ᐅᑭᐅᖅᑕᖅᑐᒥᒃ ᓂᕿᖃᕐᑎᑦᑎᔪᓐᓇᖅᑐᑦ ᓇᖕᒥᓂᖁᑎᖃᖅᑐᑎᒍᑦ

ᑭᒃᑯᑦ ᑮᓇᐅᔭᖅᑖᕋᓱᒍᓐᓇᖅᐸᑦ?

ᐅᓇ ᑐᓂᓯᕕᐅᔪᖅ ᒪᑐᐃᖓᔪᖅ ᐅᑯᓄᖓ:

• ᑮᓇᐅᔭᓕᐅᕋᓱᐊᖅᑎᐅᓐᖏᑦᑐᑦ ᐱᔅᓂᔅ ᐅᒡᕙᓘᓐᓃᑦ ᑮᓇᐅᔭᓕᐅᕋᓱᐊᖅᑎᑦᑎᕕᖃᖅᑐᑦ;
• ᐊᐅᓚᑦᓯᔨᑦ, ᑯᐊᐳᕆᓴᓐ, ᑲᑐᔾᔨᖃᑎᒌᑦ, ᑯᐊᑉ, ᐱᓇᓱᐊᖃᑎᒌᑦ ᐅᒡᕙᓘᓐᓃᑦ ᐃᓕᓐᓂᐊᕐᕕᑦ ᐊᐅᓚᑕᐅᔪᑦ ᐊᓪᓚᓂᑦ, ᐃᓄᖕᓂᑦ, ᐊᓪᓚᐃᖓᔪᓂᑦ ᐊᒻᒪᓗ ᐱᔪᓐᓇᐅᑎᑖᖅᓯᒪᓐᖏᑦᑐᑦ ᐊᓪᓚᐃᑦ (ᑭᓯᐊᓂ ᑖᒃᑯᐊ ᐋᕿᒃᓯᓯᒪᒍᑎᒃ ᐃᑲᔪᕈᓐᓇᐅᑎᖃᕐᓗᑎᒃ ᐃᓅᓯᓕᕆᓂᕐᒧᑦ ᐅᒡᕙᓘᓐᓃᑦ ᑐᒃᓯᐊᕐᕕᒃᑎᒍᑦ),
• ᕼᐋᒻᓚᒃᑯᑦ; ᐊᒻᒪᓗ
• ᐃᓄᑐᐃᓐᓇᐃᑦ ᓇᖕᒥᓂᖃᖅᑐᑦ.

ᑭᓲᕙᑦ ᐱᓕᕆᐊᕆᔭᕆᐊᖃᖅᑐᑦ ᖃᓄᐃᓕᐅᕈᑕᐅᔪᓐᓇᖅᑐᑦ ᐱᑎᑕᐅᔪᓐᓇᕐᓂᐊᕐᓗᓂ ᑮᓇᐅᔭᒃᓴᒥᒃ?

ᖃᓄᐃᓕᐅᕈᑕᐅᔪᑦ ᐅᑯᐊ ᑮᓇᐅᔭᒃᓴᖅᑖᖅᑎᑕᐅᔪᓐᓇᖅᑐᑦ ᐃᓚᒋᔭᐅᕗᑦ:

• ᓂᐅᕕᕈᑎᑦ ᐱᖁᑎᓂᒃ ᐊᖑᓇᓱᖕᓂᐊᕐᓗᓂ, ᓂᕿᓕᕆᓂᐊᕐᓗᓂ, ᐊᒻᒪᓗ ᑐᖁᖅᓯᒪᑦᑎᐊᕐᓂᐊᕐᓗᒋᑦ, ᑐᓂᐅᖃᐃᕕᒃᓴᖅ ᐅᒡᕙᓘᓐᓃᑦ ᐊᒡᔭᖅᑐᐃᓂᖅ ᓂᕿᓂᒃ ᐃᖏᕐᕋᔾᔪᑎᑦ;
• ᖃᐅᔨᓴᕈᑎᑦ, ᖃᐅᔨᓇᓱᒍᑎᑦ, ᐊᒻᒪᓗ ᐅᖃᐅᔾᔪᐃᓂᖅ ᐱᔾᔪᑎᒋᓪᓗᒍ ᓂᕿᖃᕐᑎᑦᑎᓂᖅ ᐊᒻᒪᓗ ᐊᖑᓇᓱᖕᓂᖅ, ᓂᕿᓕᕆᓂᖅ, ᐊᒻᒪᓗ ᓂᕿᑦ ᑐᖁᖅᓯᒪᕕᖏᑦ, ᑐᓂᐅᖃᐃᓂᖅ ᐊᒻᒪᓗ ᐃᖏᕐᕋᔾᔪᑎᑦ;
• ᖃᑭᔾᔪᑎᒃᓴᐃᑦ ᓂᐅᕕᐊᕆᓗᒋᑦ ᓂᕿᓕᕆᔾᔪᑎᓄᑦ; ᐊᒻᒪᓗ
• ᖃᑭᔾᔪᑎᒃᓴᑦ ᓂᐅᕕᐊᕆᓗᒋᑦ ᐱᓕᕆᔪᓐᓇᖅᓯᓂᐊᖅᑐᓄᑦ ᐱᔭᕆᐅᖅᓴᑎᑦᑎᓂᕐᒧᑦ ᐱᓪᓗᒍ ᓂᕿᑖᖅᑎᑦᑎᓂᖅ ᐊᒻᒪᓗ ᐊᖑᓇᓱᖕᓂᖅ, ᐱᓕᕆᔾᔪᑎᑦ ᐅᒡᕙᓘᓐᓃᑦ ᑐᖁᖅᓯᓯᒪᓂᖅ, ᑐᓂᐅᖃᐃᓂᖅ ᐊᒻᒪᓗ ᐃᖏᕐᕋᔾᔪᑎᖏᑦ.

ᖃᓄᖅ ᑮᓇᐅᔭᖅᑖᕋᓱᒍᓐᓇᖅᐳᖓ?

Fᑐᑭᓯᔪᒪᒍᕕᑦ ᖃᓄᖅ ᑮᓇᐅᔭᒃᓴᖅᑖᕈᓐᓇᕐᒪᖔᖅᐱᑦ, ᐊᑏ ᐅᖃᕐᕕᒋᑎᒍᑦ ᖃᕆᓴᐅᔭᒃᑯᑦ ᑎᑎᕋᕐᓗᑎᑦ ᐅᕗᖓ ᑐᕌᕈᑎᒧᑦ cannor.operations.cannor@canada.ca ᐅᒡᕙᓘᓐᓃᑦ ᐅᖃᕐᕕᒋᔪᓐᓇᖅᑕᐃᑦ ᐃᓚᖓᑦ ᐊᕕᒃᑐᖅᓯᒪᔪᓂ ᑎᑎᕋᕐᕕᒃ ᐅᖃᓗᒡᕕᒋᓗᒍ.