ᑕᒪᕐᒥᒃ ᑎᐅᓕᑐᐊᓕᔅ ᐱᕈᕐᕕᒃᓴᖏᓐᓄᑦ ᐋᕿᒃᓯᒪᔾᔪᑎᒃᓴᖓ: ᐱᕕᖃᕐᑎᑦᑎᓂᖅ ᐊᒻᒪᓗ ᐱᔭᕐᓂᓐᖏᑦᑐᑰᕐᓂᖅ

PDF-ᒧᑦ ᐋᖅᑭᒃᓯᒪᔪᑦ (1.03 ᒥᒐᐸᐃᑦᔅ, 25 ᒪᒃᐱᒐᐃᑦ)

ᑲᓇᑕ ᐅᑭᐅᖅᑕᖅᑐᖅ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖁᑖ

ᐅᕙᓂ ᒪᒃᐱᒐᕐᒥᑦ

ᐊᖓᔪᖅᑳᖅ ᑐᓴᒐᒃᓴᖓ

ᐹᓚ ᐊᐃᓴᒃ
ᐊᖓᔪᖅᑳᖅ
ᑲᓇᑕᐅᑉ ᐅᑭᐅᖅᑕᖅᑐᒥ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖓ

ᑲᓇᑕᐅᑉ ᐅᑭᐅᖅᑕᖅᑐᐊ ᑐᓂᓯᓯᒪᕗᖅ ᐊᖏᓛᒥᒃ ᓄᓇᒥ ᐱᕙᓪᓕᐊᑎᑦᑎᔪᓐᓇᖅᑐᑦ ᓄᑖᓂᒃ ᐱᓕᕆᔾᔪᑎᑦᑎᒍᑦ, ᓇᖕᒥᓂᖃᖅᑐᑦ ᐱᕙᓪᓕᐊᓗᑎᒃ, ᐊᒻᒪᓗ ᑮᓇᐅᔭᓕᐅᕈᑕᐅᓗᓂ ᐱᕈᕈᑕᐅᓗᓂ. ᐅᑯᐊ ᑲᓇᑕ ᐅᑭᐅᖅᑕᖅᑐᖅ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖓ (ᑳᓄᐊᒃᑯᑦ) ᓴᓇᔪᑦ ᐊᓪᓗᑎᓪᓗᒍ ᑕᒪᓐᓇ ᓴᖕᖏᒃᑎᒋᐊᖁᓪᓗᒍ ᐱᕕᖃᕐᑎᑦᑎᔪᓐᓇᕐᓂᖅ ᐊᒻᒪᓗ ᓴᓇᖃᑎᒋᓗᒋᑦ ᐱᓇᓱᐊᖃᑎᒋᓗᒋᑦ ᑎᐊᓂᑐᐊᓕ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᑎᒍᒥᐊᖅᑎᐅᔪᑦ ᑎᒍᒥᐊᕐᓂᐊᕐᒪᒋᑦ ᑕᒪᕐᒥᒃ ᑮᓇᐅᔭᓕᐅᕈᑕᐅᔪᓐᓇᖅᑐᖅ ᑎᐅᓕᑐᐊᓕᔅ.

ᑕᐃᑲᓂ ᐱᒋᐊᓕᓵᖅᑎᓪᓗᒍ 2019, ᑳᓄᐊᒃᑯᑦ ᐱᓕᕆᒋᐊᓚᐅᖅᑐᖅ ᐊᒥᑕᓂᒃ ᖃᓄᐃᓕᐅᖃᑎᒌᒃᑎᑦᑎᓪᓗᑎᒃ ᐱᕙᓪᓕᐊᑎᐊᕐᓂᐊᕐᒪᑕ ᑕᒪᐃᓐᓂ- ᑎᐅᓕᑐᐊᓕᔅ ᐱᕈᕐᕕᒃᓴᖏᑕ ᐋᕿᒃᓯᒪᔾᔪᑎᒃᓴᖏᑦ. ᑐᓴᓚᐅᖅᑐᒍᑦ ᓇᑭᑐᐃᓐᓇᖅ ᐃᓄᑐᐃᓐᓇᓂᑦ, ᓄᓇᓕᖕᓂ ᐊᒻᒪᓗ ᐊᐅᓚᑦᓯᔨᓂᑦ - ᐅᐸᒍᑎᓗᑎᒃ ᖃᐃᓗᑎᒃ ᐊᒻᒪᓗ ᖃᕆᓴᐅᔭᒃᑯᑦ.

ᐅᓇ ᐱᕈᕈᑎᒃᓴᖅ ᐋᕿᒃᓯᒪᔾᔪᑎᒃᓴᖅ ᑮᓇᐅᔭᓕᐅᕈᑕᐅᓂᐊᖅᑐᓄᑦ ᐊᖁᑎᒋᓂᐊᖅᑕᕗᑦ ᓴᖏᒃᑎᓂᐊᕋᑦᑕ ᐊᒻᒪᓗ ᐃᓚᓕᐅᑎᓗᑕ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒥ ᓇᓂᑐᐃᓐᓇᖅ ᑲᓇᑕᐅᑉ ᑎᐅᓕᑐᐊᓕᖏᓐᓂ. ᐅᑯᐊ ᐋᕿᒃᓯᒪᔾᔪᑎᒃᓴᐃᑦ ᐊᐅᓪᓗᑎᔪᑦ ᑎᓴᒪᓂ ᐊᑕᔪᓂᒃ ᐱᓕᕆᐊᖑᓂᐊᖅᑐᓄᑦ: ᐊᔪᖏᑦᑎᐊᖅᑐᓂᒃ ᓴᓇᔨᖃᕐᓗᑎᒃ, ᐱᕙᓪᓕᐊᔾᔪᑎᒃᓴᖏᓐᓂᒃ ᓇᐸᖅᓯᓯᒪᓗᑎᒃ ᐊᒻᒪᓗ ᐱᕙᓪᓕᐊᑎᑦᑎᓗᑎᒃ, ᓄᓇᒥᑦ ᐃᑲᔫᑎᒃᓴᓂᒃ ᐊᒻᒪᓗ ᐊᔾᔨᒌᓐᖏᑦᑐᓂᒃ ᐊᒻᒪᓗ ᓄᑖᓂᒃ ᐱᓕᕆᔾᔪᑕᐅᓕᖅᑐᑎᒍᑦ.

ᑕᐃᒪᓗ ᑳᓄᐊᒃᑯᑦ ᐱᒋᐊᓚᐅᖅᓯᒪᒐᒥᒃ ᐱᖃᑎᒋᓕᖅᑕᖓ ᖁᓕᑦ, ᐊᐅᓪᓗᑎᓪᓗᒍ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᐊᔾᔨᐅᓐᖏᑦᑑᔪᒃᑯᑦ ᐊᒻᒪᓗ ᓱᕈᖅᓴᐃᓐᖏᑦᑐᓂᒃ ᐅᑭᐅᖅᑕᖅᑐᒥ ᑲᔪᓯᔪᒥᒃ ᐊᖏᒡᓕᕙᓪᓕᐊᖁᓪᓗᒋᑦ. ᓴᓇᖃᑎᒋᓪᓗᒋᑦ ᐅᑭᐅᖅᑕᖅᑐᖅ ᐋᕿᒃᓱᐃᕙᓪᓕᐊᔪ ᐊᔾᔨᐅᓐᖏᑦᑐᓂ, ᓄᖑᐸᓪᓕᐊᔭᓐᖏᑦᑐᓂᒃ, ᐊᒻᒪᓗ ᐊᔾᔨᐅᓐᖏᑦᑐᓄᑦ ᑮᓇᐅᔭᓕᐅᕈᑕᐅᔪᓐᓇᖅᑐᑦ ᓇᓂᑐᐃᓐᓇᖅ ᑕᒪᐃᓐᓂ ᑎᐅᓕᑐᐊᓕ ᐃᓚᒋᔭᖓ ᐊᑯᓂᐅᔪᒃᑯᑦ ᑲᔪᓰᓐᓇᕈᓐᓇᖅᓗᑎᒃ ᐊᒻᒪᓗ ᑮᓇᐅᔭᑎᒍᑦ ᐊᕿᒃᓯᔾᔪᑕᐅᔪᓐᓇᕐᓗᑎᒃ, ᐊᒻᒪᓗ ᐱᕚᓪᓕᕐᑎᑦᑎᓗᑎᒃ ᓄᓇᖅᑲᖅᑳᖅᓯᒪᔪᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᒃᑯᑦ.

ᐅᓇ ᑎᒥᖓᑕ ᐊᖓᔪᖅᑳᖃᕐᕕᖓ ᐃᖃᓗᖕᓂ (ᐊᔾᔨᖑᐊᖃᖅᑐᖅ ᑕᒡᕙᓂ), ᓄᓇᖏᓐᓂ ᑎᑎᕋᕐᕕᑦ ᒍᐃᑦᕼᐅᐊᔅ ᐊᒻᒪᓗ ᔭᓗᓇᐃᒥ, ᐊᒻᒪᓗ ᑲᒪᔨᐅᕙᒃᑐᑦ ᑎᑎᕋᕐᕕᖓ ᐋᑐᕚᒥ.


ᐅᑭᐅᖅᑕᖅᑐᕐᒥ, ᐅᑭᐅᖅᑕᖅᑐᕐᒧᑦ

ᓇᓪᓕᐅᓐᓂᖅᓯᐅᖅᖢᒍ 10-ᐊᕐᕌᒍᖃᓕᖅᑐᑦ, ᑳᓄᐊᒃᑯᑦ ᒐᕙᒪᑐᖃᒃᑯᓂ ᐊᐅᓚᑦᓯᕕᖓ ᑎᓕᔭᐅᓯᒪᔪᖅ ᑎᐅᓕᑐᐊᓕᓄᑦ. ᐊᖓᔪᖅᑳᖃᕐᕕᖃᖅᑐᖅ ᐅᑭᐅᖅᑕᖅᑐᒥ - ᓄᓇᖓᓐᓂ ᐅᑯᐊ ᐱᔨᑦᑎᕋᖅᑕᖏᑦ ᐊᒻᒪᓗ ᐋᕿᒃᓱᐃᕙᒃᑐᑦ ᐅᑭᐅᖅᑕᖅᑐᖅ ᖃᓄᐃᓕᖓᓪᓚᕆᖕᓂᖓᓂ ᐊᒻᒪᓗ ᐃᓂᖓ ᑭᐅᓯᔪᓐᓇᕐᓗᑎᒃ ᐅᑭᐅᖅᑕᖅᑐᖅ ᐱᔪᒪᔭᖏᓐᓂᒃ.

ᑕᐃᑲᓂ 2018-2019, ᑳᓄᐊᒃᑯᑦ ᐊᕐᕌᒍᑕᒫᖅᓯᐅᑎᑦ ᑮᓇᐅᔭᖅᑑᑎᑦ ᖃᓂᒋᔮᓂ $50 ᒥᓕᐊᓐ 80-ᓄᑦ ᑲᓇᑕᒥ ᐊᕕᒃᑐᖅᓯᒪᔪᑦ ᑎᐅᓕᑐᐊᓕᔅ ᒐᕙᒪᖏᒃ. ᐃᑲᔪᕐᓗᒋᑦ ᐱᓕᕆᖃᑎᒋᓗᒋᑦ ᑎᓕᔭᐅᓯᒪᔾᔪᑎᓄᑦ.

ᑮᓇᐅᔭᖅᑑᑎᒃᓴᖅ 2019 ᑐᒃᓯᕋᖅᑐᖅ ᖃᑭᔾᔪᑎᒃᓴᓗᑦ ᖄᖓᓂ $95 ᒥᓕᐊᓐ ᐊᑐᖅᑕᐅᓗᓂ ᑕᓪᓕᒪᓄᑦ ᐅᑭᐅᓄᑦ.

ᓴᓇᖃᑎᒋᓗᒋᑦ ᐱᐅᓂᖅᓴᒥᒃ ᓯᕗᓂᒃᓴᖃᕐᓂᐊᕐᒪᑕ

ᑕᑯᔪᒪᔭᕗᑦ: ᐊᔪᕈᓐᓃᑦᑎᐊᖅᑐᑦ ᐊᒻᒪᓗ ᐱᓕᕆᖃᑕᐅᑎᑦᑎᓯᒪᔪᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᓇᓂᑐᐃᓐᓇᖅ ᑲᓇᑕᒥ ᐊᒻᒪᓗ ᑎᐅᓕᑐᐊᓕᔅ, ᐅᓄᖅᓯᕙᓪᓕᐊᔪᖅ ᐊᔪᖅᓴᕈᓐᓃᖅᐸᓪᓕᐊᑎᐊᕐᓂᖓ ᐅᑭᐅᖅᑕᖅᑐᖅ ᐊᒻᒪᓗ ᐃᑲᔫᑎᑦᑎᐊᖅᑐᒃᓴᑦ ᑲᓇᑕ ᑲᔪᓯᑎᑦᑎᐊᖁᓪᓗᒍ ᑕᒪᐃᓐᓂᒃ.

ᐅᑯᐊ ᑕᒪᕐᒥᒃ - ᑎᐅᓕᑐᐊᓕᔅ ᐱᕈᕐᕕᒃᓴᖏᓐᓄᑦ ᐋᕿᒃᓯᒪᔾᔪᑎᒃᓴᐃᑦ ᐅᓇ ᐸᕐᓇᐅᑎ ᐱᕙᓪᓕᐊᑎᑦᑎᔪᖅ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᐊᒡᒋᖅᑐᓂ ᑕᓪᓕᒪᓂ ᐅᑭᐅᓄᑦ. ᓴᓇᓯᒪᔪᖅ ᐊᔾᔨᒋᔭᐅᓐᖏᑦᑐᒥᒃ ᓴᖕᖏᓂᖃᓛᖑᔪᖅ ᐊᒻᒪᓗ ᐱᕕᖃᕐᑎᑦᑎᓪᓗᑎᒃ ᑲᓇᑕᐅᑉ ᐅᑭᐅᖅᑕᖅᑐᐊᓂᒃ. ᐅᓇ ᐋᕿᒃᓯᒪᔾᔪᑎᒃᓴᖅ ᐸᕐᓇᐅᑖᑦ ᐋᕿᒃᓯᒪᔪᖅ ᓯᕗᓪᓕᐅᑎᑦᑕᕆᐊᖃᖅᑐᓂᑦ ᐅᑯᐊ ᑲᓇᑕᐅᑉ ᐅᑭᐅᖅᑕᖅᑐᒥ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᑎᒥᖓ (ᑳᓄᐊᒃᑯᑦ) ᐱᕚᓪᓕᕈᑎᓂᐊᖅᑐᓂᒃ ᐃᑲᔫᑎᒃᓴᓄᑦ ᐊᒻᒪᓗ ᐃᑲᔪᖃᑎᒌᒡᕕᒃᓴᓄᑦ ᐅᑭᐅᖅᑕᖅᑐᑎᓂ ᐊᒻᒪᓗ ᒐᕙᒪᑐᖃᒃᑯᑦ ᐱᓇᓱᐊᖃᑎᒋᔭᕗᑦ. ᑕᐃᑲᓂ ᐃᓗᐊᓂ, ᑕᒪᕐᒥᒃ-ᑎᐅᓕᑐᐊᓕᔅ ᐱᕈᕐᕕᒃᓴᖏᓐᓄᑦ ᐋᕿᒃᓯᒪᔾᔪᑎᒃᓴᖏᑦ ᓴᓇᓯᒪᔪᖅ ᐱᐅᓯᕚᓪᓕᕈᑎᒃᓴᓄᑦ ᑮᓇᐅᔭᓕᕆᓂᒃᑯᑦ, ᐱᔪᒪᓕᕐᑎᑦᑎᓂᖅ ᖃᑭᔾᔪᑎᒃᓴᑎᒍᑦ ᐊᒻᒪᓗ ᓴᕿᑦᑎᓗᑎᒃ ᐃᖅᑲᓇᐃᔮᓴᑦ ᑕᐃᒪᓗ ᐅᑭᐅᖅᑕᖅᑐᒥᐅᑦ ᑮᓇᐅᔭᓕᐅᕈᑎᖃᕈᓐᓇᖅᓯᑦᑎᐊᕐᓂᐊᕐᒪᑕ ᐱᕙᓪᓕᐊᑎᑦᑎᓂᒃᑯᑦ ᐅᑯᐊᓗ ᓴᕿᐸᓪᓕᐊᔪᑦ ᓇᓂᑐᐃᓐᓇᖅ ᑎᐅᓕᑐᐊᓕᔅ. ᐅᑯᐊ ᑕᒪᕐᒥᒃ - ᑎᐅᓕᑐᐊᓕᔅ ᐱᕈᕐᕕᒃᓴᖏᓐᓄᑦ ᐋᕿᒃᓯᒪᔾᔪᑎᒃᓴᐃᑦ. ᑲᔪᓯᑦᑎᐊᕐᓗᑎᒃ ᐋᕿᒃᓱᐃᕙᓪᓕᐊᓂᖏᑦ ᐱᕚᓪᓕᕈᑎᓂᐊᖅᑐᓂᒃ, ᐃᓚᖃᖅᑐᑦ ᑮᓇᐅᔭᑎᒋᑦ ᐱᕙᓪᓕᐊᑎᑦᑎᓂᕐᒧᑦ ᐃᑲᔫᑎᔪᑦ ᓴᐱᓕᔮᓐᖏᑦᑐᑦ ᐅᑭᐅᖅᑕᖅᑐᖅ ᓄᓇᖏᑦ ᐊᒻᒪᓗ ᑕᒪᒃᒥᒃ ᖃᓄᐃᖏᑦᑎᐊᖁᓪᓗᒋᑦ ᐅᑭᐅᖅᑕᖅᑐᕐᒥᐅᑦ.

ᐅᑯᐊ ᑕᒪᕐᒥᒃ - ᑎᐅᓕᑐᐊᓕᔅ ᐱᕈᕐᕕᒃᓴᖏᓐᓄᑦ ᐋᕿᒃᓯᒪᔾᔪᑎᒃᓴᐃᑦ ᐸᕐᓇᐅᑎᖏᑦ ᒪᓕᑦᑎᐊᖅᑐᑦ ᐊᓯᒥ ᒐᕙᒪᑐᖃᒃᑯᓂ ᐊᐅᓚᑦᓯᕕᖏᑕ ᑲᒪᒋᔭᕆᐊᖃᖅᑕᖏᓐᓂᒃ ᓲᕐᓗ ᑲᓇᑕᒥ ᐅᔭᕋᖕᓂᐊᒐᒃᓴᐃᑦ ᐊᒻᒪᓗ ᓴᕕᕋᔭᐃᑦ ᐸᕐᓇᐅᑎ. ᐅᑯᐊᓗ, ᐃᓚᒋᔭᐅᔪᑦ, ᐱᕙᓪᓕᐊᑎᑲᓐᓂᕐᓗᒋᑦ ᓴᓇᔭᕇᖅᓯᒪᔪᑦ ᑎᐅᓕᑐᐊᓕᓂ ᐊᒻᒪᓗ ᐅᑭᐅᖅᑕᖅᑐᒥ ᐱᓇᓱᐊᖃᑎᒋᔭᑦᑎᓂᒃ ᑕᐃᒪᓗ ᑕᒪᕐᒥᒃ-ᑎᐅᓕᑐᐊᓕᔅ ᑕᐅᑦᑐᖏᑦ ᓄᖑᑉᐸᓪᓕᐊᓂᓐᖏᑦᑐᓂᒃ ᐱᕙᓪᓕᐊᑎᑦᑎᓂᕐᒧᑦ (ᑕᐅᖅᑐᖏᓐᓂᒃ), ᓴᕿᑎᑕᐅᓂᑰᔪᑦ ᑎᐅᓕᑐᐊᓕᔅ ᒐᕙᒪᒃᑯᓂ 2017-ᒥ, ᐅᑯᐊᓗ ᐊᔭᐅᕈᑕᐅᔪᑦ ᐱᒻᒪᕆᐅᓂᖏᓐᓂᒃ ᐃᑲᔫᑎᒃᓴᓂᒃ ᐱᕙᓪᓕᐊᑎᑦᑎᓂᒃᑯᑦ, ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒥ ᓴᓂᐊᒎᖅᑐᓪᓗ, ᐱᐅᓯᕚᓪᓕᖅᑎᓪᓗᒋᑦ ᓇᑉᐸᖅᓯᒪᔪᑦ ᐊᒻᒪᓗ ᓄᑖᑦ ᐱᓕᕆᑎᑦᑎᔾᔪᑕᐅᓕᖅᑐᑦ. ᑕᐃᑲᓂ ᑕᒪᐃᓐᓄᑦ ᐊᑕᔪᓄᑦ ᑐᕌᕆᔭᑦ ᐅᑯᐊᓗ "ᑕᒪᕐᒥᒃ ᐅᑭᐅᖅᑕᖅᑐᒥᐅᑦ ᐱᕕᖃᖅᑎᑕᐅᔭᕆᐊᖃᕐᒥᔪᑦ ᐊᑐᖅᓯᓂᐊᕐᒪᑕ ᖃᓄᐃᖏᑦᑎᐊᖁᓪᓗᒋᑦ ᐊᒻᒪᓗ ᓴᖏᑦᑎᐊᕐᓗᑎᒡᓗ ᓄᓇᓖᑦ ᐅᑯᐊ ᑲᓇᑕᒥᐅᑕᐅᔪᑦ."

ᓴᖕᖏᔪᖅ ᐱᕈᕐᓂᐊᕐᓂᖏᑦ ᓄᓇᕗᑦ ᐊᒻᒪᓗ ᔫᑳᓐ

ᑕᒪᕐᒥᒃ, ᑎᐅᓕᑐᐊᓕᔅ ᑮᓇᐅᔭᓕᐅᕈᓐᓇᐅᑎᖏᑦ ᖃᓄᐃᓕᖓᓂᐊᕐᒪᖔᑕ ᓯᕗᓂᒃᓴᑦᑎᓂ ᓂᕆᐅᓇᖅᑐᖅ ᐱᕈᕐᓗᑎᒃ 5.3% ᑕᐃᑲᓂ 2019 ᐊᒻᒪᓗ 4.4% 2020 ᒥ ᐊᓯᕈᓗᐊᖃᑦᑕᓐᖏᒻᒪᑕ 1.5% ᐊᕐᕌᒍᑕᒫᑦ ᐱᕈᕈᑎᒋᓇᔭᖅᑕᖏᑦ ᐊᕙᑖᓂᑦ 2021 ᑎᑭᓪᓗᒍ 2025.

ᐅᓇ ᐱᕈᕐᓂᖓ ᑕᒫᖓ ᓴᖕᖏᔫᖕᒪᑦ ᐱᕈᕈᑖ ᓄᓇᕗᒻᒥ, ᐅᑯᐊᓗ ᓂᕆᐅᓇᖅᑐᑦ ᐱᕈᑲᓐᓂᕐᓂᐊᖅᑐᑦ 10.3% 2019 ᒥ ᑭᓯᐊᓂ ᑕᑯᒃᓴᐅᕗᖅ ᓱᑲᐃᓕᒋᐊᕐᓂᐊᖅᑐᑦ ᑎᑭᓪᓗᒍ 3.0% ᐱᒋᐊᓪᓚᒃᑲᓐᓂᓕᓚᐅᓐᖏᓂᖏᓐᓂ ᕿᑎᐊᓂ ᐃᓱᓕᕕᒃᓴᖓᑕ. ᔫᑳᓐ ᑮᓇᐅᔭᓕᐅᕈᓐᓇᕐᑎᖏᑦ ᓂᕆᐅᒋᔭᐅᔪᑦ ᐱᕈᕐᓂᐊᖅᑐᑦ 2.2% 2019 ᒥ, 10% 2020, ᐊᒻᒪᓗ ᖃᓂᒋᔮᓂ ᐊᕐᕌᒍᒥ ᐱᕈᕈᑖᑕ ᓱᑲᓂᖓ 3.6% ᐊᕙᑖᓂ 2021 ᐊᒻᒪᓗ 2025.

ᓄᓇᑦᓯᐅᖅ ᑮᓇᐅᔭᓕᐅᕐᓂᐊᕐᓂᖓ ᓯᕗᓂᒃᒪᖅᓯᓂ ᐊᑭᑐᔫᔪᖅ. ᑕᐃᒪᓗ ᑮᓇᐅᔭᓕᐅᕐᓂᖓ ᓂᕆᐅᒋᔭᐅᔪᖅ ᐱᕈᕐᓂᐊᖅᑐᑦ ᐅᖓᑖᓄᑦ 2% 2019 ᒥ ᐊᒻᒪᓗ 2020, ᑮᓇᐅᔭᓕᐅᕈᓐᓇᕐᓂᖓᑦ ᓂᕆᐅᓇᖅᑐᖅ ᑲᑕᒡᔫᒥᓯᒪᓂᐊᖅᑐᖅ ᐃᓚᖏᓐᓂ ᐊᕐᕌᒍᓂ ᐅᔭᕋᖕᓂᐊᕐᕕᑦ ᒪᑐᖕᒪᑕ. ᒐᕙᒪᑐᖃᒃᑯᓂᑦ ᐃᑲᔪᖅᑕᐅᒍᑎᒃ, ᓄᓇᑦᓯᐊᖅ ᒐᕙᒪᒃᑯᖏᑦ ᓅᑉᐸᓪᓕᐊᔪᑦ ᐊᒥᓱᓄᑦ ᓵᑦᑎᓯᒪᓪᓗᑎᒃ ᐊᔾᔨᒌᓐᖏᑦᑐᓂᒃ ᑮᓇᐅᔭᓕᐅᕈᑎᒃᓴᓂᒃ ᐊᒻᒪᓗ ᐱᕚᓪᓕᕈᑎᒃᓴᓂᒃ ᓇᑉᐸᕆᐊᓕᒃᑎᒍᑦ ᐅᑯᐊᓗ ᐱᕙᓪᓕᐊᑐᐃᓐᓇᖅᑐᖅ ᓯᓚᐃᕕ ᓄᓇᖏᓐᓂ.

ᐅᓇ ᐱᕈᕐᓂᖓ ᑕᐃᒪᓐᓇᐅᑎᑕᐅᔪᖅ ᐃᓚᖏᓪᓗᒍ ᓴᖕᖏᔫᖕᒪᖅ ᐱᕈᕐᓂᖓ ᓄᓇᕗᒻᒥ, ᐅᑯᐊᓗ ᓂᕆᐅᒋᔭᐅᔪᑦ ᐱᕈᕐᓂᐊᖅᑐᖅ 10.3% 2019 ᒥ ᑭᓯᐊᓂ ᓱᑲᐃᓕᒋᐊᕐᓂᐊᖅᑐᖅ 3.0% ᐱᒋᐊᓪᓚᒃᑲᓐᓂᓕᓚᐅᓐᖏᓂᖏᓐᓂ ᕿᑎᐊᓂ ᐃᓱᓕᕕᒃᓴᖓᑕ. ᔫᑳᓐ ᑮᓇᐅᔭᓕᐅᕈᓐᓇᕐᑎᖏᑦ ᓂᕆᐅᒋᔭᐅᔪᑦ ᐱᕈᕐᓂᐊᖅᑐᑦ 2.2% 2019 ᒥ, 10% 2020, ᐊᒻᒪᓗ ᖃᓂᒋᔮᓂ ᐊᕐᕌᒍᒥ ᐱᕈᕈᑖᑕ ᓱᑲᓂᖓ 3.6% ᐊᕙᑖᓂ 2021 ᐊᒻᒪᓗ 2025.

ᐱᕕᐅᔪᖅ: ᑲᑎᒪᕕᒃᔪᐊᖅᑎᑦ ᑲᓇᑕᒥ, ᑎᐅᓕᑐᐊᓕ ᖃᓄᐃᓕᖓᓂᐊᕐᓂᖓ, ᐊᐅᔭᖅ 2019.

ᐱᕕᖃᕐᑎᑦᑎᓂᖅ ᐊᒻᒪᓗ ᐱᔭᕐᓂᓐᖏᑦᑐᑰᕐᓂᖅ

ᐃᓄᒋᐊᖕᓂᖅ ᓄᓇᖃᖅᑳᕐᓂᒃᑯᑦ ᓇᓗᓇᐃᕐᓯᒪᓂᖅ (2016)
ᓇᓗᓇᐃᔭᕈᑎ ᓇᓗᓇᐃᒃᑯᑎᐅᔪᓄᑦ ᑎᐅᕆᑑᕆᓂᒃ ᑲᓇᑕᒥ ᓄᓇᖃᖅᑳᖅᑐᑦ ᐅᓂᕐᓂᖏᑦ (2016)
ᑎᐅᕆᑑᕆᓂᒃ ᑲᓇᑕᒥ ᓄᓇᖃᖅᑳᖅᑐᑦ ᐅᓄᕐᓂᖏᑦ (2016)
ᓇᓃᓐᓂᖏᑦ ᐊᓪᓚᐃᑦ (%) ᐊᓪᓚᖓᔪᐃᑦ (%) ᐃᓄᐃᑦ (%) ᐊᔾᔨᒌᙱᑦᑐ ᐊᒻᒪ ᐊᓯᖏᓐᓂ ᓇᓗᓇᐃᒃᑯᑎᓖᑦ (%) ᓄᓇᖃᖅᑳᙱᑦᑐ
ᔫᑳᓐ 19 3 0.66 1 77
ᓄᓇᑦᓯᐊᖅ 32 8 10 1 49
ᓄᓇᕗᑦ 1 0.46 85 0.18 14
ᓇᐃᓴᐅᑏ ᐋᖅᑭᒃᑕᐅᓯᒪᔪᑦ ᖃᓂᓛᓄᑦ ᓇᐃᓴᐅᑎᓪᓚᕆᖕᓄᑦ.

ᑲᓇᑕᐅᑉ ᑎᐅᓕᑐᐊᓕᔅ ᓄᓇᒋᔭᐅᔪᖅ 114,000 ᐃᓄᐃᑦ, ᐊᒡᕙᖏᑦ ᓄᓇᖅᑲᖅᑳᖅᓯᒪᔪᑦ, ᓄᓇᖃᖅᑐᑦ ᓇᓂᑐᐃᓐᓇᖅ 40%-ᖓ ᑲᓇᑕᐅᑉ ᓄᓇᖓᑕ. ᐅᑭᐅᖅᑕᖅᑐᖅ ᐊᔾᔨᒌᓐᖏᑦᑐᓂᒃ ᐱᕕᖃᕐᑎᑦᑎᔪᓐᓇᖅᑐᖅ, ᑕᒪᕐᒥᒃ ᐊᑕᔪᑦ ᓄᓇᒥ ᐃᑲᔫᑎᒃᓴᑎᒍᑦ, ᑲᔾᔮᕐᓇᖅᑐᖅ ᓄᓇᖓ,ᐊᒻᒪᓗ ᐊᔾᔨᐅᓐᖏᑦᑐᑦ ᐱᐅᓯᑐᖃᖏᑦ ᐃᓄᖏᑦ. ᐅᔭᕋᖕᓂᐊᖅᓂᖅ ᓱᓕ ᑕᒪᐃᓐᓄᑦ ᑎᐅᓕᑐᐊᓕᔅᓂ ᑮᓇᐅᔭᓕᐅᕈᑕᐅᔪᖅ, ᓄᑖᑦ ᐱᕕᖃᕐᑎᑦᑎᔪᑦ ᐱᕈᖅᐸᓪᓕᐊᑎᐊᖁᓪᓗᒋᑦ ᓴᕿᑉᐸᓪᓕᐊᔪᑦ ᐊᔾᔨᒌᓐᖏᑦᑐᑦ ᐃᓚᒋᔭᐅᓪᓗᓂ ᐳᓚᕋᑦᑐᓕᕆᓂᖅ, ᓄᓇᒥ ᐆᒻᒪᖁᑎᓕᕆᓂᖅ, ᐅᑭᐅᖅᑕᖅᑐᖅ ᓂᕿᓕᕆᔨᖏ, ᑮᓇᐅᔭᓕᐅᕈᑎᖃᖅᖢᑎᒃ ᐃᖃᓗᒐᓱᖕᓂᖅ, ᐊᒻᒪᓗ ᐱᐅᓯᑐᖃᕐᒧᑦ ᐊᒻᒪᓗ ᐃᓄᖕᓂᖔᖅᑐᓂᒃ. ᐅᓇ 60%-ᖏᑦ ᐃᓄᖏᑕ ᐅᑭᐅᖃᖅᑐᑦ ᐊᑖᓂ 40, ᑎᐅᓕᑐᐊᓕ ᒪᒃᑯᒃᑐᖏᑦ ᐃᓕᓐᓂᐊᖅᓯᒪᑦᑎᐊᖅᑐᑦ ᐊᒻᒪᓗ ᓴᓇᕕᖕᒥᓂᑦ ᐃᑲᔪᖅᑕᐅᔪᓐᓇᖅᑐᑦ, ᐊᖏᔪᒥᒃ ᐱᕕᖃᖅᑎᑕᐅᕗᑦ ᐃᑲᔪᕈᓐᓇᖅᑐᑦ ᐊᓯᑦᔩᑦᑎᐋᕈᑎᒃᓴᓄᑦ.

ᐅᑯᐊ ᑎᐅᓕᑐᐊᓕᔅ ᐱᑕᖃᖅᑐᑦ ᒪᕐᕉᒃ ᑖᒃᑯᓇᖓᑦ ᑎᓴᒪᓂᑦ ᑎᐅᓕᑐᐊᓕᔅ: ᐃᓅᕕᐊᓗᐃᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ. ᑖᒃᑯᐊᓕ ᓄᓇᕕᒃ (ᑯᐸᐃᒃ), ᐊᒻᒪᓗ ᓄᓇᑦᓯᐊᕗᑦ (ᓛᐸᑐᐊ), ᐅᑯᐊ ᓄᓇᓖᑦ ᑕᐃᔭᐅᕗᑦ ᐃᓄᐃᑦ ᓄᓇᖓᑦ. ᐃᓄᐃᑦ ᐊᒻᒪᓗ ᒐᕙᒪᑐᖃᒃᑯᑦ ᓴᕿᑦᑎᓯᒪᔪᑦ ᐃᓄᐃᑦ ᓄᓇᖓ ᓱᓕᓂᕋᐅᑎ ᐊᒻᒪᓗ ᓴᕿᑦᑎᓪᓗᑎᒃ ᐃᓄᐃᑦ-ᑲᓇᑕᐅᑉ ᒐᕙᒪᒃᑯᖏᑦ ᐱᓇᓱᐊᖃᑎᒌᑦ ᑲᑎᒪᔨᕋᓛᑦ ᑲᑐᔾᔨᓗᑎᒃ ᐱᕚᓪᓕᕐᑎᑦᑎᕙᓪᓕᐊᓂᐊᖅᑐᑦ ᑕᒪᐃᓐᓂᑦ ᓯᕗᓪᓕᖅᐸᐅᑎᔭᐅᔭᕆᐊᖃᖅᑐᓂᒃ ᓇᓂᑐᐃᓐᓇᖅ ᐃᓄᐃᑦ ᓄᓇᖓᓂ ᑲᒪᒋᔭᐅᓗᑎᒃ, ᐊᔾᔨᒌᒥᒃ. ᑳᓄᐊᒃᑯᑦ ᐋᕿᒃᓯᒪᔾᔪᑎᒃᓴᖓ ᒪᓕᑦᑎᐊᕐᓂᐊᖅᑐᖅ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᐱᔭᒃᓴᖏᓐᓂᑦ ᐃᓄᐃᑦ-ᑲᓇᑕᐅᑉ ᒐᕙᒪᒃᑯᖏᑦ ᐱᓇᓱᐊᖃᑎᒌᑦ ᑲᑎᒪᔨᕋᓛᑦ.

ᑭᓱᒥᑦ ᐅᑭᐅᖅᑕᖅᑐᖅ ᐊᔾᔨᐅᓐᖏᔾᔪᑎᖃᖅᐸ ᐊᓯᖏᓐᓂᑦ ᓄᓇᒋᔭᐅᔪᓂ ᑲᓇᑕᒥ ᐊᖏᓛᒍᔪᖅ ᐱᓕᕆᕕᐅᔪᖅ ᓄᓇᖅᑲᖅᑳᖅᓯᒪᔪᑦ ᓇᖕᒥᓂᖃᕐᕕᒋᓪᓗᒍ ᑮᓇᐅᔭᓕᐅᕐᕕᐅᔪᓐᓇᖅᑐᓂᑦ, ᐱᓗᐊᖅᑐᒥᒃ ᓄᓇᖅᑲᖅᑳᖅᓯᒪᔪᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕆᓴᓐ, ᐅᑯᐊᓗ ᐃᓚᖏᑦ ᐊᖏᓛᔪᖑᔪᑦ ᓇᖕᒥᓂᖃᖅᑐᑦ ᐊᖓᔪᖅᑳᖃᕐᕕᖃᖅᑐᑦ ᑎᐊᓕᑐᐊᓕᔅᓂ. ᐅᑯᐊ ᑯᐊᐳᕇᓴᓐ ᐃᓚᒋᔭᖏᑦ ᐱᕈᖅᐸᓪᓕᐊᔪᓂ ᐃᓅᓯᓕᕆᓂᕐᒧᑦ ᑲᒻᐸᓂᐅᔪᑦ ᐅᑭᐅᖅᑕᖅᑐᒥ, ᐱᓕᕆᔪᑦ ᑕᒪᐃᓐᓂᑦ ᑮᓇᐅᔭᓕᐅᕋᓱᐊᖅᖢᑎᒃ ᐊᒻᒪᓗ ᐃᓅᓯᖃᑦᑎᐊᕐᓂᐊᕋᒥᒃ. ᐊᓯᐊᑦᑕᐅᖅ ᓴᕿᔮᖅᑐᖅ ᐃᓚᖓ ᐱᑕᖃᕐᓂᖓᓄ ᑭᓱᑐᐃᓐᓇᓄᑦ ᑲᑎᖓᔪᑦ ᑮᓇᐅᔭᓕᐅᕈᑕᐅᔪᑦ ᐃᒧᖕᒥᑦ ᒪᓕᒡᖢᓂ ᐱᐅᓯᑐᖃᖓᑦᑎᒍᑦ ᑮᓇᐅᔭᓕᐅᕈᑕᐅᔪᓐᓇᕐᓂᖓ ᐊᖑᓇᓱᖕᓂᒃᑯᑦ, ᐃᖃᓗᒐᓱᖕᓂᒃᑯᑦ, ᐊᒻᒪᓗ ᓄᓇᒦᓐᓂᒃᑯᑦ, ᑲᑎᖓᔪᑦ ᐅᑯᐊ ᐱᓕᕆᔭᐅ)ᑦ ᐃᓚᐅᔪᓂᑦ ᑮᓇᐅᔭᓕᐅᖅᖢᑎᒃ ᓴᓇᔨᐅᓂᕐᒥ. ᐊᒻᒪᓗ ᑐᓂᓯᓯᒪᔪᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖓ ᐃᑲᔫᑎᓪᓗᓂ, ᐱᐅᓯᑐᖃᕐᓂᒃ ᖃᐅᔨᓕᐅᖅᑎᑦᑲᓐᓂᖅᖢᑎᒃ ᐊᑐᖅᖢᒋᑦ ᐱᐅᓯᑐᖃᖅ ᑲᔪᓯᓂᐊᕐᒪᑦ ᐊᒻᒪᓗ ᓴᖕᖏᒃᑎᒋᐊᕐᓗᓂ ᐊᒥᓱᓂ ᐅᑭᐅᖅᑕᖅᑐᒥ ᓄᓇᖅᑲᖅᑳᖅᓯᒪᔪᓂ.

ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᐊᒻᒪᓗ ᐱᕈᕈᑎᖃᕐᓂᖅ ᓇᓕᑐᐃᓐᓇᖅ ᑎᐊᓕᑐᐊᓂᒥ ᐅᖓᑖᓃᑦᑐᖅ ᐊᒃᓱᕈᓐᓇᖅᑐᑰᖃᑦᑕᕐᒪᑕ ᐱᑕᖃᓐᖏᓗᐊᕐᓂᖏᓐᓄᑦ ᐊᒻᒪᓗ ᐅᖓᓯᒌᒃᑑᑕᐅᓂᖏᓐᓄᑦ ᓄᓇᖃᖅᑐᑦ. ᐅᑭᐅᖅᑕᖅᑐᒥᐅᑦ ᓱᓕ ᐊᑐᖅᓯᔪᑦ ᑎᑭᑎᑕᐅᑎᑦᑎᕙᒡᖢᑎᒃ ᐅᒥᐊᕐᔪᐊᒃᑯᑦ, ᓄᓇᓯᐅᑎᒃᑯᑦ ᐅᒡᕙᓘᓐᓃᑦ ᖃᖓᑕᓲᒃᑯᑦ ᐅᖓᓯᒃᑐᓃᑦᑐᑦ ᑭᖕᖑᒪᒋᔭᖏᓐᓂᑦ ᐃᓚᒋᔭᐅᔪᑦ ᓂᕿᒃᓴᑦ ᐊᒻᒪᓗ ᐱᔪᓐᓇᐅᑎᒃᓴᐃᑦ. ᐅᓇ ᐃᑲᔫᑎ ᐊᑭᓕᐅᑎᒋᓪᓗᒋᑦ ᐊᑭᑐᔫᑕᐅᓂᖅᓴᐅᓂᖏᓐᓄᑦ ᑎᐅᓕᑐᐊᓕᓂ ᐊᓯᖏᓐᓂᓪᓕ ᑲᓇᑕᒥ. ᐊᓯᖏᑦ ᐱᔭᕐᓂᓐᖏᑦᑐᑦ ᐃᓚᖃᖅᑐᑦ ᐃᖅᑲᓇᐃᔮᒃᓴᖃᓐᖏᓐᓂᖅ ᐊᒻᒪᓗ ᑮᓇᐅᔭᓕᐅᕈᑕᐅᔪᓐᓇᖅᑐᑦ ᑲᑕᒃᓯᒪᑎᓪᓗᒋᑦ ᐊᓯᑦᔨᖅᖃᑦᑕᕐᓂᖏᓐᓄᑦ ᖃᓅᑎᒋᔪᒻ ᐅᔭᕋᖕᓂᐊᕐᓂᖅ ᐱᓪᓗᒍ.

ᒍᓕᐊᒻ ᐅᓐᓇ, ᓄᑖᖅ ᓄᓇ ᑭᓱᖏᓐᓂᓗ ᐱᓕᕆᔨᐅᔪᖅ, ᐃᓕᐅᖃᐃᔪᖅ ᓄᓇᒧᑦ ᖃᐅᔨᓴᕈᑎ (ᐊᐅᐸᔮᖅᑐᖅ) ᑕᐃᑲᓂ ᒍᐊᔅ ᑕᓯᖅ ᖃᓂᒋᔭᖓᓂ ᔭᓗᓇᐃ, ᓄᓇᑦᓯᐊᖅ

ᐸᒡᕕᔭᐅᖃᑦᑕᖅᑎᓪᓗᒋᑦ ᐊᒃᑐᐃᔪᑦ ᓄᓇᕐᔪᐊᓕᒫᑦ ᑮᓇᐅᔭᓕᐅᕈᑖᓂ ᐊᒃᑐᐃᔪᖅ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒥᒃ ᑎᐅᓕᑐᐊᓕᓂ, ᐅᓇ ᓄᑖᖅ ᐱᔭᕐᓂᓐᖏᑦᑐᑰᕈᑕᐅᔪᓐᓇᖅᑐᖅ ᐊᒻᒪᓗ ᐱᕕᖃᕐᑎᑦᑎᔪᓐᓇᕆᓪᓗᓂ. ᐅᓇ ᓄᓇᖓᑦ ᖃᓄᑐᐃᓐᓇᖅ ᐊᒃᑐᖅᑕᐅᔪᖅ ᐱᓪᓗᒍ ᓯᓚᐅᑉ ᐅᖂᓯᕙᓪᓕᐊᓂᖓᓄ ᑕᐃᒪᓗ ᑲᓇᑕᐅᑉ ᐅᑭᐅᖅᑕᖅᑐᖓ ᐅᖂᓯᓯᒪᓕᖅᑐᖅ ᐱᖓᓱᐃᓪᓗᐊᖅᓯᒪᓪᓗᓂ ᓱᑲᓕᑎᒋᓂᖓ ᓄᓇᕐᔪᐊᑉ ᓱᑲᓕᑎᒋᓂᖓᓐᓂᓪᓕ. ᑕᐃᒪᓐᓇᐅᓂᖓᓄ, ᐅᓇ ᓄᓇᖓ ᐊᒃᑐᖅᓯᒪᔪᖅ ᖃᓄᑐᐃᓐᓇᖅ ᐊᕙᑎᖓᓂ ᑕᒃᑯᓄᖓ ᐃᓚᒋᔭᐅᓪᓗᑎᒃ ᓯᑯᑲᓐᖏᑯᑖᖃᑦᑕᖅᑐᖅ ᐊᒻᒪᓗ ᓇᒥᑐᐃᓐᓈᓕᖅᐸᓪᓕᐊᔪᖅ, ᐊᐅᓕᖅᑐᖅ ᕿᖀᓇᓲᖅ ᐊᐅᒍᓐᓇᓐᖏᑦᑐᖅ, ᐊᒻᒪᓗ ᐊᓯᑦᔨᖅᑐᑦ ᓇᒧᖔᓯᒪᓕᕐᓂᖏᑦ ᓂᕐᔪᑎᑦ. ᐊᒃᑐᖅᑕᐅᕙᓪᓕᐊᓂᖏᓐᓄᑦ ᐅᓗᕆᐊᓇᖅᓯᕙᓪᓕᐊᔪᑦ ᐊᑭᑐᔫᔪᓐᓇᖅᑐᑦ ᓱᕋᒃᑐᑦ ᐃᒡᓗᑦ, ᐊᓯᑦᔨᖅᑐᖅ ᐃᓄᐃᑦ ᓂᕿᖏᑦ, ᐅᓗᕆᐊᓇᖅᑐᒦᓕᖅᑎᑕᐅᔪᑦ ᐊᖁᑎᖏᑦ ᐃᓚᒋᔭᐅᓪᓗᑎᒃ ᐃᖏᕐᕋᕕᖏᑦ ᓯᑯᒃᑯᑦ ᓯᑭᑑᒃᑯᑦ ᕿᒧᒃᓯᖅᑐᓘᓐᓃᑦ, ᐊᒻᒪᓗ ᐊᒃᑐᖅᑕᐅᔪᖅ ᐃᓅᓯᖓ ᐊᒻᒪᓗ ᐱᐅᓯᑐᖃᖓ ᖃᓄᐃᖏᑦᑎᐊᕈᓐᓇᐅᑎᖏᑦ ᐅᑭᐅᖅᑕᖅᑐᒥ ᓄᓇᖃᖅᑐᑦ. ᑕᐃᒪᓐᓇᐅᒐᓗᐊᖅᑎᓪᓗᒍ, ᓯᑯᖃᕈᓐᓃᖅᓯᒪᓕᕐᓂᖓᓄ ᐊᒻᒪᓗ ᐱᐅᓯᕚᓪᓕᖅᓯᒪᓕᖅᑎᓪᓗᒋᑦ ᓂᒡᓚᓱᒃᑐᒥ ᖃᕆᓴᐅᔭᓕᕆᔾᔪᑎᑦ, ᐅᑭᐅᖅᑕᖅᑐᖅ ᐅᐸᒃᑕᐅᔪᓐᓇᕐᓂᖅᓴᐅᓕᖅᑐᖅ ᑮᓇᐅᔭᓕᐅᕈᑎᖃᖅᑐᓂᑦ ᖃᓄᐃᓕᐅᕆᐊᖅᑐᖅᓯᒪᔪᓂᑦ ᐃᓚᒋᔭᐅᔪᑦ ᐅᔭᕋᖕᓂᐊᖅᑎᑦ ᕿᓂᖅᑐᑦ, ᐃᖃᓗᒐᓱᖕᓂᖅ, ᐳᓚᕋᑎᑦ, ᖃᐅᔨᓴᐃᓂᒻᒪᕆᖅ ᐊᒻᒪᓗ ᐅᓯᑲᖅᑕᖅᑐᑦ ᐅᒥᐊᕐᔪᐊᑦ (ᑕᒪᕐᒥᒃ ᒥᑭᔪᑦ ᐊᒻᒪᓗ ᐊᖏᔪᑦ ᐅᒥᐊᑦ). ᐅᑭᐅᖅᑕᖅᑐᕐᒥᐅᑦ ᖃᐅᔨᒪᔪᕐᔪᐊᖑᓂᖅᐹᖑᓕᖅᑐᑦ ᑕᒪᐃᓐᓂᒃ ᐱᓪᓗᒍ ᓯᓚᐅᑉ ᐅᖂᓯᕙᓪᓕᐊᓂᖓᓄᑦ ᓱᖏᐅᓴᓂᖅ, ᐋᕿᒍᑎᓗᑎᒃ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᑐᓴᕐᑎᑦᑎᔾᔪᑎᒋᓗᒋᑦ ᖃᐅᔨᒪᔭᖏᑦ ᐊᓯᒥᖕᓄᑦ ᓄᓇᕐᔪᐊᒥ.

ᐊᓯᐊᑦᑕᐅᖅ ᓄᓇᕐᔪᐊᒥ ᐸᒡᕕᔪᖅ ᑕᒪᓐᓇ ᐊᓯᑦᔩᔪᖅ ᐅᑭᐅᖅᑕᖅᑐᒥᒃ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᖃᕆᓴᐅᔭᓕᕆᓂᖅ (ᐃᓄᖑᐊᑦ ᐊᐅᓚᐅᑎᖃᖅᑐᑦ, ᖃᐅᔨᒪᔨᒋᔭᐅᔪᑦ ᖃᕆᑕᐅᔭᐃᑦ, ᑮᓇᐅᔭᓕᕆᔾᔪᑕᐅᔪᑦ, ᐅᖃᓘᓯᕆᔾᔪᑕᐅᔪᑦ ᐊᓯᖏᓪᓗ) ᐅᑯᐊ ᐊᓯᑦᔩᕙᓪᓕᐊᔪᑦ ᐊᐅᓚᔾᔪᓯᖏᓐᓂᒃ ᑲᒻᐸᓃᑦ, ᖃᓄᕆᑑᓂᖓ ᓴᓇᔭᐅᔪᖅ ᐊᒻᒪᓗ ᐋᕿᒃᓯᒪᓂᖏᑦ ᑲᒻᐸᓂᐅᔪᑦ. ᐅᓇ ᓄᑖᖅ ᖃᕆᓴᐅᔭᕐᑎᒍᑦ ᑮᓇᐅᔭᓕᐅᕈᑕᐅᔪᖅ ᓴᕿᑦᑎᔪᓐᓇᕐᒪᑦ ᓄᑖᓂᒃ ᑮᓇᐅᔭᓕᐅᕈᑎᖃᕈᓐᓇᖅᓯᑎᑦᑎᓗᑎᒃ ᐊᒃᓱᕈᓐᓇᓗᐊᕋᑎᒡᓗ ᐊᐅᓚᑎᓐᓇᓱᒡᓗᒋᑦ ᐃᓄᑭᑦᑐᓂᕐᒥᐅᑕᐅᓪᓗᓂ ᐊᒻᒪᓗ ᑎᓕᐅᕆᔾᔪᑎᑲᓐᓂᐅᔪᓐᓇᖅᑐᑦ ᓄᓇᖓᓐᓄᑦ ᑎᑭᐅᑎᔭᐅᔪᓐᓇᕐᓗᑎᒃ (ᓲᕐᓗ ᓴᓇᕕᑦ ᑕᒪᐅᓐᓇ ᓲᕐᓗ ᐱᖓᓲᓕᖓᓪᓗᓂ ᓴᕿᔮᕈᓐᓇᖅᑐᑦ). ᑐᓐᖓᕕᖕᓄᑦ ᐱᔾᔪᑕᐅᔪᑦ, ᓲᕐᓗ ᖃᕆᓴᐅᔭᕐᒧᒃ ᐊᑕᑕᕈᑎᖏᑦ ᐱᔭᕐᓂᖃᑦᑕᓐᖏᑦᑐᑦ ᐊᒻᒪᓗ ᐱᓕᕆᕕᒋᔪᓐᓇᕐᓗᒋᑦ ᐃᓕᓐᓂᐊᕐᕕᐅᔪᑦ ᓲᕐᓗ ᐳᖅᑐᓂᖅᓴᐅᔪᓄᑦ, ᑕᒪᒃᑯᐊ ᐅᖃᐅᓯᐅᔭᕆᐊᖃᕐᓂᐊᖅᑐᑦ ᑎᐅᓕᑐᐊᓕᓂ ᐃᓚᐅᖁᓪᓗᒋᑦ ᑕᒪᑐᒧᖓ ᓄᑖᖅ ᖃᕆᓴᐅᔭᒃᑯᑎᒍᑦ ᑮᓇᐅᔭᓕᐅᕈᑕᐅᔪᓐᓇᖅᑐᖅ.

ᓯᕗᓪᓕᐅᑎᒋᐊᓕᑦ ᐱᕈᕈᑎᒃᓴᓄᑦ

ᐊᑐᓕᕐᓗᒋᑦ ᑐᓴᖅᑕᕗᑦ ᐱᓕᕆᖃᑎᒋᔭᑦᑎᓂᑦ (ᑎᐅᓕᑐᐊᓕ ᒐᕙᒪᒃᑯᑦ ᐋᕿᒃᓯᒪᔾᔪᑎᒃᓴᖏᓐᓄᑦ - ᑐᓴᖅᑕᑦᑎᓂᑦ), ᐅᑯᐊ ᑕᒪᕐᒥᒃ - ᑎᐅᓕᑐᐊᓕᔅ ᐱᕈᕐᕕᒃᓴᖏᓐᓄᑦ ᐋᕿᒃᓯᒪᔾᔪᑎᒃᓴᐃᑦ ᑎᓴᒪᓂᒃ ᐊᑑᑎᖃᕐᕕᓕᖕᒥᒍᑦ ᐱᓕᕆᓂᐊᕐᓗᒋᑦ. ᑲᑐᑎᓗᒋᑦ, ᐃᑲᔫᑎᓂᐊᖅᑐᑦ ᐊᔪᖏᑦᑎᐊᖅᑐᒥᒃ ᐊᒻᒪᓗ ᐃᓚᒋᔭᐅᑎᑦᑎᔪᒥᒃ ᐅᑭᐅᖅᑕᖅᑐᒥ ᑮᓇᐅᔭᖃᕐᑎᑦᑎᓂᖅ.

ᓴᓇᔪᓐᓇᑦᑎᐊᖅᑐᓂᒃ ᐃᖅᑲᓇᐃᔭᖅᑎᖃᕐᓂᖅ
ᓴᖏᒃᑎᓯᒪᓗᒋᑦ ᐅᑭᐅᖅᑕᖅᑐᒥ ᐃᖅᑲᓇᐃᔭᕐᕕᑦ ᐊᒻᒪᓗ ᓴᓇᕐᕈᑎᖃᕈᓐᓇᑦᑎᐊᖅᑎᓪᓗᒋᑦ ᐅᑭᐅᖅᑕᖅᑐᒥᐅᑦ, ᓴᓇᔪᓐᓇᑦᑎᐊᓕᕐᓗᑎᒃ, ᐊᒻᒪᓗ ᐱᓕᕆᓚᐅᖅᓯᒪᓕᕐᓂᐊᕐᒪᑕ ᑲᔪᓯᑦᑎᐊᕈᑎᒋᓂᐊᕐᓗᒋᑦ ᓴᓇᕕᖕᓂ, ᒫᓐᓇ ᐊᒻᒪᓗ ᓯᕗᓂᒃᓴᑦᑎᓐᓂ.

ᓇᑉᐸᕆᐊᓖᑦ ᑮᓇᐅᔭᓕᐅᕈᑕᐅᔪᓐᓇᕐᓂᐊᖅᑐᑦ ᐊᒻᒪᓗ ᐱᕙᓪᓕᐊᑎᑦᑎᔾᔪᑎᒃᓴᐃᑦ
ᓇᓕᖃᕇᓕᖅᓯᒪᓗᒋᑦ ᐊᒡᒋᖅᑐᑦ ᖃᑭᔾᔪᑎᒃᓴᐃᑦ ᐊᒻᒪᓗ ᑲᔪᓯᔪᒥᒃ ᐊᐅᓚᑦᑎᔾᔪᑕᐅᔪᑦ ᓇᑉᐸᕆᐊᓖᑦ ᐱᓕᕆᐊᖑᔪᑦ ᐅᓄᖅᓯᓂᐊᕐᒪᑕ ᓄᓇᓕᖕᓂ ᐊᒻᒪᓗ ᐊᕕᒃᑐᖅᓯᒪᔪᖏᓐᓂ ᑮᓇᐅᔭᓕᐅᕐᕕᖃᕈᓐᓇᕐᓗᑎᒃ.

ᐅᔭᕋᖕᓂᐊᕐᕕᒃᑎᒍᑦ ᐱᕙᓕᐊᑎᑕᐅᓂᖅ
ᐃᑲᔪᖅᑐᖅ ᓄᓇᒥᒃ ᓱᕋᑦᑎᓇᑎᒃ ᐱᕙᓪᓕᐊᑎᑦᑎᔪᑦ ᐅᔭᕋᖕᓂᐊᖅᑐᑦ ᐊᒻᒪᓗ ᐆᒻᒪᖁᑎᖃᕐᕕᐅᔪᑦ, ᓇᐅᒃᑯᑐᐃᓐᓇᖅ ᐱᕙᓪᓕᐊᓂᖃᐃᓐᓇᖅᑎᓪᓗᒋᑦ, ᐅᓄᖅᓯᕙᓪᓕᐊᓗᑎᒡᓗ ᓄᓇᓕᒃᑎᒍᑦ, ᐅᓄᖅᓯᕙᓪᓕᐊᔪᖅ ᐃᖅᑲᓇᐃᔮᒃᓴᐃᑦ ᐊᒻᒪᓗ ᐊᔪᖅᓴᕈᓐᓃᖅᐸᓪᓕᐊᔪᑦ ᐃᓗᐊᓂ ᑎᐅᓕᑐᐊᓕᔅ, ᐊᒻᒪᓗ ᓴᕿᑦᑎᓯᒪᕗᖅ ᐋᕿᐅᑎᒋᑦᑎᐊᖅᓯᒪᓪᓗᓂ ᑮᓇᐅᔭᓕᕆᔨᒃᑯᑦ ᐊᒃᑐᐃᓂᖓ ᓄᓇᓕᖕᓄᑦ.

ᐊᔾᔨᐅᓐᖏᑑᔪᑦ ᐊᒻᒪᓗ ᐋᕿᒃᑕᒥᒍᑦ ᐱᓕᕆᔾᔪᑎᖃᖅᑐᑦ
ᐊᑐᖅᓯᔪᑦ ᓱᕈᖅᓴᐃᓐᖏᓪᓗᑎᒃ ᐱᕈᖅᑎᐊᕐᓗᑎᒃ ᐊᓯᑎᒃ ᑮᓇᐅᔭᓕᐅᕕᓐᓇᕐᕕᖃᖅᑐᑦ ᐊᐅᓪᓗᑎᓗᒍ ᓴᖏᒃᑎᕙᓪᓕᐊᑎᓪᓗᒋᑦ ᓇᖕᒥᓂᖃᖅᑐᑦ ᐊᒻᒪᓗ ᐅᑭᐅᖅᑕᖅᑐᒥ ᐃᒻᒥᒍᑦ ᓄᑖᑦ ᐋᕿᒃᑕᒥᒍᑦ ᐱᓕᕆᔾᔪᑎᖃᖅᑐᑦ.

ᒐᕙᒪᒃᑯᑦ ᐱᓕᕆᐊᒃᓴᓄᑦ ᐃᓄᑑᓗᓯᒃ ᑲᔪᓯᑎᑦᑎᔪᓐᓇᓐᖏᑦᑐᑦ ᐱᔭᐅᔪᒪᔪᓂᒃ. ᐱᓇᓱᐊᖃᑎᒌᒋᐊᖃᖅᑐᑦ ᐋᕿᒃᓱᐃᕙᓪᓕᐊᓗᑎᒃ ᓴᖕᖏᒃᑎᕙᓪᓕᐊᓗᑎᒃ ᑕᒪᐃᓐᓂᒃ ᓇᖕᒥᓂᖃᖅᑐᓂᒃ, ᐃᓚᒋᔭᐅᓗᑎᒃ ᓄᓇᖅᑲᖅᑳᖅᓯᒪᔪᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ, ᒥᑭᔪᑦ-ᐊᒻᒪᓗ ᕿᑎᐊᓂ- ᐊᖏᓗᐊᓐᖏᑦᑐᑦ ᓇᖕᒥᓂᖁᑎᖃᖅᑐᑦ, ᑲᒻᐸᓂᑦ, ᐃᓅᓯᓕᕆᓂᕐᒥ ᑮᓇᐅᔭᓕᐅᕈᑎᖃᖅᑐᑦ, ᐊᒻᒪᓗ ᐊᓯᖏᑦ ᓲᕐᓗ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᑦ ᐊᒻᒪᓗ ᖃᐅᔨᓴᕐᕕᑦ. ᓄᓇᕐᔪᐊᒥ ᐱᓇᓱᐊᖃᑎᒌᒋᐊᖃᕐᒥᔪᑦ ᐱᔪᒪᔪᖃᕐᓂᐊᕐᒪᑦ ᓄᓇᕐᔪᐊᑦᑕ ᐊᑭᐊᓂ ᑮᓇᐅᔭᓕᐅᕈᑎᒋᔪᓐᓇᖅᑕᑦᑎᓂᒃ ᐊᒻᒪᓄ ᐊᔭᐅᕆᑦᑎᐊᖅᑐᑦ ᓄᓇᕐᔪᐊᒥ ᖃᐅᔨᓴᖅᑎᒻᒪᕇᑦ ᖃᐅᔨᓴᖅᑐᓂᒃ ᐃᑲᔪᕐᓗᑎᒃ ᑎᑭᐅᑎᑦᑎᐊᕆᐊᖃᖅᑐᓄᑦ ᑐᑭᓯᓇᖅᓯᔭᕆᐊᖃᖅᑐᓄᑦ. ᐅᑯᐊ ᐱᒻᒪᕆᐅᔪᓂᒃ ᐃᓚᒌᑦ ᐊᑕᔪᑦ ᓇᑭᑐᐃᓐᓇᖅ ᐱᓕᕆᔭᐅᔭᕆᐊᖃᖅᓱᓗᑦ ᐱᐅᓯᕚᓪᓕᕈᑎᒋᔪᓐᓇᖅᑐᑦ ᐅᑭᐅᖅᑕᖅᑐᒥᒃ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓂᒃ ᐸᕐᓇᐅᑎᖃᕈᑎᒃ ᐊᑭᑐᔪᓂ ᐱᑕᖃᓕᕐᓗᓂ ᐊᒻᒪᓗ ᓴᕿᑕᐅᓗᑎᒃ ᑮᓇᐅᔭᓕᐅᕈᑕᐅᔪᓐᓇᖅᑐᑦ.

ᐱᒋᐊᕈᑎᕗᑦ

ᑲᑐᑎᔭᐅᔭᕆᐊᖃᖅᑐᖅ ᐱᓕᕆᓂᐊᕐᓗᒋᑦ ᐅᑯᐊ ᐱᔭᕐᓂᓐᖏᑦᑐᑦ, ᐊᑭᑐᔫᑎᓂ ᐅᑭᐅᖅᑕᖅᑐᑉ ᐊᖏᔪᓂᒃ ᐱᕕᖃᖅᑎᑦᑎᔾᔪᑎᖏᑦ, ᐊᒻᒪᓗ ᕿᓂᕐᓗᑕ ᐋᕿᒃᓱᑦᑎᐊᖅᓯᒪᔪᓂ ᐃᓱᒪᓕᕈᑎᒃᓴᓂᒃ ᐱᕈᕈᑎᒃᓴᓄᑦ. ᑭᓯᐊᓂ ᑲᑐᑎᒍᑦᑎᒍᑦ ᑲᔪᓯᑦᑎᐊᕈᓐᓇᕐᓂᐊᖅᑐᒍᑦ. ᐱᓇᓱᐊᖃᑎᒌᖕᓂᖅ ᐊᑕᔪᖅ ᑕᒪᐃᓐᓄᑦ ᑳᓄᐊᒃᑯᓄᑦ ᐱᓕᕆᐊᕆᒐᓱᐊᖅᑕᖏᓐᓄᑦ ᑮᓇᐅᔭᑎᒍᑦ ᐱᕈᖅᑎᑦᑎᓇᓱᖕᓂᐊᖅᖢᓂ. ᐃᑲᔪᖃᑎᒌᒡᓗᑕ ᑎᐅᓕᑐᐊᓕ ᒐᕙᒪᒃᑯᓪᓗ, ᓄᓇᖅᑲᖅᑳᖅᓯᒪᔪᑦ ᐊᐅᓚᑦᓯᔨᖏᓪᓗ, ᑲᒻᐸᓂᑦ ᐊᒻᒪᓗ ᐊᓯᖏᑦ ᑎᒍᒥᐊᖅᑎᑦ, ᐊᒻᒪᓗᑦᑕᐅᖅ ᐊᓯᖏᑦ ᒐᕙᒪᑐᖃᒃᑯᑦ ᐊᐅᓚᑦᓯᔨᖏᑦ. ᐅᓇ ᐃᑲᔪᖃᑎᒌᖕᓂᖅ ᐱᒋᐊᕈᑎ ᐊᔪᖏᑎᑦᑎᓂᐊᖅᑐᖅ ᐃᓚᓕᐅᑎᓯᒪᓗᒋᑦ ᑮᓇᐅᔭᓕᕆᓂᖅ, ᐃᓅᓯᓕᕆᓂᖅ, ᐱᐅᓯᑐᖃᓕᕆᓂᖅ, ᐊᒻᒪᓗ ᐊᕙᑎᓕᕆᓂᖅ ᑕᒪᒃᑯᐊ ᐃᓱᒪᒋᔭᐅᑦᑎᐊᕐᓗᑎᒃ. ᐊᔪᖏᑎᑦᑎᔪᖅᑕᐅᖅ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᒃᑯᑦ ᐱᕈᕈᑕᐅᓗᑎᒃ ᐃᓗᐊᒍᑦ ᐊᒻᒪᓗ ᓯᓚᑖᒍᑦ ᑎᐊᓕᑐᐊᓕᔅ ᐊᔪᖏᑎᑦᑎᔪᑦ ᐅᑭᐅᖅᑕᖅᑐᒥ ᐊᔪᖅᓴᕈᓐᓃᑦᑎᐊᖅᑎᓪᓗᒋᑦ ᓇᖕᒥᓂᖅ ᓄᓇᓕᖁᑎᒋᔭᑎᒃ. ᐃᓱᓕᑦᑎᔾᔪᑎᒋᓗᒍ, ᐱᒋᐊᕈᑎᒋᔭᕗᑦ ᐃᑲᔪᕐᓂᐊᖅᑐᖅ ᒪᑐᓯᓗᑕ ᐃᓅᓯᓕᕆᓂᕐᒥ-ᑮᓇᐅᔭᓕᐅᕋᓱᐊᕐᓂᕐᒥ ᐃᖅᐸᖅᓯᒪᔪᑦ ᐅᑭᐅᖅᑕᖅᑐᒥ ᓄᓇᖅᑲᖅᑳᖅᓯᒪᔪᓄᑦ.

ᐃᓱᓕᑦᑎᓯᒪᔪᑦ ᓄᓇᕗᒻᒥ ᐅᑭᐅᖅᑕᖅᑐᖅ ᓯᓚᑦᑐᖅᓴᕐᕕᖓ ᐊᕙᑎᓕᕆᓂᕐᒧᑦ ᐃᓕᓐᓂᐊᖅᑕᐅᔪᖅ ᒫᓐᓇ ᐃᖅᑲᓇᐃᔮᖃᓕᖅᑐᑦ ᐃᖃᓗᓕᕆᔨᒃᑯᑦ ᐊᒻᒪᓗ ᐃᒪᕕᓕᕆᔨᒃᑯᑦ ᐃᖃᓗᖕᓂ.

ᑳᓄᐊᒃᑯᑦ ᑲᔪᓯᔪᒥᒃ ᐊᑐᖅᓯᓂᐊᖅᑐᑦ ᐊᑑᑎᖃᖅᑐᓂᒃ, ᐊᑕᔪᑦ ᓇᖕᒥᓂᖃᖅᑐᓕᕆᓂᕐᒧᑦ ᐊᒻᒪᓗ ᐱᔨᑦᑎᕋᐃᔪᓄᑦ ᐃᑲᔪᕐᓗᒋᑦ ᑮᓇᐅᔭᓕᐅᕈᑎᒋᔪᓐᓇᖅᑕᖏᓐᓄᑦ ᐱᕙᓪᓕᐊᑎᑦᑎᓗᑎᒃ ᑕᒪᐅᓐᓇ:

ᓴᓇᔪᓐᓇᑦᑎᐊᖅᑐᓂᒃ ᐃᖅᑲᓇᐃᔭᖅᑎ ᖃᕐᓂᖅ

ᓴᖏᒃᑎᓯᒪᓗᒋᑦ ᐅᑭᐅᖅᑕᖅᑐᒥ ᐃᖅᑲᓇᐃᔭᕐᕕᑦ ᐊᒻᒪᓗ ᓴᓇᕐᕈᑎᖃᕈᓐᓇᑦᑎᐊᖅᑎᓪᓗᒋᑦ ᐅᑭᐅᖅᑕᖅᑐᒥᐅᑦ, ᓴᓇᔪᓐᓇᑦᑎᐊᓕᕐᓗᑎᒃ, ᐊᒻᒪᓗ ᐱᓕᕆᓚᐅᖅᓯᒪᓕᕐᓂᐊᕐᒪᑕ ᑲᔪᓯᑦᑎᐊᕈᑎᒋᓂᐊᕐᓗᒋᑦ ᓴᓇᕕᖕᓂ, ᒫᓐᓇ ᐊᒻᒪᓗ ᓯᕗᓂᒃᓴᑦᑎᓐᓂ.

ᓴᓇᖃᑎᒋᓗᒋᑦ ᐅᑭᐅᖅᑕᖅᑐᒥᐅᑦ ᐊᖏᒡᓕᒋᐊᕐᓗᒋᑦ ᓴᓇᔪᓐᓇᕐᓂᕐᒧᑦ ᐱᔭᕆᐅᖅᓴᑎᑕᐅᔪᓐᓇᕐᓂᖏᑦ

ᔫᑳᓐᒥ, ᒍᐃᑦᕼᐅᐊᔅ ᑮᓇᐅᔭᒃᑯᕕᓕᕆᔨᒃᑯᑦ ᐱᕙᓪᓕᐊᑎᑦᑎᓂᕐᒧᑦ ᐱᓚᐅᖅᑐᑦ ᐃᑲᔫᑎᒃᓴᓄᑦ ᒥᑭᔪᓄᑦ-ᐊᒻᒪᓗ ᕿᑎᐊᓃᑦᑐᓄᑦ ᑮᓇᐅᔭᓕᐅᕐᓂᖏᑦ ᓇᖕᒥᓂᖃᖅᑐᑦ ᐱᔭᕆᐅᖅᓴᑎᑦᑎᔾᔪᑎᒃᓴᓂᒃ ᐊᔪᕈᓐᓃᕐᓂᐊᕐᒪᑕ ᑮᓇᐅᔭᒃᑯᕕᓕᕆᔨᑦ ᑐᓂᓯᓯᒪᔪᓐᓇᕐᓗᑎᒃ ᐊᒥᓱᓂᒃ ᓇᖕᒥᓂᖃᖅᑐᑦ ᐱᕙᓪᓕᐊᔾᔪᑎᒃᓴᖏᓐᓂᒃ ᓲᕐᓗ ᑮᓇᐅᔭᓂᒃ ᐊᐅᓚᑦᑎᔪᓐᓇᕐᓂᖅ, ᐃᖅᑲᓇᐃᔭᕐᑎᑦᑎᓂᖅ, ᐊᒻᒪᓗ ᖃᕆᓴᐅᔭᕐᓂᒃ ᑖᒃᑯᓄᖓ ᔫᑳᓐᒥ ᓇᖕᒥᓂᖃᖅᑐᓄᑦ.

ᑕᐃᑲᓂ ᓄᓇᑦᓯᐊᕐᒥ, ᑳᓄᐊᒃᑯᑦ ᐱᓇᓱᐊᖃᑎᖃᖅᑐᖅ ᑲᑎᒪᔨᖏᑦ ᐱᕙᓪᓕᐊᑎᑦᑎᓂᕐᒧᑦ ᑎᐅᓕᑐᐊᓕᔅ ᐅᐊᖕᓇᖓᓄᑦ-ᑯᐸᐃᒃ [Conseil de développement économique des Territoires du Nord-Ouest] ᓴᕿᑦᑎᓗᑎᒃ ᐊᒻᒪᓗ ᑐᓂᓯᓯᒪᓗᑎᒃ ᓴᓇᕐᕈᑎᒃᓴᓂᒃ ᐊᒻᒪᓗ ᐱᔭᕆᐅᖅᓴᑎᑦᑎᓗᑎᒃ ᑲᑎᒪᓯᓈᕐᓗᑎᒃ ᑐᕌᕆᓗᒋᑦ ᐅᐃᕖᑦ ᓇᖕᒥᓂᖁᑎᐊᖅᑐᑦ ᐊᒻᒪᓗ ᒪᒃᑯᒃᑐᑦ.

ᓄᓇᕗᒻᒥ, ᖃᒡᒋᐊᕘᑦ ᖃᒡᒋᖅ ᐱᖕᖑᐊᖅᑎᖏᑦ ᐱᔭᕆᐅᖅᓴᑎᑕᐅᓗᑎᒃ ᓂᕆᐅᓇᖅᑐᖅ ᐱᑎᑦᑎᓂᐊᖅᑐᑦ ᑳᓄᐊᒃᑯᑦ ᑮᓇᐅᔭᒃᓂᒃ.

ᖃᓄᐃᒻᒪᑦ ᐅᓇ ᐊᑑᑎᖃᖅᐸ

ᖃᓄᕆᑑᓂᒋᑦ ᓴᓇᔭᒃᓴᑦ-ᐅᐊᔭᒨᖅᑐᑦ, ᐅᖃᓘᓯᕆᓂᒃᑯᑦ ᓴᓇᓂᖅ ᐊᒻᒪᓗ ᐅᒥᐊᑎᒍᑦ ᑮᓇᐅᔭᓕᐅᕈᑎᖃᕐᓂᖅ - ᐊᓯᑦᔨᖅᐸᓪᓕᐊᔪᑦ. ᐅᓇ ᐊᓯᑦᔨᖅᑕᖃᑕᕐᓂᖓ ᐊᒃᑐᐃᓯᒪᔪᖅ ᐅᑭᐅᖅᑕᖅᑐᒥᒃ; ᐆᒃᑑᑎᒋᓪᓗᒍ ᐊᖁᑎᖃᕆᐊᑐᒍᓐᓃᖅᑐᑦ ᓄᓇᒥᐅᑎᑦ ᐅᔭᕋᖕᓂᐊᕐᕕᖕᒥ ᐊᐅᓚᑦᑎᔪᑦ.

ᑕᒪᕐᒥᒃ ᑎᐅᓕᑐᐊᓕᔅ ᒪᒃᑯᒃᑑᖕᒪᑕ ᑲᓇᑕᒥᑦ ᑕᒪᒃᑭᖅᖢᑎᒃ; ᐅᖓᑖᓂ 60% ᓄᓇᖃᖅᑐᑦ ᐅᑭᐅᖃᖅᑐᑦ ᐊᑖᓂ 40. ᖃᓂᒋᔮᓂ ᐅᑭᐅᖏᑦ ᓄᓇᖅᑲᖅᑳᖅᓯᒪᔪᑦ ᓄᓇᖃᖅᑐᑦ ᐅᑭᐅᖅᑕᖅᑐᒥ ᖃᓂᒋᔮᓂ ᐊᕙᑖᓂ 2 ᑎᑭᓪᓗᒍ 5 ᐅᑭᐅᓂ ᒪᒃᑯᖕᓂᖅᓴᐅᔪᑦ ᐊᓯᖏᓐᓂᓪᓕ ᓄᓇᖅᑲᖅᑳᖅᓯᒪᔫᓐᖏᑦᑐᓂᑦ ᐃᓄᒋᐊᖕᓂᖏᓐᓂᑦ. ᐅᑯᐊ ᑎᐅᓕᑐᐊᓕᔅ ᐱᑕᖃᖅᑐᑦ ᐅᓄᖅᑐᓂᒃ ᓄᓇᖅᑲᖅᑳᖅᓯᒪᔪᓂᒃ ᓴᓇᔨᖃᖅᑐᑦ ᐅᑯᐊᓗ ᐊᑐᖅᑕᐅᓐᖏᓗᐊᖅᑐᑦ. ᑲᓇᑕᒥ ᓄᓇᖅᑲᖅᑳᖅᓯᒪᔪᑦ ᐱᕙᓪᓕᐊᔪᓕᕆᔨᒃᑯᑦ ᑲᑎᒪᔨ ᓇᓚᐅᑖᖅᓯᒪᔪᑦ ᐅᑯᐊ ᓄᓇᖅᑲᖅᑳᖅᓯᒪᔪᑦ ᑎᐅᓕᑐᐊᓕᓂ ᑮᓇᐅᔭᓕᐅᕈᓐᓇᖅᑐᑦ ᖄᖓᒍᑦ $1.1 ᐱᓕᐊᓐ ᐊᕐᕌᒍᒥ ᑕᐃᒫᑦᑕᐃᓐᓇᖅ ᐃᓕᓐᓂᐊᖅᓯᒪᒍᑎᒃ ᓄᓇᖅᑲᖅᑳᖅᓯᒪᔪᑎᑐᑦ. ᑐᓗᖅᑕᐅᑎᑦ ᐅᓄᖅᓯᕙᓪᓕᐊᔪᑦ ᐅᑭᐅᖅᑕᖅᑐᒥ ᓄᓇᖅᑲᖅᑳᖅᓯᒪᔪᓄᑦ ᐊᑦᑎᖕᓂᖅᓴᐅᔪᓄᑦ ᐃᓕᓐᓂᐊᕈᑎᖏᑦ ᐊᒻᒪᓗ ᓴᓇᓕᕆᔪᓐᓇᕐᓂᖏᑦ.

ᐊᒥᓱᑦ ᓴᓇᔪᑦ ᐅᑭᐅᖅᑕᖅᑐᒥ ᑭᓯᐊᓂ ᐅᑭᐅᖅᑕᖅᑐᒥᐅᑕᐅᓐᖏᑦᑐᑦ. ᐅᓇ ᐆᒃᑑᑎᒋᓗᒍ, ᐅᔭᕋᖕᓂᐊᕐᕕᒃ ᓴᓇᔨᖃᖅᑐᖅ ᑎᑭᑎᑉᐸᒡᖢᒋ ᐊᐅᓪᓚᖅᑎᑉᐸᒡᖢᒋᑦ ᖃᓪᓗᓈᑦ ᓄᓇᖓᓂᑦ ᑲᓇᑕᒥᑦ. ᐅᑯᐊ ᑲᑎᒪᔨᕐᔪᐊᑦ ᑲᓇᑕᒥ ᓂᕆᐅᒃᑐᑦ ᑖᒃᑯᐊᑐᐊᖅ 27% ᐃᖅᑲᓇᐃᔮᒃᓴᐃᑦ ᓴᕿᑕᐅᔪᑦ ᓄᓇᕗᒻᒥ ᐅᔭᕋᖕᓂᐊᕐᕕᑦ ᐊᕙᑖᓂᑦ ᒫᓐᓇ ᐊᒻᒪᓗ 2025 ᐃᓄᖕᓄᐊᕐᓂᐊᖅᑐᖅ ᓄᓇᖃᖅᑐᓄᑦ ᑕᐃᑲᓂ, ᖃᓅᑎᒋᓂᖓ ᖃᐅᔨᓪᓗᒍ 70% ᐃᖅᑲᓇᐃᔮᒃᓴᐃᑦ ᐱᔨᑦᑎᕋᖅᑎᐅᔪᑦ.

"ᖃᐅᔨᓚᐅᖅᑐᒍᑦ ᐅᑯᐊ ᐃᓕᓐᓂᐊᖅᑎᑕᕗᑦ ᐊᒻᒪᓗ ᐋᕿᒍᑎᓗᒋᑦ ᒪᒃᑯᒃᑐᑦ ᐃᓄᐃᑦ ᐃᖅᑲᓇᐃᔮᒃᓴᓂᒃ ᐊᑑᑎᖃᓪᓚᕆᒃᑐᓂ ᐱᔭᕆᐅᖅᓴᑎᑕᐅᓗᑎᒃ ᖃᓄᐃᓕᐅᕆᐊᖃᖅᑐᓂᒃ ᓴᓇᔪᓐᓇᖅᓯᑦᑎᐊᕐᓂᐊᕐᒪᑕ. ᐃᓕᑦᑎᓇᓱᖕᓂᖅ ᐃᓗᐊᓃᒻᒪᑦ ᐊᒃᓱᕈᓐᓇᖅᑐᐊᓘᓕᖅᓯᒪᓪᓗᑎᒃ, ᐃᓱᒪᑐᓗᑎᒃ ᐊᒻᒪᓗ ᐃᑲᔪᖃᑎᒌᒍᑎᒃᓴᓂᒃ ᐊᔪᖏᔪᑎᖃᕐᓗᑎᒃ ᐱᓕᕆᔪᓂᑦᑕᐅᑦ ᐊᒻᒪᓗ ᐃᓕᓐᓂᐊᑦᑐᑦ ᐃᒻᒥᖕᓂᒃ ᖃᐅᔨᖃᑦᑕᖅᑐᑦ ᐊᔪᕈᓐᓃᑦᑎᐊᕇᖃᑦᑕᖅᑐᑦ."

ᐃᓕᓐ ᕼᐋᒻᒪᑕᓐ, ᐊᐅᓚᑦᓯᔨᑦ ᑐᑭᒧᐊᒃᑎᖓ, ᖃᒡᒋᐊᕘᑦ ᖃᒡᒋᖅ ᐃᓕᓐᓂᐊᕐᕕᒃ ᐱᖕᖑᐊᕆᐅᖅᓴᓂᕐᒧᑦ

ᐅᑭᐅᖅᑕᖅᑐᒥᐅᑦ ᕿᒪᒍᑎᒋᐊᖃᖅᐸᒃᑐᑦ ᓄᓇᒥᖕᓂ ᐱᔭᕆᐅᖅᓴᔭᕆᐊᖃᕋᒥᒃ ᐊᒻᒪᓗ ᐳᖅᑐᓂᒃᓴᓂᒃ ᐃᓕᓐᓂᐊᕆᐊᖅᖢᑎᒃ. ᐊᑐᕋᓱᒡᓗᒋᑦ ᓇᖕᒥᓂᖃᖅᑐᓄᑦ ᐱᔭᕆᐅᖅᓴᑎᑦᑎᔾᔪᑎᒃᓴᐃᑦ ᐅᒡᕙᓘᓐᓃᑦ ᐃᑲᔫᑎᒃᓴᐃᑦ ᐅᓄᓐᖏᑦᑑᖕᒪᑕ, ᐱᓗᐊᖅᑐᒥᒃ ᓯᓚᑖᓂ ᑎᐅᓕᑐᐊᓕᔅ ᐊᖓᔪᖅᑳᖃᕐᕕᖏᓐᓂᑦ. ᐊᓯᖏᑦ ᑐᓗᖅᑕᐅᑏᑦ, ᓲᕐᓗ ᐸᐃᕆᕕᖃᓐᖏᓗᐊᕐᓂᖅ ᐅᒡᕙᓘᓐᓃᑦ ᐃᖏᕐᕋᔾᔪᑎᒃᓴᖃᓐᖏᓗᐊᕐᓂᖅ ᐅᒡᕙᓘᓐᓃᑦ ᐃᖅᑲᓇᐃᔮᒃᓴᖃᓐᖏᓗᐊᕐᓂᖅ ᐃᓄᑭᑦᑐᓂ ᓄᓇᓕᖕᓂ ᐊᔪᖅᑎᑦᑎᖃᑦᑕᖅᑐᑦ ᐃᓚᖏᓐᓂᒃ ᐅᑭᐅᖅᑕᖅᑐᒥᐅᓂᑦ ᐃᓚᐅᔭᕆᐊᒃᓴᖅ ᐃᖃᓇᐃᔭᕆᐊᖅᐸᒃᑐᓂ.

ᐱᓕᕆᐊᒃᓴᐃᑦ

ᐃᑲᔪᖃᑎᒌᒡᓗᑎᒃ ᑖᒃᑯᐊᓗ ᐱᓇᓱᐊᖃᑎᒋᔭᖏᑦ ᐊᒻᒪᓗ ᑎᒍᒥᐊᖅᑎᐅᔪᑦ, ᑳᓄᐊᒃᑯᑦ ᓴᓇᖃᑎᖃᕐᓂᐊᖅᑐᑦ ᑕᒪᐃᓐᓂᒃ ᐅᑭᐅᖅᑕᖅᑐᒥᐅᓂᒃ ᓴᓇᓕᕆᔪᓐᓇᑦᑎᐊᖅᑐᓂᒃ ᐊᒻᒪᓗ ᐱᔭᕆᐅᖅᓴᓯᒪᔪᑦ ᐱᓕᕆᖃᑕᐅᔪᓐᓇᕐᓗᑎᒃ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒥ ᐅᓪᓗᒥ ᐊᒻᒪᓗ ᓯᕗᓂᒃᓴᑦᑎᓂ. ᓯᕗᓪᓕᐅᑎᓂᐊᖅᑕᖏᑦ ᐱᓕᕆᐊᕆᓗᒋᑦ ᑖᒃᑯᐊ ᑳᓄᐊᒃᑯᑦ ᐅᑯᐊ ᐃᓚᒋᔭᐅᔪᑦ:

ᐃᓚᖏᑦ ᐱᐅᓯᕚᓪᓕᕈᑎᓂᐊᖅᑐᑦ ᓯᕗᓂᒃᓴᑦᑎᓂ, ᓲᕐᓗ, ᔫᑳᓐ ᓯᓚᖅᑐᖅᓴᕐᕕᒃ ᔫᑳᓐ ᐃᓕᓐᓂᐊᕐᕕᒃᔪᐊᖑᕐᓂᐊᖅᑐᖅ 2020 (ᐊᔾᔨᖑᐊᖓ ᖁᓛᓂ ᓴᓇᓯᓂᖓ ᐃᒡᓗ ᓄᑖᖅ ᖃᐅᔨᓴᕐᕕᒃ ᐃᒡᓗ ᓴᓇᔭᐅᓂᐊᖅᑐᖅ ᐃᑲᔪᖅᑕᐅᓗᑎᒃ ᒐᕙᒪᑐᖃᒃᑯᓂᑦ ᑮᓇᐅᔭᒃᓴᓂᒃ)

ᓄᓇᑦᓯᐊᕐᒥ, ᑎᓯᓐᑕ ᐃᒡᓗᖁᑖᑦ ᖃᐅᔨᓴᕐᕕᒃ ᐊᒻᒪᓗ ᐃᓕᓐᓂᐊᕐᕕᒃ (ᓄᓇᒦᑦᑐᓐᓇᖅᓯᓂᕐᒥᒃ ᐃᒡᓗ) ᐊᖏᒡᓕᒋᐊᕐᓂᐊᖅᑐᖅ ᑐᓂᓯᓯᒪᔪᓐᓇᖅᓯᓗᓂ ᐃᑲᔫᑎᒃᓴᓂᒃ ᐃᑲᔪᖅᑕᐅᓗᑎᒃ ᒐᕙᒪᑐᖃᒃᑯᓂᑦ ᑮᓇᐅᔭᒃᓴᓂᒃ. ᐊᒻᒪᓗ ᓄᓇᑦᓯᐊᖅ ᒐᕙᒪᒃᑯᑦ ᕿᓂᖅᑐᑦ ᐊᔪᖏᒻᒪᖔᑦ ᐊᕈᓚ ᓯᓚᑦᑐᖅᓴᕐᕕᒃ ᐸᓕᑎᒃ ᐃᓕᓐᓂᐊᕐᕕᒃᔪᐊᖑᕐᓗᓂ.

ᓄᓇᕗᒻᒥ, ᑲᓇᑕᒥᐅᑦ ᖁᑦᑎᒃᑐᐊᓂ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ ᐃᖃᓗᒃᑑᑦᑎᐊᕐᒥ ᐅᓇ ᖃᐅᔨᓴᕐᕕᒃ "ᐃᓂᖓᑦ" ᑲᓇᑕᒥᐅᑦ ᐅᑭᐅᖅᑕᖅᑐᒥ ᖃᐅᔨᓴᕐᕕᒋᓗᒍ ᐊᒻᒪᓗ ᐅᓇ ᐆᒃᑑᑎᑦᑎᐊᕙᐅᔪᖅ ᓴᕿᑕᐅᓗᑎᒃ ᐊᔪᖏᑕᐅᔪᓐᓇᖅᑐᖅ ᓴᓇᓕᕆᓂᕐᒥ ᐊᒻᒪᓗ ᐱᕕᖃᕐᑎᑕᐅᓂᕐᒥ.

ᓴᓇᖃᑎᒋᓗᒋᑦ ᐅᑭᐅᖅᑕᖅᑐᒥᐅᑦ ᐊᖏᒡᓕᒋᐊᕐᓗᒋᑦ ᓴᓇᔪᓐᓇᕐᓂᕐᒧᑦ ᐱᔭᕆᐅᖅᓴᑎᑕᐅᔪᓐᓇᕐᓂᖏᑦ

ᔫᑳᓐᒥ, ᒍᐃᑦᕼᐅᐊᔅ ᑮᓇᐅᔭᒃᑯᕕᓕᕆᔨᒃᑯᑦ ᐱᕙᓪᓕᐊᑎᑦᑎᓂᕐᒧᑦ ᐱᓚᐅᖅᑐᑦ ᐃᑲᔫᑎᒃᓴᓄᑦ ᒥᑭᔪᓄᑦ-ᐊᒻᒪᓗ ᕿᑎᐊᓃᑦᑐᓄᑦ ᑮᓇᐅᔭᓕᐅᕐᓂᖏᑦ ᓇᖕᒥᓂᖃᖅᑐᑦ ᐱᔭᕆᐅᖅᓴᑎᑦᑎᔾᔪᑎᒃᓴᓂᒃ ᐊᔪᕈᓐᓃᕐᓂᐊᕐᒪᑕ ᑮᓇᐅᔭᒃᑯᕕᓕᕆᔨᑦ ᑐᓂᓯᓯᒪᔪᓐᓇᕐᓗᑎᒃ ᐊᒥᓱᓂᒃ ᓇᖕᒥᓂᖃᖅᑐᑦ ᐱᕙᓪᓕᐊᔾᔪᑎᒃᓴᖏᓐᓂᒃ ᓲᕐᓗ ᑮᓇᐅᔭᓂᒃ ᐊᐅᓚᑦᑎᔪᓐᓇᕐᓂᖅ, ᐃᖅᑲᓇᐃᔭᕐᑎᑦᑎᓂᖅ, ᐊᒻᒪᓗ ᖃᕆᓴᐅᔭᕐᓂᒃ ᑖᒃᑯᓄᖓ ᔫᑳᓐᒥ ᓇᖕᒥᓂᖃᖅᑐᓄᑦ.

ᑕᐃᑲᓂ ᓄᓇᑦᓯᐊᕐᒥ, ᑳᓄᐊᒃᑯᑦ ᐱᓇᓱᐊᖃᑎᖃᖅᑐᖅ ᑲᑎᒪᔨᖏᑦ ᐱᕙᓪᓕᐊᑎᑦᑎᓂᕐᒧᑦ ᑎᐅᓕᑐᐊᓕᔅ ᐅᐊᖕᓇᖓᓄᑦ-ᑯᐸᐃᒃ [Conseil de développement économique des Territoires du Nord-Ouest] ᓴᕿᑦᑎᓗᑎᒃ ᐊᒻᒪᓗ ᑐᓂᓯᓯᒪᓗᑎᒃ ᓴᓇᕐᕈᑎᒃᓴᓂᒃ ᐊᒻᒪᓗ ᐱᔭᕆᐅᖅᓴᑎᑦᑎᓗᑎᒃ ᑲᑎᒪᓯᓈᕐᓗᑎᒃ ᑐᕌᕆᓗᒋᑦ ᐅᐃᕖᑦ ᓇᖕᒥᓂᖁᑎᐊᖅᑐᑦ ᐊᒻᒪᓗ ᒪᒃᑯᒃᑐᑦ.

ᓄᓇᕗᒻᒥ, ᖃᒡᒋᐊᕘᑦ ᖃᒡᒋᖅ ᐱᖕᖑᐊᖅᑎᖏᑦ ᐱᔭᕆᐅᖅᓴᑎᑕᐅᓗᑎᒃ ᓂᕆᐅᓇᖅᑐᖅ ᐱᑎᑦᑎᓂᐊᖅᑐᑦ ᑳᓄᐊᒃᑯᑦ ᑮᓇᐅᔭᒃᓂᒃ.

  • ᐃᑲᔪᕐᓗᒋᑦ ᐅᑭᐅᖅᑕᖅᑐᒥ ᓇᖕᒥᓂᖃᖅᑐᑦ ᓴᓇᓕᕆᔪᓐᓇᖅᓯᑎᓪᓗᒋᑦ ᓇᖕᒥᓂᖃᖅᑐᓕᕆᕐᒥᒃ ᐱᒋᐊᕈᑎᒃᓴᓄᑦ ᐅᒡᕙᓘᓐᓃᑦ ᐱᕈᕈᑎᒃᓴᓄᑦ ᓇᖕᒥᓂᖁᑎᖏᓐᓂᒃ, ᐃᓚᒋᔭᐅᓗᑎᒃ ᑮᓇᐅᔭᒃᓴᖃᕐᑎᑦᑎᓂᖅ ᐊᔪᖏᑦᑎᐊᖅᑐᓄᑦ ᓇᖕᒥᓂᖃᖅᑐᓄᑦ ᐃᑲᔪᕐᓗᒋᑦ ᑎᓕᐅᕈᑎᒃᓴᓄᑦ ᓄᓇᖅᑲᖅᑳᖅᓯᒪᔪᓄᑦ, ᒪᒃᑯᒃᑐᓄᒃ, ᐊᒻᒪᓗ ᐊᕐᓇᓄᑦ ᓇᖕᒥᓂᖃᕈᓐᓇᖅᑐᑦᑕᐅᖅ ᑐᕌᕆᖕᒥᓗᒋ ᐊᑭᑐᔫᑎᓄᑦ;
  • ᐅᓄᖅᓯᕙᓪᓕᐊᔪᑦ ᐊᑐᐃᓐᓇᐅᑏᓐᓇᕐᓗᒋᑦ ᑲᔪᓯᔪᒥᒃ ᓴᓇᔪᓐᓇᖅᓯᔾᔪᑎᒃᓴᐃᑦ, ᐃᓚᒋᔭᐅᓪᓗᑎᒃ ᓄᓇᖅᑲᖅᑳᖅᓯᒪᔪᑎᒍᑦ ᖃᐅᔨᒪᓂᖅ ᐊᒻᒪᓗ ᓴᓇᔪᓐᓇᖅᓯᓂᖅ, ᑕᒪᐅᓐᓇ ᑮᓇᐅᔭᓕᐅᕈᑎᒃᓴᓕᐅᕐᓗᑎᒃ ᓂᐅᕕᕐᓗᑎᒃ ᖃᑭᔾᔪᑎᒃᓴᓄᑦ ᐱᔭᕆᐅᖅᓴᑎᑦᑎᓂᕐᒥ ᓇᑉᐸᕆᐊᓕᖕᓄᑦ ᐊᒻᒪᓗ ᐱᕙᓪᓕᐊᑎᑦᑎᓂᖅ ᐊᓕᓚᔪᖅᑖᕐᑎᑦᑎᔪᓐᓇᕐᓗᑎᒃ ᐱᐅᓯᒋᓗᒋᑦ, ᐃᓕᓐᓂᐊᕈᑎᑦ ᐅᒡᕙᓘᓐᓃᑦ ᐊᓯᖏᑦ ᑎᑎᖃ ᐊᑑᑎᖃᖅᑐᑦ;
  • ᐃᑲᔪᕐᓗᒋᑦ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓃᓕᖁᓪᓗᒋᑦ ᐃᓚᐅᓗᑎᒃ ᑮᓇᐅᔭᓕᐅᕈᑎᖃᕈᓐᓇᖅᑎᑕᐅᖕᒥᓗᑎᒃ ᑮᓇᐅᔭᒃᓴᖃᖅᑎᑕᐅᓗᑎᒃ ᓄᓇᓕᖕᓂᑦ ᑮᓇᐅᔭᖏᑦ ᐱᕙᓪᓕᐊᑎᑦᑎᓂᕐᒧᑦ ᐃᖏᕐᕋᔾᔪᑎᒃᓴᖏᑦᑎᒍᑦ ᐊᑕᔪᑦ (ᓲᕐᓗ ᐸᕐᓇᐃᓂᖅ, ᖃᐅᔨᓴᕐᓂᖅ, ᐱᓕᕆᖃᑎᒃᓴᓄᑦ, ᐅᖃᐅᔾᔪᐃᔨᐅᓂᖅ, ᑲᒪᔨᐅᓂᖅ, ᒥᐊᓂᕆᔨᐅᓂᖅ); ᐊᒻᒪᓗ
  • ᓴᓇᖃᑎᒋᓗᒋᑦ ᓇᖕᒥᓂᖃᖅᑐᑦ ᐊᐅᓚᔪᑦ ᑎᐅᓕᑐᐊᓕᓂ ᐊᑐᓕᖅᑎᑕᐅᓗᑎᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐋᕿᒃᓯᒪᔾᔪᑎᒃᓴᐃᑦ ᐅᑯᐊᓗ ᓴᕿᑦᑎᓯᒪᔪᑦ ᐊᖁᑎᒃᓴᖏᓐᓄᑦ ᐃᓯᕈᓐᓇᖅᑕᖏᓐᓄᑦ ᐊᒻᒪᓗ ᐱᕚᓪᓕᕈᑎᒋᔪᓐᓇᖅᑕᖏᓐᓄᑦ ᐅᑭᐅᖅᑕᖅᑐᒥᐅᑦ.

ᓇᑉᐸᕆᐊᓕᑦ ᑮᓇᐅᔭᓕᐅᕈᑕᐅᔪᓐᓇᕐᓂᐊᖅᑐᑦ ᐊᒻᒪᓗ ᐱᕙᓪᓕᐊᑎᑦᑎᔾᔪᑎᒃᓴᐃᑦ

ᓇᓕᖃᕇᓕᖅᓯᒪᓗᒋᑦ ᐊᒡᒋᖅᑐᑦ ᖃᑭᔾᔪᑎᒃᓴᐃᑦ ᐊᒻᒪᓗ ᑲᔪᓯᔪᒥᒃ ᐊᐅᓚᑦᑎᔾᔪᑕᐅᔪᑦ ᓇᑉᐸᕆᐊᓖᑦ ᐱᓕᕆᐊᖑᔪᑦ ᐅᓄᖅᓯᓂᐊᕐᒪᑕ ᓄᓇᓕᖕᓂ ᐊᒻᒪᓗ ᐊᕕᒃᑐᖅᓯᒪᔪᖏᓐᓂ ᑮᓇᐅᔭᓕᐅᕐᕕᖃᕈᓐᓇᕐᓗᑎᒃ.

ᖃᓄᐃᒻᒪᑦ ᐅᓇ ᐊᑑᑎᖃᖅᐸ

ᓇᑉᐸᕆᐊᖃᖅᑐᑦ ᑮᓇᐅᔭᑎᒍᑦ ᖄᖏᐅᑎᓗᐊᖃᑦᑕᖅᑐᑦ ᐅᑭᐅᖅᑕᖅᑐᒥ ᑐᖓᕕᖃᕈᑎᓂᒃ ᑐᓗᖅᑕᕈᑕᐅᓗᐊᖅᑐᖅ ᑮᓇᐅᔭᑎᒍᑦ ᐱᕈᕈᑎᒋᓇᓱᒋᐊᒃᓴᖏᑦ, ᐊᒃᑐᐃᔪᑦ ᐅᑭᐅᖅᑕᖅᑐᖅ ᑕᒪᐃᓐᓂᒃ ᐃᒻᒥᖕᓄᑦ ᐊᑕᐅᓯᕐᒥᒃ ᑮᓇᐅᔭᓕᐅᕈᑎᖃᕋᓱᒋᐊᒃᓴᖏᓐᓂᒃ. ᓇᓂᑐᐃᓐᓇᖅ ᑎᐅᓕᑐᐊᓕᔅ, ᐊᖏᔪᑦ ᓇᐸᔪᑦ ᐊᑑᑎᖃᓗᐊᓐᖏᑦᑐᑦ ᐅᒡᕙᓘᓐᓃᑦ ᐱᑕᖃᓐᖏᑦᑎᐊᒻᒪᕆᒃᑐᑦ. ᐊᒃᓱᒻᒪᕆᐋᓗᒃᑕᐅᖅ ᐃᒡᓗᑭᒃᓴᖅᑐᑦ ᐊᒻᒪᓗ ᑮᓇᐅᔭᖏᑦ ᖄᖏᐅᑎᓯᒪᔪᑦ ᓄᓚᓕᖕᓂ ᓚᑉᐸᕆᐊᓕᖕᓄᑦ (ᓲᕐᓗ ᐳᓛᕐᕕᒃᓴᑦ, ᐃᒃᓴᕐᕕᒃ, ᐱᖕᖑᐊᕐᕕᑦ) ᐃᓚᖏᓐᓂ ᓄᓇᓕᖕᓂ.

ᐅᑯᐊ ᓇᐸᔪᑦ ᐊᒃᑐᐃᔪᑦ ᑕᒪᐃᓐᓄᑦ ᐅᑭᐅᖅᑕᖅᑐᖅ ᑮᓇᐅᔭᓕᕆᔾᔪᑎᖓᓂ ᐊᒻᒪᓗ ᐊᑭᑦᑐᕆᐊᕐᓗᒋᑦ ᐱᓕᕆᔾᔪᓯᕆᔭᑦ ᑮᓇᐅᔭᓕᐅᕈᑎᒋᔭᓄᑦ. ᐅᓇ ᖄᖏᐅᑎᓯᒪᓂᖅ ᐊᒃᑐᐃᓯᒪᔪᖅ ᐊᓯᖏᑦᑕᐅᖅ ᑮᓇᐅᔭᓕᐅᕈᑎᖃᕐᕕᒋᔪᓐᓇᖅᑕᖏᓐᓂᒃ ᐅᑭᐅᖅᑕᖅᑐᒥ ᐅᔭᕋᖕᓂᐊᕐᕕᖕᒥ ᐊᒻᒪᓗ ᐊᑭᖏᑦ ᖁᑦᑎᖕᓂᖅᐹᑦ ᐊᑕᔪᑦ ᑭᖕᖑᒪᒋᔭᐅᔪᓄᑦ ᐃᒡᓗᓄᑦ ᓇᑉᐸᕆᐊᖃᖅᑐᓄᑦ ᑕᐃᒪᓐᓇᐅᔭᕆᐊᖃᕋᕙᒪᐅᕋᑎᒃ ᓇᓕᖃᕇᒃᐸᑕ ᖃᓪᓗᓈᓪᓗ ᐅᔭᕋᖕᓂᐊᕐᕕᖏᑦ. ᐅᓇ ᐊᑭᖓ ᐳᖅᑐᓛᖅ ᑎᑭᐅᑎᓯᒪᔪᓐᓇᖅᑐᖅ 2.5-ᖏᖅᓱᕐᓗᓂ ᐊᑭᑐᓂᖅᓴᖅ ᐊᑭᑐᔪᓄᑦ ᐊᑭᓕᐅᑕᐅᕙᒃᑐᓄᑦ ᐱᓪᓗᒍ ᓴᕕᕋᔭᓕᕆᓂᖅ ᐅᔭᕋᖕᓂᐊᖅᑐᑦ ᐊᒻᒪᓗ ᒪᕐᕈᐃᓪᓗᐊᖅᑐᖅ ᒍᓗᓄᑦ ᐅᕋᖕᓂᐊᖅᑐᓄᑦ, ᐊᒻᒪᓗ ᐊᐅᓚᑦᑎᔾᔪᑏᑦ ᐊᑭᓕᖅᓱᕆᐊᓕᑦ ᑎᑭᐅᒪᓪᓗᑎᒃ 30%-ᒥᑦ 60%-ᒧᑦ ᐊᑭᑐᓂᖅᓴᖅ. ᓇᑉᐸᖅᓯᓗᑎᒃ ᓱᓪᓗᒃᓴᖏᓐᓂᒃ ᐃᑲᔫᑎᒃᓴᖅᑖᕐᕕᒃᓴᓂᒃ ᐱᔭᕆᐊᑭᓐᓂᖅᓴᐅᓂᐊᕐᓗᓂ ᐅᔭᕋᒃᑕᖅᑐᓂᑦ ᐱᕙᓪᓕᐊᑎᑦᑎᓂᖅ. ᐊᒻᒪᓗ, ᐃᓚᖏᑦᑕᐅᖅ ᐅᑭᐅᖅᑕᖅᑐᒥ ᒥᑭᔪᑦ-ᐊᒻᒪᓗ ᕿᑎᐊᓃᑦᑐᑦ ᓇᖕᒥᓂᕆᔭᐅᔪᑦ ᐱᔭᕐᓂᕈᓱᒃᐸᓐᖏᑦᑐᑦ ᐃᓂᑖᑦᑐᐊᕆᐊᒃᓴᖅ ᐱᒋᐊᕐᓂᐊᕐᓗᓂ ᐊᒻᒪᓗ ᐱᕈᖅᑎᓐᓂᐊᕐᓗᒍ ᓇᖕᒥᓂᖁᑎᒋᔭᑎᒃ.

ᑕᐃᒪᓗ ᐱᒻᒪᕆᐅᔪᓂᒃ ᐊᔾᔨᒌᓐᖏᓂᖃᖅᑐᑦ ᖃᓅᑎᒋᓂᖏᑦ ᓇᑉᐸᖅᑕᐅᔭᕆᐊᓕᑦ ᐊᕙᑖᓂᑦ ᐊᒻᒪᓗ ᐃᓗᐊᓂ ᑎᐅᓕᑐᐊᓕᔅ. ᐅᓇ ᐆᒃᑑᑎᒋᓪᓗᒍ, ᑕᒪᕐᒥᒃ ᓄᓇᓖᑦ ᓄᓇᕗᒻᒥ ᐊᒻᒪᓗ ᐊᒥᓱᓂ ᓄᓇᑦᓯᐊᕐᒥ ᑭᓯᐊᓂᐅᓗᑎᒃ ᐊᑐᕐᓗᒋᑦ ᐅᒥᐊᕐᔪᐊᒃᑯᑦ ᑎᑭᑎᑦᑎᓂᖅ ᐊᒻᒪᓗ ᖃᖓᑕᓲᒃᑯᑦ ᑭᓯᐊᓂ ᓄᓇᓖᑦ ᑭᓱᑖᕈᓐᓇᖅᑐᑦ. ᖃᓅᑎᒋᓂᖓ ᖃᐅᔨᓇᓱᒡᖢᒍ, ᔫᑳᓐ ᐊᖁᑎᖃᑦᑎᐊᖅᑐᖅ ᑐᑭᓯᐅᒪᖃᑎᒌᑦᑎᐊᖅᑐᑦ ᐊᑐᖅᑕᐅᔪᓐᓇᖅᑐᖅ ᐊᕙᑖᓂᑦ ᐳᑎᓯ ᑲᓚᑉᐱᐊ ᐊᒻᒪᓗ ᐊᓛᔅᑲ. ᑕᐃᒫᒃᑕᐅᖅ, ᐱᒻᒪᕆᐅᔪᖅ ᐊᔾᔨᒌᓐᖏᓂᖏ ᐊᑐᐃᓐᓇᐅᔪᖅ ᐅᖃᓘᑎᓕᕆᔾᔪᑎᑦ ᐅᐊᔭᖏᑦ. ᐅᓇ ᐆᒃᑑᑎᒋᓪᓗᒍ, 100% ᐃᓄᓕᖅᐸᐅᔭᕐᓂ ᐃᒡᓗᓕᖕᓄᑦ ᔫᑳᓐᒥ ᐊᑐᕈᓐᓇᖅᑐᑦ ᐊᖏᕐᕋᒥ ᖃᖓᑦᑕᖅᑎᑕᐅᓯᒪᔪᑎᒍᑦ 50 ᒥᒐ ᐸᐃᑦᔅ ᓴᑲᓐᔅ ᑖᒃᑯᐊᓕ ᑕᐃᒫᑐᐃᓐᓇᖅ 20% ᓄᓇᓕᖅᐸᐅᔭᐃᑦ ᑎᐊᓕᑐᐊᓕᓂ. ᖃᓅᑎᒋᓂᖓ ᖃᐅᔨᓇᓱᒡᖢᒍ, 50 ᒥᒐ ᐸᐃᑦᔅ ᐊᑐᓂ ᓴᑲᓐᔅ ᐊᑑᓂᒋᔪᓐᓇᕐᓂᖓ ᖃᖓᑦᑕᖅᑎᑕᐅᓯᒪᔪᒧᑦ ᐊᑐᐃᓐᓇᐅᓂᖏᑦᑐᖅ ᓇᓕᐊᑐᐃᓐᓇᕐᒧ ᐊᑐᖅᑎᐅᔪᓄᑦ ᓄᓇᕗᒻᒥ ᑕᐃᒪᓗ ᑎᐅᓕᑐᐊᓕᔅ ᑭᓯᐊᓂ ᐊᑐᖅᓯᓪᓗᑎᒃ ᖃᖓᑦᑕᖅᑎᑕᐅᓯᒪᔪᒥᒃ ᐱᓕᕆᔾᔪᑎᖃᓕᖅᑐᑦ.

ᑕᐃᒪᓗ ᐊᒥᓲᔪᑦ ᐅᑎᕈᓐᓇᐃᓕᔪᑦ ᐊᒃᓱᕈᓐᓇᖅᑐᒦᑎᑦᑎᔪᑦ, ᓲᕐᓗ ᓯᓚᐅᑉ ᐅᖂᓂᖓ ᐊᒻᒪᓗ ᐃᓄᑭᑦᑐᑯᓘᕙᓚᐅᕐᓂᖓ, ᐅᑯᐊᓗ ᐊᒃᑐᐃᓯᒪᔪᑦ ᐸᕐᓇᐃᓂᕐᒧᑦ, ᓴᓇᓂᕐᒧᑦ, ᐊᒻᒪᓗ ᐋᕿᑦᑎᐊᖅᓯᒪᑎᑦᑎᓇᓱᖕᓂᕐᒧᑦ ᓇᐸᔪᓂᒃ ᐅᑭᐅᖅᑕᖅᑐᒥ. ᐅᑯᐊ ᓱᓕᔪᑦ ᑕᐃᒪᓐᓇᐅᔪᑦ ᑎᑭᐅᑎᑦᑎᓯᒪᔪᑦ ᐅᓄᖅᓯᕙᓪᓕᐊᓗᑎᒃ ᓴᓇᔭᕆᐊᖃᖅᑐᑦ ᐃᒡᓗᓕᐅᕆᐊᖃᖅᑐᑦ ᐊᒻᒪᓗ ᓱᕋᒃᐸᒃᑐᑦ ᓴᓇᔭᐅᖃᑦᑕᕆᐊᖃᖅᑐᑦ ᐊᑭᖏᑦ ᐊᒻᒪᓗ ᐅᓄᖅᓯᕙᓪᓕᐊᕗᑦ ᑕᒡᖠᕙᓪᓕᐊᖕᒪᑦ ᓴᓇᔪᓐᓇᕐᕕᖓᑦ ᐃᒡᓗᓕᐅᕈᓐᓇᕐᕕᖓᑦ. ᓯᓚᐅᑉ ᐅᖂᓯᕙᓪᓕᐊᓂᖓ ᐅᓗᕆᐊᖅᓵᕆᕗᖅ ᒫᓐᓇ ᓇᐸᔪᓂᒃ ᐊᐅᒃᐸᓪᓕᐊᓂᖓᓄ ᕿᕿᔪᖅ ᐊᐅᒍᓐᓇᓚᐅᓐᖏᑦᑐᖅ ᐊᒃᑐᐃᑲᐅᑎᒋᖕᒪᑦ ᐃᒡᓗᓕᒃ, ᐊᖁᑎᓂᒃ, ᒥᑦᑕᕐᕕᖕᓂᒃ, ᐊᒻᒪᓗ ᓱᓪᓗᐊᓗᖕᓂᒃ. ᐅᓇᓗ ᐸᒡᕕᔪᖅ ᖃᓄᐃᓕᐅᕈᓯᑐᖃᖏᓐᓂᒃ ᐊᐅᓪᓚᖃᑦᑕᖅᑐᑦ ᐅᑭᐅᒃᑯᑦ ᐊᑐᕆᐊᕆᕙᒃᑕᖏᑦ ᓂᕆᐅᓇᓐᖏᑐᑰᖅᑎᑦᑎᕙᓕᕐᒪᑕ ᐅᓗᕆᐊᓇᖅᖢᑎᒃ.

ᒐᕙᒪᑐᖃᒃᑯᑦ ᐊᒻᒪᓗ ᑎᐅᓕᑐᐊᓕᔅ ᒐᕙᒪᒃᑯᑦ ᐊᖏᔪᓂᒃ ᖃᑭᔾᔪᑎᒃᓴᓕᐅᖅᑐᑦ ᑮᓇᐅᔭᓕᐅᕈᑎᒃᓴᓂᒃ ᐃᑲᔫᑎᓂᐊᖅᑐᑦ ᓇᑉᐸᕆᐊᖃᖅᑐᑦ ᐱᔾᔪᑎᒋᓪᓗᒋᑦ ᐃᖅᐸᖅᓯᒪᔪᓂ ᐊᕙᑖᓕ ᐅᑭᐅᖅᑕᖅᑐᖅ ᐊᒻᒪ ᐊᓯᖏᑦ ᓄᓇᖏᑦ ᑲᓇᑕᒥ. ᐊᒻᒪᓗ ᑐᑭᓯᓇᑦᑎᐊᑲᓐᓂᕈᒪᔪᑦ ᐊᒻᒪᓗ ᐃᓚᓕᐅᑎᓯᒪᓗᒋᑦ ᐱᒋᐊᕈᑎᑦ ᐱᓪᓗᒍ ᓇᑉᐸᕆᐊᓕᑦ ᐱᕙᓪᓕᐊᑎᑕᐅᔪ, ᐅᑭᐅᖅᑕᖅᑐᒥ ᓄᓇᓖᑦ ᐊᒻᒪᓗ ᐊᐅᓚᑦᓯᔩᑦ ᑎᓕᐅᕆᔪᑦ ᐱᓕᕆᖃᑕᐅᔪᒪᔪᓂ ᐊᖏᓂᖅᓴᐅᔪᓂ ᐃᓂᖃᕐᓗᑎᒃ ᐱᕙᓪᓕᐊᑎᑦᑎᓂᕐᒥ ᐊᒻᒪᓗ ᓴᓇᓯᒪᑦᑎᐊᖏᓐᓇᕐᓗᒋᑦ ᓇᑉᐸᖅᓯᒪᔪᑦ, ᐊᔭᐅᕈᑎᒋᓗᒋᑦ ᓴᓇᔭᐅᔭᕆᐊᓂᖕᓄ ᓄᓇᓖᑦ ᐃᖅᑲᓇᐃᔮᖃᕈᓐᓇᕐᓂᐊᖅᑐᑦ ᐊᒻᒪᓗ ᐊᔪᖅᓴᓐᖏᑦᑎᐊᕐᓗᑎᒃ.

ᐱᓕᕆᐊᒃᓴᐃᑦ

ᐃᑲᔪᖃᑎᒌᒡᓗᑎᒃ ᐱᓇᓱᐊᖃᑎᒌᑦ ᐊᒻᒪᓗ ᑎᒍᒥᐊᖅᑎᐅᔪᑦ, ᑳᓄᐊᒃᑯᑦ ᓴᖏᓂᕐᒥᖕᓂᒃ ᐊᑐᕐᓂᐊᖅᑐᑦ ᐊᖏᔪᒥ ᐸᕐᓇᐃᓂᐊᕋᒥᒃ ᑮᓇᐅᔭᓕᐅᕈᑕᐅᓂᐊᖅᑐᓄᑦ ᐅᑭᐅᖅᑕᖅᑐᒥ ᓇᑉᐸᕆᐊᓕᖕᓄᑦ ᒪᑐᓂᐊᕐᓗᒍ ᓇᑉᐸᖅᓯᒪᔪᕋᓐᖏᓗᐊᕐᓂᖅ ᐃᖅᐸᖅᓯᒪᔪᑦ ᐊᒻᒪᓗ ᐊᑐᖅᑕᐅᓕᕐᑎᓪᓗᒋᑦ ᓄᑖᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᐱᕕᖃᕐᑎᑦᑎᓂᖅ. ᓯᕗᓪᓕᖅᐸᐅᑎᔭᕆᐊᓕᒃ ᐱᓕᕆᐊᒃᓴᖏᑦ ᑳᓄᐊᒃᑯᑦ ᐃᓚᐅᖃᖅᑐᑦ ᐅᑯᓂᖓ:

  • ᐃᑲᔪᕐᓗᒋᑦ ᐊᒥᓱᑦ ᐱᕙᓕᐊᓂᐊᖅᑐᑦ ᖃᓄᕆᑦᑐᑐᐃᓐᓇᓂᒃ-ᐱᔾᔪᑎᓕᑦ ᓱᓪᓗᐊᓗᖕᓂᑦ ᑎᑭᓪᓗᒍ ᖃᕆᓴᐅᔭᑦ ᐊᑦᑕᑕᖅᓯᒪᑎᑦᑎᔾᔪᑎᖏᑦ, ᐆᒻᒪᖁᑎ, ᐊᒻᒪᓗ ᐃᖏᕐᕋᔾᔪᑎᓕᕆᓂᖅ, ᐃᓚᒋᔭᐅᓗᑎᒃ ᑲᑎᑦᑎᓗᒋᑦ ᐆᒻᒪᖁᑎᓕᕆᕕᒃᓴᓄᑦ ᓄᓇᒥ, ᑕᒪᐅᓐᓇ ᑲᔪᓯᔪᑎᒍᑦ ᐊᑐᐊᒐᕐᒧᑦ ᐊᒻᒪᓗ ᑮᓇᐅᔭᒃᓴᓄᑦ ᓴᓇᔭᐅᓂᐊᓵᕐᓗᑎᒃ ᐱᑐᐃᓐᓇᕆᐊᖃᓕᖅᑎᑦᑎᓯᒪᓂᖅ (ᓲᕐᓗ ᑲᔪᓯᔪᓐᓇᕐᒪᖔᑕ ᖃᐅᔨᓴᕈᑎᑦ, ᑎᑎᕋᐅᔭᖅᓯᒪᒋᐊᓕᓪᓗ) ᑕᒪᒃᑯᓄᖓ ᐊᖏᔫᑎᒻᒪᕆᐋᓗᖕᓄᑦ ᓇᑉᐸᕆᐊᓕᖕᓄᑦ ᐱᓕᕆᐊᖑᔪᓄᒃ;
  • ᓂᐅᕕᕐᓗᑎᒃ ᖃᑭᔾᔪᑎᒃᓴᓂᒃ ᓴᓇᔭᐅᓂᐊᕐᒪᑕ ᐊᒻᒪᓗ ᐱᐅᓯᕚᓪᓕᕐᓗᑎᒃ ᒥᒃᔫᒐᓗᐊᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᕕᒃᓴᑦ ᓇᑉᐸᖅᑕᐅᒋᐊᓕᑦ (ᓲᕐᓗ ᐳᓛᕐᕕᑦ, ᓇᖕᒥᓂᖃᖅᑐᑦ ᐱᕈᖅᓴᕕᒃᓴᖏᑦ, ᐃᖃᓗᒐᓱᖕᓂᖅ - ᐊᖑᓇᓱᖕᓂᖅ/ᓂᕿᓕᕆᕕᑦ ᓇᑉᐸᖅᑕᐅᓗᑎᒃ, ᐆᒻᒪᖁᑎᖃᕐᕕᒃᓴᑦ) ᐅᑯᐊ ᐃᑲᔫᑎᓂᐊᖅᑐᑦ ᓄᓇᓕᖕᓂᒃ ᐊᒻᒪᓗ ᐅᑭᐅᖅᑕᖅᑐᒥ ᓇᖕᒥᓂᖃᖅᑐᓄᑦ ᐊᑭᑐᔫᑎᓂᒃ ᐱᓕᕆᔪᓐᓇᓕᕐᓗᑎᒃ ᑮᓇᐅᔭᑎᒍᑦ ᐱᕕᖃᖅᑎᑕᐅᓗᑎᒃ;
  • ᐅᓄᖅᓯᒋᐊᕐᓗᒋᑦ ᐱᕕᖃᕐᑎᑦᑎᓂᖅ ᐅᑭᐅᖅᑕᖅᑐᒥ ᓇᖕᒥᓂᖃᖅᑐᓄᑦ, ᐃᓚᒋᔭᐅᓗᑎᒃ ᓄᓇᖃᖅᑳᖅᓯᒪᔪᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᐊᐅᓚᑦᓯᔨᖏᑦ, ᐱᓕᕆᖃᑕᐅᓇᓱᐊᖃᑦᑕᕐᒥᓗᒋᑦ ᓴᓇᔪᓂ ᐊᒻᒪᓗ
    13 | ᒪ ᒃ ᐱ ᒐ ᖅ ᑲᔪᓯᓂᐊᖅᑐᓂ ᐃᖏᕐᕋᑎᑕᐅᓂᐊᖅᑐᓂ ᐊᖏᔪᓂᒃ ᓇᑉᐸᖅᓯᒪᓂᐊᖅᑐᓄᑦ ᐱᓕᕆᐊᒃᓴᓄᑦ ᑕᒪᐅᓐᓇ ᑲᔪᓯᔪᒥᒃ ᐊᑐᐊᒐᕐᓴᓗᒃᑎ ᐊᒻᒪᓗ ᖃᑭᔾᔪᑎᒃᓴᓄᑦ ᓂᐅᕕᖃᑦᑕᕈᓐᓇᕐᓗᑎᒃ ᐃᓗᓕᖃᓕᕐᓂᐊᕐᒪᑕ; ᐊᒻᒪᓗ
  • ᐃᑲᔪᕐᓗᒋᑦ ᐱᕙᓪᓕᐊᑎᑦᑎᓂᖅ ᓯᓚᐅᑉ ᐅᖂᓯᕙᓪᓕᐊᓂᖓᓄᑦ - ᓱᕋᕐᓴᕋᐃᓐᖏᑦᑐᓂ ᓇᑉᐸᖅᓯᓯᒪᓂᖅ, ᐃᓚᒋᓗᑎᕐ ᓴᓇᔭᐅᖃᑦᑕᕐᓗᑎᒃ ᓱᕋᒃᑐᑦ ᐊᒻᒪᓗ ᓴᓇᓯᒪᑦᑎᐊᖏᓐᓇᕈᑎᒃᓴᖏᑦ ᒫᓐᓇᐅᔪᑦ ᒥᑭᔫᑎᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᔾᔪᑎᑦ ᓇᐸᔪᑦ, ᐃᑲᔪᕐᓗᒋᑦ ᐊᖏᒡᓕᕙᓪᓕᐊᖁᓪᓗᒍ ᐅᑭᐅᖅᑕᖅᑐᖅ ᑕᒪᕐᒥᒃ ᐊᓐᓇᒍᓐᓇᖅᑐᑦ.

ᐅᔭᕋᖕᓂᐊᕐᕕᒃᑎᒍᑦ ᐱᕙᓪᓕᐊᑎᑦᑎᓂᖅ

ᐃᑲᔪᖅᑐᖅ ᓄᓇᒥᒃ ᓱᕋᑦᑎᓇᑎᒃ ᐱᕙᓪᓕᐊᑎᑦᑎᔪᑦ ᐅᔭᕋᖕᓂᐊᖅᑐᑦ ᐊᒻᒪᓗ ᐆᒻᒪᖁᑎᖃᕐᕕᐅᔪᑦ, ᓇᐅᒃᑯᑐᐃᓐᓇᖅ ᐱᕙᓪᓕᐊᓂᖃᐃᓐᓇᖅᑎᓪᓗᒋᑦ, ᐅᓄᖅᓯᕙᓪᓕᐊᓗᑎᒡᓗ ᓄᓇᓕᒃᑎᒍᑦ, ᐅᓄᖅᓯᕙᓪᓕᐊᔪᖅ ᐃᖅᑲᓇᐃᔮᒃᓴᐃᑦ ᐊᒻᒪᓗ ᐊᔪᖅᓴᕈᓐᓃᖅᐸᓪᓕᐊᔪᑦ ᐃᓗᐊᓂ ᑎᐅᓕᑐᐊᓕᔅ, ᐊᒻᒪᓗ ᓴᕿᑦᑎᓯᒪᕗᖅ ᐋᕿᐅᑎᒋᑦᑎᐊᖅᓯᒪᓪᓗᓂ ᑮᓇᐅᔭᓕᕆᔨᒃᑯᑦ ᐊᒃᑐᐃᓂᖓ ᓄᓇᓕᖕᓄᑦ.

ᐊᖏᒡᓕᒋᐊᕐᓗᒍ ᖃᐅᔨᒪᕕᒃᑖᕆᕙᒃᑕᕗᑦ

ᑕᐃᒪᖓᓂ ᐊᓂᒍᖅᑐᑦ ᖁᓕᑦ ᐊᕐᕌᒍᓂ, ᑳᓄᐊᒃᑯᑦ ᓂᐅᕕᖅᓯᒪᔪᑦ ᖃᑭᔾᔪᑎᒃᓴᓂᒃ ᑎᐅᓕᑐᐊᓕ ᓄᓇᒥᒃ ᓄᓇᓐᖑᐊᓕᐅᕐᓂᖅ ᖃᐅᔨᓴᖅᑐᑦ ᓇᓂᑐᐃᓐᓇᖅ ᑎᐅᓕᑐᐊᓕᔅ. ᐅᓇ ᖃᐅᔨᓴᕈᑎ ᐃᑲᔫᑎᔪᖅ ᓇᓗᓇᐃᖅᓯᓪᓗᑎᒃ ᐅᔭᕋᖕᓂᐊᒐᒃᓴᓂᒃ ᐊᒻᒪᓗ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᔾᔪᑎᒃᓴᓂᒃ ᐊᒻᒪᓗ ᐃᖅᑲᓇᐃᔮᒃᓴᓂᒃ.

ᐅᑯᐊ ᖃᐅᔨᓴᕈᑎᓵᓂᑦ ᖃᐅᔨᓇᖅᓯᔪᑦ ᐊᑐᖅᑕᐅᓂᐊᖅᑐᑦ ᖃᐅᔨᓴᕈᑕᐅᓗᑎᒃ ᕿᕿᔪᓂᒃ ᐊᐅᒍᓐᓇᓐᖏᑦᑐᓂᒃ ᓄᓇᒥ ᖃᓄᐃᓕᖓᖕᒪᖔᑕ ᐃᑲᔫᑎᒋᓗᒋᑦ ᖃᐅᔨᓂᐊᕐᒪᑕ ᓯᕗᓂᒃᓴᑦᑎᓐᓂ ᓇᑉᐸᕐᕕᐅᔪᓐᓇᕐᒪᖔᑦ.

ᖃᓄᐃᒻᒪᑦ ᐅᓇ ᐊᑑᑎᖃᖅᐸ

ᐅᔭᕋᖕᓂᐊᕐᕕᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑕᐅᕗᑦ ᐊᒻᒪᓗ ᐊᖏᔪᓂᒃ ᓂᐅᕕᖅᑎᑦᑎᕙᒃᑐᑦ ᑎᐅᓕᑐᐊᓕ ᐊᒻᒪᓗ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᖅᑐᑦ. ᑖᒃᑯᐊ ᑲᓇᑕᐅᑉ ᐅᔭᕋᖕᓂᐊᕐᕕᖏᑦ ᖃᖓᓃᒻᒪᑕ ᑎᐅᓕᑐᐊᓕᔅ; ᑕᐃᒪᓗ 76% ᐅᔭᕋᖕᓂᐊᖅᑐᑦ ᐅᑭᐅᖅᑕᖅᑐᒥ 60° ᐱᕙᓪᓕᐊᑎᑕᐅᓯᒪᓐᖏᑦᑐᑦ, ᐃᓚᒋᔭᐅᓪᓗᑎᒃ ᐅᔭᕋᖕᓂᐊᒐᒃᓴᓄᑦ ᐊᑐᖅᑎᑕᐅᔪᑦ ᓄᑖᓂᒃ ᐱᓕᕆᔾᔪᑕᐅᓕᖅᑐᓂᒃ ᓲᕐᓗ ᓯᕿᓂᕐᒧᑦ ᐆᒻᒪᖁᑎᖃᕈᑎᑦFootnote 1

ᐅᑯᐊ ᐱᓇᓱᐊᖃᑎᒌᑦ ᐱᔨᑦᑎᕋᖅᑐᑦ ᑮᓇᐅᔭᓂᒃ ᐱᕙᓪᓕᐊᑎᑦᑎᔨᐅᓪᓗᑎᒃ ᑕᒪᐃᓐᓂ ᑎᐅᓕᑐᐊᓕᔅ. ᑕᐃᑲᓂ 2018, ᐊᑭᑐᓂᖓ ᐅᔭᕋᖕᓂᐊᒐᒃᓴᐃᑦ ᐅᑭᐅᖅᑕᖅᑐᒥ ᖃᓂᒋᔭᖓᓃᓚᐅᖅᑐᑦ $3.5 ᐱᓕᐊᓐ: $2,110 ᒥᓕᐊᓐ ᓄᓇᑦᓯᐊᖅ, $1,164 ᒥᓕᐊᓐ ᓄᓇᕗᒻᒥ, ᐊᒻᒪᓗ $217 ᒥᓕᐊᓐ ᔫᑳᓐ.Footnote 2

ᑕᐃᑲᓂ ᐊᒡᒋᖅᑐᓂ ᑕᓪᓕᒪᑦ (5) ᐅᑭᐅᓂ, ᖃᓄᐃᓕᖓᓂᐊᕐᓂᖓ ᐅᔭᕋᖕᓂᐊᖅᑐᑦ ᐊᔾᔨᒌᓐᖏᑦᑐᑦ ᑕᒪᐃᓐᓂ ᑎᐅᓕᑐᐊᓕᔅ. ᓄᓇᕗᑦ ᓂᕆᐅᓇᖅᑐᖅ ᐊᑐᖅᓯᓕᖅᓂᐊᖅᑐᖅ ᓴᖕᖏᔪᒥᒃ ᐱᕈᕈᑎᖃᕐᓗᑎᒃ ᐅᔭᕋᖕᓂᐊᕐᕕᑦᑎᒍᑦ ᐅᓄᖅᓯᕙᓪᓕᐊᓗᑎᒃ ᐊᒻᒪᓗ ᐅᓄᖅᑐᑦ ᓄᑖᑦ ᐅᔭᕋᖕᓂᐊᕐᕕᑦ ᐅᑯᐊᓗ ᐱᕙᓪᓕᐊᑎᑕᐅᔪᑦ ᓲᕐᓗ ᐃᔭᓕᖕᒥ ᐅᔭᕋᖕᓂᐊᕐᕕᒃ ᐊᒻᒪᓗ ᕼᐊᓐᓂᖓᔪᖅ ᐅᔭᕋᖕᓂᐊᕐᕕᑦ. ᔫᑳᓐ ᓂᕆᐅᒃᑐᖅ ᐱᕈᕐᓂᐊᕆᐊᒃᓴᖅ ᐱᖓᓱᓂᒃ ᓄᑖᓂᒃ ᐅᔭᕋᖕᓂᐊᕐᕕᖕᓂᑦ ᓴᕿᑕᐅᔪᒫᖅᑐᑦ ᓂᕆᐅᓇᖅᑐᖅ ᒪᑐᐃᕐᓗᓂ ᕕᒃᑐᐊᓕᐊ ᐄᒍ [Victoria's Eagle] ᐊᒻᒪᓗ ᒎᑯᐊᑉ ᑳᐱ ᐊᒻᒪᓗ ᑲᓰᓄ [Goldcorp's Coffee and Casino] ᐅᔭᕋᖕᓂᐊᕐᕕᑦ.

ᑕᐃᒪᓗ ᐅᔭᕋᖕᓂᐊᕐᕕᑦ ᓱᓕ ᐱᒻᒪᕆᐅᒋᔭᐅᕗᑦ ᓄᓇᑦᓯᐊᕐᒥᑦ ᑮᓇᐅᔭᓕᐅᕈᑕᐅᓪᓗᑎᒃ, ᑕᒪᕐᒥᒃ ᑖᒃᑯᐊ ᐅᔭᕋᖕᓂᐊᕈᓐᓃᕈᒪᖅᑑᐃᓐᓇᐃᑦ ᐊᓂᒍᖅᐸᑦ 2034 ᐊᒻᒪᓗ ᐅᔭᕋᖕᓂᐊᕐᕕᑦ ᒪᑐᔪᒫᖅᑐᑦ ᐊᓂᒍᖅᐸᑕ 6 ᐅᑭᐅᑦ. ᑕᐃᒪᓐᓇᐅᒐᓗᐊᖅᑎᓪᓗᒍ ᓄᑖᑦ ᓴᕕᕋᔭᒃᓴᓂᒃ ᐅᔭᕋᖕᓂᐊᖅᑐᑦ ᐸᕐᓇᐃᓯᒪᔪᑦ ᐅᔭᕋᒃᓯᐅᕐᓂᐊᕐᓂᕋᖅᖢᑎᒃ, ᐅᑯᐊᓗ ᓄᑖᑦ ᐃᖏᕐᕋᓯᔪᑦᑕᐅᖅ ᐱᕚᓪᓕᖅᑎᑦᑎᕙᓪᓕᐊᔪᑦ ᓄᖑᓕᖅᑑᒐᓗᐊᓂᒃ ᒎᓗᓂᒃ. ᓯᕗᓂᒃᓴᑦᑎᓂ ᓇᑉᐸᖅᑎᕆᓂᕐᒧᑦ ᓴᓇᓂᖅ, ᓲᕐᓗ ᑖᔅᑕᓐ ᐆᒻᒪᖁᑎᓕᕆᔾᔪᑎᖓ ᐊᖏᒡᓕᒋᐊᕐᓗᓂ ᐊᒻᒪᓗ ᐱᕙᓪᓕᐊᑎᑦᑎᓗᑎᒃ ᓱᓪᓗᐊᓗᒃᑰᕈᓐᓇᓕᕐᓗᑎᒃ ᑕᒪᐅᓐᓇ ᓯᓚᐃᕕ ᓄᓇᖓᑦᑎᒍ, ᐊᑦᑎᒃᓯᓯᒪᑎᑦᑎᔪᓐᓇᖅᑐᖅ ᐊᑭᒃᓴᖏᓐᓂᒃ ᒫᓐᓇᐅᔪᖅ ᐅᔭᕋᖕᓂᐊᖅᑐᑦ ᐊᒻᒪᓗ ᐱᔭᕆᐊᑭᓐᓂᖅᓴᐅᓕᕐᓗᑎᒃ ᓄᓇᒥᑦ ᐱᔭᐅᔪᓐᓇᖅᑐᑦ ᕿᓂᖅᑐᓂᑦ ᐊᒻᒪᓗ ᐅᔭᕋᖕᓂᐊᖅᑐᓂᑦ.

ᑕᐃᒪᓗ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᐱᕕᖃᖅᑎᑦᑎᔪᑦ ᐱᓪᓗᒋᑦ ᐊᓯᖏᑦ ᐊᑕᔪᑦ ᐅᔭᕋᖕᓂᐊᕐᓂᕐᒧᑦ ᓲᕐᓗ ᑲᖓᑎᕕᒋᓗᒋᑦ ᓄᓇᖓ ᐃᓂᑐᖃᖓᓄᑦ ᐅᑎᑦᑎᑕᕆᐊᓕᑦᑲ ᓴᓇᓗᒋᑦ ᔭᐃᔭᓐᑦ ᐅᔭᕋᖕᓂᐊᕐᕕᒃ ᓄᓇᑦᓯᐊᕐᒥ ᐊᒻᒪᓗ ᕚᓗ ᐅᔭᕋᖕᓂᐊᕐᕕᒃ ᔫᑳᓐ. ᑕᐃᒪᓗ, ᓅᑉᐸᓪᓕᐊᓂᐊᕐᒪᑕ ᓄᓇᒥᒃ ᓱᕋᒃᑎᕆᓐᖏᑦᑐᓂᒃ ᐅᔭᕋᖕᓂᐊᕈᓯᖃᕐᓗᑎᒃ ᐊᒻᒪᓗ ᐊᔪᖏᓪᓗᑎᒃ ᓄᓇᒥᑦ ᐆᒻᒪᖁᑎᖃᕈᓐᓇᕐᓂᕐᒥᒃ, ᐆᒻᒪᑯᑎᓂᒡᓗ ᐊᑐᓗᐊᓐᖏᓂᖅ ᐅᔭᕋᖕᓂᐊᖅᑐᑦ ᐊᐅᓚᓚᖏᓐᓂᒃ ᐊᒻᒪᓗ ᐱᐅᓯᕚᓪᓕᕐᓗᑎᒃ ᐅᔭᕋᖕᓂᐊᕐᓂᖏᑦ ᐊᖏᒡᓕᒋᐊᕐᓗᑎᒃ.

ᓴᕿᑕᐅᓯᒪᔪᑦ ᒐᕙᒪᑐᖃᒃᑯᓂᑦ, ᑲᓇᑕᒥ ᐊᕕᒃᑐᖅᓯᒪᔪᑦ ᐊᒻᒪᓗ ᑎᐅᓕᑐᐊᓕᔅ ᐃᑲᔪᖃᑎᒌᒡᖢᑎᒃ ᐱᓇᓱᐊᖃᑎᒌᑦ, ᓄᓇᖅᑲᖅᑳᖅᓯᒪᔪᑦ, ᐊᒻᒪᓗ ᑎᒍᒥᐊᖅᑎᑦ, ᐅᓇ 2019 ᑲᓇᑕᐅᑉ ᐅᔭᕋᖕᓂᐊᒐᒃᓴᖏᑦ ᐊᒻᒪᓗ ᓴᕕᕋᔭᒃᓴᓕᕆᓂᕐᒧᑦ ᐸᕐᓇᐅᑎ ᐃᑲᔪᕐᓂᐊᖅᑐᖅ ᑲᒻᐸᓂᐅᔪᓂᒃ ᐊᑯᓂᐅᔪᒃᑯᑦ ᑲᔪᓯᑦᑎᐊᕐᓂᐊᕐᒪᑕ. ᐅᓇ ᐸᕐᓇᐅᑎ ᐊᑭᑐᔫᑎᓄᑦ ᐱᓯᒪᔪᖅ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓪᓗᑎᒃ ᒫᓐᓇᐅᔪᖅ ᓇᓂᑐᐃᓐᓇᖅ ᐅᔭᕋᖕᓂᐊᖅᐸᒃᑐᑦ, ᐃᓚᒋᔭᐅᓪᓗᑎᒃ ᐃᖅᑲᓇᐃᔮᖃᕐᑎᑦᑎᔪᑦ, ᖃᑭᔾᔪᑕᐅᓂᐊᖅᑐᓂᒃ ᓂᐅᕕᖅᐸᒃᑐᑦ ᐊᒻᒪᓗ ᐱᓕᕆᖃᑎᖃᑦᑎᐊᕐᓂᖅᓴᐅᔪᑦ ᓄᓇᖅᑲᖅᑳᖅᓯᒪᔪᓂᒃ ᐊᒻᒪᓗ ᓄᓇᓕᖕᓂᒃ.Footnote 3

ᐅᓂᒃᑳᕈᑏᑦ ᖃᓄᐃᓂᖓᓲᖑᓂᖏᓐᓂᒃ ᐅᔭᕋᖕᓂᐊᕐᓂᕐᒥᒃ ᐱᕙᓪᓕᐊᑎᑦᑎᕙᓐᓂᖅ

ᐅᑯᐊ ᑕᑯᔭᑦᓴᐃᑦ ᐅᓂᒃᑳᕈᑕᐅᕗᑦ ᐅᔭᕋᖕᓂᐊᕐᓂᕐᒥᒃ ᐱᕙᓪᓕᐊᑎᑕᐅᓲᖑᓂᖏᓐᓂᒃ ᖃᓄᐃᓕᖓᓲᖑᒻᒪᖔᑕ.

ᐱᓕᕆᐊᖑᕙᓪᓕᐊᓂᖏᓐᓂ ᑲᔪᓯᕙᓪᓕᐊᓲᖑᔪᒥᒃ ᓴᕿᑎᑦᑎᓗᑕᐅᕙᑦᑐᖅ ᑮᓇᐅᔭᓕᐅᑦᓯᐊᓇᖅᑐᐊᓗᓐᓂᒃ ᐃᖃᓇᐃᔮᑦᓴᓂᒃ ᐊᒻᒪᓗ ᐊᕕᑦᑐᖅᓯᒪᓂᖏᓐᓂ ᐱᕚᓪᓕᕈᑎᑦᓴᐅᒍᓐᓇᑐᓂᒃ, ᑮᓇᐅᔭᐃᔭᕈᑕᐅᒍᒪᕙᑦᑐᓂᒃ, ᐊᕙᑎᒥᓪᓗ ᓴᐳᓐᓂᐊᕈᑕᐅᒍᓇᑐᓂᒃ, ᐊᑐᖁᔭᐅᓂᖏᓐᓂᓗ ᓴᓗᒪᔪᓂᒃ ᓯᓚᒧᑦ ᓴᓇᕐᕈᑎᑦᓴᓂᒃ ᐊᒻᒪᓗ ᓯᕗᓕᐅᑎᑦᑎᕙᓪᓗᑎᒃ ᐃᓚᐅᑎᑦᑎᖃᑕᕐᓂᖏᓐᓂᒃ ᐊᒻᒪᓗ ᑐᑭᓯᓂᐊᕐᕕᖃᖃᑦᑕᕐᓂᖏᓐᓂᒃ ᓄᓇᓕᓐᓂᒃ. ᑲᔪᓯᕙᓪᓕᐊᓂᖏᓐᓂᒃ ᐱᓕᕆᐊᑦᓴᖏᑦ, ᐱᓯᒪᔭᕆᐊᖃᕐᓂᐊᕆᕗᑦ ᐱᔪᓐᓇᐅᑎᒐᓴᓐᓂᑦ, ᐊᖏᖅᑕᐅᓯᒪᔾᔪᑎᑦᓴᓂᒃ ᐊᒻᒪᓗ ᓚᐃᓴᓐᓯᓂᒃ ᐱᓕᕆᔪᓐᓇᐅᑎᓂᒃ. ᒐᕙᒪᒃᑯᑦ ᐃᑉᐱᒍᓱᑦᓯᐊᕆᐊᖃᖅᐳᑦ ᑲᓇᑕᐅᑉ ᒐᕙᒪᐃᑦ ᒪᓕᒐᖅᑎᒍᑦ ᐃᑉᐱᒋᔭᕆᐊᖃᖅᑕᖏᓐᓂᒃ ᑐᕌᖓᓂᖃᖅᑐᓂᒃ ᓄᓇᖃᖅᑐᑐᖃᐅᔪᓄᑦ ᐃᓄᓐᓄᑦ.

  • ᒪᓕᓗᒋᑦ ᑐᕌᕈᑏᑦ ᑎᒃᑯᐊᖅᑐᑦ ᑕᑯᔭᑦᓴᓂᒃ, ᐅᔭᕋᓐᓂᐊᖅᑎᑦᑎᕙᓪᓕᐊᓂᕐᒧᑦ ᐋᕿᐅᒪᔪᑦ ᐱᖏᐊᕈᑎᖃᓲᖑᕗᑦ ᓯᕗᓂᐊᒍᑦ ᓄᓇᒥ ᐅᔭᕋᒻᒥᐅᑕᐅᔪᓂᒃ ᖃᐅᔨᖄᕋᓱᐊᖃᑕᕐᓂᖏᓐᓂᒃ ᓇᒻᒥᓂᓖᑦ.
  • ᓄᓇᐃᑦ ᕿᓂᕐᕕᐅᓕᖃᑦᑕᖅᑐᑦ ᐊᒻᒪᓗ ᑐᑭᓯᓂᐊᖅᑕᐅᓪᓗᑎᒃ ᐊᔪᕐᓇᕋᔭᖏᒻᒪᖔᑕ ᐱᓇᓱᐊᕈᓐᓇᕐᓂᖅ, ᑕᐃᑲᖓᓪᓗ ᐸᕐᓇᒋᐊᓕᖅᓱᑎᒃ ᐊᒻᒪᓗ ᓴᓇᒋᐊᓕᖅᓱᑎᒃ, ᐊᐅᓚᑦᑕᐅᔪᓐᓇᖅᓯᓚᐅᖏᓐᓂᖓᓂ ᓱᓕ.
  • ᐊᑯᓂᐅᓂᖅᓴᐅᓂᐊᓕᖅᑐᒥᒃ ᐊᐅᓚᑦᑎᓚᐅᖅᓱᑎᒃ, ᒪᑐᔭᐅᕙᓪᓕᐊᓕᖃᑦᑕᖅᐳᑦ ᐊᒻᒪᓗ ᓄᓇᖏᑦ ᓱᕋᑦᑎᖅᑕᐅᓯᒪᒧᑦ ᓴᓗᒻᒪᖅᓴᑕᐅᕙᓪᓕᐊᓕᖅᓱᑎᒃ.
  • ᐃᓚᖏᑦ ᓄᓇᐃᑦ ᒪᑐᔭᐅᓯᒪᓕᕋᓗᐊᖅᑎᓪᓗᒋᑦ, ᑲᒪᒋᔭᐅᑦᓯᐊᒃᑲᓐᓂᕈᓐᓇᓲᖑᖏᕗᑦ.

ᑲᔪᓯᕙᓪᓕᐊᓂᖏᓐᓂᒃ ᐃᓚᖃᓲᖑᒻᒥᔪᑦ "ᐊᒻᒧᑦ" ᐱᓕᕆᐊᖑᕙᓐᓂᖏᓐᓂᒃ, ᓲᕐᓗ ᐊᕕᑦᑐᖅᑐᑕᐅᕙᓂᖏᓐᓂᒃ, ᐲᔭᐃᕕᐅᕙᓐᓂᖏᓐᓂᒃ ᐊᒻᒪᓗ ᐊᒥᓱᓗᐊᕆᔭᐅᕙᓐᓂᖏᓐᓂᒃ ᐊᒻᒪᓗ ᐊᑐᒃᑲᓐᓂᒐᑦᓴᐅᔪᓐᓴᕐᓂᖏᓐᓂᒃ. ᑕᒪᒃᑯᐊ ᑐᖓᕕᖃᓲᖑᕗᑦ ᖃᐅᔨᓴᖅᑕᐅᓯᒪᓂᖏᓐᓂᒃ ᐊᒻᒪᓗ ᐱᕙᓪᓕᐊᔪᓐᓇᕐᓂᖏᓐᓂᒃ, ᓴᓇᕐᕈᑎᑦᓴᖃᕈᓐᓇᕐᓂᖏᓐᓂᒃ ᐊᒻᒪᓗ ᐊᑐᖅᑕᐅᓯᖏᒪᑦᑐᓂᒃ ᐊᑐᕈᓐᓇᕐᓂᖏᓐᓂᒃ, ᐊᖑᒪᐃᓐᓇᕈᓐᓇᕐᓂᐊᕐᒪᑕ ᐊᓐᓇᐅᒪᒐᓱᐊᕐᓂᖏᓐᓂᒃ ᐱᓂᖅᓴᐅᒍᓐᓇᓂᖅ, ᑲᔪᓰᓐᓇᕈᓐᓇᕐᓂᖏᓐᓂᓗ ᐊᒻᒪᓗ ᑲᒪᑦᓯᐊᔪᓴᒋᐊᖃᕐᓂᖏᓐᓂᑕᐅᖅ.

  • ᒪᓕᓗᒋᑦ ᑐᕌᕈᑏᑦ ᑎᒃᑯᐊᖅᑐᑦ ᐊᒻᒧᑦ ᑕᑯᔭᑦᓴᓂ, ᑕᑯᓂᐊᕋᕕᑦ ᓴᓇᔭᐅᖃᑕᓂᖏᓐᓂᒃ ᐅᔭᕋᓐᓂᐊᕐᕕᖕᓂ ᓯᕗᓕᒥ ᐱᔪᒪᔭᐅᖏᓂᖏᓐᓂᒃ ᐲᔭᖅᓯᒪᓕᖅᑐᓂᒃ ᓴᓗᒪᓴᖅᓯᒪᓕᖅᑐᓂ ᓯᕗᓕᐅᔪᓂᒃ, ᐊᑐᖅᑕᐅᕙᓐᓂᐊᖅᑐᓂᒃ ᐊᒻᒪᓗ ᓴᕿᑎᑕᐅᓂᐊᓕᖅᑐᓂᒃ ᒪᓕᑦᑕᐅᓂᐊᕐᒪᑕ.
  • ᑕᒪᒃᑯᐊ ᓴᓇᔭᐅᕌᓂᑦᓯᒪᓕᖅᑐᑦ ᐊᓱᐃᓛᑦ ᐊᑐᖅᑕᐅᒍᓐᓇᖅᓯᕗᑦ.
  • ᐃᓚᖏᑦ ᐊᑐᖅᑕᐅᕋᓂᑦᓯᒪᓂᖏᑦ ᐊᑐᒐᑦᓴᓕᐊᕆᔭᐅᒃᑲᓐᓂᕈᓐᓇᕆᕗᑦ, ᓄᑖᕈᕆᐊᖅᑕᐅᑦᓯᐊᕐᓗᑎᓪᓗᓐᓃᑦ, ᐊᑐᖅᑕᐅᑲᓐᓂᕐᓗᑎᓪᓗᓐᓃᑦ ᑭᓯᐊᓂ ᐊᒥᓲᓂᖅᓴᐃᑦ ᐊᖏᔫᑏᑦ ᐊᑦᑕᑯᖅᑕᐅᕙᑦᑐᑦ.
  • ᐊᑦᑕᖅᑕᐅᓯᒪᓕᖅᑐᑦ ᐱᖁᑎᕕᓂᑦ ᐃᓕᐅᖃᖅᑕᐅᕙᑦᑐᑦ ᐊᒃᑐᑯᖃᕐᕕᐅᔪᓄᑦ ᐅᕝᕙᓗᓐᓃᑦ ᐃᑯᐊᓪᓚᐃᔭᐅᕙᑦᓱᑎᒃ.

ᖃᐅᔨᔭᐅᓯᒪᓂᖏᑦ ᐅᑯᓇᖔᖅᑐᑦ: ᑲᓇᑕᒥᐅᓂ ᐅᔭᕋᓐᓂᐊᕐᕕᑦ ᓴᕕᓐᓂᓗ ᐸᕐᓇᐃᓂᕐᒧᑦ ᐃᖃᓇᐃᔭᕐᕕᖓᑦ, ᓄᓇᓕᕆᓂᕐᒧᓪᓗ ᐅᔭᕋᓕᕆᔨᖏᓂᓪᓗ, ᓄᓇᒥᐅᑕᑐᖃᓕᕆᔨᒃᑯᑦ ᑲᓇᑕᒥ, ᒫᔾᔨ 2019.

ᑕᐃᑲᓂ ᓄᓇᒥᒃ ᓄᓇᓐᖑᐊᓕᐅᖅᑎᑦ ᑲᓇᑕ ᐱᒋᐊᓚᐅᖅᑐᑦ ᓄᓇᒥ-ᓄᓇᓐᖑᐊᓕᐅᖅᖢᑎᒃ ᐆᒻᒪᖁᑎᖃᕐᕕᒃᓴᓄᑦ ᐊᒻᒪᓗ ᐅᔭᕋᖕᓂᐊᒐᒃᓴᓄᑦ (ᐅᓇ ᖃᕆᓴᐅᔭᒃᑯᑦ ᒪᑐᐃᕈᓐᓇᖅᑐᖅ ᑭᓯᐊᓂ ᖃᓪᓗᓈᑎᑐᑦ ᐊᒻᒪᓗ ᐅᐃᕖᖅᑎᑐᑦ ᐅᖃᐅᓯᕐᓂᒃ) ᑕᐃᑲᓂ 2008, ᑖᒃᑯᐊᑐᐊᖅ 20% ᑲᓇᑕᐅᑉ ᐅᑭᐅᖅᑕᖅᑐᖓ ᓄᓇᓐᖑᐊᓕᐊᖑᓪᓗᓂ ᒫᓐᓇᐅᔪᖅ ᐱᐅᓯᖅᑎᒍᑦ.Footnote 4 ᐃᑲᔪᖅᑕᐅᓪᓗᑎᒃ ᒐᕙᒪᑐᖃᒃᑯᓂ ᐊᒻᒪᓗ ᑎᐅᓕᑐᐊᓕᔅ ᒐᕙᒪᒃᑯᖏᑦᑎᒍᑦ ᓂᐅᕕᖅᑕᐅᓗᑎᒃ ᖃᐃᔾᔪᑎᒃᓴᓕᐊᖑᓄᑎᒃ, ᖃᓅᑎᒋᔪᖅ ᓄᓇᖓ ᓄᓇᓐᖑᐊᓕᐊᓂᑦ ᖃᐅᔨᒪᓕᕈᑕᐅᔪᑦ ᐊᕕᒃᑐᖅᓯᒪᔪᖓᓂ ᐱᐅᓯᕙᓪᓕᖅᑎᓯᒪᓪᓗᑎᒃ ᐊᒻᒪᓗ ᐊᑐᖅᑕᐅᓪᓗᑎᒃ ᖃᐅᔨᒪᔾᔪᑕᐅᑦᑎᐊᕐᓂᐊᕐᒪᑕ ᐃᓱᒪᓕᐅᕆᔭᕆᐊᖃᖅᑐᓄᑦ ᐱᓪᓗᒋᑦ ᐅᔭᕋᖕᓂᐊᒐᒃᓴᐃᑦ ᐊᒻᒪᓗ ᐆᒻᒪᖁᑎᓄᑦ ᕿᓂᕐᓂᐊᖅᑐᓄᑦ, ᓄᓇᒥᒃ ᐊᑐᖅᓂᐊᖅᑐᓄᑦ ᐊᒻᒪᓗ ᐊᕙᑎ ᐱᓪᓗᒍ. ᐱᕙᓪᓕᐊᑎᑦᑎᓂᖅ ᐊᒻᒪᓗ ᐱᒋᐊᖅᑎᑦᑎᔾᔪᑎᖃᕐᓂᖅ ᓯᕗᓂᒃᓴᕆᓂᐊᖅᑕᑦᑎᓂ ᐃᓅᓂᐊᖅᑐᓄᑦ ᑕᒪᐅᓐᓇ ᓄᓇᒥᒃ ᓄᓇᓐᖑᐊᓂᐅᕆᓂᒃᑯᑦ ᐊᒻᒪᓗ ᐱᓕᕆᑎᑦᑎᔾᔪᑕᐅᔪᑎᒍᑦ ᐱᕚᓪᓕᕐᑎᑦᑎᓯᒪᓂᐊᖅᑐᖅ ᑲᓇᑕᒥ ᓯᕗᓕᐅᖅᑎᐅᓕᕐᓄᑎᒃ ᐊᒻᒪᓗ ᐃᑲᔪᕐᓗᑎᒃ ᒪᑐᐃᖅᓯᓗᑎᒃ ᓯᕗᓂᒃᓴᑦᑎᓂ ᐱᕙᓪᓕᐊᑎᑦᑎᓂᖅ.

ᐋᕿᑦᑎᐊᖅᓯᒪᐃᓐᓇᖅᖢᒍ ᓵᓚᒋᔭᐅᑦᑕᐃᓕᒪᓂᖅ ᑮᓇᐅᔭᓕᐅᕈᑎᒃᓴᓄᑦ ᐊᖏᒡᓕᕙᒃᑐᖅ ᐅᑯᐊᓗ ᐱᓯᒪᔭᐅᔪᓐᓇᕐᒥᔪᑦ ᓄᓇᕐᔪᐊᒥ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒥ ᐊᒃᓱᕉᑕᐅᔪᓂ ᐊᒻᒪᓗ ᐊᑭᖏᑦ ᐊᓯᑦᔨᖅᑕᖃᑦᑕᕐᒪᑕ. ᐅᑯᐊ ᐅᔭᕋᖕᓂᐊᖅᑎᑦ ᐃᓴᒃᓯᓯᒪᓂᐊᖅᑐᑦ ᓄᑖᓂᒃ ᐱᓕᕆᔾᔪᑕᐅᓕᖅᑐᓂᑦ. ᐅᓇ ᐆᒃᑑᑎᒋᓗᒍ, ᑕᐃᒪᓐᔅ ᐅᔭᕋᖕᓂᐊᖅᑐᑦ ᓄᓇᑦᓯᐊᕐᒥ ᐱᒋᐊᕈᑎᖃᖅᓯᒪᔪᑦ ᑐᓴᐅᒪᔭᐅᑎᑦᑎᐊᖅᖢᑎᒃ ᓄᑖᑎᒍᑦ ᐱᓕᕆᔾᔪᑕᐅᓕᖅᑐᑎᒍᑦFootnote 5 ᒫᓐᓇᒨᖓᓕᖅᑎᓪᓗᒋᑦ ᐱᖁᑎᑦ ᑖᒃᑯᐊᓗ ᓂᐅᕕᖃᑦᑕᖅᑐᑦ ᐊᒻᒪᓗ ᖃᐅᔨᒪᑎᑦᑎᐊᕐᓗᒋᑦ ᐱᓪᓚᕆᐅᓂᖏᓐᓂᒃ ᑖᒃᑯᐊ ᐅᔭᖃᑦ. ᐅᓄᖅᓯᒋᐊᕐᓗᒋᑦ ᐃᑲᔪᖃᑎᒌᖕᓂᖅ ᐊᕙᑖᓂᑦ ᐅᑭᐅᖅᑕᖅᑐᕐᒥ ᐅᔭᕋᖕᓂᐊᕐᕕᑦ ᐊᒻᒪᓗ ᐊᓯᖏᑦ ᑲᒻᐸᓂᐅᔪᑦ ᐃᑲᔪᖅᑐᑦ ᐱᕚᓪᓕᕐᑎᑦᑎᕙᓪᓕᐊᓗᑎᒃ ᑕᒪᐃᓐᓄᑦ ᐃᑲᔫᑎᑦᑎᐊᖅᑐᓂᒃ ᓄᑖᓂᒃ ᐱᓕᕆᔾᔪᑕᐅᔪᑎᒍᑦ ᐱᕙᓪᓕᐊᑎᑦᑎᓪᓗᑎᒃ ᐊᒻᒪᓗ ᓱᖏᐅᓴᓪᓗᑎᒃ.

ᐆᒻᒪᖁᑎᓕᕆᓂᔨᑦ - ᐅᑯᐊᓗ ᐃᓚᖃᖅᑐᑦ ᐱᒋᐊᓕᓵᖅᑐᑦ ᐆᒻᒪᖁᑎᓕᕆᕕᐅᔪᑦ ᓲᕐᓗ ᐅᖅᓱᐊᓗᒃᓴᖅ, ᒑᓯ, ᐊᒻᒪᓗ ᓄᓇᒥᐅᑕᐃᑦ - ᐅᑯᐊᑦᑕᐅᖅ ᐱᒻᒪᕆᐅᔪᓂᒃ ᐃᑲᔫᓯᐊᖅᑖᕐᑎᑦᑎᕙᒃᑐᑦ ᐅᑭᐅᖅᑕᖅᑐᒥ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ, ᐃᑲᔫᓯᐊᖅᑎᑦᑎᓂᖅ $196 ᒥᓕᐊᓐ ᐅᑭᐅᖅᑕᖅᑐᒥ ᓂᐅᕐᕈᓯᕆᓂᕐᒧᑦ ᑕᐃᑲᓂ 2017.Footnote 6 ᐆᒻᒪᖁᑎᓕᕆᔨᒃᑯᑦ ᐃᑲᔪᖅᓯᒪᔪᑦ ᐃᖅᑲᓇᐃᔮᖃᖅᑎᑦᑎᓪᓗᑎᒃ ᑎᐅᓕᑐᐊᓕᔅ ᑕᐃᒪᓗ ᓴᕿᑦᑎᓯᒪᔪᑦ 690 ᐃᖅᑲᓇᐃᔮᒃᓴᓂᒃ ᓲᕐᓗ ᐅᖅᓱᐊᓗᒃᓴᖅ ᐊᒻᒪᓗ ᒑᓯ, ᐆᒻᒪᖁᑎᓕᕆᔨᕐᔪᑎᑦ, ᐊᒻᒪᓗ ᐃᒡᓗᓕᐅᖅᑐᑦ.

ᐊᖏᔪᕐᔪᐊᑦ ᓄᓇᒥ ᐆᒻᒪᖁᑎᑦ ᓴᓇᔭᐅᓗᑎᑎᒃ ᐃᑲᔫᑎᓂᐊᖅᑐᑦ ᐃᓇᖐᓚᓗᑎᒃ ᐊᑐᖅᑕᐅᔪᓐᓃᕐᓗᑎᑎᒃ ᑏᓱ, ᐊᑦᑎᒃᓯᒋᐊᕐᓗᒋᑦ ᐊᕙᑎᑦᑎᓂᒃ ᐊᒃᑐᐃᔪᑦ ᐊᒻᒪᓗ ᐱᐅᓯᕚᓪᓕᖅᑎᓪᓗᒋᑦ ᐃᓅᓯᓕᕆᓂᕐᒧᑦ-ᑮᓇᐅᔭᓕᕆᓂᕐᒧᑦ ᖃᓄᐃᓕᖓᓂᖓᑦ. ᑕᐃᒪᓗ 7-ᖑᔪᑦ ᐊᖏᔪᑦ ᐃᖏᕐᕋᑎᑕᐅᔪᑦ ᐆᒻᒪᖁᑎᖃᕐᕖᑦ ᔫᑳᓐ (ᖃᓅᑎᒋᓂᖓ ᑖᓐᓇᑐᐊᖅ 1 ᑕᐃᑲᓂ 2011) ᐊᒻᒪᓗ 74 ᓄᓇᑦᓯᐊᕐᒥ (ᖃᓅᑎᒋᓂᖓ 19 2011).Footnote 7 ᑕᐃᒪᖓᓂ ᓄᓇᓕᖕᓂ-ᐱᒋᐊᖅᑎᑕᐅᖃᑦᑕᖅᑐᑦ, ᐅᑯᐊ ᐱᓕᕆᐊᒃᓴᐃᑦ ᑎᓕᐅᕆᔪᑦ ᓄᓇᓕᖕᓂ ᓇᖕᒥᓂᕆᔭᐅᓗᑎᒃ ᐊᒻᒪᓗ ᐃᓚᐅᓗᑎᒃ, ᑕᐃᒪᓗ ᓴᖕᖏᒃᑎᓴᕐᓗᒋᑦ ᐃᓗᓪᓕᕈᓐᓇᕐᓗᑎᒃ. ᐅᓇ ᐆᒃᑑᑎᒋᓗ, ᑎᓯᓕᓐ ᑎᖕᓕ ᑲᑎᒪᔨᑦ ᐊᖏᔪᒥ ᓄᓇᒥ ᐆᒻᒪᖁᑎᖃᕈᑎᖃᕐᑎᑦᑎᓂᖅ, ᐅᑯᐊᓗ ᐅᖂᑎᑦᑎᔪᑦ ᓄᓇᓕᖕᓂ ᐃᒡᓗᖁᑎᖏᓐᓂᒃ, ᐱᔨᑦᑎᕋᖅᑐᖅ ᐃᓕᓐᓂᐊᕐᑎᑦᑎᕕᒋᕙᔨᖢᒍ ᓄᓇᓕᖕ ᐆᒻᒪᖁᑎᖃᕈᓐᓇᕐᓂᖅ ᐳᓛᖅᑐᓄᑦ ᓇᑭᑐᐃᓐᓇᖅ ᓄᓇᕐᔪᐊᒥᑦ.

ᑕᒪᑐᒧᖓ ᐅᔭᕋᖕᓂᐊᕐᓂᖅ, ᐆᒻᒪᖁᑎᓕᕆᓂᖅ ᐱᓯᒪᔪᖅ ᖄᖓᒍᖅ ᐃᓅᓯᓕᕆᓂᕐᒧᑦ-ᑮᓇᐅᔭᓕᕆᓂᕐᒧᓪᓗ ᐃᑲᔫᓯᐊᖅᑖᕐᑎᑦᑎᕙᒡᓗᑎᒃ ᑎᐅᓕᑐᐊᓕᔅ ᐊᒻᒪᓗ ᑲᓇᑕ ᑕᒪᕐᒥᒃ ᐃᓚᒋᔭᐅᓗᑎᒃ ᖃᕆᓴᐅᔭᓕᕐᓂᕐᒧᑦᒃ ᐊᑕᔪᑦ ᐊᒻᒪᓗ ᓄᑖᑦ ᐱᓕᕆᔾᔪᑕᐅᓕᖅᑐᑦ, ᓱᕈᖅᓴᐃᓐᖏᑦᑐᓂᒃ ᐆᒻᒪᖁᑎᖃᕐᑎᑦᑎᓂᖅ ᐱᕙᓪᓕᐊᑎᑦᑎᓂᖅ, ᐊᒻᒪᓗ ᐱᔪᒪᓕᕐᑎᑦᑎᓂᖅ ᑮᓇᐅᓕᐅᕈᑎᒃᓴᓂᒃ ᐱᒋᐊᖅᑎᑦᑎᓗᑎᒃ. ᐅᑯᐊ ᐱᓇᓱᐊᖃᑎᒌᑦ ᐊᔪᖏᑦᑎᐊᖅᑐᑦ ᐱᕚᓪᓕᑎᑦᑎᓗᑎᒃ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᓴᐃᒻᒪᖃᑎᒌᖕᓂᖅ ᐃᓱᒪᒋᔪᓐᓇᐃᖃᑎᒌᖕᓂᖅ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᐃᓚᐅᓗᑎᒃ ᑮᓇᐅᔭᓕᕆᓂᕐᒥ ᐱᕙᓪᓕᐊᑎᑦᑎᓂᒃᑯᑦ. ᐊᔪᖏᑦᑎᐊᕌᖓᑕ ᐅᔭᕋᖕᓂᐊᖅᑐᑦ ᐃᓂᖃᕐᑎᑦᑎᕗᑦ ᖃᓄᐃᓕᖓᔪᓐᓇᕐᓂᖓ ᓄᖑᑦᑎᕙᓪᓕᐊᖏᓐᓂᒃᑯᑦ - ᓇᓕᖃᕇᓕᖅᑎᓪᓗᒋᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒥ, ᐊᕙᑎᓕᕆᓂᕐᒥ, ᐊᒻᒪᓗ ᐃᓅᓯᓕᕆᓂᕐᒥ - ᐊᒻᒪᓗ ᐃᓚᓕᐅᑎᓗᒋᑦ ᐊᑐᖅᑕᐅᔪᓐᓇᕐᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᑦ ᐃᓱᒪᓕᐅᕆᕙᓪᓕᐊᓂᕐᒧᑦ.

ᐱᓕᕆᐊᒃᓴᐃᑦ

ᐃᑲᔪᖃᑎᒌᒡᖢᑎᒃ ᐱᓇᓱᐊᖃᑎᒌᑦ ᐊᒻᒪᓗ ᑎᒍᒥᐊᖅᑎᐅᔪᑦ, ᑳᓄᐊᒃᑯᑦ ᓴᓇᖃᑎᖃᖅᑐᑦ ᐊᑭᑐᔪᓕᕆᓂᐊᕐᒪᑕ ᐅᑭᐅᖅᑕᖅᑐᖅ ᐊᖏᔪᓂᖓᓄ ᐅᔭᕋᖕᓂᐊᖅᑕᐅᔪᓐᓇᖅᑐᑦ ᐊᒻᒪᓗ ᐆᒻᒪᖁᑎᖃᕐᕕᐅᔪᓐᓇᖅᑐᑦ. ᓯᕗᓪᓕᐅᑎᓗᒋᑦ ᐱᓕᕆᐊᒃᓴᐃᑦ ᑳᓄᐊᒃᑯᓄᑦ ᐅᑯᐊ ᐃᓚᒋᔭᐅᔪᑦ:

  • ᐱᕚᓪᓕᕐᑎᑦᑎᓗᑎᒃ ᐱᕕᖃᖅᑎᑦᑎᓗᑎᒃ ᑐᑭᖃᖅᑐᒥᒃ ᐱᓕᕆᖃᑎᒌᖕᓂᖅ ᐊᒻᒪᓗ ᐃᓚᐅᑎᑦᑎᓂᖅ ᓄᓇᖅᑲᖅᑳᖅᓯᒪᔪᓂᒃ ᑕᒪᑐᒧᖓ ᑕᐃᒪᓗ ᐃᑲᔪᖅᑕᐅᓗᑎᒃ ᐃᖏᕐᕋᓯᑎᑕᐅᓯᒪᔪᑎᒍᑦ ᐊᑐᓕᖅᑕᐅᓗᑎᒃ ᐱᒋᐊᕐᓂᖓᓂ ᐃᓚᐅᑎᑕᐅᓗᑎᒃ ᐊᒻᒪᓗ ᐃᓗᓪᓕᕈᓐᓇᕐᓂᐊᕐᒪᑕ ᐋᕿᒃᓱᐃᑦᑎᐊᖅᐸᓪᓕᐊᓗᑎᒃ, ᓄᓇᖅᑲᖅᑳᖅᓯᒪᔪᑦ ᐃᖅᑲᐃᔭᖅᑐᓕᕆᓂᖅ, ᐊᒻᒪᓗ ᐃᓚᐅᑎᑦᑎᓂᖅ ᓄᓇᖅᑲᖅᑳᖅᓯᒪᔪᑦ ᓇᖕᒥᓂᖃᖅᑐᑦ ᑖᒃᑯᐊ ᓂᐅᕕᐊᒃᓴᖃᕐᕕᒋᔪᓐᓇᕐᓂᐊᖅᑕᖏᓐᓄᑦ;
  • ᐃᑲᔪᕐᓗᒋᑦ ᑐᑭᓕᐅᕈᑕᐅᕙᓪᓕᐊᔪᑦ ᑭᖑᕙᖅᓯᒪᓐᖏᓪᓗᑎᒃ ᐊᒻᒪᓗ ᐊᑑᑎᖃᖅᑐᓂᒃ ᐊᒃᑐᐃᒐᔭᖅᑐᓄᑦ ᖃᐅᔨᓇᓱᑦᑎᐊᕐᓗᑎᒃ ᐊᒻᒪᓗ ᐱᖁᔭᓛᑦ ᐱᓕᕆᔭᐅᕙᓪᓕᐊᔪᑦ ᑲᒪᒋᔭᐅᓗᑎᒃ ᒐᕙᒪᑐᖃᒃᑯᓂ ᖃᓄᐃᓕᐅᕆᐊᖃᖅᑐᓂ ᐊᒻᒪᓗ ᐊᓯᖏᓐᓂᒃ ᐃᓕᐅᖃᐃᕕᖃᕐᓗᑎᒃ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ ᐅᖃᖃᑎᒋᔭᐅᓗᑎᒃ ᓄᓇᖅᑲᖅᑳᖅᓯᒪᔪᓪᓗ ᓄᓇᖏ ᐊᒻᒪᓗ ᐃᑲᔪᕐᓗᒋᑦ ᐅᑯᐊ ᓄᓇᒥᑦ ᑮᓇᐅᔭᓕᐅᕈᑕᐅᔪᓐᓇᖅᑐᑦ ᐱᕙᓪᓕᐊᑎᑕᐅᓗᑎᒃ ᑐᒃᓯᕋᖅᑐᑦ ᑐᑭᓯᓂᐊᕐᒪᑕ ᖃᓄᑦ ᑕᒪᓐᓇ ᐃᖏᕐᕋᑎᑕᐅᔭᕆᐊᖃᕐᓂᖓ ᐱᓕᕆᔭᐅᕙᓪᓕᐊᔭᕆᐊᖃᖅᑐᓄᑦ;
  • ᐃᑲᔪᕐᓗᒋᑦ ᐊᒻᒪᓗ ᑐᑭᒧᐊᒃᑎᓪᓗᒋᑦ ᓄᓇᖅᑲᖅᑳᖅᓯᒪᔪᑦ, ᑲᓇᑕᒥᐅᑕᐅᓐᖏᑦᑐᑦ, ᐊᒻᒪᓗ ᑲᓇᑕᒥᑦ ᖃᕿᔾᔪᑕᐅᓂᐊᖅᑐᑦ ᐅᑭᐅᖅᑕᖅᑐᒥ ᓄᓇᒥ ᐃᑲᔫᑎᒃᓴᓂᑦ;
  • ᑎᓕᐅᕆᓗᑎᒃ ᐱᕙᓪᓕᐊᑎᑦᑎᕐᒥᒃ ᐊᒻᒪᓗ ᐱᒋᐊᖅᑎᑦᑎᓂᕐᒥᒃ ᐃᓚᒋᔭᐅᓗᑎᒃ ᖃᕆᓴᐅᔭᓕᕐᓂᕐᒧᑦ ᐊᑕᔪᑦ ᐊᒻᒪᓗ ᓄᑖᑦ ᐱᓕᕆᔾᔪᑕᐅᓕᖅᑐᑦ ᐊᑐᖅᑕᐅᓗᑎᒃ ᐃᑲᔫᑎᒋᓗᒋᑦ ᑲᔪᓯᔪᒥᒃ ᐱᕙᓪᓕᐊᑎᐊᕐᑎᑦᑎᓂᖅ ᐊᒻᒪᓗ ᐊᕙᑎᒥᒃ ᐱᐅᓯᕚᓪᓕᕐᑎᑦᑎᓯᒪᓂᖅ ᐃᓗᐊᓂ ᑲᒻᐸᓂ; ᐊᒻᒪᓗ
  • ᐱᔭᕆᐊᑭᒡᓕᑎᓪᓗᒍ ᐱᕕᖃᕐᑎᑦᑎᓂᖅ ᐅᑭᐅᖅᑕᖅᑐᒥ ᓇᖕᒥᓂᖃᖅᑐᑦ ᐱᔭᐅᓗᑎᒃ ᖃᐅᔨᒪᓂᖏᑦ ᐊᒻᒪᓗ ᖃᐅᔨᒪᔪᕐᔪᐊᖑᔪ ᓂᒡᓚᓱᒃᑐᒥ ᐅᔭᕋᖕᓂᐊᒐᒃᓴᓂᒃ ᐲᔭᐃᔪᓐᓇᖅᑐᑦ ᓄᓇᕐᔪᐊᒥ.

ᐊᔾᔨᐅᓐᖏᑑᔪᑦ ᐊᒻᒪᓗ ᐋᕿᒃᑕᒥᒍᑦ ᐱᓕᕆᔾᔪᓯᖃᖅᑐᑦ

ᐊᑐᖅᓯᔪᑦ ᓱᕈᖅᓴᐃᓐᖏᓪᓗᑎᒃ ᐱᕈᖅᑎᐊᕐᓗᑎᒃ ᐊᓯᑎᒃ ᑮᓇᐅᔭᓕᐅᕕᓐᓇᕐᕕᖃᖅᑐᑦ ᐊᐅᓪᓗᑎᓗᒍ ᓴᖏᒃᑎᕙᓪᓕᐊᑎᓪᓗᒋᑦ ᓇᖕᒥᓂᖃᖅᑐᑦ ᐊᒻᒪᓗ ᐅᑭᐅᖅᑕᖅᑐᒥ ᐃᒻᒥᒍᑦ ᓄᑖᑦ ᐋᕿᒃᑕᒥᒍᑦ ᐱᓕᕆᔾᔪᑎᖃᖅᑐᑦ.

ᐊᑭᑦᑐᖅᑎᑦᑎᓂᖅ ᐱᕕᖃᕐᑎᑦᑎᔪᓐᓇᕐᓂᒃᑯᑦ

ᑯᐊᐸᒃᑯᑦ ᐱᓇᓱᐊᖃᑎᒋᔭᖏᑦ ᑳᓄᐊᒃᑯᑦ ᐊᖏᔪᒥᒃ ᐊᖏᒡᓕᒋᐊᕐᓂᐊᖅᑐᑦ ᐊᒻᒪᓗ ᒫᓐᓇᒨᖓᓕᖅᑎᑦᑎᐊᕐᓗᒋᑦ ᐱᖓᓱᑦ ᑐᔪᕐᒥᕖᑦ ᓄᓇᕗᒻᒥ ᑭᕙᓪᓕᕐᒥ. ᐊᒻᒪᓗ, ᑳᓄᐊᒃᑯᑦ ᓂᐅᕕᕐᓂᐊᖅᑐᑦ ᖃᑭᔾᔪᑎᒃᓴᓄᑦ ᐅᑎᑦᑎᑕᐅᓗᑎᒃ ᑑᓕ ᖃᖅᒪᑦ ᐃᑦᑕᕐᓂᑕᖃᕐᕕᑦ ᖃᓂᒋᔭᖓᓂ ᐃᒡᓗᓕᒑᕐᔪᒃ.

ᑳᓄᐊᒃᑯᑦ ᓴᓇᖃᑎᖃᖅᑐᑦ ᑎᐅᓕᑐᐊᓕᔅ ᒐᕙᒪᒃᑯᑦ ᐃᑲᔪᕐᓂᐊᖅᑐᖅ ᐅᑎᑦᑎᑕᐅᓗᓂ ᒍᓕᒃ ᓯᓚᐃᕕ ᑕᓯᖅ ᑮᓇᐅᔭᓕᐅᕈᑕᐅᓗᓂ ᐃᖃᓗᒐᓱᒡᕕᐅᓗᓂ ᐃᑲᔪᕐᓂᐊᖅᑐᑦ ᐃᖃᓗᓕᕆᕕᒃᓴᒧᑦ ᐊᒻᒪᓗ ᓄᑖᖅ ᐃᖃᓗᖃᐅᑎᖃᕐᕕᒃᓴᖅ ᕼᐃ ᐅᓕᕗ,
ᓄᓇᑦᓯᐊᖅ.

ᑳᓄᐊᒃᑯᑦ ᓴᓇᖃᑎᖃᕐᓂᐊᖅᑐᑦ ᓄᑖᓂᒃ ᐱᓕᕆᔾᔪᑕᐅᓕᖅᑐᓂᒃ ᐅᑭᐅᖅᑕᖅᑐᒥ, ᔫᑳᓐ, ᑳᓄᐊᒃᑯᑦ ᓂᐅᕕᕐᓂᐊᖅᑐᑦ ᖃᑭᔾᔪᑎᒃᓴᓄᑦ ᓄᐊᑐᓚᓐ ᓚᐃᑦᔅ ᓄᑖᖅ ᐱᓕᕆᔾᔪᑕᐅᓕᖅᑐᓄᑦ ᐃᓂᒋᔭᐅᓂᐊᖅᑐᖅ ᖁᓛᓂ ᐊᔾᔨᖑᐊᖃᖅᑐᖅ) ᐅᑯᐊ.

ᐃᓚᒋᔭᖓ ᐅᑭᐅᖅᑕᖅᑐᖅ ᓄᑖᓂᒃ ᐱᓕᕆᔾᔪᑕᐅᓕᖅᑐᑦ ᐆᒪᔪᑦ ᐊᕙᑎᓕᒫᖏᓐᓄᓪᓗ

ᐃᓅᕕᒃ ᐊᔾᔨᐅᓐᖏᑦᑐᒥᒃ ᐃᓂᖃᖅᑐᖅ ᖃᐅᔨᓇᓱᒍᑎᒥᖕᓄᑦ ᐊᒻᒪᓗ ᖃᐅᔨᓴᕈᑎᑖᕐᒥᖕᓄᑦ ᒫᓐᓇᐅᔪᖅ ᖃᓄᐃᓕᖓᔪᓄᑦ ᑕᒪᐅᓐᓇ ᐅᑭᐅᖅᑕᖅᑐᒥᒃ ᑲᐃᕙᑦᑐᑦ ᖃᖓᑦᑕᖅᑎᑕᐅᓯᒪᔪᑎᒍᑦ. ᑕᑯᓪᓗᒍ ᑲᓇᑕᐅᑉ ᒐᕙᒪᒃᑯᑦ ᖃᖓᑦᑕᖅᑎᓯᒪᔭᖏᑦ ᐊᑐᖅᖢᒋᑦ ᖃᐅᔨᓴᖅᑎᒻᒪᕇᑦ, ᓄᓇᓐᖑᐊᓕᐅᕐᓂᖅ, ᐊᕙᑎᒥᒃ ᒥᐊᓂᕆᓂᖅ ᐊᒻᒪᓗ ᐊᓯᖏᑦ ᐱᔾᔪᑎᑦ. ᐅᓇ ᖃᖓᑦᑕᖅᑎᑕᐅᓯᒪᔪᓄᑦ ᐸᓚᐃᖑᐊᖅ ᑎᑎᕋᐅᔭᖅᓯᒪᔪᖅ ᑖᔅᓱᒪ ᓴᓇᔭᖏᑦ ᓯᕇ ᒥᒃᓚᐅᑦ, ᐅᓇ ᑭᒡᒐᖅᑐᐃᔪᖅ ᐃᓅᕕᐊᓗᐃᑦ ᐱᐅᓯᑐᖃᖓᓂᒃ, ᓴᕿᑎᓪᓗᒍ ᒥᓯᒃᑕᖅᑎᑕᐅᔪᖅ ᐊᒥᕐᒧᑦ ᐅᓇ ᐱᐅᓯᑐᖃᖓᑦ ᐊᑐᖅᑕᐅᕙᒃᑐᖅ ᒥᓯᒃᑕᕐᑎᑦᑎᓪᓗᑎᑎᒃ ᑕᑯᓇᓱᒡᖢᑎᒃ ᑐᒃᑐᓂᒃ ᐅᒡᕙᓘᓐᓃᑦ ᐊᕐᕕᖕᓂᒃ. ᑕᒪᒃᑯᐊᓗ ᑮᓇᐅᔭᓕᐅᕈᑕᐅᔪᑦ ᐸᐃᓕᑎᖑᐊᑦ, ᐃᓅᕕᒃ ᐱᕙᓪᓕᐊᑎᑦᑎᕕᖃᖅᑐᖅ ᑐᓐᖓᕕᖕᒥ ᐱᕈᖅᐸᓪᓕᐊᓂᐊᖅᑐᖅ ᓄᑖᑦ.

ᖃᓄᐃᒻᒪᑦ ᐅᓇ ᐊᑑᑎᖃᖅᐸ

ᐅᑯᐊ ᐊᑑᑎᖃᖅᑐᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᐅᑭᐅᖅᑕᖅᑐᒥ ᐊᔾᔨᐅᓐᖏᑑᓂᖓᓄᑦ ᐊᒻᒪᓗ ᓄᑖᑦ ᐱᓕᕆᔾᔪᑕᐅᓕᖅᑐᑦFootnote 8 ᑕᒪᐅᓇ ᐃᓴᒃᓯᒪᓗᒋᑦ ᐊᒥᓱᑦ ᐊᔾᔨᒌᓐᖏᑦᑐᑦ ᖃᓄᕆᑦᑐᑐᐃᓐᓇᐃᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᕕᒃᓴᐃᑦ ᐊᒻᒪᓗ ᐅᓄᖅᓯᕙᓪᓕᐊᔪᑦ ᐊᑕᔪᓐᓇᖅᑕᖏᑦ ᓄᓇᕐᔪᐊᒥ ᑮᓇᐅᔭᓕᕆᔾᔪᑕᐅᔪᑦ. ᐊᒻᒪᓗ, ᐱᕕᖃᖅᑎᑕᐅᔪᑦ ᖃᓄᕆᑦᑐᑐᐃᓐᓇᓂᒃ ᒥᑭᔪᓂᒃ-ᐊᒻᒪᓗ ᕿᑎᐊᓂ-ᐊᖏᑎᒋᔪᑦ ᑲᒻᐸᓂᐅᔪᑦ ᑕᒪᐅᓐᓇ ᐅᔭᕋᖕᓂᐊᕐᓂᒃᑯᑦ, ᐅᑯᐊᓗ ᓇᓕᖃᕇᓕᕈᓐᓇᖅᑐᑦ ᐃᑲᔪᕐᓗᑎᒃ ᐱᕈᖅᑎᓪᓗᒋᑦ ᐊᓯᑎᒃ ᑲᒻᐸᓂᐅᔪᑦ.

ᐱᒻᒪᕆᐅᔪᖅ ᐃᓕᓴᕆᓗᒋᑦ ᐊᖏᔪᒥᒃ ᐃᓂᖃᕐᒪᑕ ᒐᕙᒪᒃᑯᓂᑦ ᑮᓇᐅᔭᐃᔭᕈᑎᒋᔭᖏᑦ ᐅᑯᐊᓗ ᓇᖕᒥᓂᖁᑎᖃᖅᑐᓂᒃ ᖃᓄᐃᓕᐅᕈᑕᐅᔪᓐᓇᖅᑐᑦ ᐊᒻᒪᓗ ᐃᖅᑲᓇᐃᔭᖅᑎᑦᑎᔪᓐᓇᖅᑐᑦ. ᐅᓇ ᐆᒃᑑᑎᒋᓗᒍ, ᐅᖓᑖᓂ ᐊᕙᖓᑕ ᑕᒪᕐᒥᒃ ᐃᓄᐃᑦ ᐃᖅᑲᓇᐃᔭᖅᑐᑦ ᑎᐅᓕᑐᐊᓕᔅ ᒐᕙᒪᒃᑯᓂ - ᒐᕙᒪᒃᑯᑦ ᐊᐅᓚᑦᓯᔨᖏᑦ ᓈᓴᐅᓯᒪᔪᑦ ᖃᓂᒋᔮᓂ 31% ᐋᓐᓂᐊᖃᖅᑕᐃᓕᑎᑦᑎᔨᒃᑯᑦ ᐊᒻᒪᓗ ᐃᓄᓕᕆᔨᒃᑯᑦ ᑕᒫᓂ 11% ᐊᒻᒪᓗ ᐃᓕᓐᓂᐊᖅᑎᑦᑎᓂᖅ 10% 2016-ᒥ.Footnote 9 ᐱᕈᖅᐸᓪᓕᐊᔪᑦ ᐊᓯᖏᑦ ᑲᒻᐸᓂᐅᔪᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᐱᒻᒪᕆᐅᔪᖅ ᐊᖏᒡᓕᓂᑐᐃᓐᓇᐅᓐᖏᑦᑐᒃᑯᑦ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᓂᖅ ᑭᓯᐊᓂᑦᑕᐅᖅ ᓴᖕᖏᒃᑎᐸᓪᓕᐊᓗᒋᑦ ᑕᒪᕐᒥᒃ ᓴᐱᓕᖅᑕᐃᓕᒪᓂᖅ.

ᖃᐃᑎᑦᑎᕗᑦ ᓄᓇᑦᑎᐊᕆᖕᓂᖓᓄᑦ ᐊᒻᒪᓗ ᐊᓯᐅᓯᒪᓐᖏᑦᑐᐊᖅᑐᖅ ᐱᐅᓯᑐᖃᖏᑦ, ᐅᑭᐅᖅᑕᖅᑐᖅ ᑐᓂᓯᓯᒪᔪᖅ ᐊᔾᔨᐅᓐᖏᑦᑐᒥᒃ ᐊᑐᖅᓯᑎᑦᑎᔪᓐᓇᖅᖢᓂ. ᐳᓚᕋᑎᑦ ᐱᕈᖅᐸᓪᓕᐊᔪᑦ ᓇᓂᑐᐃᓐᓇᖅ ᐅᑭᐅᖅᑕᖅᑐᒥ. ᐅᓇ ᐆᒃᑑᑎᒋᓗᒍ, 2017-2018, ᐅᓇ ᓯᕗᓪᓕᖅᐹᒥᒃ, ᐅᖓᑖᓂ 110,000 ᐳᓛᖅᑐᑦ ᐳᓚᕋᑦᑐᑦ ᓄᓇᑦᓯᐊᕐᒧᑦ ᑕᐃᒪᓗ ᑮᓇᐅᔭᐃᔭᖅᖢᑎᒃ ᐳᓛᖅᑐᑦ ᐅᖓᑖᓄᑦ $203 ᒥᓕᐊᓐ ᐱᕙᓪᓕᐊᑎᑕᐅᑐᐃᓐᓇᖅᑎᓪᓗᒍ; ᑕᐃᒪᖓ ᐊᓂᒍᖅᑐᑦ ᑕᓪᓕᒪᑦ (5) ᐅᑭᐅᑦ, ᐳᓛᖅᑐᑦ ᐅᓄᕐᓂᖏᑦ ᓄᓇᑦᓯᐊᕐᒧᑦ ᐅᓄᖅᓯᒋᐊᓚᐅᖅᑐᖅ 19%.Footnote 10 ᑕᐃᒪᓗ ᐊᖏᔪᒥᒃ ᐱᕈᕈᓐᓇᕐᕕᖃᖅᑐᑦ ᓄᓇᖅᑲᖅᑳᖅᓯᒪᔪᑦ ᐳᓚᕋᑎᓂᒃ ᐊᐅᓚᑦᑎᔪᑦ ᑐᓂᓯᓯᒪᔪᓐᓇᕐᒪᑕ ᐊᑐᖅᑕᐅᓚᐅᖅᓯᒪᓐᖏᑦᑐᓂᒃ. ᐅᓇ ᒪᑐᐃᖓᓕᖅᑎᓪᓗᒍ ᓱᓪᓗᐊᓗᒃ ᐅᐊᓈᖓᓂᑦ ᕿᑭᖅᑖᓗᖕᒧᑦ, ᐅᑭᐅᖅᑕᖅᑐᖅ, ᐱᓗᐊᖅᑐᒥᒃ ᓄᓇᕗᑦᒪ ᓂᕆᐅᒃᑐᑦ ᑕᑯᓂᐊᖅᑐᑦ ᐅᓄᖅᓯᒋᐊᖅᑐᓂᒃ ᐳᓚᖃᑎᓂᒃ ᐅᒥᐊᕐᔪᓂᒃ.

ᐅᓇ ᐊᔾᔨᖃᓐᖏᑦᑐᖅ ᐊᑐᖅᑕᐅᔪᓐᓇᖅᑐᖅ ᐃᓂᖃᖅᐳᑦ ᒥᑭᓐᓂᖅᓴᐅᔪᓂ ᓄᓇᓕᖕᓂ ᐅᑯᐊᓗ ᑭᓱᖃᓐᖏᑦᑐᑦ ᐱᔨᑦᑎᕋᐅᑎᑕᖃᓐᖏᑦᑐᑦ ᑕᐃᒪᐃᓐᓄᑦ-ᐱᔨᑦᑎᕋᐅᑎᒃᑕᓄᑦ ᐳᓚᕋᑎᓄᑦ. ᐊᓯᖏᑦ ᐱᔭᕐᓂᓐᖏᑦᑐᑦ ᐊᑕᔪ ᐱᕙᓪᓕᐊᑎᑦᑎᓂᖅ ᑲᓇᑕᐅᑉ ᐊᓯᐊᓄᑦ ᐊᐅᓪᓚᑐᐃᓐᓇᕆᐊᖃᓕᖅᓯᒪᔪᓂᒃ ᐱᖁᑎᓂ ᐅᑯᐊᓗ ᐱᔭᐅᔪᓐᓇᕐᓗᑎᑎᒃ ᐊᒻᒪᓗ ᐊᑭᑐᒋᔭᐅᓐᖏᓪᓗᑎᒃ ᐳᓛᖅᑐᓂᒃ.

ᐅᓇ ᓴᖕᖏᔪᒥᒃ ᐱᔭᐅᔪᒪᔪᖅ ᐊᒻᒪᓗ ᑭᖕᖒᒪᓇᖅᑐᑦ ᓄᓇᓕᖕᓂ ᓂᕿᒃᓴᓕᐅᕐᓂᖅ - ᐱᕈᖅᑎᑕᒐᓂᒃ, ᓂᕿᓪᓚᑖᓂᒃ ᓲᕐᓗ ᓇᑦᑎᖅ, ᑐᒃᑐ ᐊᒻᒪᓗ ᐅᒥᖕᒪᒃ, ᐊᒻᒪᓗ ᐃᖃᓗᐃᑦ - ᐊᑦᑎᒃᓯᓯᒪᓂᐊᕐᒪᑕ ᐅᑭᐅᖅᑕᖅᑐᖅ ᐊᑐᖅᑕᐅᓗᓂ ᑭᓯᐊᓃᖅᓯᒪᔪᓂ ᑲᓇᑕᐅᑉ ᐃᓗᐊᓂ ᑕᐅᖅᓰᓂᖅ ᓂᕿᓂᒃ, ᐊᑦᑎᒃᓯᓯᒪᓗᓂ ᓂᕿᒃᓴᖃᖃᑦᑕᓐᖏᓂᖅ, ᐊᒻᒪ ᐅᓄᖅᓯᒋᐊᕐᓗᒋᑦ ᓄᓇᓕᖕᓂ ᐃᖅᑲᓇᐃᔮᖃᕐᑎᑦᑎᓂᖅ. ᐊᒻᒪᓗ, ᐃᓚᖏᑦ ᓂᕿᓕᕆᔨᑦ ᕿᓂᖅᑐᑦ ᐊᐅᓪᓚᕐᑎᑦᑎᕕᐅᔪᒪᔪᑦ ᑲᓇᑕᐅᑉ ᐊᓯᐊᓂᑦ ᐱᖁᑎᖏᓐᓂᒃ. ᑕᐃᒪᓐᓇᐅᒐᓗᐊᖅᑎᓪᓗᒍ, ᒫᓐᓇᐅᔪᖅ ᐱᖁᔭᓕᕆᓂᖅ ᐊᒻᒪᓗ ᓴᓇᔭᐅᓯᒪᔪᑦ ᑎᐅᓕᑐᐊᓕᓂ ᐊᔪᖅᑐᑦ ᐅᑭᐅᖅᑕᖅᑐᖅ ᑐᑭᓯᔭᕆᐊᒃᓴᖓᑦ ᓄᓇᒥᖕᓂᑦ ᓂᕿᓂᒃ ᐊᒻᒪᓗ ᓄᓇᕐᔪᐊᒧᑦ ᓂᐅᕐᕈᑎᒋᔭᕆᐊᒃᓴᖏᓐᓂᒃ. ᐊᒻᒪᓗ, ᓯᓚᐅᑉ ᐅᖂᓯᕙᓪᓕᐊᓂᖓ ᐊᒃᑐᐃᑎᓪᓗᒍ ᐊᖑᓇᓱᒍᓯᑐᖃᖏᓐᓂᒃ ᐃᓄᐃᑦ ᐃᓚᖏᑦ ᓄᓇᐃᑦ ᐊᓯᑦᔨᕐᒪᑕ ᓯᑯᖏᑦ ᐊᒻᒪᓗ ᑐᒃᑐᑦ ᐃᓂᖏᑦ ᓄᒃᑕᖅᕕᖏ, ᐳᐃᔨᑦ ᐊᒻᒪᓗ ᐃᖃᓗᐃᑦ ᐅᑯᐊ ᐊᑦᔪᑎᑐᐊᖏᑦᑕᐅᖅ ᐊᒥᓱᑦ ᐅᑭᐅᖅᑕᖅᑐᒥᐅᑦ. ᐅᑭᐅᖅᑕᖅᑐᒥ ᓄᓇᓖᑦ ᕿᓂᖅᑐᑦ ᓄᑖᓂᒃ ᐊᒻᒪᓗ ᓴᓇᑐᔪᓂᒃ ᓄᑖᓂᒃ ᐱᓕᕆᔾᔪᑕᐅᓕᖅᑐᑎᒍᑦ ᓴᕿᑦᑎᓯᒪᓂᐊᕐᒪᑕ ᐊᔾᔨᒌᓐᖏᑦᑐᓂᒃ ᓄᓇᓕᖕᓂ ᓂᕿᒃᓴᓂᒃ. ᐅᓇ ᐆᒃᑑᑎᒋᓗᒍ, ᐃᓚᖏᑦ ᐃᖏᕐᕋᓯᑎᑕᐅᓯᒪᔪᑦ ᐃᓚᒋᔭᐅᔪᖅ ᐋᕿᒃᓱᐃᓗᓂ ᐅᑭᐅᖅᑕᖅᑐᒥ ᐱᕈᖅᓰᕕᒃᓴᓂᒃ ᑕᐃᒪᓗ ᐅᑭᐅᖅᑕᖅᑐᖅ ᖃᐅᒪᐃᓐᓇᖃᑦᑕᓕᖅᑎᓪᓗᒍ 24 ᐃᑲᕐᕋᓄᑦ, ᐊᓯᖏᓪᓗ ᐃᓚᖃᖅᑐᖅ ᑲᔪᓯᔪᓐᓇᕐᒪᖔᑕ ᑲᔪᓯᔪᓐᓇᓐᖏᒻᒪᖔᑕ ᐱᕈᖅᓯᐊᑦ ᓄᑖᑎᒍᑦ ᖃᕆᓴᐅᔭᓕᕆᔾᔪᑎᑦᑎᒍᑦ.

ᐊᖏᔪᑦ ᐊᐅᓪᓗᑎᔭᐅᔪᖅ ᐅᑭᐅᖅᑕᖅᑐᒥ ᓄᑖᑦ ᐱᓕᕆᔾᔪᑕᐅᓕᖅᑐᑦ ᓂᕐᔪᑎᓄᑦ ᐊᕙᑎᓕᒫᖏᓐᓄᓪᓗ.Footnote 11 ᐅᖃᐅᓯᕆᓗᒋᑦ ᑎᐅᓕᑐᐊᓕᔅ ᑭᖕᖑᒪᒋᔭᖏᑦ, ᓂᐅᕐᕈᓯᕆᓂᖅ, ᐊᒻᒪᓗ ᐱᔾᔪᑕᐅᔪᑦ. ᑕᐃᒪᓗ ᐆᒪᔪᑦ ᐅᕙᑎᓕᒫᖏᓪᓗ ᒥᑭᔫᖕᒪᑕ, ᐊᒻᒪᓗ ᓄᒃᑕᖅᓴᕋᐃᓪᖢᑎᒃ; ᑕᐃᒪᓐᓇᐅᒐᓗᐊᖅᑎᓪᓗᒍ, ᐊᑐᕐᓂᐊᕐᓗᓂ ᖃᐅᔨᒪᔪᕐᔪᐊᓂ, ᐊᑭᑐᔪᓂ, ᐊᒻᒪᓗ ᓂᐅᕐᕈᓯᕆᓂᖅ ᐅᓄᓐᖏᑦᑑᔪᑦ. ᓴᖕᖏᒃᑎᓴᕐᓗᒍ ᐅᑭᐅᖅᑕᖅᑐᖅ ᓄᑖᑎᒍᑦ ᐱᓕᕆᔾᔪᑕᐅᓕᖅᑐᑎᒍᑦ ᐆᒪᔪᑦ ᐊᕙᑎᓕᒫᖏᓪᓗ ᐱᓯᒪᕗᑦ ᐱᐅᓯᕚᓪᓕᖅᑎᑕᐅᓇᓱᑐᐃᓐᓇᖅᖢᑎᒃ ᐃᒻᒥᒍᑦ ᐃᓗᓪᓕᕈᓐᓇᕐᓂᐊᕐᒪᑕ ᑭᓯᐊᓂ ᐅᓄᖅᓯᕙᓪᓕᐊᔪᑦ ᐱᑐᒃᓯᒪᔪᑦ ᐊᑕᐅᔪᑦ ᖃᓪᓗᓈᑦ ᓄᓇᖓᓄ (ᓲᕐᓗ ᓂᐅᕐᕈᓯᕆᓂᕐᒧᑦ ᐊᑭᑐᔫᑎᓂᒃ ᑮᓇᐅᔭᓕᐅᕈᑎᖃᕋᓱᐊᖅᑐᑦ). ᐱᔾᔪᑎᒋᓪᓗᒍ ᐊᖏᓂᖓ, ᐅᑭᐅᖅᑕᖅᑐᖅ ᓄᑖᓂᒃ ᐱᓕᕆᔾᔪᑕᐅᓕᖅᑐᓂᒃ ᐆᒪᔪᓄ ᐊᐅᓪᓗᑎᒋᐊᖃᕐᓂᐊᖅᑐᓄᑦ ᓴᖕᖏᒃᑎᓴᕐᓗᒋᑦ, ᓲᕐᓗ ᐱᕙᓪᓕᐊᑎᑦᑎᓂᖅ ᓂᒡᓚᓱᒃᑐᒥ ᐃᖏᕐᕋᔪᓐᓇᖅᑐᑦ ᓄᑖᑦ ᖃᕆᓴᐅᔭᓕᕆᔾᔪᑕᐅᓕᖅᑐᑦ, ᐊᒻᒪᓗ ᐃᖏᕐᕋᑎᑕᐅᓗᑎᒃ ᐱᓇᓱᐊᖃᑎᒌᖕᓂᑦ. ᐅᑭᐅᖅᑕᖅᑐᒥ ᓄᑖᓂᒃ ᐱᓕᕆᔾᔪᑕᐅᓕᖅᑐᓂᒃ ᐆᒪᔪᓄᑦ ᐊᕙᑎᓕᒫᖏᓐᓄᓪᓗ ᐃᖅᑲᓇᐃᔭᖅᑎᑦᑎᖕᒥᔪᑦ ᓲᕐᓗ ᐃᖏᕐᕋᓂᖓ ᐅᑎᖃᑦᑕᖅᖢᓂ (ᐱᕗᖅ-ᓴᓇᕗᖅ-ᐊᑐᑲᓐᓂᖅᐳᖅ) ᓄᑖᑦ ᐱᕙᓪᓕᐊᑎᑦᑎᔾᔪᑎᑦ ᐊᒻᒪᓗ ᓈᒻᒪᒃᓯᕐᓗᒋᑦ ᒫᓐᓇᐅᔪᖅ ᓇᖕᒥᓂᕆᔭᐅᔪᑦ ᑕᒪᐅᓐᓇ ᓇᓕᖃᕇᓕᕈᑎᖃᕐᓗᑎᒃ ᓄᑖᑎᒍᑦ ᖃᕆᓴᐅᔭᕐᑎᒍᑦ, ᐆᒪᔪᓕᕆᔾᔪᑎᖏᑦ, ᐊᒻᒪᓗ ᐊᐅᓚᐅᓯᕆᓂᕐᒧᑦ ᓄᑖᑦ ᐱᓕᕆᔾᔪᑕᐅᓕᖅᑐᑎᒍᑦ ᐊᒻᒪᓗ ᓇᖕᒥᓂᕆᔭᐅᓯᓈᕐᓗᑎᒃ (ᓲᕐᓗ ᐊᑐᖃᑎᒌᒡᖢᑎᒃ ᐱᓕᕆᕕᒋᓂᐊᖅᑕᒥᖕᓂᑦ). ᐊᒻᒪᓗ ᓴᕿᑦᑎᕙᓪᓕᐊᖕᒥᓗᑎᒃ ᐊᕙᑎᒧᑦ ᐃᑲᔫᑎᔪᓂᒃ, ᐅᑎᖃᑦᑕᖅᑐᓄᑦ ᑮᓇᐅᔭᓕᐅᕈᑕᐅᔪᓐᓇᖅᑐᑦ ᐱᒋᐊᕈᑎᒃᓴᐃᑦ ᐊᖏᔫᔪᖅ ᑮᓇᐅᔭᓕᐅᕈᑎᒋᓪᓗᒋᑦ ᐃᑲᔫᑎᔪᑦ, ᐃᓚᒋᔭᐅᓪᓗᑎᒃ ᐱᐅᓯᕚᓪᓕᖅᑎᓪᓗᒋᑦ ᓇᖕᒥᓂᕆᔭᑎᑦ ᐊᓯᖕᓄᑦᑕᐅᖅ ᐱᓕᕆᔾᔪᑕᐅᔪᓐᓇᕐᒪᑕ ᓵᓚᐅᑕᐃᓕᔾᔪᑎᒃᓴᓂᒃ.

"ᐊᑑᑎᖃᒻᒪᕆᖕᓂᖓ ᐃᓂᖃᖅᑎᑦᑎᓂᖅ ᐃᓱᒪᓕᐊᕈᑎᒃᓴᓄᑦ ᐱᕈᑦᑎᐊᕐᓂᐊᕐᒪᑕ ᑕᐃᒪᓐᓇᓗ ᑕᑯᑎᑦᑎᓯᒪᓕᖅᓗᑎᒃ ᑕᒪᐃᓐᓄᑦ ᓄᓇᕐᔪᐊᒧᑦ. ᓴᓇᕙᓪᓕᐊᓗᓂ ᐱᔪᓐᓇᖅᓯᕙᓪᓕᐊᑎᐊᕐᓗᑎᒃ ᐱᕈᖅᐸᓪᓕᐊᔪᑦ ᓄᓇᓖᑦ ᓴᓇᔨᐅᔪᓂ ᐊᒻᒪᓗ ᓴᓇᖃᑎᒌᖕᓂ ᑕᐃᑲᓂ ᒪᕐᕉᖕᓂ ᐃᓂᒋᔭᐅᓚᐅᖅᑐᓂ ᐊᒻᒪᓗ ᐃᓚᓯᑲᓐᓂᕐᓗᑎᒃ ᐱᓇᓱᐊᖃᑎᒋᓗᒋᑦ ᔫᑳᓐ ᓯᓚᑦᑐᖅᓴᕐᕕᖓ ᐊᒻᒪᓗ ᔫᑳᓐ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕆᓴᓐ, ᖁᕕᐊᓱᒃᑐᒍᑦ ᓯᕗᓂᒃᓴᑦᑎᓂ ᓄᑖᑦ ᐱᕙᓪᓕᐊᓂᐊᖅᑐᑦ ᐅᑭᐅᖅᑕᖅᑐᒥ."

ᔮᕆᑦ ᓯᓕᑉ, ᐊᐅᓚᑦᓯᔨᑦ ᑐᑭᒧᐊᒃᑎᖓ, ᔫᑳᓐᓯᑐᓚᒃ ᑲᑐᔾᔨᖃᑎᒌᑦ

ᐱᐅᓯᕚᓪᓕᖅᑎᓪᓗᒋᑦ ᐊᒻᒪᓗ/ᐅᒡᕙᓘᓐᓃᑦ ᓴᕿᑕᐅᓗᑎᒃ ᓄᑖᑦ ᐊᔪᖏᑦᑎᐊᕈᑎᒋᓂᐊᖅᑕᖏᑦ ᐃᓕᓐᓂᐊᕐᕕᑦ ᓲᕐᓗ ᐊᓯᕈᖅᑎᓪᓗᒍ ᐋᕿᖏᐊᑦᑎᐊᕐᓗᒍ ᔫᑳᓐ ᓯᓚᑦᑐᖅᓴᕐᕕᖓ ᓄᓇᒥ ᐆᒻᒪᖁᑎᓕᕆᓂᕐᒧᑦ-ᐃᓕᓐᓂᐊᕐᕕᒃᔪᐊᖅ, ᓴᕿᑕᐅᓗᓂ ᑲᓇᑕᐅᑉ ᖁᑎᒃᑐᐊᓂ ᖃᐅᔨᓴᕐᕕᒃ, ᐊᒻᒪᓗ ᓄᑖᑦ ᐃᖏᕐᕋᓯᑎᑕᐅᓯᒪᔪᑦ ᐊᕈᐊᕋ ᖃᐅᔨᓴᕐᕕᒃ, ᐃᑲᔪᖅᑐᑦ ᐅᑭᐅᖅᑕᖅᑐᒥ ᖃᐅᔨᒪᔭᐅᔪᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᔾᔪᑕᐅᔪᓐᓇᖅᑐᑦ ᐱᕈᕈᑕᐅᓗᑎᒃ.

ᐱᓕᕆᐊᒃᓴᐃᑦ

ᐃᑲᔪᖃᑎᒌᒡᖢᑎᒃ ᐱᓇᓱᐊᖃᑎᒌᑦ ᐊᒻᒪᓗ ᑎᒍᒥᐊᖅᑎᐅᔪᑦ, ᑳᓄᐊᒃᑯᑦ ᓴᓇᖃᑎᖃᖅᑐᑦ ᐊᑭᑦᑐᓕᖅᑎᓪᓗᒍ ᐊᔾᔨᒋᓐᖏᑦᑐᑦ ᑮᓇᐅᔭᑎᒍᑦ ᐱᕕᖃᕐᑎᑦᑎᓂᖅ ᐅᑭᐅᖅᑕᖅᑐᒥ. ᓯᕗᓪᓕᐅᑎᓗᒋᑦ ᐱᓕᕆᐊᒃᓴᖏᑦ ᑳᓄᐊᒃᑯᑦ ᐅᑯᐊ ᐃᓚᒋᔭᐅᔪᑦ:

  • ᐃᑲᔪᕐᓗᒋᑦ ᐱᕈᖅᐸᓪᓕᐊᑎᓪᓗᒍ ᐳᓚᕋᑦᑐᓕᕆᓂᖅ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᓐᓇᖅᓯᑎᓪᓗᒋᑦ ᓂᐅᕐᕈᓯᕆᓂᒃᑯᑦ, ᐳᓚᕋᑦᑐᓄ ᐊᑑᑎᖃᖅᑐᑦ, ᐊᒻᒪᓗ ᑭᓱᓂᒃ ᓴᓇᔾᔪᑎᒃᓴᓄᑦ;
  • ᓴᖏᒃᑎᒋᐊᕐᓗᒋᑦ ᐅᑭᐅᖅᑕᖅᑐᒥᒃ ᓂᕿᓪᓚᑖᓕᕆᕙᒃᑐᑦ, ᐃᓚᒋᔭᐅᓪᓗᑎᒃ ᐃᑲᔪᖅᑕᐅᓗᑎᒃ ᐊᑐᓕᖅᑎᑕᐅᓗᑎᒃ ᐊᕕᒃᑐᖅᓯᒪᔪᓂ ᐋᕿᒃᓯᒪᔾᔪᑎᒃᓴᐃᑦ ᐊᒻᒪᓗ ᐱᕙᓪᓕᐊᑎᑦᑎᔾᔪᑎᒃᓴᐃᑦ ᓄᓇᓕᖕᓂ ᓂᕿᓕᕆᕙᒃᑐᑦ ᐊᒻᒪᓗ ᐱᓕᕆᕙᓪᓕᐊᑲᓐᓂᕈᓐᓇᕋᔭᖅᑕᖏ (ᓲᕐᓗ ᐃᑲᔪᖅᑕᐅᓗᑎᒃ ᓂᐅᕐᕈᓯᕆᔪᓐᓇᖅᓯᑎᓪᓗᒋᑦ, ᐃᒡᓗᖁᑎᒃᓴᓂᒃ, ᐊᒻᒪᓗ ᓴᓇᓕᕆᔪᓐᓇᕐᓂᐊᕐᒪᑕ ᐱᔭᕆᐅᖅᑎᓪᓗᒋᑦ) ᐱᓪᓗᒍ ᑐᕌᕆᔭᐅᔪᖅ ᐅᓄᖅᓯᕙᓪᓕᐊᔪᒥᒃ ᓴᕿᑦᑎᕙᓪᓕᐊᓗᑎᒃ ᐊᒻᒪᓗ ᐃᖅᑲᓇᐃᔮᒃᓴᓂᒃ ᑕᒪᐃᓐᓂ ᑎᐅᓕᑐᐊᓕᓂ;
  • ᐱᐅᓯᕚᓪᓕᖅᑎᓪᓗᒋᑦ ᖃᐅᔨᒪᔭᐅᓕᕈᓐᓇᐅᑎᑦ ᑮᓇᐅᔭᓕᕆᔾᔪᑕᐅᔪᓄᑦ ᐅᓄᖅᓯᒋᐊᕐᓗᒋᑦ ᐃᑲᔫᑎᑦ ᖃᐅᔨᓴᕐᓂᕐᒧᑦ ᐊᒻᒪᓗ ᐱᕙᓪᓕᐊᑎᑦᑎᓂᕐᒧᑦ ᓄᑖᓂᒃ ᐱᓕᕆᔾᔪᑕᐅᓕᖅᑐᓄᑦ ᓱᖏᐅᓴᐅᑎᑦ ᐊᒻᒪᓗ ᐱᕙᓪᓕᐊᑎᑦᑎᓂᖅ ᐱᓪᓗᒋᑦ ᓴᓇᔨᕆᔪᓐᓇᖅᓯᓂᐊᕐᒪᑕ, ᓯᕗᓪᓕᖅᐸᐅᑎᑦᑕᕆᐊᑦ ᐱᓕᕆᐊᒃᓴᐃᑦ ᐅᑯᐊᓗ ᐃᖅᑲᓇᐃᔭᖅᑎᑦᑎᓂᐊᖅᑐᑦ ᑐᑭᓯᓇᓱᐊᖃᑎᒌᒡᕕᒃᓴᓄᑦ ᐱᒋᐊᕈᑎᒃᓴᓄᑦ (ᓲᕐᓗ ᐊᔾᔨᒌᓐᖏᑦᑐᑦ ᐱᓇᓱᐊᖃᑎᒌᑦ ᐃᒻᒥᒎᖅᑐᑦ ᓇᖕᒥᓂᖃᖅᑐᑦ);
  • ᓴᓇᖃᑎᒋᓗᒋᑦ ᐊᑦᑎᒃᓯᓯᑎᓪᓗᒋᑦ ᐊᑐᐊᒐᕐᓄᒃ ᑐᓗᖅᑕᐅᑕᐅᔪᑦ ᐱᔭᕐᓂᕈᓐᓃᕈᑎᕙᕐᑐᑦ ᐅᑭᐅᖅᑕᖅᑐᒥ ᓇᖕᒥᓂᖃᖅᑐᑦ ᐊᒻᒪᓗ ᐃᓅᓯᓕᕆᓂᕐᒧᑦ ᑲᒻᐸᓂ ᐊᑐᖅᑕᐅᓂᐊᕐᒪᑕ ᒐᕙᑐᖃᒃᑯᑦ ᓇᖕᒥᓂᖁᑎᖃᖅᑐᓄᑦ ᐱᕙᓪᓕᐊᑎᑦᑎᔾᔪᑎᒋᑦᑎᒍᑦ;
  • ᐊᑐᖅᑕᐅᓗᑎᒃ ᐱᑐᒍᑎᑦ ᐊᕙᑖᓄᑦ ᓇᖕᒥᓂᖃᖅᑐᑦ, ᐃᔪᖅᑕᐅᕕᐅᕙᒃᑐᑦ ᐊᒻᒪᓗ ᐊᓯᖏᑦ ᓄᓇᓖᑦ, ᐱᖃᑎᒋᓗᒋᑦ ᐅᑭᐅᖅᑕᖅᑐᒥ ᐅᔭᕋᖕᓂᐊᖅᑎᑦ ᐃᖏᕐᕋᔪᑦ, ᐱᓕᕆᖃᑎᒋᓗᖏᑦ ᐃᓅᓱᒃᑐᑦ, ᐱᔪᒪᓕᖅᑎᓪᓗᒋᑦ ᐃᓄᐃᑦ ᐊᒻᒪᓗ ᐊᔪᒋᑦᑎᐊᖅᑐᑦ, ᐊᒻᒪᓗ ᓂᐅᕕᕐᓗᑎᒃ ᖃᑭᔾᔪᑎᒃᓴᓄᑦ ᐱᓕᕆᐊᖑᔪᓄᑦ ᓴᕿᑦᑎᓂᐊᕐᒪᑕ ᐃᖅᑲᓇᐃᔮᒃᓴᓂᒃ ᐊᒻᒪᓗ ᐱᓕᕆᔪᒪᓕᖅᑎᓪᓗᒋᑦ ᓄᑖᓂᒃ ᐱᓕᕆᔾᔪᑕᐅᓕᖅᑐᓂᒃ;
  • ᐊᖏᒡᓕᒋᐊᕐᓗᒋᑦ ᐊᕕᒃᑐᖅᓯᒪᔪᓂ ᓄᑖᑦ ᐱᓕᕆᔾᔪᑕᐅᔪᓐᓇᖅᑐᑦ ᑕᒪᐃᓐᓂᓕᒫᖅ ᐊᕙᑎᓕᒫᖏᓐᓄᓪᓗ ᐃᑲᔪᕐᓗᒋᑦ ᐱᕈᕈᑎᒃᓴᖏᑦ, ᓱᑲᓴᕆᐊᕈᑎᒃᓴᐃᑦ, ᑐᑭᓯᓇᓱᐊᖃᑎᒌᒍᑎᒃ ᐊᒻᒪᓗ ᐱᔪᓐᓇᕐᓗᑎᒃ ᐊᑭᑐᔪᓂᒃ; ᐊᒻᒪᓗ
  • ᐅᓄᖅᓯᒋᐊᕐᓗᒋᑦ ᓇᖕᒥᓂᖁᑎᖃᖅᑐᑦ ᐊᖏᒡᓕᒋᐊᕈᓐᓇᕐᓂᖏ ᐱᕈᕐᓗᑎᒃ ᑕᒪᐅᓐᓇ ᓂᐅᕐᕈᓯᕆᓂᖅ ᐊᔾᔨᒌᓐᖏᑦᑐᓂᒃ ᐊᒻᒪᓗ ᓄᓇᕐᔪᐊᒥ ᓂᐅᕐᕈᑎᖃᖃᑦᑕᕐᓂᖅ.

ᖃᓄᐃᓕᐅᕈᑕᐅᖁᔭᐅᔪᑦ

ᑕᐃᑲᖓᑦ 2019 ᑎᑭᓪᓗᒍ 2024, ᑳᓄᐊᒃᑯᑦ ᑲᔪᓯᓂᐊᖅᑐᑦ ᐱᓕᕆᓂᖓ ᓯᕗᓕᐅᕆᓗᑎᒃ ᐃᓂᖃᕐᓗᑎᒃ ᐃᑲᔪᕐᓗᒋᑦ ᑕᒪᕐᒥᒃ ᐊᒻᒪᓗ ᐱᕈᖅᐸᓪᓕᐊᑎᐊᖁᓪᓗᒋᑦ ᐊᐅᓪᓗᑎᓗᒋᑦ ᖃᓄᐃᓕᐅᕈᑕᐅᔪᑦ, ᐱᔨᑦᑎᕋᐅᑎᑦ, ᐊᒻᒪᓗ ᐱᓕᕆᑎᑦᑎᔾᔪᑕᐅᔪᑦ ᑎᓴᒪᑎᒍᑦ ᖃᓄᐃᓕᐅᕈᑕᐅᔪᓄ: ᐱᐅᓯᕚᓪᓕᖅᑎᓪᓗᒋᑦ ᐱᓕᕆᔪᓐᓇᑦᑎᐊᓕᖅᑎᓪᓗᒋᑦ ᓴᓇᔨᑦ, ᓇᓕᖃᕇᓕᑦᑎᐊᕐᓗᒍ ᓇᑉᐸᕆᐊᓕᖕᓄᑦ ᓂᐅᕕᕐᓂᖅ ᖃᑭᔾᔪᑎᒃᓴᓄᑦ ᑮᓇᐅᔭᓕᐅᕈᑕᐅᓂᐊᖅᑐᓄᑦ ᐊᒻᒪᓗ ᐱᕙᓪᓕᐊᑎᑦᑎᓂᖅ, ᓴᖏᒃᑎᓴᐃᑦᑎᐊᕐᓗᒍ ᐃᑲᔫᑎᖃᕐᑎᑦᑎᔨᐅᔪᑦ, ᐊᒻᒪᓗ ᐊᑐᖅᓯᓗᑎᒃ ᑮᓇᐅ.ᑎᒍᑦ ᐱᕙᓪᓕᐊᑎᑦᑎᓂᖅ ᐊᔾᔨᒌᓐᖏᑐᒻᓚᕆᐋᓘᖕᒪᑦ ᐊᒻᒪᓗ ᓄᑖᓂᒃ ᐱᓕᕆᔾᔪᑕᐅᓕᖅᑐᓂᒃ.

ᐊᑑᑎᖃᖃᑦᑕᖅᑐᑦ ᖃᐅᔨᒪᓂᕐᒥᒃ ᐊᒻᒪᓗ ᓇᖕᒥᓂᖁᑎᖃᖅᑐᑦ ᐱᓪᓗᒋᑦ ᐅᑭᐅᖅᑕᖅᑐᖅ ᐱᕚᓪᓕᑦᑎᐊᖁᓪᓗᒋᑦ ᓴᖕᖏᔫᓗᑎᒃ, ᐊᔪᖏᑦᑎᐊᕐᓗᑎᒃ ᐊᒻᒪᓗ ᓄᑖᓂᒃ ᐱᓕᕆᔾᔪᑎᓂᒃ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᖃᕐᑎᑦᑎᓗᑎᒃ. ᑳᓄᐊᒃᑯᑦ ᑲᔪᓯᔪᒥᒃ ᐊᑐᖅᓯᓂᐊᖅᑐᑦ ᐅᑭᐅᖅᑕᖅᑐᒥ ᐱᓇᓱᐊᖃᑎᒋᔭᕐᒥᖕᓂᒃ - ᑎᐅᓕᑐᐊᓕᔅ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᒐᕙᒪᒃᑯᖏᑦ, ᓄᓇᖅᑲᖅᑳᖅᓯᒪᔪᑦ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕆᓴᐃᑦ, ᒥᑭᔪᑦ- ᕿᑎᐊᓃᑦᑐᑦ ᓇᖕᒥᓂᖃᖅᑐᑦ, ᑲᒻᐸᓂ, ᐃᓅᓯᓕᕆᓂᕐᒥ ᐃᖏᕋᑎᑦᑎᔨᒋᔭᐅᔪᑦ, ᐊᒻᒪᓗ ᐊᓯᖏᑦ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᑦ ᐊᒻᒪᓗ ᖃᐅᔨᓴᕐᕕᑦ - ᐊᒻᒪᓗ ᓯᓚᑖᓂ ᓄᓇᖓᑦᑕ ᑲᑎᓪᓗᑎᒃ ᓴᕿᑦᑎᓗᑎᒃ ᐊᒻᒪᓗ ᐊᑐᖅᑕᐅᖏᓐᓇᕐᓂᐊᖅᑐᓂᒃ ᑮᓇᐅᔭᑎᒍᑦ ᐱᕈᖅᑎᑦᑎᓗᑎᒃ ᐊᑐᓂ ᐅᑭᐅᖅᑕᖅᑐᒥ ᑭᖕᖒᒪᒋᔭᐅᔪᓂ ᐊᒻᒪᓗ ᐱᔭᐅᔪᒪᔪᓂᒃ.

ᑳᓄᐊᒃᑯᑦ ᓴᓇᖃᑎᖃᐃᓐᓇᕐᓂᐊᖅᑐᑦ ᖃᓂᒋᓗᒋᑦ ᐊᓯᖏᑦ ᒐᕙᒪᑐᖃᒃᑯᑦ ᐊᐅᓚᑦᓯᕕᖏᑦ ᐅᓄᖅᓯᓯᒪᓂᐊᕐᒪᑕ ᐊᑑᑎᖃᖅᑐᓂᒃ ᑐᓂᓯᓯᒪᓗᑎᒃ ᓇᖕᒥᓂᖅ ᐱᓕᕆᑎᑦᑎᔾᔪᑎᒥᒃᑎᒍᑦ ᐊᒻᒪᓗ ᐱᔨᑦᑎᕋᕐᓗᒋᑦ ᓇᓂᑐᐃᓐᓇᖅ ᑎᐅᓕᑐᐊᓕᔅ, ᐊᒻᒪᓗ ᐱᕚᓪᓕᖅᑎᓪᓗᒋᑦ ᑕᒪᕐᒥᒃ-ᐃᓄᖕᓄᑦ ᐃᖏᕐᕋᓯᑎᑕᐅᓯᒪᔪᑦ. ᑳᓄᐊᒃᑯᑦ ᓴᓇᖃᑎᖃᕐᓗᑎᒃ ᓄᓇᒥᐅᑕᓕᕆᔨᒃᑯᑦ ᑲᓇᑕ ᐊᒻᒪᓗ ᑎᐅᓕᑐᐊᓕᔅ ᐱᓇᓱᐊᖃᑎᒋᔭᕗᑦ ᐅᑯᐊ ᐊᑐᖅᑕᐅᑦᑎᐊᕐᒪᖔᑕ ᐅᑭᐅᖅᑕᖅᑐᖅ ᓯᕗᓪᓕᐅᑎᖁᔭᖏᑦ ᐱᓕᕆᐊᒃᓴᓂᒃ ᐸᕐᓇᐅᑎᓂ ᓴᕿᑕᐅᓗᑎᒃ ᐊᐅᓚᑦᑎᔾᔪᑎᒃᓴᓄᑦ ᑲᓇᑕᒥ ᐅᔭᕋᒃᓂᐊᒐᒃᓴᓂᒃ ᐊᒻᒪᓗ ᓴᕕᕋᔭᒃᓴᓄᑦ ᐸᕐᓇᐅᑎ.

ᑳᓄᐊᒃᑯᑦ ᐅᓂᒃᑳᓕᐅᖃᑦᑕᕐᓂᐊᖅᑐᖅ ᐱᕙᓪᓕᐊᓂᕐᒥᖕᓂᒃ ᐊᑐᓕᖅᑎᑕᐅᔪᓄᑦ ᑕᒪᐃᓐᓄᑦ-ᑎᐅᓕᑐᐊᓕᔅ ᐱᕈᕐᕕᒃᓴᓄᒃ ᐋᕿᒃᓯᒪᔾᔪᑎᒃᓴᓄᑦ ᐊᕐᕌᒍᑕᒫᑦ ᑕᒪᐅᓐᓇ ᐊᐅᓚᑦᓯᕕᑦᑎᒍᑦ ᐅᓂᒃᑳᓕᐅᕐᓗᑎᒃ ᑲᓇᑕᐅᑉ ᒪᓕᒐᓕᐅᖅᑎᕐᔪᐊᖏᑦᑎᒍᑦ ᐊᒻᒪᓗ ᖃᕆᓴᐅᔭᖃᕐᕕᒃᑎᒍᑦ. ᐊᒻᒪᓗᑦᑕᐅᖅ, ᐅᑯᐊ ᑳᓄᐊᒃᑯᑦ ᖃᐅᔨᓇᓱᑦᑎᐊᕐᓂᐊᖅᑐᑦ ᓇᓪᓕᐊᖕᓂᒃ ᐱᓕᕆᙳᒪᔭᒥᖕᓂᒃ ᕿᑎᐊᓂ ᑲᔪᓯᑦᑎᐊᕐᒪᖔᑕ ᐋᕿᒃᓯᒪᔾᔪᑎᒃᓴᐃᑦ ᑎᑭᐅᑎᓯᒪᓗᑎᒃ ᑭᖕᖒᒪᒋᔭᖏᓐᓄᑦ ᐅᑭᐅᖅᑕᖅᑐᒥᐅᑦ ᐊᒻᒪᓗ ᒪᓕᑦᑎᐊᕐᓗᑎᒃ ᐱᕈᖅᐸᓪᐊᑎᑦᑎᓂᒃᒧᑦ ᐱᕕᖃᖅᑎᑕᐅᔪᓂᒃ, ᐊᒻᒪᓗ ᐋᖏᒋᐊᑦᑎᐊᖃᑦᑕᕐᓗᑎᒃ ᐱᓕᕆᐊᕆᔭᑎᒃ ᑕᒪᒃᑯᓄᖓ ᒪᓕᒡᓗᑎᒃ.

ᑕᒪᑦᑕ ᐱᓇᓱᐊᖃᑎᒋᔭᕗᓪᓗ, ᐊᑐᓕᖅᑎᑕᐅᓗᑎᒃ ᑕᒪᐃᓐᓂ ᑎᐅᓕᑐᐊᓕ ᐱᕈᕈᑎᒋᔪᓐᓇᖅᑕᖏᓐᓄᑦ ᐋᕿᒃᓯᒪᔾᔪᑎᒃᓴᓂᒃ ᐱᕚᓪᓕᕈᑎᒋᓂᐊᖅᑐᓂᒃ ᑐᑭᓕᐅᕈᑕᐅᕙᓪᓕᐊᓂᐊᖅᑐᓄᑦ ᑮᓇᐅᔭᓕᐅᕈᑕᐅᔪᓐᓇᑦᑎᐊᖅᑐᓂᒃ ᐊᒻᒪᓗ ᐃᓚᓕᐅᑎᔭᐅᓯᒪᑦᑎᐊᕐᓗᑎᒃ ᐱᕙᓪᓕᐊᑎᑦᑎᓂᕐᒥ ᓇᓂᑐᐃᓐᓇᖅ ᑲᓇᑕᐅᑉ ᑎᐅᓕᑐᐊᓕᖏᓐᓂ, ᐊᔪᖅᓴᕈᓐᓃᑦᑎᐊᕐᓂᐊᕐᒪᓴ ᐅᑭᐅᖅᑕᖅᑐᖅ ᐊᒻᒪᓗ ᐃᑲᔫᑎᓂᐊᖅᑐᖅ ᑲᓇᑕᒧᑦ ᑕᒪᐃᓐᓄᑦ ᐋᕿᐅᑎᒋᑦᑎᐊᕈᓐᓇᖅᑐᑦ.

ᐅᖃᖃᑎᒋᑎᒍᑦ

ᐅᖃᓘᑖ: 1-855-897-2667
ᖃᕆᓴᐅᔭᒃᑯᑦ: ᑳᓄᐊᒃᑯᑦ.InfoNorth.InfoNord.ᑳᓄᐊᒃᑯᑦ@canada.ca

ᐊᔾᔨᐸᓗᖏᓐᓄᑦ ᐊᑦᑕᑕᐅᑎᑦ

ᐅᓪᓗᖓᓂ ᐋᖅᑭᒋᐊᖅᑕᐅᔪᖅ:
sasasas