᒥᐊᓕᒐᕐᒥᐅᑦ ᑮᓇᐅᔭᖓᑦ ᐊᑐᖅᓱᒍ ᑕᒪᒃᑯᐊ 24ᖑᔪᓂᒃ ᓂᐅᕕᐊᑦᓴᖁᑎᐅᕙᑦᑐᓂᒃ ᑲᓇᑕᒥ ᐊᒻᒪᓗ ᓂᐅᕕᐊᖑᓪᓗᑎᒃ ᓄᓇᕐᔪᐊᕐᒥᐅᓄᑦ ᓇᒥᑐᐃᓐᓇᖅ.  ᑖᓐᓇ ᓇᓗᓇᐃᔭᐃᕕᐅᔪᖅ ᑕᑯᑦᓴᐅᑎᑦᓯᒻᒥᔪᖅ ᓴᕕᕋᔭᑦᓴᔭᐃᑦ ᐊᒻᒪᓗ ᐅᔭᕋᑦᓯᐊᕙᖁᑎᒋᔭᐃᓪᓗ ᓇᓗᓇᐃᔭᐃᕕᖏᓐᓂᒃ ᑕᒪᑐᒪᓂᑦᓴᐃᓐᓇᖅ ᐱᓕᕆᓐᓇᐅᔪᒥ.  ᑕᒪᒃᑭᒃ ᓇᓗᓇᐃᔭᐃᕕᐅᔫᒃ ᐱᕈᖅᐸᓕᖅᓯᒪᕘᒃ ᐊᑭᑐᓂᖏᒃ ᖁᕝᕙᓯᓐᓂᖅᓴᓂᒃ 200 ᐃᓗᐊᓂ ᐊᕐᕌᒎᑉ 2002 ᐅᖓᑖᓅᖓᓪᓗᓂ 600 ᐃᓗᐊᓂ 2011 ᑕᒪᑐᒧᖓ ᓂᐅᕕᐊᑦᓴᖁᑎᒋᔭᐅᔪᑦ ᐊᑭᖏᑕ ᓇᓗᓇᐃᔭᐃᕕᖏᓐᓄᑦ ᐊᒻᒪᓗ ᐅᖓᑖᓄᑦ 800 ᑕᒪᒃᑯᓄᖓ ᓴᕕᕋᔭᑦᓴᔭᐅᔪᓄᑦ ᐊᒻᒪᓗ ᐅᔭᕋᑦᓯᐊᕙᖁᑎᐅᔪᓄᑦ ᓇᓗᓇᐃᔭᐃᕕᐅᔫᓐᓄᑦ.  ᐱᕈᖅᐸᓪᓕᕐᓂᐅᔪᒧᑦ ᑎᑎᑯᑖᑦᓯᒪᓂᐅᔪᖅ ᑕᑯᑦᓴᐅᑎᑦᓯᕗᖅ ᐃᖏᕐᕋᓯᐊᖅᑐᒥᒃ, ᐊᖏᓪᓕᕙᓪᓕᐅᓂᕋᐃᔪᒥᒃ ᑕᕝᕙᓂ ᐱᓕᕆᓐᓇᐅᓯᒪᔪᒥ ᑕᒪᒃᑮᓐᓄᑦ ᓇᓗᓇᐃᔭᐃᕕᐅᔫᓐᓄᑦ, ᑮᑖᐱᒃ ᐊᑉᐸᒐᓛᓐᓂᖅᓱᑎᒃ ᐊᑯᓐᓂᐊᓂ 2009 ᐊᒻᒪᓗ 2010ᒥ.

ᐅᑭᐅᖅᑕᖅᑐᖅ ᑕᐅᑐᒃᑕᐅᕙᓪᓕᐊᑐᐃᓐᓇᓕᖅᑐᖅ ᓄᓇᕐᔪᐊᕐᒥᐅᑕᓄᑦ ᐊᒻᒪᓗ ᑲᓇᑕᒥ ᐅᔭᕋᖕᓂᐊᒐᒃᓴᓕᕆᔨᓂᒃ ᓄᓇᒥᐅᑕᓂᒃ ᑮᓇᐅᔭᖃᖅᑐᓄᑦ. ᒫᔾᔨ 2013−ᖑᓕᑎᓪᓗᒍ, 160−ᖏᓃᓚᐅᖅᑐᑦ ᐅᔭᕋᖕᓂᐊᒐᒃᓴᖅᓯᐅᕐᓂᖏᓂᒃ ᐱᓕᕆᓕᓚᐅᖅᑐᑦ ᐊᒻᒪᓗ ᐊᒥᓲᑎᒋᓂᖏᑦ ᑐᒃᓯᕋᖅᓯᒪᓚᐅᖅᑐᑦ ᓄᓇᒥᐅᑕᓕᕆᓂᕐᒥᒃ ᐱᕙᓪᓕᐊᑎᑦᑎᔪᒪᓂᖏᑦ ᓱᓕ ᐊᕙᑎᒥᒃ ᐊᒃᑐᐃᓂᖃᕈᓐᓇᕐᓂᖏᓐᓂᒃ ᖃᐅᔨᓴᖅᑕᐅᓯᒪᖏᑦᑐᓂᒃ, ᐊᕙᑎᒥᒃ ᐊᒃᑐᐃᓂᖃᕈᓐᓇᕐᓂᖏᓐᓂᒃ ᖃᐅᔨᓴᖅᑕᐅᓯᒪᓕᖅᑐᓂᒃ ᐊᒻᒪᓗ ᐱᔪᓐᓇᐅᑎᑖᖅᑎᑕᐅᓯᒪᓕᖅᑐᑦ 28−ᖑᓕᖅᑎᓪᓗᒋᑦ, ᑮᓇᐅᔭᓕᐅᕈᑕᐅᔪᓐᓇᕐᓂᖃᖅᑐᑦ ᐅᖓᑖᓂ 21 ᐱᓕᔭᓐᓂᒃ, ᐊᑭᑐᔫᑎᓂᒃ ᐊᑭᓕᖅᑐᐃᓂᖏᓐᓄᑦ ᐊᒻᒪᓗ ᓴᕿᑎᑦᑎᔪᓐᓇᕐᓂᖏᓐᓄᑦ ᐅᖓᑖᓃᑦᑐᓂᒃ 9,500 ᐃᖃᓇᐃᔮᒃᓴᓂᒃ ᓇᖕᒥᓂᖅ ᐱᓕᕆᕝᕕᒃᓴᓂᒃ. ᐱᓕᕆᖃᑎᒋᓗᒋᑦ ᐃᓚᒋᕙᒃᑕᖏᑦ ᐊᒻᒪᓗ ᐊᒃᑐᖅᑕᐅᓯᒪᕙᒃᑐᑦ, ᑳᓐᓄᐊᒃᑯᑦ ᐃᑲᔪᖅᓱᐃᖏᓐᓇᕈᓐᓇᖅᐳᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᐅᕙᒃᑐᓂᒃ ᐱᓕᕆᐊᖃᖅᑐᓂᒃ ᓲᕐᓗ ᐳᓚᕋᑦᑐᓕᕆᓂᕐᒥᒃ, ᓄᓇᒥᐅᑕᓂᒃ ᐆᒻᒪᖁᑎᒃᓴᓕᕆᓂᖅ, ᐃᓕᖅᑯᓯᓕᕆᓂᖅ ᐊᒻᒪᓗ ᐱᐅᓯᑐᖃᓕᕆᔨᐅᔪᓂᒃ, ᐊᒻᒪᓗ ᐃᖃᓗᓕᕆᔨᐅᖃᑕᐅᔪᓂᒃ. ᐊᔭᐅᖅᑕᐅᒍᑎᒃ ᐱᕙᓪᓕᐊᔾᔪᑕᐅᔪᓐᓇᕐᓂᖏᑦ ᒥᑭᔫᑎᓂᒃ ᐊᒻᒪ ᕿᑎᐊᓃᑦᑐᓂᒃ ᐊᖏᓂᖃᖅᑐᓂᒃ ᐱᓕᕆᕝᕕᒃᓴᓂᒃ, ᐊᔪᕈᓐᓃᖅᓴᐃᑎᑦᑎᓂᖅ ᓄᓇᓕᖕᒥᐅᑦ ᐊᔪᖏᓐᓂᖏᓐᓂᒃ, ᐊᒻᒪᓗ ᐃᑲᔪᖅᓱᐃᒍᑎᒃ ᐊᔪᖏᑦᑎᐊᖅᑐᓂᒃ ᐱᓕᕆᔨᖃᓕᕐᓂᕐᒥᒃ ᓇᐅᒃᑐᐃᓐᓇᖅ ᑮᓇᐅᔭᓕᐅᕈᑕᐅᔪᓐᓇᖅᑐᓂᒃ, ᑳᓐᓄᐊᒃᑯᑦ ᐃᑲᔪᕈᓐᓇᕐᒥᔪᑦ ᐅᔾᔨᖅᑐᑦᑎᐊᕈᓐᓇᕐᓂᕐᒥᒃ ᐅᑭᐅᖅᑕᖅᑐᒥᐅᑕᐃᑦ ᐸᕐᓇᒃᓯᒪᑦᑎᐊᕈᓐᓇᕐᓂᖏᓐᓂᒃ ᐃᓚᐅᔪᓐᓇᕐᓂᖅ, ᖃᑭᕚᓪᓕᕈᓐᓇᕐᓂᖏᓐᓂᒡᓗ, ᐱᕚᓪᓕᕈᑎᒃᓴᐅᔪᓐᓇᖅᑐᓂᒃ ᓴᕿᑉᐸᓪᓕᐊᓂᐊᖅᑐᓂᒃ ᐱᒻᒪᕆᐅᔪᓂᒃ ᐱᓕᕆᐊᖑᓕᕈᓐᓇᖅᑐᓂᒃ.

"ᑲᓇᑕᐅᑉ ᐅᑭᐅᖅᑕᖅᑐᖅᐸᓯᖓ ᑮᓇᐅᔭᓕᐅᕈᑕᐅᓕᕈᓐᓇᑦᑎᐊᖅᐳᖅ ᑕᒪᐃᓐᓄᑦ ᓄᓇᓕᒡᔪᐊᓕᒫᒥᓄᑦ ᐊᒻᒪᓗ ᓄᓇᕐᔪᐊᕐᒥᐅᑕᓄᑦ ᐱᐅᓂᖅᐹᖑᖁᑕᐅᓗᓂ ᓄᓇᒥᐅᑕᓂᒃ ᐱᕙᓪᓕᐊᔭᖅᑐᕐᕕᐅᔪᓐᓇᕐᓂᕐᒧᑦ.ᓕᐅᓇ ᐊᒡᓘᒃᑲᖅ

ᓕᐅᓇ ᐊᒡᓘᒃᑲᖅ, ᐅᑭᐅᓵᒃᑯᑦ 2012-ᒥ

ᐅᑭᐅᖅᑕᖅᑐᒥ ᐱᕚᓪᓕᕈᑎᒃᓴᐃᓪᓗ ᐊᔪᕐᓇᕈᑕᐅᕙᒃᑐᓪᓗ

ᐅᑭᐅᖅᑕᖅᑑᓂᖓᓂ ᑲᓇᑕᐅᑉ ᐱᕙᓪᓕᐊᑐᐃᓐᓇᖅᑐᒥᒃ ᐃᓕᑕᕆᔭᐅᕙᓪᓕᐊᓕᕐᒪᑦ ᓄᓇᕐᔪᐊᓕᒫᒥ ᐱᐅᓂᖅᐹᖑᖃᑕᐅᓂᖅ ᓄᓇᒥᐅᑕᖁᑎᖏᓐᓄᑦ ᐱᕙᓪᓕᐊᔾᔪᑕᐅᔪᓐᓇᕐᓂᖅ ᑮᓇᐅᔭᐃᕈᑕᐅᓂᕐᒧᑦ. ᖃᓂᒋᔭᖏᓃᒻᒪᑕ 40 ᐳᓴᓐᑎᖏᓃᑦᑐᑦ ᑲᓇᑕᒧᑦ ᓄᓇᖁᑎᒋᔭᐅᓂᖏᑦ ᐊᒻᒪᓗ ᐊᕙᓗᔭᐅᓯᒪᓂᖏᑦ ᐅᑭᐅᖅᑕᖅᑐᒥ ᑕᕆᐅᕋᓗᖕᒪᑦ, ᑖᒪᓐᓇ ᓄᓈᓗᐊᑦ ᐊᒃᓱᐊᓗᒃ ᓄᓇᒥᐅᑕᖃᐅᑦᑎᐊᖅᐳᖅ ᐱᔪᒪᔭᐅᔪᓂᒃ. ᑮᓇᐅᔭᐃᕈᑕᐅᔪᓐᓇᕐᓂᖏᑦ ᓄᓇᒥᐅᑕᐃᑦ ᐱᕙᓪᓕᐊᑎᑕᐅᓂᖏᓐᓄᑦ ᐱᓕᕆᐊᒃᓴᓂᒃ ᐊᑑᑎᖃᕈᓐᓇᖅᐳᑦ ᐊᑯᓂᐅᔪᒧᑦ ᑲᔪᓯᔪᓐᓇᖅᑐᓂᒃ ᐊᒻᒪᓗ ᐊᔪᖅᓴᕈᓐᓃᖅᐹᓪᓕᕈᑕᐅᔪᓐᓇᕐᓂᖅ ᐅᑭᐅᖅᑕᖅᑐᒥᐅᑕᓄᑦ, ᑲᓇᑕᒥᐅᑕᓄᓪᓗ, ᐃᑲᔪᖅᓱᐃᓯᓈᕐᓗᑎᒡᓗ ᐊᒥᓱᕈᕆᐊᕈᑕᐅᓂᖏᓐᓄᑦ ᐊᔾᔨᒌᖏᓂᖏᑦ ᑮᓇᐅᔭᓕᐅᖃᑕᐅᕝᕕᒃᓴᐃᑦ ᐅᑭᐅᖅᑕᖅᑐᒥ.

ᐱᓕᕆᕕᓕᐊᓗᐃᑦ, ᐊᖏᔫᑎᓂᒃ ᓄᓇᒥᐅᑕᓂᒃ ᐱᕙᓪᓕᐊᔪᓕᕆᓂᕐᒥᒃ ᑲᒻᐸᓂᐅᔪᓂᒃ ᒥᑭᓐᓂᖅᓴᓄᑦ ᕿᑎᐊᓃᑦᑐᓄᓪᓗ ᐱᓕᕆᕕᖃᖅᑐᓄᑦ, ᖃᑭᕙᓪᓕᕐᓂᖅᓴᐅᔪᓐᓇᖅᑐᒃᓴᐅᕗᑦ ᐊᐅᓚᑦᑎᕕᐅᔪᓃᑦᑐᑦ ᓇᓗᓇᖏᓐᓂᖅᓴᐅᒐᒥᒃ ᐊᐅᓚᑕᐅᓂᕆᕙᒃᑕᖏᑦ. ᐱᒻᒪᕆᐅᔪᑦ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐊᓃᑦᑐᑦ ᓄᓇᑖᕐᕕᐅᓯᒪᓕᐊᓂᖕᒪᑕ ᓄᓇᖃᖄᖅᑐᑐᖃᐅᔪᓄᑦ ᐅᓄᖕᓄᑦ ᐊᒻᒪᓗ ᐊᔨᖃᑎᒌᒎᑕᐅᕙᓪᓕᐊᓗᑎᒃ ᐊᒥᓱᒐᓴᐃᑦ ᓱᓕ ᓄᓇᖁᑎᒃᓴᖅᑖᕋᓱᐊᖅᑐᑦ, ᑕᐃᒪᐃᓐᓂᖏᓄᓪᓗ ᓇᓗᓇᖏᓐᓂᖅᓴᐅᓪᓗᑎᒃ ᐊᒻᒪᓗ ᑐᑭᓯᓇᕐᓂᐊᖅᓴᐅᓂᐊᖅᓱᑎᒃ ᑮᓇᐅᔭᐃᔭᕈᑎᖃᕈᒪᔪᓄᑦ ᐊᒻᒪᓗ ᓴᓈᖃᕈᒪᔪᓄᑦ. ᒪᓕᒐᐃᑦ ᒪᓕᖃᑎᒌᑦᑎᐊᕐᓂᖅᓴᐅᓕᖅᑎᓪᓗᒋᑦ ᐊᒻᒪᓗ ᓴᕿᐅᒪᑦᑎᐊᕐᓂᖅᓴᐅᓕᖅᑎᓪᓗᒋᑦ ᓴᕿᑎᑕᐅᓚᐅᖅᑐᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐊᑐᖅᑕᐅᓪᓗᑎᒃ ᑲᒪᑦᑎᐊᔪᓴᕐᓂᕐᒧᑦ ᓄᓇᐅᒥᑕᓂᒃ ᐱᕙᓪᓕᐊᔪᓕᕆᓂᕐᒧᑦ ᐅᔾᔨᖅᑐᕈᑕᐅᕗᑦ ᒪᓕᒐᓕᕆᔾᔪᑏᑦ ᑐᖓᕕᖃᑦᑎᐊᕐᓂᖏᓐᓂᒃ ᑐᑭᓯᓇᑦᑎᐊᖅᑐᓂᒃ ᑐᑭᓕᐅᖅᓯᒪᑦᑎᐊᖅᑐᓂᒃ ᒪᓕᒐᕐᓂᒃ ᐊᒻᒪᓗ ᖃᖓᒃᑯᑦ ᐱᕕᒃᓴᖃᖅᑎᑕᐅᔪᓐᓇᕐᓂᖏᓐᓂᒃ, ᑕᐃᒃᑯᓂᖓᑦᓴᐃᓇᖅ ᐱᓕᕆᒃᑲᓐᓂᕆᐊᖃᕈᓐᓃᕐᓗᑎᒃ ᐅᕝᕙᓗᓐᓃᑦ ᐊᔾᔨᒌᒃᑐᓂᒃ ᑲᒪᒋᔭᐅᒃᑲᓐᓂᕆᐊᖃᕈᓐᓃᖅᓯᒪᓪᓗᑎᒃ ᐊᑯᓐᓂᖏᓐᓂᒃ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐊᒻᒪᓗ ᐅᑭᐅᖅᑕᖅᑐᖅᐸᓯᐅᓂᕐᒥᒃ ᒐᕙᒪᐅᔪᓂᒃ ᐱᓕᕆᐊᖑᖁᔭᐅᕙᒃᑐᓂᒃ.

ᐱᒋᐊᖅᑎᑕᐅᔪᒪᕙᒃᑐᑦ ᐅᑭᐅᖅᑕᖅᑐᒥ ᐅᔭᕋᖕᓂᐊᕈᒪᓂᕐᒧᑦ ᑕᐅᓴᓐᒐᓴᖏᓐᓃᑦᑐᓐᓇᖅᑐᓂᒃ ᐱᓕᕆᕕᒃᓴᓂᒃ ᓴᕿᑎᑦᑎᔾᔪᑕᐅᔪᓐᓇᕐᒪᑕ ᐅᔭᕋᖕᓂᐊᕐᕖᑦ ᐊᐅᓚᑕᐅᓂᖏᓐᓂᒃ ᐊᕐᕋᒍᒐᓴᐅᓂᐊᖅᑐᓂᒃ ᐊᒡᒋᖅᑐᓂ, ᐅᖓᑖᓅᓪᓗ. ᑲᔪᓯᑦᑎᐊᕈᓐᓇᕐᓂᖏᑦ ᑕᒪᒃᑯᐊ ᐊᖏᔪᑏᑦ ᐱᓕᕆᐊᒃᓴᐃᑦ ᑐᖓᕕᖃᖅᐸᖕᒪᑕ ᓴᓇᔨᖃᕈᓐᓇᕐᓂᖅ ᐊᔪᖏᑦᑎᐊᖅᑐᓂᒃ ᐊᒻᒪᓗ ᐃᓕᓐᓂᐊᖅᑎᑕᐅᓯᒪᔪᓂᒃ ᐱᓕᕆᐊᒃᓴᓂᒃ. ᐅᑭᐅᖅᑕᖅᑐᒥᓕ, ᓄᓇᒥᐅᑕᓕᕆᔨᑦ ᐅᔭᕋᖕᓂᐊᖅᑏᑦ ᑲᒻᐸᓂᖏᑦ ᓱᓕ ᐊᓯᖏᓐᓂᖔᖅᓯᒪᔪᓂᒃ ᓄᓇᓕᖕᓂᒃ ᑎᑭᑎᑦᑎᖃᑦᑕᕐᒪᑕ ᓴᓇᔨᒋᓪᓗᒋᑦ, ᑕᐃᒪᐃᑉᐸᖕᓂᖏᓄᓪᓗ, ᐊᑭᑦᑐᕆᐊᒃᑲᓐᓂᕈᑕᐅᕙᒃᓱᓂ ᓴᓈᖃᖅᑎᐅᔪᓂᒃ ᑕᒪᒃᑯᓂᖓ. ᖃᑭᕚᓪᓕᕈᑕᐅᔪᓐᓇᑦᑎᐊᕐᒪᑕ ᐊᖏᔫᑎᓂᒃ ᓴᓇᑎᑦᑎᔪᖃᖅᐸᑦ ᐅᑭᐅᖅᑕᖅᑐᒥᐅᑕᐃᓪᓗ ᐊᔪᖏᑦᑎᐊᖅᑐᓂᒃ, ᐅᑭᐅᖅᑕᖅᑐᒥᐅᑕᓂᒃ ᐱᓕᕆᔨᖃᕆᐊᖃᖅᐳᑦ ᑕᒪᒃᑯᐊ ᓴᕿᓐᓂᖏᓐᓂᒃ ᐱᓕᕆᕝᕕᒃᓴᐃᑦ ᐃᖃᓇᐃᔮᒃᓴᐃᑦ. ᐱᑕᖃᑦᑎᐊᖏᓐᓂᖏᑦ ᐊᒻᒪᓗ ᓇᓂᑐᐃᓈᓗᐊᕐᓂᖏᑦ ᐱᖁᑎᐊᓗᖕᓂᒃ ᓄᓇᓕᖕᓂ ᐅᑭᐅᖅᑕᖅᑐᒥ ᐱᒻᒪᕆᐅᓪᓗᑎᒃ ᐊᒃᓱᕈᕐᓇᕈᑕᕙᒃᐳᑦ ᐱᕙᓪᓕᐊᔪᓐᓇᕐᓂᕐᒧᑦ ᑮᓇᐅᔭᓕᐅᕐᕕᒃᓴᓂᒃ. ᑕᒪᓐᓇᑕᐅᖅ ᐱᓗᐊᕐᒥᔪᖅ ᐅᖓᓯᒃᑐᒦᖃᑦᑕᕐᓂᖏᓐᓄᑦ ᓄᓇᓖᑦ, ᐅᑭᐅᖅᑕᖅᑐᒦᓐᓂᖏᓐᓄᓪᓗ ᓂᒡᓚᓱᒃᑲᐅᓂᖏᓐᓄᑦ ᓯᓚ ᐊᒻᒪᓗ ᓇᓃᓂᖏᓐᓄᑦ ᓄᓇᒥ.

ᑳᓐᓄᐊᒃᑯᑦ ᐱᒻᒪᕆᐊᓗᖕᒥᒃ ᖃᓄᐃᓕᐅᖅᑎᐅᓕᖅᐳᑦ ᐃᑲᔪᕐᓂᕐᒧᑦ ᖃᓄᐃᓕᐅᖅᑕᐅᑦᑎᐊᕈᓐᓇᕐᓂᖏᓐᓄᑦ ᑕᒪᒃᑯᐊ ᐊᓯᖏᓪᓗ ᐊᒃᓱᕈᕈᑕᐅᕙᒃᑐᑦ ᑕᐃᒫᒃ ᐊᖏᓂᖅᐹᓂᒃ ᑮᓇᐅᔭᓕᐅᖃᑕᐅᓂᕐᒧᑦ

ᖃᑭᕚᓪᓕᕈᑕᐅᔪᓐᓇᕐᓂᐊᕐᒪᑕ ᐅᑭᐅᖅᑕᖅᑐᒥᐅᑕᓄᑦ. ᐊᖏᔪᒥᒃ ᐊᖑᒪᔪᓐᓇᕐᒪᑕ ᐱᓕᕆᖃᑎᒌᒎᓐᓇᕐᓂᖏᓐᓄᑦ ᐊᒻᒪᓗ ᑐᕌᒐᖃᖅᑐᐃᓐᓇᐅᓗᑎᒃ ᐱᒋᐊᖅᑎᑕᐅᓯᒪᔪᑦ ᐊᒻᒪᓗ ᓴᓇᔭᐅᔪᒪᔪᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ, ᐅᑭᐅᖅᑕᖅᑐᖅᒥᐅᑕᐃᑦ ᐊᕕᒃᑐᖅᓯᒪᓂᖏᓐᓂᒃ ᒐᕙᒪᐅᔪᓄᑦ ᐊᒻᒪᓗ ᓄᓇᖃᖄᖅᑐᑐᖃᐅᔪᓄᑦ ᐊᒻᒪᓗ ᓴᓈᖃᕐᔪᐊᖅᑐᓄᑦ.ᑳᓐᓄᐊᒃᑯᑦ ᐱᒻᒪᕆᐊᓗᖕᒥᒃ ᖃᓄᐃᓕᐅᖅᑎᐅᓕᖅᐳᑦ ᐃᑲᔪᕐᓂᕐᒧᑦ ᖃᓄᐃᓕᐅᖅᑕᐅᑦᑎᐊᕈᓐᓇᕐᓂᖏᓐᓄᑦ ᑕᒪᒃᑯᐊ ᐊᓯᖏᓪᓗ ᐊᒃᓱᕈᕈᑕᐅᕙᒃᑐᑦ ᑕᐃᒫᒃ ᐊᖏᓂᖅᐹᓂᒃ ᑮᓇᐅᔭᓕᐅᖃᑕᐅᓂᕐᒧᑦ ᖃᑭᕚᓪᓕᕈᑕᐅᔪᓐᓇᕐᓂᐊᕐᒪᑕ ᐅᑭᐅᖅᑕᖅᑐᒥᐅᑕᓄᑦ. ᐊᖏᔪᒥᒃ ᐊᖑᒪᔪᓐᓇᕐᒪᑕ ᐱᓕᕆᖃᑎᒌᒎᓐᓇᕐᓂᖏᓐᓄᑦ ᐊᒻᒪᓗ ᑐᕌᒐᖃᖅᑐᐃᓐᓇᐅᓗᑎᒃ ᐱᒋᐊᖅᑎᑕᐅᓯᒪᔪᑦ ᐊᒻᒪᓗ ᓴᓇᔭᐅᔪᒪᔪᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ, ᐅᑭᐅᖅᑕᖅᑐᖅᒥᐅᑕᐃᑦ ᐊᕕᒃᑐᖅᓯᒪᓂᖏᓐᓂᒃ ᒐᕙᒪᐅᔪᓄᑦ ᐊᒻᒪᓗ ᓄᓇᖃᖄᖅᑐᑐᖃᐅᔪᓄᑦ ᐊᒻᒪᓗ ᓴᓈᖃᕐᔪᐊᖅᑐᓄᑦ.

ᖃᓄᐃᓕᐅᕈᑕᐅᔭᕆᐊᓖᑦ ᑕᐅᑐᒃᑕᐅᔭᕆᐊᓖᑦ ᐊᒻᒪᓗ ᓴᕿᑎᑦᑎᕙᓪᓕᐊᓂᕐᒧᑦ ᑐᖓᕕᒃᓴᐃᑦ

ᑕᐃᒪᖓᑦ 2013−ᒥᒃ 2018−ᒧᑦ ᑎᑭᓪᓗᒍ, ᐱᓕᕆᖃᑎᒋᓗᒋᑦ ᐃᓚᒋᕙᒃᑕᖏᑦ ᐊᒻᒪᓗ ᐊᒃᑐᖅᑕᐅᓯᒪᕙᒃᑐᑦ, ᑳᓐᓄᐊᒃᑯᑦ ᑲᔪᓰᓐᓇᕐᓂᐊᖅᐳᑦ ᓯᕗᓕᐅᖅᑎᐅᓂᖅᒥᓂᒃ ᐊᔭᐅᖅᑎᐅᓗᑎᒃ ᐊᒥᓱᓂᒃ ᐊᔾᔨᒌᖏᑦᑐᓂᒃ ᐊᒻᒪᓗ ᑲᔪᓰᓐᓇᕈᓐᓇᕐᓂᐊᖅᑐᓂᒃ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᒃᓴᖃᖅᑎᑦᑎᒋᐊᕐᓂᖅ, ᑕᐅᑐᒐᕆᓗᓂᒋᑦ ᐱᓕᕆᐊᕆᕙᒃᑕᖏᑦ, ᐱᔨᑦᑎᕋᐅᑎᖏᑦ, ᐊᒻᒪᓗ ᐊᑐᒐᒃᓴᓕᐊᕆᓯᒪᔭᖏᑦ ᐱᖓᓱᓂᒃ ᓯᕗᓪᓕᐅᑎᑕᐅᔪᓂᒃ ᓴᕿᑎᑕᐅᓯᒪᔪᓂᒃ ᒪᓕᒃᑐᓂᒃ: ᐃᓚᐅᑎᑕᐅᓂᖏᑦ ᐊᒃᑐᖅᑕᐅᓯᒪᖃᑕᐅᕙᒃᑐᑦ ᐊᒻᒪᓗ ᐊᔪᖏᑦᑎᐊᕐᓂᖏᑦ ᐱᓕᕆᔨᒃᓴᐃᑦ, ᐊᔪᕈᓐᓃᖅᑎᑕᐅᓂᖏᑦ ᓄᓇᓕᖕᓂ ᐱᖁᑎᖃᑦᑎᐊᕆᐊᖃᕐᓂᖏᑦ ᐱᓕᕆᕕᐅᔪᓐᓇᕐᓂᐊᖅᑐᓂᒃ ᐊᒻᒪᓗ ᓄᓇᓕᖕᒥᐅᑦ ᐊᔪᖏᓐᓂᖃᑦᑎᐊᓕᕐᓂᖏᓐᓂᒃ.

ᑕᐃᒪᐃᓕᐅᕈᓐᓇᕐᓂᐊᖅᐳᑦ ᑐᖓᕕᖃᕐᓗᑎᒃ ᐱᖓᓱᓂᒃ ᓴᓇᕐᕈᑎᓂᒃ: ᐊᑐᐊᒐᖃᑦᑎᐊᕐᓂᖅ ᐊᒻᒪᓗ ᖃᐅᔨᓴᖅᓯᒪᑦᑎᐊᖃᑦᑕᕐᓂᖅ; ᓯᕗᓕᐅᖅᑎᐅᑦᑎᐊᕐᓂᖅ ᐊᒻᒪ ᑕᐱᕆᔭᐅᔪᓐᓇᑦᑎᐊᕐᓂᖅ; ᐊᒻᒪᓗ ᑮᓇᔭᓕᐅᕈᑎᒃᓴᓂᒃ ᐱᕙᓪᓕᐊᔪᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᕐᒧᑦ ᐊᑐᒐᒃᓴᓂᒃ.

ᐅᓇ ᓇᓗᓇᐃᔭᐃᕕᓕᐊᕆᓯᒪᔪᖅ ᑕᑯᑦᓴᐅᑎᑦᓯᔪᖅ ᐱᓗᐊᕐᓂᖏᓐᓂᒃ ᐃᓚᓕᐅᑎᓯᒪᓪᓚᕆᒋᐊᓖᑦ ᑖᒃᑯᓄᖓ ‘ᑲᓐᓄᐊᕐᑯᑦ' ᖃᓄᖅᑑᕈᑎᑦᓴᓕᐊᕆᓯᒪᔭᖏᓐᓂᒃ (ᐸᕐᓇᓯᒪᐅᑎᒋᔭᖏᑦ) 2013ᒥᒃ ᑎᑭᓪᓗᒍ 2018ᒧᑦ.  ᑖᒃᑯᓇᓂ ᐊᓪᓕᖅᐹᖏᓐᓂ ᓴᐅᒥᖓᓃᓐᓂᖅᓴᐅᓪᓗᑎᒃ ᐱᖓᓱᑦ ᑎᑎᖅᑐᖅᓯᒪᔪᓕᐊᕆᓯᒪᔪᑦ ᑎᑎᖅᑲᖃᖅᓱᑎᒃ ᐃᒫᒃ:  ᐱᖁᔭᖅ ᐊᒻᒪ ᖃᐅᔨᓴᕐᓂᓕᕆᓂᖅ, ᓯᕗᓕᖅᑎᐅᓂᖅ ᐊᒻᒪᓗ ᓴᐳᔾᔨᔾᔪᑎᒋᔭᐅᔪᑦ ᐊᒻᒪᓗ ᑮᓇᐅᔭᓕᐅᕋᓱᐊᕈᑎᑦᓴᓄᑦ ᐱᕈᖅᐸᓪᓕᐊᓂᕐᒧᑦ ᑮᓇᐅᔭᖅᑖᕕᑦᓴᐃᑦ ᐱᓇᓱᐊᒐᓕᐊᖑᓯᒪᔪᑦ.  ᖁᓛᓃᑦᑐᑦ ᑖᑯᐊ ᓯᑕᒪᑦ ᖃᕐᔪᓐᖑᐊᓕᐊᕆᓯᒪᔪᑦ ᓴᓇᒪᓂᖏᑦ ᑎᒃᑯᐊᖅᓯᔪᑦ ᑕᓕᖅᐱᒻᒧᑦ ᑎᑎᖅᑲᖃᖅᓱᑎᒃ ᐃᒫᒃ:  ᒐᕙᒪᑐᖃᒃᑯᑦ, ᐊᕕᑦᑐᖅᓯᒪᔪᖁᑎᒋᔭᐅᔪᑦ, ᓴᓇᔭᑦᓴᓕᕆᓂᖅ ᐊᒻᒪᓗ ᓄᓇᓕᐅᔪᑦ ᑲᒪᖃᑎᒋᔭᐅᓂᖏᑦ;  ᐱᓇᓱᐊᕐᓂᖃᖅᑐᖁᑎᒋᔭᐅᔪᑦ ᐊᒻᒪᓗ ᐱᓕᕆᓯᑎᐅᔪᑦ ᐅᑭᐅᖅᑕᖅᑐᒥᐅᑦ ᐃᖅᑲᓇᐃᔭᖅᑐᖁᑎᒋᔭᐅᔪᑦ; ᐱᒍᓐᓇᑎᑦᓯᔪᑦ ᐱᖁᑎᒻᒪᕆᒋᔭᐅᔪᓂᒃ; ᐊᒻᒪᓗ ᓄᓇᓕᐅᔪᑦ ᐱᕕᖃᕈᓐᓇᑎᑦᓯᓂᖏᑦ.  ᑕᓕᖅᐱᐊᓃᒻᒥᔪᓪᓗ ᑕᒪᑦᑯᐊ ᓴᓇᒪᔪᓕᐊᕆᓯᒪᔪᑦ ᐱᖓᓱᒃᑲᓐᓃᑦ ᓴᓇᒪᔪᓕᐊᕆᓯᒪᔪᑦ; ᓯᕗᓪᓕᖅᐹᒃ ᒪᕐᕉᒃ ᑕᒪᒃᑭᒃ ᑎᑎᕋᖅᓯᔪᑕᓖᒃ ᐃᒫᒃ:  ᐱᒻᒪᕆᐅᔪᑦ ᐅᑭᐅᖅᑕᖅᑐᒥ ᐱᓕᕆᐊᑦᓴᓕᐊᕆᓯᒪᔪᑦ ᐊᒻᒪᓗ ᑲᔪᓯᑦᓯᐊᖅᓯᒪᓂᖃᖅᑐᑦ ᐅᑭᐅᖅᑕᖅᑐᒥ ᐃᓄᒐᓴᖃᓐᖏᑦᑐᓄᑦ ᐊᑐᖅᑕᐅᓲᑦ ᑮᓇᐅᔭᓕᐅᕋᓱᐊᕈᑎᐅᔪᑦ.  ᖁᓛᓃᓐᓂᖅᐹᒦᑦᑐᑦ, ᑕᓕᖅᐱᐊᓃᓐᓂᖅᐹᑦ ᓇᓗᓇᐃᔭᐃᕕᓕᐊᕆᓯᒪᔪᑦ ᑭᖑᓪᓕᖅᐹᖑᓪᓗᓂ ᓴᓇᒪᔪᓕᐊᕆᓯᒪᔪᖅ ᑎᑎᕋᖅᓯᒪᔪᖁᑎᖃᖅᑐᖅ ᐃᒫᒃ:  ᓴᓐᖏᓂᖅᓴᖅ, ᖃᓄᑐᐃᓐᓈᖓᓕᓯᒪᓂᖅᓴᖅ, ᑲᔪᓯᓯᒪᓂᖃᑦᓯᐊᕈᓐᓇᖅᑐᖅ ᐊᒻᒪᓗ ᐆᒻᒪᑦᓯᐊᕆᑦᑐᑦ (ᐊᐅᓛᖓᓐᖏᑦᑐᑦ) ᐅᑭᐅᖅᑕᖅᑐᒥ ᑮᓇᐅᔭᓕᐅᕋᓱᐊᕈᑎᐅᔪᑦ.

ᐊᑐᐊᒐᖃᐅᑦᓯᐊᕐᓂᖅ ᐊᒻᒪᓗ ᖃᐅᔨᓴᖅᓯᒪᖃᑦᑕᕐᓂᖅ

ᐊᑐᐊᒐᖃᕐᓂᖏᓐᓄᑦ ᐊᒻᒪᓗ ᖃᐅᔨᓴᖅᓯᒪᓂᖏᓐᓄᑦ ᑐᓴᐅᒪᑦᑎᐊᕈᓐᓇᖃᑦᑕᖅᐳᑦ ᑕᒪᕐᒥᒃ ᑲᓐᓄᐊᒃᑯᑎᒍᑦ ᐱᓕᕆᐊᖑᔪᑦ. ᐃᓱᒪᓕᐊᖑᔪᑦ ᐱᔾᔪᑎᖃᖅᑐᓂᒃ ᐃᓚᒌᔭᐅᓂᐊᖅᑐᓂᒃ, ᑕᐱᕆᔭᐅᓂᐊᖅᑐᓂᒃ, ᑮᓇᔭᓕᐅᕐᕕᒃᓴᓂᒃ ᐱᕙᓪᓕᐊᔪᓕᕆᓂᕐᒧᑦ ᑮᓇᐅᔭᒃᓴᖃᖅᑎᑕᐅᔪᓐᓇᕐᓂᖏᓪᓗ ᒪᓕᒐᖃᖅᐳᑦ ᓴᕿᐅᒪᔪᓂᒃ ᐊᒻᒪᓗ ᑐᑭᓯᓂᐊᖅᑕᐅᓯᒪᓂᖏᓐᓂᒃ ᓴᕿᓯᒪᔪᑦ, ᑕᐃᒫᒃ ᐱᓕᕆᐊᖑᔪᑦ ᐊᒻᒪᓗ ᓴᕿᓯᒪᔪᑦ ᐊᑑᑎᖃᑦᑎᐊᕈᓐᓇᕐᓂᐊᕐᒪᑕ, ᐊᖑᒪᓗᑎᒡᓗ ᓴᕿᑎᑕᐅᓯᒪᔪᓂᒃ ᒪᓕᒐᐅᖁᔭᐅᔪᓂᒃ, ᐊᒻᒪᓗ ᖃᓄᐃᓕᐅᕆᐊᖃᕐᓂᕐᒧᑦ ᐅᒃᑐᖅᑕᐅᓯᒪᔪᓐᓇᖅᑐᓂᒃ, ᐊᒻᒪᓗ ᐊᑭᓕᖅᑐᖅᑕᐅᓂᖏᓐᓄᑦ ᓈᒻᒪᓈᖅᓯᐊᕈᓐᓇᕐᓂᕐᒥᓂᒃ.

ᐊᑐᖅᑕᐅᓂᖏᓐᓄᑦ ᐊᑐᐊᒐᐃᓪᓗ ᖃᐅᔨᓴᕈᑏᓪᓗ, ᑳᓐᓂᐊᒃᑯᑦ ᐃᒪᐃᓕᐅᖃᑦᑕᕐᓂᐊᖅᐳᑦ:

  • ᖃᐅᔨᓴᖃᑦᑕᕐᓗᑎᒃ ᐊᒻᒪᓗ ᑐᑭᓕᐅᖃᑦᑕᕐᓗᑎᒃ ᐃᓅᓯᕐᒧᑦ−ᑮᓇᐅᔭᓕᐅᕈᑕᐅᔪᓐᓇᕐᓂᕐᒧᑦ ᐊᒃᑐᖅᑕᐅᔪᓐᓇᕐᓂᖏᓐᓂᒃ ᐱᒻᒪᕆᐅᔪᓄᑦ ᐊᖏᔫᑎᓂᒃ ᓴᓇᔭᐅᔪᒪᔪᓄᑦ;
  • ᐃᑲᔪᖅᓱᐃᖃᑕᕐᓗᑎᒃ ᑮᓇᐅᔭᖃᖅᑎᑕᐅᓂᐊᖅᑐᓂᒃ ᒪᓕᒃᓗᒋᑦ ᓴᕿᓯᒪᓕᐊᓂᒃᑐᑦ ᐊᒻᒪᓗ ᐊᔪᖏᓐᓂᖏᓐᓂᒃ ᖃᐅᔨᓴᖅᑕᐅᓚᐅᖅᓱᑎᒃ ᐊᒻᒪᓗ
  • ᓇᓗᓇᐃᔭᖅᑕᐅᖃᑦᑕᕐᓗᑎᒃ ᑭᐅᔾᔪᑎᒃᓴᖃᖅᑎᑕᐅᕙᒡᓗᑎᓗ ᓄᑖᑦ ᓴᕿᑉᐸᓪᓕᐊᔪᓪᓗ ᐊᑐᐊᒐᓕᕆᓂᕐᒧᑦ ᐃᓱᒪᓘᑕᐅᓕᕐᓂᖏᑦ, ᐅᖃᐅᓯᐅᔭᕆᐊᖃᕐᓂᐊᖅᑎᓪᓗᒋᑦ

ᓯᕗᓕᐅᖅᑎᐅᑦᑎᐊᕐᓂᖅ ᐊᒻᒪᓗ ᑕᐱᕆᔭᐅᑦᑎᐊᕈᓐᓇᕐᓂᖅ

ᑳᓐᓄᐊᒃᑯᑦ ᐱᓕᕆᖃᑎᖃᖃᑦᑕᕐᓂᐊᖅᑐᑦ ᐃᓚᒋᕙᒃᑕᒥᓂᒃ ᑲᑐᔾᔨᖃᑎᒌᑦᑎᐊᕐᓂᕐᒧᑦ ᑲᔪᓯᔪᓂᒃ ᐊᒻᒪᓗ ᓄᑖᓂᒃ ᑲᓇᑕᓕᒫᒧᑦ ᐱᒋᐊᖅᑎᑕᐅᓯᒪᔪᓂᒃ. ᐊᒻᒪᑕᐅᖅ, ᑲᓐᓄᐊᒃᑯᑦ ᐊᑐᒐᒃᓴᕆᔭᖏᓂᒃ ᐊᐅᓚᑦᑎᔨᐅᔪᑦ ᑎᒥᖁᑎᖏᑦ ᐊᒻᒪᓗ ᐅᑭᐅᖅᑕᖅᑐᒥ ᐱᓕᕆᐊᒃᓴᓂᒃ ᐊᐅᓚᑦᑎᕕᖕᒦᑦᑐᑦ ᐱᓕᕆᖃᑎᒌᑦᑎᐊᖃᑦᑕᕐᓂᐊᖅᐳᑦ ᐱᐅᓂᖅᓴᒥᒃ ᐱᓕᕆᐊᖃᕈᓐᓇᕐᓂᐊᕐᒪᑕ ᐊᒻᒪᓗ ᐱᔨᑦᑎᕋᐃᑦᑎᐊᕐᓂᖅᓴᐅᔪᓐᓇᕐᓂᐊᕐᒪᑕ ᐃᑲᔪᕐᓂᕐᒥᒃ ᐅᑭᐅᖅᑕᖅᑐᒥᐅᑕᓂᒃ, ᓄᓇᖃᖃᖅᑐᑐᖃᐅᔪᓂᒃ, ᓄᓇᓕᖕᓂᒃ, ᐊᕕᒃᑐᖅᓯᒪᓂᖏᓐᓂᒃ ᒐᕙᒪᐅᔪᓂᒃ ᐊᒻᒪᓗ ᐊᖏᔫᑎᓂᒃ ᓴᓈᖃᕐᕕᐅᔪᓂᒃ, ᐊᖑᒪᔪᓐᓇᕐᓂᐊᕐᒪᑕ ᓂᕆᐅᒋᔭᐅᔪᓂᒃ ᐱᕈᖅᐸᓪᓕᐊᓂᐊᕋᓱᒋᔭᐅᔪᓂᒃ.

ᓯᕗᓕᐅᖅᑎᐅᑦᑎᐊᖃᑕᕐᓗᑎᒃ ᐊᒻᒪᓗ ᑕᐱᕆᔭᐅᔪᓐᓇᑦᑎᕐᓗᑎᒃ, ᑳᓐᓄᐊᒃᑯᑦ ᐃᒪᐅᓕᐅᖅᐸᖕᓂᐊᖅᑐᑦ:

  • ᐱᒻᒪᕆᐅᓂᐊᖅᑐᓂᒃ ᓄᓇᒥᐅᑕᓂᒃ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᖑᔪᒪᔪᓂᒃ ᐱᔨᑦᑎᖃᖅᑕᐅᓗᑎᒃ ᐅᑭᐅᖅᑕᖅᑐᒥ ᓴᓇᔭᒃᓴᓂᒃ ᐊᐅᓚᑦᑎᔨᒃᑯᖏᓐᓄᑦ; ᐊᒻᒪᓗ ᐱᓕᕆᖃᑎᖃᕐᓗᑎᒃ ᑲᓇᑕᒥ ᐃᓚᒥᓂᒃ ᑲᑐᔾᔨᖃᑎᒌᑦᑎᕐᓂᐊᕐᒪᑕ ᑲᔪᓰᓐᓇᖅᑐᓂᒃ ᐊᒻᒪᓗ ᓄᑖᓂᒃ ᑲᓇᑕᒥ ᐱᒋᐊᖅᑎᑕᐅᓯᒪᔪᓂᒃ ᐅᑭᐅᖅᑕᖅᑐᒥᐅᑕᐃᑦ ᑮᓇᐅᔭᓕᐅᕈᓐᓇᑦᑎᐊᕐᓂᐊᕐᒪᑕ. ᐃᓵᒃᓯᒪᖃᑦᑕᕐᓂᐊᕐᒥᔪᑦ ᐊᖏᔫᑎᓂᒃ ᓵᓈᖃᖅᑐᓂᒃ, ᐊᕕᒃᑐᖅᓯᒪᓂᖏᓐᓂ ᒐᕙᒪᒋᔭᒥᓂᒃ ᐊᒻᒪᓗ ᓄᓇᖃᖄᖅᑐᑐᖃᐅᔪᓂᒃ ᐃᓚᒋᔭᐅᔭᕆᐊᖃᕐᓂᖏᓐᓄᑦ ᑕᒪᒃᑯᓂᖓ ᑕᒪᐃᓐᓄᑦ ᑐᕌᒐᕆᔭᐅᔪᓂᒃ

ᑮᓇᐅᔭᓕᐅᕐᕕᒃᓴᓂᒃᓴᕿᑎᑦᑎᕙᓪᓕᐊᔪᒪᓂᕐᒧᑦᐱᕙᓪᓕᐊᑎᑦᑎᓂᕐᒧᓪᓗᑮᓇᐅᔭᖅᑲᖅᑎᑦᑎᔾᔪᑎᒃᓴᐃᑦ

ᓄᓇᒥᐅᑕᓕᕆᓂᕐᒥᒃ ᐱᕙᓪᓕᐊᑎᑦᑎᔪᖃᖅᑎᓪᓗᒍ, ᐱᒻᒪᕆᐅᔪᓂᒃ ᐱᐅᔫᑎᓂᒃ, ᑮᓇᔭᓕᐅᕈᑕᐅᓕᕈᓐᓇᕐᒪᑕ, ᓇᓗᓇᖏᒃᑲᓗᐊᖅᓱᑎᒃ ᐃᓱᓕᕝᕕᒃᓴᕆᓂᐊᖅᑕᖏᑦ. ᐱᓕᕆᔩᑦ ᐃᓚᒋᕙᒃᑕᖏᓪᓗ ᐱᓕᕆᖃᑎᒋᓗᒋᑦ, ᑳᓐᓄᐊᒃᑯᑦ ᑲᔪᓰᓐᓇᕐᓂᐊᖅᐳᑦ ᐃᑲᔪᖅᓱᐃᓂᕐᒥᒃ ᐱᕙᓪᓕᐊᓂᖏᓐᓂᒃ ᐊᓯᖏᓐᓂᒃ ᐱᓕᕆᐊᖃᖅᐸᒃᑐᑦ, ᐋᕿᒋᐊᕈᓐᓇᖃᑦᑕᕐᓗᑎᒃ ᐊᒻᒪᓗ ᐊᓯᔾᔨᖅᐸᓪᓕᐊᖃᑦᑕᕐᓗᑎᒃ ᐱᔭᕆᐊᖃᓕᕌᖓᒥᒃ ᑮᓇᐅᔭᒃᓴᖃᖅᑎᑕᐅᓂᖏᑦ ᐊᒻᒪᓗ ᖃᐅᔨᒪᔨᑕᕆᔭᐅᕙᖕᓂᖏᑦ.

ᐊᑐᕐᓗᒋᑦ ᑮᓇᐅᔭᓕᐅᕐᕕᒃᓴᓄᑦ ᐱᕙᓪᓕᐊᔾᔪᑎᒃᓴᓄᑦ ᐊᑭᓕᐅᑎᒃᓴᐃᑦ, ᑳᓐᓄᐊᒃᑯᑦ ᒪᑯᓂᖓ ᑕᐅᑐᒐᖃᓗᐊᕐᓂᐊᖅᐳᑦ:

  • ᐱᕙᓪᓕᐊᑎᑦᑎᓂᕐᒥᒃ ᐊᔪᖏᓐᓂᖏᓐᓂᒃ ᑲᑐᔾᔨᖃᒌᓪᓗᓐᓃᑦ ᑎᒥᖁᑏᓪᓗᓐᓃ, ᒥᑭᔪᑏᓪᓗ ᕿᑎᐊᓃᑦᑐᓪᓗ ᑮᓇᐅᔭᓕᐅᕋᓱᐊᖅᑏᑦ, ᐊᒻᒪᓗ ᐃᓄᐃᑦ ᐊᑐᓂ ᐱᖃᑕᐅᔪᓐᓇᕐᓂᐊᕐᒪᑕ ᑮᓇᐅᔭᓕᐅᕐᕕᒃᓴᐃᑦ ᓴᕿᑎᑕᐅᓂᖏᓂᒃ ᑕᒪᐃᓐᓂᑦᑎᐊᖅ ᐊᔾᔨᒌᖏᑦᑐᓂᒃ ᐱᓕᕆᐊᖃᖅᑐᓂᒃ;
  • ᐱᐅᓯᒋᐊᖅᑕᐅᓗᑎᒃ ᑮᓇᐅᔭᓕᕐᕕᒃᓴᐅᓕᕈᓐᓇᖅᑐᓄᑦ ᑐᖓᕕᐅᕙᒃᑐᑦ ᐃᑲᔪᖅᓱᖅᑕᐅᓗᑎᒃ ᐱᖁᑎᖃᑦᑎᐊᕆᐊᖃᕐᓂᖏᑦ ᑮᓇᐅᔭᓕᐅᕈᑎᓴᐅᓂᕐᒧᑦ ᐱᑕᖃᕆᐊᖃᖅᑐᓂᒃ ᐱᕈᒃᑲᓐᓂᕈᑕᐅᔪᓐᓇᕐᓂᐊᕐᒪᑕ; ᐊᒻᒪᓗ
  • ᓴᓇᔭᐅᓂᖏᓐᓂᒃ ᑲᔪᓯᑎᑕᐅᓂᖏᓐᓂᓗ ᖃᐅᔨᒪᔭᐅᑎᒋᓂᖏᑦ ᐱᒻᒪᕆᐅᔪᓂᒃ ᑮᓇᐅᔭᓕᐅᕐᕕᐅᕙᒃᑐᓂᒃ ᐃᓂᓚᖓᐃᕙᒌᖅᓯᒪᖁᓪᓗᒋᑦ ᐅᖓᑖᓄᑦ ᑮᓇᐅᔭᓕᐅᕐᕕᒃᓴᒃᑲᓕᕈᓐᓇᖅᑐᓂᒃ.

ᑕᐅᑐᒐᕆᔭᐅᓂᖏᑦ

ᑕᐃᒪᖓᑦ 2013−ᒥᒃ 2018−ᒧᑦ ᑎᑭᓪᓗᒍ, ᑳᓐᓄᐊᒃᑯᑦ ᐱᓕᕆᖃᑎᖃᕐᓂᐊᖅᐳᑦ ᑲᓇᑕᒥᒃ, ᐊᕕᒃᑐᖅᓯᒪᓂᖏᓐᓂᒃ, ᓄᓇᖃᖄᖅᑐᑐᖃᐅᔪᓂᒃ, ᓄᓇᓕᖕᒥᐅᑕᓂᒃ ᐊᒻᒪᓗ ᐊᖏᔪᓂᒃ ᓴᓈᖃᖅᑐᓂᒃ ᐃᓚᒋᕙᒃᑕᖏᓐᓂᒃ ᐱᕙᓪᓕᐊᑎᑦᑎᓂᖏᓐᓂᒃ ᓴᖏᔪᓂᒃ, ᐊᔾᔨᒌᖏᑦᑐᑎᐅᔪᓂᒃ, ᑲᔪᓯᓐᓇᕈᓐᓇᕐᓂᐊᖅᑐᓂᒃ ᐊᒻᒪᓗ ᑭᓇᒃᑯᑐᐃᓐᓇᕐᓄᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᒃᓴᐅᔪᓐᓇᖅᑐᒃ.

ᑳᓐᓄᐊᒃᑯᑦ ᐱᓇᓱᐊᖅᐸᖕᓂᐊᖅᑐᑦ ᐊᒃᓱᕈᕐᓇᕈᑕᐅᔪᓂᒃ ᐊᒻᒪᓗ ᐱᕚᓪᓕᕈᑕᐅᔪᓐᓇᖅᑐᓂᒃ ᐊᖏᓂᖅᐹᖑᑎᑦᑎᒋᐊᕐᓗᑎᒃ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐊᓂᒃ ᑕᐅᑐᒐᕆᔭᐅᖁᔭᐅᔪᑦ ᒪᓕᒡᓗᒋᑦ ᐊᑐᒐᒃᓴᓕᐊᕆᔭᐅᓂᖏᑦ, ᐱᔨᑦᑎᕋᐅᑎᖏᑦ ᐊᒻᒪᓗ ᖃᓄᐃᓕᐅᕐᓂᐊᖅᑕᖏᓐᓂᒃ ᐱᖓᓱᓂᒃ ᓯᕗᓪᓕᐅᑎᑕᐅᔪᓂᒃ ᓇᓗᓇᐃᖅᑕᐅᓯᒪᔪᓂᒃ: ᐃᓚᐅᑎᔭᐅᓂᖏᓐᓂᒃ ᐊᒻᒪᓗ ᐊᔪᖏᑦᑎᐊᖅᑐᓂᒃ ᓴᓇᔨᖃᕈᓐᓇᕐᓗᑎᒃ, ᐱᖁᑎᕐᔪᐊᖃᑦᑎᐊᕈᓐᓇᕐᓗᑎᒃ ᓄᓇᓖᑦ ᐊᒻᒪᓗ ᓄᓇᓕᖕᓂ ᐊᔪᖏᓐᓂᖃᑦᑎᐊᕐᓕᕐᓗᑎᒃ.

ᐱᓕᕆᕝᕕᖓᓂᒃᑕᐅᖅ ᐃᓂᒃᓴᖃᖅᑎᑦᑎᓂᐊᕐᒥᔪᑦ ᐊᔭᐅᖅᑎᐅᓗᑎᒡᓗ ᓄᓇᒥᐅᑕᓕᕆᓂᕐᒥᒃ ᐱᕙᓪᓕᐊᔪᓕᕆᓂᕐᒥᒃ ᓴᕿᑎᔾᔪᑕᐅᔪᓐᓇᖅᑐᓂᒃ ᑲᔪᓰᓐᓇᕈᓐᓇᖅᑐᓂᒃ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᒃᓴᓂᒃ, ᐊᔾᔨᒌᖏᑦᑑᑎᐅᓗᑎᒃ ᖃᓄᐃᑦᑐᑐᐃᓐᓇᑦᑎᐊᓂᒃ ᐱᓕᕆᐊᖃᖅᐸᒃᑐᓂᒃ ᑕᐃᒃᑯᐊ ᐃᑲᔪᕐᓂᖃᕐᓂᐊᕐᒪᑕ ᐊᔪᖅᓴᕈᓐᓃᖅᐹᓪᓕᕈᑕᐅᔪᓐᓇᖅᑐᓂᒃ ᐅᑭᐅᖅᑕᖅᑐᒥᐅᑕᓄᑦ ᐊᒻᒪᓗ ᑕᒪᐃᓐᓄᑦ ᑲᓇᑕᒥᐅᖃᑕᐅᔪᓄᑦ.

ᑲᓇᑕᐅᑉ ᒐᕙᒪᒃᑯᖏᓐᓄᑦ ᓯᕗᓕᐅᑎᑕᐅᖁᔭᐅᓯᒪᔪᓂᒃ ᒪᓕᒍᒪᓪᓗᑎᒃ, ᑳᓐᓂᐊᒃᑯᑦ ᐋᕿᐅᒪᑎᑦᑏᓐᓇᕐᓂᐊᖅᑐᑦ ᐃᓚᐅᑎᑦᑎᖃᕆᐊᖃᕐᓂᕐᒥᓂᒃ, ᑐᑭᓯᓂᐊᕐᕕᖃᖃᑦᑕᕆᐊᖃᕐᓂᕐᒥᓂᒃ ᐊᒻᒪᓗ ᐱᓕᕆᖃᑎᖃᑦᑎᐊᕈᓐᓇᕐᓂᕐᒥᓂᒃ ᐃᓚᒋᕙᒃᑕᖏᓐᓂᒃ ᐊᒻᒪᓗ ᐊᒃᑐᖅᑕᐅᓯᒪᕙᒃᑐᓂᒃ ᓴᕿᑎᑦᑎᓂᕐᒧᑦ ᑲᔪᓯᑎᑦᑎᓂᕐᒧᓪᓗ ᐃᓄᓕᒫᓄᑦ ᑐᕌᖓᓂᐊᖅᑐᓂᒃ ᐊᒻᒪᓗ ᓇᖕᒥᓂᖃᖅᑐᓄᑦ ᐱᓕᕆᐊᖃᖅᑐᓄᑦ ᐱᓂᐊᕐᓂᖃᑦᑎᐊᕐᓂᖅ ᐃᑲᔪᖅᓱᐃᓗᑎᒡᓗ, ᐱᕚᓪᓕᕈᑕᐅᔪᓐᓇᕐᓂᐊᖅᑐᓂ ᐊᔪᖅᓴᕈᓐᓃᖅᐹᓪᓕᕈᑕᐅᔪᓐᓇᕐᓂᕐᒧᑦ ᐅᑭᐅᖅᑕᖅᑐᒥ.

«ᑮᓇᐅᔭᓕᐅᖃᑕᐅᔪᓐᓇᕐᓂᕐᒧᑦ ᐊᔪᖅᓴᕈᓃᖅᕈᑕᐅᔪᓐᓇᖅᑐᑦ ᐅᑭᐅᖅᑕᖅᑐᒥ ᓴᖏᔪᒥᒃ ᑐᖓᕕᒃᓴᐅᖕᒪᑕ ᖃᓄᐃᖏᑦᑎᐊᕈᓐᓇᕐᓂᖏᓐᓄᑦ ᐅᑭᐅᖅᑕᖅᑐᒥᐅᑕᐃᑦ, ᐃᑲᔪᖅᑕᐅᕚᓪᓕᖅᓯᓐᓇᖅᓱᑎᒃ ᑕᒪᕐᒥᒃ ᑲᓇᑕᒥᐅᑕᐃᑦ."

ᓕᐅᓇ ᐊᒡᓘᒃᑲ, ᐅᑭᐅᓵᒃᑯᑦ 2012
Date modified: