ᐅᑭᐅᖅᑕᖅᑐᒥ ᓂᕿᓂᒃ ᓄᑖᑦ ᐱᓕᕆᑎᑦᑎᔾᔪᑕᐅᔪᑦ ᐱᓕᕆᐊᖑᔪᓐᓇᕐᒪᖔᑦ ᓱᕐᕌᕙᓪᓕᐊᓂᖓ 1 ᐃᓚᐅᔪᑦ

ᐱᓕᕆᐊᖑᔪᖅ ᐊᑎᖓ: ᑲᖑᖅ ᓂᕿᓕᐊᖑᓪᓗᑎᒃ ᓴᓇᔭᐅᓪᓗᑎᒃ - ᐃᓄᐃᑦ ᓂᕿᒃᓴᖏᓐᓂᑦ ᐊᑐᖅᑕᐅᔪᑦ ᐊᕐᕕᐊᓂ
ᓇᓂ: ᐊᕐᕕᐊᑦ
ᐃᓚᐅᔪᑦ: ᐊᕐᕕᐊᓂ ᐊᖅᑭᐅᒪᕕᒃ
ᐅᓇ ᐊᕐᕕᐊᓂ ᐊᖅᑭᐅᒪᕕᒃ ᐊᑐᖅᓯᔪᑦ ᖃᐅᔨᓴᖅᓯᒪᓪᓗᒋᑦ ᐋᕿᒃᐸᓪᓕᐊᓗᒍ ᑕᑯᕙᓪᓕᐊᔭᖓ ᓴᖕᖏᔫᖕᒪᖔᑦ ᐱᓕᕆᑎᑦᑎᔾᔪᑎᖓᑦ. ᐅᑯᐊ ᐊᖅᑭᐅᒪᕕᒃ ᐱᓕᕆᐊᖃᖅᑐᖅ ᓄᓇᓕᖕᓂᑦ-ᐃᖏᕐᕋᑎᑕᐅᔪᑦ ᐃᓱᒫᓘᑎᑦ ᓴᕿᑦᑎᓪᓗᒋᑦ ᖃᐅᔨᓴᕈᑎᒃᓴᓄᑦ ᐊᐱᖁᑕᐅᓪᓗᑎᒃ ᐅᑯᐊᓗ ᐊᔪᖏᑎᑦᑎᔪᑦ ᕿᓂᕈᓐᓇᖅᖢᑎᒃ ᐊᑑᑎᖃᖅᑐᓂᒃ ᐋᕿᒍᑎᒃᓴᓂᒃ ᐱᐅᓯᓂᐊᕐᒪᑕ ᓇᖕᒥᓂᖅ ᖃᓄᐃᓕᖓᓂᕆᔭᑎᒃ. ᐱᓕᕆᐊᖑᔪᑦ ᐱᓯᒪᔪᑦ ᐊᔾᔨᒌᓐᖏᑦᑐᓂᒃ ᒪᒥᓴᐃᓂᕐᒧᑦ ᐊᒻᒪᓗ ᑐᕌᖅᑕᐅᔪᓄᑦ ᐱᔾᔪᑎᑦ ᑖᒃᑯᐊ ᐊᕙᑎᑦᑎᓂ, ᐃᓅᖃᑎᒌᖕᓂ, ᐃᓚᒌᓂ, ᓄᓇᓕᖕᓂ, ᐊᒻᒪᓗ ᐋᓐᓂᐊᖑᔪᓂᒃ ᐱᓯᒪᔪᑦ. ᑕᐃᒪᖓᓂᑦ ᓴᓇᖃᑎᒌᓲᑦ ᑲᑐᔾᔨᖃᑎᒌᒡᖢᑎᒃ ᐊᓯᖏᓪᓗ ᓄᓇᓕᖕᓂ ᐊᐅᓚᑦᑎᔩᑦ, ᐊᒻᒪᓗ ᖃᓄᖅ ᐱᓂᐊᕐᒪᖔᑕ ᐅᖃᐅᑎᔭᐅᕙᒃᑐᑦ ᐃᓐᓇᑐᖃᕐᓂᑦ ᐊᒻᒪᓗ ᓄᓇᓕᖕᓂᑦ, ᐱᓕᕆᑎᑦᑎᔾᔪᑎᖃᖅᖢᑎᒃ ᑖᒃᑯᑎᒍᑦ ᐋᕿᐅᒪᕕᒃ ᑲᔪᓯᔪᒥᒃ ᐱᕙᓪᓕᐊᖏᓐᓇᖅᑐᖅ ᐊᒻᒪᓗ ᐊᑐᖅᓯᕙᓪᓕᐊᔪᖅ ᑭᖕᖒᒪᓇᖅᑐᓂᒃ ᐊᒻᒪᓗ ᖃᓄᐃᓕᖓᓪᓚᕆᒃᑐᓂᒃ ᐊᕐᕕᐊᓂ.

ᐱᓕᕆᐊᖑᔪᖅ: ᐅᓇ ᐱᓕᕆᐊᖑᔪᖅ ᐊᔪᖏᑭᒃᑭᔪᑦ ᐋᕿᐅᒪᕕᒃ ᐊᕐᕕᐊᓂ ᐊᑐᕈᓐᓇᖅᖢᒋᑦ ᖃᓄᐃᖏᑦᑎᐊᕐᑎᑦᑎᔾᔪᑎᒋᓪᓗᒋᑦ ᓄᓇᓕᖕᓂ ᐊᕐᕕᐊᓂ ᑖᒃᑯᐊ ᑲᖑᕐᓂᒃ, ᓴᕿᑦᑎᓪᓗᑎᒃ ᐊᒻᒪᓗ ᖃᐅᔨᓴᖅᖢᑎᒃ ᓄᑖᖅ ᑲᖏᕐᓂᑦ ᓴᓇᔭᐅᔪᑦ ᐱᕈᕈᑎᒋᓪᓗᒋᑦ ᓄᓇᓕᖕᓂ ᑮᓇᐅᔭᓕᐅᕈᑎᒋᓪᓗᒋᑦ, ᐊᒻᒪᓗ ᐃᓕᓐᓂᐊᖅᑎᑦᑎᔾᔪᑎᒋᓪᓗᒋᑦ ᐃᓄᓕᒫᓄᑦ ᖃᓄᐃᖏᑦᑎᐊᕐᓂᖏᓐᓂᒃ ᑲᖑᐃᑦ ᓂᕿᒋᓗᒋᑦ. ᐅᑯᐊᑦᑕᐅᖅ ᐋᕿᒃᓲᑎᒋᓂᐊᖅᑕᖏᑦ ᐃᓗᓪᓕᕈᓐᓇᕐᓗᑎᒃ ᓄᓇᓖᑦ ᐱᓕᓯᒪᔪᓄᑦ ᒪᒃᑯᒃᑐᓄᑦ ᐊᖑᓇᓱᖕᓂᒃᑯᑦ, ᒥᐊᓂᕆᓂᒃᑯᑦ, ᐊᒻᒪᓗ ᓂᕿᓕᕆᓂᒃᑯᑦ, ᑕᐃᒪᓗ ᑖᒃᑯᐊ ᐋᕿᐅᒪᕕᒃ ᓴᕿᑦᑎᓗᑎᒃ ᓂᕆᔭᐅᓂᐊᖅᑐᓂᒃ ᓱᓇᐅᓂᐊᕐᓂᖏᓐᓂᒃ ᐊᒻᒪᓗ ᐃᓕᓐᓂᐊᕈᑎᒃᓴᓂᒃ ᐅᑯᐊ ᐊᑐᖅᑕᐅᓂᐊᖅᑐᑦ ᐃᓕᓐᓂᐊᕐᑎᑦᑎᔾᔪᑕᐅᓗᑎᒃ ᓄᓇᓕᖕᓄᑦ ᖃᓄᖅ ᓂᕿᓕᐅᕈᓐᓇᕐᒪᖔᑕ ᑲᖑᕐᓂᒃ.

ᐱᓕᕆᐊᖑᔪᖅ ᐊᑎᖓ: ᕿᑎᕐᒥᐅᑦ ᓂᕿᓪᓚᑖᓄᑦ ᐱᓕᕆᑎᑦᑎᔾᔪᑎᖏᑦ ᐊᒻᒪᓗ ᖃᐅᔨᒪᕕᖓᑦ
ᓇᓂ: ᐃᖃᓗᒃᑑᑦᑎᐊᖅ
ᐃᓚᐅᔪᑦ: ᕼᐋᒻᓚᒃᑯᑦ ᐃᖃᓗᒃᑑᑦᑎᐊᖅ

ᕼᐋᒻᓚᒃᑯᑦ ᐃᖃᓗᒃᑑᑦᑎᐊᖅ ᐊᐅᓚᑦᓯᔨᐅᔪᖅ, ᐱᔅᓂᔅ, ᐊᒻᒪᓗ ᐃᖏᕐᕋᔪᓕᕆᔨᒃᑯᑦ ᕿᑎᕐᒥᐅᑦ ᓄᓇᖓᓂ. ᕼᐋᒻᓚᒃᑯᑦ ᑐᓂᓯᓯᒪᔪᑦ ᐱᔨᑦᑎᕋᐅᑎᓂᒃ ᖃᓂᒋ.ᖓᓂ 2,000 ᐃᓄᐃᑦ ᐃᓄᖃᖅᑐᑦ ᐃᓗᐊᓂ 202 ᑭᓚᒦᑕᔅ2 ᕼᐋᒻᓚᒃᑯᑦ ᓄᓇᖓᓂ. ᑖᓐᓇ ᒪᐃᔪᖓ, ᑲᑎᒪᔨᑦ, ᐊᒻᒪᓗ ᕼᐋᒻᓚᒃᑯᑦ ᐃᖅᑲᓇᐃᔭᖅᑎᖏᑦ, ᐊᒻᒪᓗ ᑮᓇᐅᔭᓕᕆᔨᒃᑯᑦ. ᕼᐋᒻᓚᒃᑯᑦ ᐃᖅᑲᓇᐃᔭᖅᑎᖃᖅᑐᑦ 40 ᐊᑕᐃᓐᓇᖅᑐᓂᒃ ᐃᖅᑲᓇᐃᔭᖅᑎᓂᒃ 12 ᐃᑲᕐᕋᓕᐅᕆᐊᖃᓲᖑᓪᓗᑎᒃ ᐃᖅᑲᓇᐃᔭᖅᑎᑦ.

ᐱᓕᕆᐊᖑᔪᖅ: ᕼᐋᒻᓚᒃᑯᑦ ᐃᖃᓗᒃᑑᑦᑎᐊᖅ ᓴᕿᑦᑎᓂᐊᖅᑐᑦ ᐃᓕᓐᓂᐊᕈᑎᒃᓴᓂᒃ ᐊᒻᒪᓗ ᐱᔭᕆᐅᖅᓴᐅᑎᒃᓴᓂᒃ (ᐃᓕᓐᓂᐊᕈᑎᒃᓴᓂᒃ, ᐃᓕᓐᓂᐊᕐᓗᑎᒃ ᑲᑎᒪᔾᔪᑎᒃᓴᓂᒃ, ᓴᕿᔮᕐᓂᐊᖅᑐᓂᒃ, ᑕᕐᕆᔭᐅᑎᓂᒃ) ᐊᑕᔪᑦ ᑕᒪᑐᒧᖓ ᐊᑐᖅᑕᐅᖔᕈᓐᓇᕋᔭᖅᑐᑦ ᐱᕈᖅᑎᑦᑎᓗᑎᒃ ᓂᕿᒃᓴᓂᒃ ᐅᑭᐅᖅᑕᖅᑐᒥ, ᐋᒃᑐᕐᓗᑎᒃ ᓂᕿᓪᓚᑖᓂᒃ, ᐊᒻᒪᓗ ᐊᑐᖅᑕᐅᓗᑎᒃ ᓂᕿᑦᑎᐊᕙᐃᑦ ᕿᑎᕐᒥᐅᑦ ᓄᓇᖓᓂ. ᕼᐋᒻᓚᒃᑯᑦ ᐱᓕᕆᖃᑎᖃᕐᓂᐊᖅᑐᑦ ᓄᓇᓕᖕᓂᒃ ᐊᒻᒪᓗ ᓚᕚᓪ ᐃᓕᓐᓂᐊᕐᕕᒃᔪᐊᖓᓂᒃ ᐊᒻᒪᓗ ᑳᓪᓗᑕᓐ ᐃᓕᓐᓂᐊᕐᕕᒃᔪᐊᖅ, ᐃᓱᒪᒋᔭᐅᑦᑎᐊᕐᒥᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᑦ ᐱᓕᕆᐊᕆᓗᒋᑦ ᓂᕿᓪᓚᑖᓄᑦ ᐱᔾᔪᑕᐅᔪᓂᒃ. ᐅᓇ ᐱᓕᕆᐊᖑᔪᖅ ᓂᕆᐅᓇᖅᑐᖅ ᐱᕙᓪᓕᐊᑎᑦᑎᓂᕐᒧᑦ ᖃᐅᔨᒪᕕᐅᓂᐊᖅᑐᓂᒃ ᐊᑐᓕᖅᑎᑕᐅᑎᒃ ᓂᕿᓕᕆᓂᕐᒧᑦ ᐱᓕᕆᑎᑦᑎᔾᔪᑕᐅᔪᑦ ᑕᒫᖔᖅᑐᖅ ᐃᓄᖕᓂᑦ ᐱᐅᓯᑐᖃᖏᓐᓂᒃ ᑕᐃᑲᓂᓗ ᐃᓚᓕᐅᑎᓯᒪᓗᒍ ᓄᑖᑦ ᐱᓕᕆᔾᔪᑕᐅᓕᖅᑐᑦ ᐊᒻᒪᓗ ᐃᓕᓐᓂᐊᕐᕕᖕᓂᑦ ᖃᐅᔨᓴᖅᑕᐅᓗᑎᒃ.

ᐱᓕᕆᐊᖑᔪᖅ ᐊᑎᖓ: ᐃᓕᓴᖅᓯᕕᒃ ᑲᑐᔾᔨᖃᑎᒌᑦ- ᓴᖕᖏᒃᑎᓴᒃᑲᓐᓂᕐᓗᒍ ᓂᕿᓪᓚᑖᑦ ᐊᖑᓇᓱᖕᓂᖅ ᐱᑕᖃᓕᕐᓂᐊᕐᒪᑕ
ᓇᓂ: ᑲᖏᖅᑐᒑᐱᒃ
ᐃᓚᐅᔪᑦ: ᐃᓕᓴᖅᓯᕕᒃ ᑲᑐᔾᔨᖃᑎᒌᑦ

ᐃᓕᓴᖅᓯᕕᒃ ᑲᑐᔾᔨᖃᑎᒌᑦ ᓄᓇᓕᖕᓂᑦ ᑮᓇᐅᔭᓕᐅᕋᓱᐊᕋᑎᒃ ᐊᐅᓚᑦᓯᔨᑦ ᐱᕚᓪᓕᑦᑎᐊᕐᑎᑦᑎᒐᓱᖕᓂᖅ ᐋᓐᓂᐊᖃᖅᑕᐃᓕᑎᑦᑎᓂᕐᒧᑦ ᐊᒻᒪᓗ ᖃᓄᐃᖏᑦᑎᐊᕐᓂᕐᒧᑦ, ᐋᕿᒃᓱᐃᓗᒋᑦ ᐱᑕᖃᕈᓐᓇᕐᓂᐊᕐᒪᑕ, ᐊᒻᒪᓗ ᐃᓄᖕᓂᑦ-ᐱᓯᒪᔪᑦ ᑮᓇᐅᔭᓕᐅᕈᑕᐅᓗᑎᒃ ᑲᖏᖅᑐᒑᐱᖕᒥᑦ, ᓄᓇᕗᑦ. ᖃᓂᒋᔮᓂ 2 ᐅᑭᐅᑦ, ᐃᓕᓴᖅᓯᕕᒃ ᑐᓂᓯᓯᒪᕗᖅ ᐃᓄᖕᓂᑦ-ᓯᕗᓕᐅᖅᑕᐅᓯᒪᔪᖅ, ᐱᐅᓯᑐᖃᕐᒥᖕᓄᑦ ᓈᒻᒪᒃᑐᖅ ᐊᒻᒪᓗ ᑎᑎᕋᕆᐅᖅᓴᐅᑕᐅᔪᑦ ᐊᑑᑎᖃᕐᒪᑕ ᐱᓕᕆᑎᑦᑎᔾᔪᑕᐅᔪᑦ ᑕᒪᐅᓐᓇ ᐃᓄᐃᑦ ᖃᐅᔨᒪᔭᑐᖃᖏᑦᑎᒍᑦ. ᐱᓕᕆᑎᑦᑎᔾᔪᑎᖃᖅᑐᑦ ᐊᔾᔨᒌᓐᖏᑦᑐᓂᒃ, ᑐᓂᔭᐅᓯᒪᖃᑦᑕᖅᑐᑦ ᐃᓄᒃᑎᑐᑦ ᐊᒻᒪᓗ ᑕᐃᒪᖓᓂᑦ ᐱᓕᕆᔭᐅᓚᐅᖅᓯᒪᓐᖏᑦᑐᓂᒃ. ᐃᑦᑕᖅ ᐊᒻᒪᓗ ᖃᐅᔨᓴᕐᕕᒃ ᐃᓚᒋᔭᖏᑦ ᐃᓕᑕᖅᓯᕕᒃ. ᐃᑦᑕᖅ ᐃᑲᔪᖅᑐᖅ ᐃᓄᐃᑦ ᓇᖕᒥᓂᖅ-ᐊᐅᓚᑦᑎᔪᓐᓇᕐᓂᖏᑦ ᖃᐅᔨᓴᐃᓂᕐᒥ ᐊᒻᒪᓗ ᐱᓕᕆᓪᓗᐊᑕᖃᑦᑕᖅᑐᖅ ᓴᖕᖏᒃᑎᓴᕐᓗᒍ ᓂᕿᓪᓚᑖᑦ ᐊᒻᒪᓗ ᓂᕿᖃᕆᐊᖃᕐᓂᖅ, ᖃᐅᔨᔭᐅᑎᓪᓗᒍ ᐃᓄᐃᑦ ᖃᐅᔨᒪᔭᑐᖃᖏᑦ, ᐊᒻᒪᓗ ᑕᑯᑎᑦᑎᓪᓗᑎᒃ ᐱᒻᒪᕆᐅᖕᒪᑦ ᐊᖑᓇᓱᖕᓂᖅ ᓄᓇᓕᖕᓂᑦ ᑮᓇᐅᔭᓕᐅᕈᑕᐅᓪᓗᓂ

ᐱᓕᕆᐊᖑᔪᖅ: ᐅᑯᐊ ᑲᑐᔾᔨᖃᑎᒌᑦ ᐃᖅᑲᓇᐃᔭᖅᑎᑦᑎᓂᐊᖅᑐᑦ ᐊᖑᓇᓱᒃᑎᓂᒃ-ᐃᓕᓐᓂᐊᕐᑎᑦᑎᓗᑎᒃ ᓂᕿᓪᓚᑖᖃᖃᑦᑕᕐᓂᕐᒥᒃ ᐊᕐᕌᒍᓕᒫᖅ ᐃᓐᓇᑐᖃᕐᓄᑦ, ᓱᕈᓯᕐᓄᑦ, ᐃᓚᒌᓄᑦ, ᐊᒻᒪᓗ ᐊᓯᖏᓐᓄᑦ ᓄᓇᓕᖕᓄᑦ. ᐅᓇ ᐱᓕᕆᐊᖑᔪᖅ ᐃᓚᖃᕐᓂᐊᖅᑐᖅ ᐃᖅᑲᓇᐃᔭᕐᑎᑦᑎᓗᑎᒃ ᐃᓕᓴᐃᔨᒃᓴᓂᒃ ᐃᓕᓐᓂᐊᕐᑎᑦᑎᓂᐊᖅᑐᑦ ᒪᒃᑯᒃᑐᓂᒃ ᐊᖑᓇᓱᒍᓐᓇᕐᓂᐊᕐᒪᑕ ᐊᒻᒪᓗ ᓂᕿᓕᕆᔪᓐᓇᕐᓗᑎᒃ ᓂᕿᓪᓚᑖᓂᒃ. ᐅᓇ ᐱᓕᕆᐊᖑᔪᖅ ᓴᓇᓯᒪᔪᖅ ᐋᕿᒃᓱᐃᓂᖅ ᓄᑖᓂᒃ ᐱᓕᕆᔾᔪᑕᐅᓕᖅᑐᑎᒍᑦ ᐃᓄᖕᓂᑦ-ᐱᓯᒪᔪᖅ ᓄᓇᓕᖕᓂ ᓂᕿᓂᒃ ᑮᓇᐅᔭᓕᐅᕈᑎᖃᕐᓂᖅ ᑖᓐᓇᓗ ᐋᕿᒃᓱᐃᓂᐊᕐᒪᑕ ᑭᓱᖃᕈᓐᓇᕐᓕᕐᓗᑎᒃ ᐊᒻᒪᓗ ᐃᑲᔪᕈᓐᓇᕐᓗᑎᒃ ᓂᕿᓚᑖᑎᒍᑦ ᓄᓇᓕᖕᓄᑦ ᖃᐅᑕᒫᑦ.

ᐱᓕᕆᐊᖑᔪᖅ ᐊᑎᖓ: ᐃᓄᒃᓯᐅᑎᑐᖅᑕ
ᓇᓂ: ᐃᖃᓗᐃᑦ
ᐃᓚᐅᔪᑦ: ᖃᔪᖅᑐᕐᕕᒃ ᓄᓇᓕᖕᓂᑦ ᓂᕆᔭᖅᑐᕐᕕᐅᕙᒃᑐᖅ

ᖃᔪᖅᑐᕐᕕᒃ ᑲᔪᓯᑦᑎᐊᖅᑐᖅ ᖃᓄᐃᖏᑦᑎᐊᖁᓪᓗᒋᑦ ᐊᒻᒪᓗ ᓂᕿᖃᕐᑎᑦᑎᓗᑎᒃ ᐃᖃᓗᖕᓂ ᐊᑐᖅᑕᐅᓪᓗᓂ ᓴᖕᖏᔫᓂᖓ ᓂᕿᓪᓚᑖᖅ, ᐱᐅᓯᑐᖃᖓᓄᑦ ᐊᒻᒪᓗ ᓄᓇᓕᖕᓄᑦ. ᖃᔪᖅᑐᕐᕕᒃ ᑐᓂᓯᓯᒪᔪᖅ ᐊᒥᓱᓂᒃ ᐱᓕᕆᑎᑦᑎᔾᔪᑎᓂᒃ ᐊᐅᓪᓗᑎᓪᓗᒋᑦ ᓂᕿᑖᕋᓱᖕᓂᖅ, ᓂᕿᓕᕆᓂᖅ, ᐊᒻᒪᓗ ᓴᓇᖃᑦᑕᖅᑐᑦ ᐅᖃᐅᓯᕆᓪᓗᒋᑦ ᐊᒥᓱᑦ ᓂᕿᖃᑦᑎᐊᖃᑦᑕᓐᖏᔾᔪᑕᐅᔪᑦ.

ᐱᓕᕆᐊᖑᔪᖅ: ᐅᓇ ᐃᓄᒃᓯᐅᑎᑐᖅᑕ ᐱᓕᕆᐊᖑᔪᖅ ᑐᓂᓯᓯᒪᔪᖅ ᐱᕕᖃᕐᑎᑦᑎᓪᓗᑎᒃ ᐊᖑᓇᓱᒃᑎᓂᒃ ᓂᕿᖃᕐᓂᐊᕐᒪᑕ ᑮᓇᐅᔭᓕᐅᕈᑎᒋᓗᒋᑦ ᐊᖑᓇᓱᒃᑕᐅᖃᑦᑕᕐᓗᑎᒃ ᓂᕿᓪᓚᑖᒃᓴᐃᑦ, ᓯᕐᓗᐊᖃᕐᑎᑦᑎᓗᑎᒃ ᐊᒻᒪᓗ ᓂᕿᓕᕆᕕᖃᕐᓗᑎᒃ, ᐱᕙᓪᓕᐊᑎᑦᑎᓗᑎᒃ ᐊᒻᒪᓗ ᐊᖏᒡᓕᒋᐊᕐᓗᒍ ᓂᕿᑦᑎᐊᕙᐃᑦ ᐊᒻᒪᓗ ᓂᕿᒋᔭᐅᖏᓐᓇᕈᓐᓇᖅᑐᑦ, ᐊᒻᒪᓗ ᐃᑲᔫᑎᓂᐊᖅᑐᖅᑕᐅᖅ ᓴᖕᖏᒃᑎᒋᐊᕐᓗᑎᒃ ᓂᕿᓪᓚᑖᖃᕐᓂᖅ ᐅᑭᐅᖅᑕᖅᑐᒥ. ᐱᓕᕆᑎᑦᑎᔾᔪᑕᐅᔪᖅ ᐱᒋᐊᕐᑎᑦᑎᓂᐊᕐᒥᔪᑦ ᐊᑭᒡᓕᒋᐊᖅᓯᒪᓗᒋᑦ ᑕᐃᒪᓗ ᓂᐅᕕᖅᐸᒃᑐᑦ ᓂᕿᓪᓚᑖᓂᒃ ᐊᑭᓖᔪᓐᓇᕐᓂᐊᕐᒪᑕ ᓈᒻᒪᒋᔭᒥᖕᓄᑦ.

ᐱᓕᕆᐊᖑᔪᖅ ᐊᑎᖓ: ᕿᑭᖅᑕᓂ ᓂᕿᒃᓴᖃᕐᑎᑦᑎᓂᖅ ᐊᑐᓕᕐᑎᑕᐅᔪᖅ ᐋᕿᒃᓯᔾᔪᑕᐅᓗᓂ
ᓇᓂ: ᕿᑭᖅᑕᓂ ᓄᓇᖓᑦ
ᐃᓚᐅᔪᑦ: ᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ

ᐅᑯᐊ ᕿᑭᖅᑖᓗᒃ ᓇᖕᒥᓂᖁᑎᓕᓐᓄᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ ᓴᕿᑦᑎᓯᒪᔪᑦ ᓄᓇᓕᖕᓂ ᐊᒻᒪᓗ ᐊᕕᒃᑐᖅᓯᒪᔪᓂ ᑮᓇᐅᔭᕐᑎᒍᑦ ᐱᕙᓪᓕᐊᑎᑦᑎᓂᖅ. ᐅᑯᐊ ᐊᐅᓚᑦᓯᔩᑦ ᓴᓇᖃᑦᑕᖅᑐᑦ ᐊᔪᖅᓴᓐᖏᑦᑎᐊᖁᔨᓪᓗᑎᒃ, ᐃᒻᒥᒍᑦ ᐃᖏᕐᕋᑎᑦᑎᔪᓐᓇᕐᓗᑎᒃ ᓄᓇᓕᖕᓂᒃ. ᐅᑯᐊᑦᑕᐅᖅ ᐱᕙᓪᓕᐊᑎᑦᑎᕕᖃᕐᓂᐊᕐᒪᑕ ᐋᕿᒃᓯᒪᔾᔪᑎᒃᓴᓄᑦ ᐱᓇᓱᐊᖃᑎᖃᑎᒃᓴᖃᕐᓗᑎᒃ ᐋᕿᒃᓯᓯᒪᓂᐊᕐᒪᑕ ᐱᒻᒪᕆᐅᔪᓂᒃ ᓇᑉᐸᕆᐊᖃᖅᑐᓄᑦ, ᐱᕚᓪᓕᕐᑎᑦᑎᓗᑎᒃ ᓄᑖᓂᒃ ᐊᒻᒪᓗ ᐱᓕᕆᔾᔪᑕᐅᓕᖅᑐᑎᒍᑦ ᒫᓐᓇ ᐱᐅᓯᕚᓪᓕᕐᓗᒍ ᒪᑭᒪᓇᓱᐊᕈᑎᑦ, ᐊᒻᒪᓗ ᓇᓕᖃᕇᓕᖅᑎᓪᓗᒋᑦ ᐱᖓᔪᒋᔭᐅᔪᑦ-ᐱᓇᓱᐊᖃᑎᒌᖕᓂᑦ ᖃᑭᔾᔪᑎᒃᓴᓕᐅᕈᑎᑦᑎᒍᑦ ᐃᑲᔪᕐᓂᐊᕐᓗᒋᑦ ᓄᓇᓖᑦ ᐱᕚᓪᓕᕐᓂᐊᕐᒪᑕ ᑕᑯᔪᒪᔭᖏᓐᓂᒃ.

ᐱᓕᕆᐊᖑᔪᖅ: ᐅᓇ ᐱᓕᕆᐊᖑᔪᖅ ᖃᑭᔾᔪᑎᒃᓴᓕᐅᕈᑎᖓ ᓄᓇᓕᖕᓂ ᐊᖑᓇᓱᒍᓐᓇᕐᕕᖃᕐᓗᑎᒃ ᓲᕐᓗ ᓯᕐᓗᐊᒃᓴᖓ ᐊᒻᒪᓗ ᐱᓕᕆᕕᒃᓴᖏᑦ. ᖃᐅᔨᓴᕐᓂᐊᕐᒥᔪᑦ ᐊᑐᖅᑕᐅᔪᓐᓇᖅᑐᒥᒃ ᐃᑲᔫᑎᓂᐊᖅᑐᒥᒃ ᐊᖑᓇᓱᒃᑎᒻᒪᕇᑦ ᑮᓇᐅᔭᓕᐅᕈᓐᓇᕐᕕᖃᕐᓗᑎᒃ ᑲᔪᓯᔪᓐᓇᕐᒪᖔᑦ ᑲᔪᓯᔪᓐᓇᓐᖏᒻᒪᖔᑦ ᐱᓕᕆᐊᖑᓗᓂ ᐃᓅᔾᔪᑕᐅᔪᓐᓇᕐᓗᓂ ᑮᓇᐅᔭᓕᐅᕈᑕᐅᓗᓂ ᐊᖑᓇᑐᒃᑎᓂᒃ ᕿᑭᖅᑕᓂ. ᐊᒻᒪᓗ, ᓴᕿᑦᑎᓗᑎᒃ ᓄᓇᓕᖕᓂ-ᐊᑕᔪᑦ ᓇᑉᐸᕆᐊᖃᖅᑐᓂᒃᒪ ᓲᕐᓗ ᐋᒃᑐᕐᕕᒃᓴᖅ ᐊᒻᒪᓗ ᐴᖃᐃᕕᒃᓴᖅ ᐃᒡᓗᑦ, ᐋᕿᒃᓯᓗᑎᒃ ᐊᖑᓇᓱᒍᓐᓇᕐᕕᖃᕐᓗᑎᒃ ᐊᒻᒪᓗ ᑐᓂᐅᖃᐃᓂᖅ, ᐊᒻᒪᓗ ᐃᑲᔪᕐᓗᒋᖅ ᓄᓇᓕᖕᓂ ᐊᖑᓇᓱᒃᑎᑦ.

ᐱᓕᕆᐊᖑᔪᖅ ᐊᑎᖓ: ᓂᕿᖃᕐᑎᑦᑎᓂᖅ, ᐸᐃᓴᓐᓂᒃ ᑕᒡᕗᖓ ᑲᑭᐊᖕᒧᑦ
ᓇᓂ: ᕗᐊᑦ ᓯᑉᓴᓐ
ᐃᓚᐅᔪᑦ: ᕗᐊᑦ ᓯᑉᓴᓐ, ᐊᓪᓚᐃᖓᔪᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ

ᕗᐊᑦ ᓯᑉᓴᓐ, ᐊᓪᓚᐃᖓᔪᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ ᓴᕿᑕᐅᓚᐅᖅᑐᖅ 1989-ᒥ ᐃᓚᒋᔭᐅᔪᓂᑦ ᕗᐊᑦ ᓯᑉᓴᓐ ᐊᓪᓚᐃᖓᔪᑦ ᓄᓇᖃᑎᒌᑦ, ᐊᓪᓚᐃᖓᔪᑦ ᓄᓇᓖᑦ 52. ᐅᓇ ᑐᕌᖅᑕᖓ ᑯᐊᐳᕇᓴᒃᑯᑦ ᓴᕿᑦᑎᓗᑎᒃ ᐊᒻᒪᓗ ᖃᑭᔾᔪᑎᒃᓴᓕᐅᕐᓗᑎᒃ ᓇᖕᒥᓂᖁᑎᒋᓂᐊᖅᑕᒥᖕᓄᑦ ᑖᒃᑯᐊᓄ ᐃᑲᔫᑎᓂᐊᖅᑐᑦ ᐃᓚᒋᔭᐅᔪᓄᑦ ᕗᐊᑦ ᓯᑉᓴᓐ, ᐊᓪᓚᐃᖓᔪᑦ ᓄᓇᓖᑦ 52 ᐊᒻᒪᓗ ᓄᓇᓖᑦ.

ᐱᓕᕆᐊᖑᔪᖅ: ᕗᐊᑦ ᓯᑉᓴᓐ, ᐊᓪᓚᐃᖓᔪᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ ᐱᓕᕆᓂᐊᖅᑐᑦ ᐃᓕᑦᑎᓇᓱᒡᓗᑎᒃ ᓴᕿᑦᑎᔪᓐᓇᕐᒪᖔᑕ ᐸᐃᓴᓐ ᓂᕿᒃᓴᕆᔭᐅᓗᑎᒃ ᐊᒻᒪᓗ ᓂᕿᖏᑦ ᐱᓕᕆᐊᖑᓗᑎᒃ ᐃᒡᓗᒥ ᕗᐊᑦ ᓯᑉᓴᓐ, ᓄᓇᑦᓯᐊᖅ. ᑮᓇᐅᔭᒃᓴᖅ ᐊᔪᕈᓐᓃᕐᑎᑦᑎᓂᐊᖅᑐᑦ ᑖᒃᑯᓂᖓ ᕗᐊᑦ ᓯᑉᓴᓐ, ᐊᓪᓚᐃᖓᔪᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ ᐱᔭᕇᕐᓗᒍ ᒪᓕᒐᕆᔭᓇᖅᑕᖏᓐᓂᒃ ᖃᐅᔨᓴᕈᑎᑦ, ᓄᓇᓕᖕᓂ ᐱᓕᕆᑎᑦᑎᓗᑎᒃ, ᐊᒻᒪᓗ ᐃᖅᑲᓇᐃᔭᓕᕐᑎᑦᑎᓗᑎᒃ ᐱᓕᕆᐊᒃᓴᓄᑦ ᑲᒪᔨᐅᓂᐊᖅᑐᓂᒃ ᐱᓕᕆᓂᐊᖅᑐᑦ ᑲᔪᓯᔪᓐᓇᕐᒪᖔᑦ ᑕᒪᓐᓇ ᐃᓕᑕᐅᓇᓱᒡᓗᓂ. ᐅᓇ ᐱᓕᕆᐊᖑᔪᖅ ᐊᐅᓪᓗᑎᓂᐊᖅᑐᖅ ᐃᓄᐃᑦ ᓂᕿᖏᓐᓂᒃ ᐊᒻᒪᓗ ᐱᓕᕆᐊᕆᓗᒋᑦ ᓂᕿᒃᓴᖃᖃᑦᑕᓐᖏᓐᓂᖅ ᓴᓇᖃᑦᑕᕐᓂᐊᖅᑐᑦ ᓂᑉᑯᓂᒃ ᐊᒻᒪᓗ ᓄᑖᓂᒃ ᓂᕿᓕᕆᓗᑎᒃ ᐱᒋᐊᕈᑎᒋᓗᒋᑦ ᑖᒃᑯᐊ ᑲᑎᖓᓂᐊᖅᑐᑦ ᓂᕿᓪᓚᑖᑦ ᐊᒻᒪᓗ ᖃᓪᓗᓈᑦ ᓂᕿᖁᑎᖏᑦ ᒫᓐᓇᐅᔪᖅ ᐱᓕᕆᔾᔪᓯᑦ. ᐱᑕᖃᓐᖏᑦᑐᖅ ᑕᐃᒪᓐᓇᐃᑦᑐᒥᒃ ᓄᓇᑦᓯᐊᕐᒥ. ᑲᔪᓯᑦᑎᐊᕈᓂ ᑲᔪᓯᔪᓐᓇᕐᒪᖔᑦ ᐃᓕᑕᐅᓇᓱᒃᓯᒪᔪᖅ ᑕᐃᒪᓗ ᐋᕿᒍᑎᔪᓐᓇᖅᑐᖅ ᓂᕿᓕᕆᕕᒃᑖᕐᓗᑎᒃ.    

ᐱᓕᕆᐊᖑᔪᖅ ᐊᑎᖓ: ᓂᕿᓪᓚᑖᑦ ᓄᓇᓕᖕᓂ ᐱᓕᕆᑎᑦᑎᔾᔪᑕᐅᔪᑦ ᑐᒃᑑᔮᖅᑐᖅ ᐊᒻᒪᓗ ᐸᐅᓚᑐᒃ
ᓇᓂ: ᐃᓅᕕᐊᓗᐃᑦ ᓄᓇᖓᓐᓂ
ᐃᓚᐅᔪᑦ: ᐃᓕᓐᓂᐊᕐᕕᒃᔪᐊᖅ ᒍᐊᑕᓘ

ᐅᓇ ᐱᓕᕆᐊᖑᔪᖅ ᐱᓇᓱᐊᖃᑎᒌᒡᓗᑎᒃ ᑖᒃᑯᐊ ᐃᓕᓐᓂᐊᕐᕕᒃᔪᐊᖅ ᒍᐊᑐᓘ, ᐃᓕᓐᓂᐊᕐᕕᒃᔪᐊᖅ ᐋᑐᕚ, ᐃᓕᓐᓂᐊᕐᕕᒃᔪᐊᖅ ᓚᕙᓪ, ᖃᐅᔨᒪᔨᒋᔭᐅᔪᑦ ᑕᐃᑲᓂ ᐃᓅᕕᐊᓗᐃᑦ ᐊᕕᒃᑐᖅᓯᒪᔪᑦ ᑯᐊᐳᕆᓴᓐ, ᐊᒻᒪᓗ ᐊᒥᓱᑦ ᓄᓇᓕᖕᓂ ᐱᓇᓱᐊᖃᑎᒌᑦ ᑐᒃᑑᔮᖅᑐᖅ ᐊᒻᒪᓗ ᐸᐅᓚᑕᖅ ᐃᓗᐊᓂ ᐃᓅᕕᐊᓗᐃᑦ ᓄᓇᖓᓂ, ᓄᓇᑦᓯᐊᖅ. ᐱᓇᓱᐊᖃᑎᒌᑦ ᐃᓚᖏᑦ ᓴᓇᖃᑎᖃᖅᓯᒪᕗᑦ ᓄᓇᓕᖕᓂ, ᐊᐅᓚᑦᓯᔨᓂᒃ ᐊᒻᒪᓗ ᐱᓇᓱᐊᖃᑎᖏᓪᓗᒋᑦ ᐃᓅᕕᐊᓗᐃᑦ ᐊᕕᒃᑐᖅᓯᒪᔪᑦ ᑯᐊᐳᕇᓴᓐ ᐊᒥᓱᓄᑦ ᐊᕐᕌᒍᓄᑦ. ᐃᓕᓐᓂᐊᕐᕕᒃᔪᐊᖅ ᒍᐊᑐᓘ ᖃᐅᔨᓴᖅᓯᓪᓗᑎᒃ- ᑕᒪᐃᓐᓂᒃ ᐃᓕᓐᓂᐊᕐᕕᒃᔪᐊᖅ, ᖃᐅᔨᒪᔭᐅᖕᒪᑦ ᓄᑖᓂᒃ ᐱᓕᕆᔪᓐᓇᑦᑎᐊᖅᑐᖅ, ᑎᓕᔭᐅᓯᒪᔪᑦ ᓄᑖᓂᒃ ᐱᓕᕆᔾᔪᑎᒃᓴᓄᑦ ᐊᒃᑐᐃᓂᐊᖅᑐᓂᒃ ᓄᓇᓕᖕᓂ ᐊᒻᒪᓗ ᐊᐅᓚᑦᓯᔨᓂᒃ ᐅᑯᐊ ᐃᓕᓐᓂᐊᕐᕕᒃᔪᐊᖅ ᐊᒻᒪᓗ ᖃᐅᔨᓴᖅᑎᑦ ᑐᑭᓯᓇᓱᖃᑎᒌᖃᑦᑕᕐᓗᑎᒃ.

ᐱᓕᕆᐊᖑᔪᖅ: ᐅᓇ ᐱᓕᕆᐊᖑᔪᖅ, ᐃᖏᕐᕋᑎᑕᐅᔪᖅ ᐃᓕᓐᓂᐊᕐᕕᒃᔪᐊᖅ ᒍᐊᑕᓘ, ᑲᔪᓯᑎᓐᓂᐊᖅᑕᖓ ᖃᐅᔨᓴᖅᑕᑎᒃ ᐊᒻᒪᓗ ᓴᕿᑦᑎᓗᑎᒃ ᐃᓄᐃᑦ ᓂᕿᖁᑎᖏᓐᓄᑦ ᑐᑭᒧᐊᒍᑎᒃᓴᓂᒃ ᑕᐃᒪᓗ ᐱᐅᓯᑐᖃᖏᓐᓄᑦ ᐊᑑᑎᖃᑦᑎᐊᕐᓂᐊᕐᒪᑕ ᑐᓂᔭᐅᓯᒪᓂᖏᑦ ᓂᕿᓪᓚᑖᑦ ᑕᒪᑐᒧᖓ ᒫᓐᓇᐅᔪᖅ ᐊᑐᖅᑕᐅᔪᑦ ᓂᕿᓕᕆᔾᔪᑎᑦ ᑐᒃᑑᔮᖅᑐᕐᒥ ᐊᒻᒪᓗ ᐸᐅᓚᑕᒃ, ᓄᓇᑦᓯᐊᖅ. ᐅᓇ ᐃᓕᖃᖅᑐᖅ ᖃᓄᐃᓕᐅᕈᑎᓂᒃ ᓲᕐᓗ ᐱᑎᑕᐅᓗᑎᒃ ᓴᓇᕐᕈᑎᒃᓴᓂᒃ ᐊᒻᒪᓗ ᑭᓱᓕᕆᔾᔪᑎᒃᓴᓂᒃ ᐃᓄᐃᑦ ᓂᕿᖁᑎᖏᓐᓄᒃ ᓂᕿᓕᕆᓂᖅ, ᐃᑲᔪᖅᑕᐅᓗᓄᑎᒃ ᐊᖑᓇᓱᒃᑎᑦ ᐊᒻᒪᓗ ᓂᕿᓕᕆᔨᑦ, ᐋᕿᒃᓱᐃᓗᑎᒃ ᓄᓇᓕᖕᓂ ᓂᕿᓕᕆᓂᕐᒧᑦ ᐃᓕᓐᓂᐊᕐᓗᑎᒃ ᑲᑎᒪᓗᑎᒃ, ᐊᒻᒪᓗ ᑲᑎᒪᑎᑦᑎᓗᑎᒃ ᓄᓇᓕᖕᓂᒃ.

ᐱᓕᕆᐊᖑᔪᖅ ᐊᑎᖓ: ᓄᑖᑦ ᐱᓕᕆᔾᔪᑕᐅᓕᖅᑐᑦ ᐃᓅᓯᕐᒧᑦ ᑮᓇᐅᔭᓕᐅᕈᑎᑦ ᓇᖕᒥᓂᕆᔭᐅᓪᓗᓂ ᐋᕿᒃᓯᒪᔪᑦ ᓄᓇᓕᖕᓂ ᓂᕿᖃᕐᑎᑦᑎᓂᖅ ᐅᑭᐅᖅᑕᖅᑐᒥ
ᓇᓂ: ᑳᒪᒃᔅ
ᐃᓚᐅᔪᑦ: ᓕᑐ ᓵᒪᓐ/ᑳᒪᒃᔅ ᐊᓪᓚᐃᑦ
ᐅᑯᐊ ᓕᑐ ᓵᒪᓐ/ᑳᒪᒃᔅ ᐊᓪᓚᐃᑦ ᑖᒃᑯᐊᖑᔪᑦ ᐃᓚᖓᑦ 14 ᐊᓪᓚᐃᑦ ᔫᑳᓐᒥ. ᓕᑐ ᓵᒪᓐ/ᑳᒪᒃᔅ ᐊᓪᓚᐃᑦ ᐱᔨᑦᑎᕋᖅᑎᐅᔪᑦ ᓄᓇᒥᖕᓄᑦ ᑕᒪᐅᓐᓇ ᑐᑭᒧᐊᒍᑎᖃᑦᑎᐊᖅᖢᑎᒃ, ᐋᓐᓂᐊᖅᑕᐃᓕᑎᑦᑎᓂᕐᒧᑦ ᐊᒻᒪᓗ ᐃᓄᓕᕆᔨᐅᔪᑦ, ᐃᓕᓐᓂᐊᕈᑎᓄᑦ ᐃᑲᔫᑎᓂᒃ ᐱᓕᕆᑎᑦᑎᔾᔪᑎᖃᖅᑐᑦ, ᐃᓕᓐᓂᐊᕐᓂᐊᓕᓵᖅᑐᑦ ᓱᕈᓯᕐᓄᑦ ᐃᓕᓐᓂᐊᕈᑎᖃᖅᑐᑦ, ᐃᒡᓗᒃᓴᓄᑦ, ᓄᓇᓕᖕᓂ ᓇᑉᐸᕆᐊᖃᖅᑐᓄᑦ, ᓄᓇᒥ ᐊᒻᒪᓗ ᐃᑲᔫᑎᒃᓴᓂᒃ ᐊᐅᓚᑦᑎᔨᐅᔪᑦ, ᐊᒻᒪᓗ ᐊᒻᒪᑲᓪᓚᓂᑦ ᓄᓇᒥᒃ ᐸᕿᔩᑦ.

ᐱᓕᕆᐊᖑᔪᖅ: ᓕᑐ ᓵᒪᓐ/ᑳᒪᒃᔅ ᐊᓪᓚᐃᑦ ᖃᐅᔨᓴᕐᓂᐊᖅᑐᑦ ᐊᒻᒪᓗ ᐋᕿᒃᓯᓗᑎᒃ ᓇᖕᒥᓂᖃᕈᓯᖓᓐᓄᑦ ᐸᕐᓇᐅᑎᑦ ᑖᒃᑯᐊ ᐊᐅᓚᑦᑎᔩᑦ ᓂᕿᓄᑦ ᐱᕈᖅᑎᕕᒋᓂᐊᖅᑕᖏᑦ ᐊᒻᒪᓗ ᐱᕈᖅᓯᐊᖃᕐᓂᒃ ᐱᓕᕆᐊᖑᔪᖅ. ᐅᑯᐊ ᓕᑐ ᓵᒪᓐ/ᑳᒪᒃᔅ ᐊᓪᓚᐃᑦ ᐱᕈᖅᓰᐊᓂᒃ ᓂᕿᒃᓴᓂᒃ ᐱᓕᕆᐊᖑᔪᖅ ᓴᓇᓯᒪᔪᖅ ᓯᕗᓪᓕᐅᑎᓯᒪᓪᓗᒋᑦ ᓂᕿᖃᕐᑎᑦᑎᓂᖅ ᐊᑭᒃᑭᑐᓂᑦ ᐅᒡᕙᓘᓐᓃᑦ ᐊᑭᖃᓐᖏᑦᑐᓂᒃ ᓄᓇᖃᖅᑐᓄᑦ ᐊᒻᒪᓗ ᐊᑐᓗᐊᕐᓂᐊᓐᖏᒻᒪᑕ ᒐᕙᒪᒃᑯᓂᑦ ᐊᒻᒪᓗ/ᐅᒡᕙᓘᓐᓃᑦ ᑮᓇᐅᔭᒃᓴᖃᕐᑎᑦᑏᓇᕈᓐᓇᓐᖏᑦᑐᓂᒃ. ᐅᑯᐊ ᓇᖕᒥᓂᖃᕈᓯᖓᓐᓄᑦ ᐸᕐᓇᐅᑎᑦ  ᐊᑐᖅᑕᐅᓂᐊᖅᑐᑦ ᕿᓂᕐᓗᑎᒃ ᓂᐅᕐᕈᑕᐅᔪᓐᓇᖅᑐᓂᒃ ᑖᒃᑯᓄᖓ ᐊᑯᓚᐃᑦᑐᒥᒃ ᓂᐅᕕᖃᑦᑕᖅᑐᑦ ᓂᐅᕐᕈᑎᒃᓴᓄᑦ, ᐊᑭᓕᕐᓗᒋᑦ ᐃᑲᔪᖅᐸᒃᑐᑦ, ᐊᒻᒪᓗ ᐊᑭᒡᖠᒋᐊᖅᓯᒪᔪᓂᒃ/ᐊᑭᑲᓐᖏᑦᑐᓂᒃ ᑐᓂᐅᖃᐃᓗᑎᒃ ᓇᓪᓕᐊᖕᓄᑦ ᓯᕗᓪᓕᐅᑎᒋᐊᓕᖕᓄᑦ ᐃᓗᐊᓂ ᓄᓇᓖᑦ ᑕᐃᒪᓗ ᒪᓕᑦᑎᐊᕐᓂᐊᕐᒪᑕ ᐊᑐᖅᓯᑦᑎᐊᕐᓗᑎᒃ ᑮᓇᐅᔭᒃᓴᖅᑖᕐᕕᒋᓯᒪᔭᒥᖕᓂᑦ ᓄᓇᓕᖕᓄᑦ ᐱᕈᖅᓰᕕᒃ ᓂᕿᒃᓴᓂᒃ.   

ᐱᓕᕆᐊᖑᔪᖅ ᐊᑎᖓ: ᐊᑕᐅᓯᕐᒦᓕᕐᓗᑎᒃ ᓂᕿᓪᓚᑖᑦ ᐊᒻᒪᓗ ᓄᓇᓕᖕᓂ ᐃᒐᕕᒃ ᐃᒡᓗ  
ᓇᓂ: ᒍᐃᑦᕼᐅᐊᔅ
ᐃᓚᐅᔪᑦ: ᔫᑳᓐ ᐊᓪᓚᐃᑦ ᐃᓕᓐᓂᐊᖅᑐᓕᕆᔨᒃᑯᑦ

ᐅᑯᐊ ᔫᑳᓐ ᐊᓪᓚᐃᑦ ᐃᓕᓐᓂᐊᖅᑐᓕᕆᔨᒃᑯᑦ ᓄᓇᖅᑲᖅᑳᖅᓯᒪᔪᑦ-ᐃᖏᕐᕋᑎᑦᑎᔪᑦ ᐊᐅᓚᑦᓯᔨ ᐱᔨᕆᔪᖅ ᖃᓄᖅ ᐃᓗᓪᓕᕈᓐᓇᕐᒪᖔᑕ-ᐋᕿᒃᓱᖅᐸᓪᓕᐊᓗᒋᑦ, ᐱᓕᕆᔾᔪᑎᑦ ᐊᒻᒪᓗ ᐃᑲᔫᑎᒃᓴᐃᑦ ᓴᕿᑕᐅᓗᑎᒃ, ᐳᖅᑐᓂᖅᓴᓄᑦ ᐃᓕᓐᓂᐊᕈᑎᑦ ᐊᒻᒪᓗ ᐱᔨᑦᑎᕋᐅᑎᑦ ᐱᐅᓯᕚᓪᓕᕐᓗᑎᒃ, ᐊᒻᒪᓗ ᐃᓕᓐᓂᐊᖅᑐᑦ ᐃᑲᔪᖅᑕᐅᓗᑎᒃ. ᔫᑳᓐ ᐊᓪᓚᐃᑦ ᐃᓕᓐᓂᐊᖅᑐᓕᕆᔨᒃᑯᑦ ᐱᕚᓪᓕᕐᑎᑦᑎᕙᒃᑐᑦ ᐊᓐᓚᐃᑦ ᐃᓱᒪᓕᐅᕆᓪᓗᑎᒃ ᐊᒻᒪᓗ ᑲᔪᖏᖅᓴᐅᑎᒃᓴᓂᒃ ᐊᐅᓚᑦᑎᓪᓗᑎᒃ ᐃᓕᓐᓂᐊᕈᑎᑦ, ᑐᓂᓯᓯᒪᓪᓗᑎᒃ ᖃᓄᐃᓕᐅᕆᐊᖃᖅᑐᓄᑦ ᐃᑲᔫᑎᒃᓴᓂᒃ, ᖃᐅᔨᓴᖅᓯᓪᓗᑎᒃ ᐊᒻᒪᓗ ᐅᖃᐅᔾᔨᕙᒡᖢᑎᒃ ᖃᓄᐃᓕᐅᕐᕕᒃᓴᓄᑦ ᐊᖏᕈᑎᑦ ᐱᓕᕆᔭᐅᕙᓪᓕᐊᑎᓪᓗᒋᑦ, ᐊᒻᒪᓗ ᐅᖃᐅᔾᔪᐃᔨᐅᓪᓗᑎᒃ ᐊᓐᓚᓄᑦ ᐃᓕᓐᓂᐊᖅᑐᓄᑦ ᑲᔪᓯᑦᑎᐊᕐᓂᐊᕐᒪᑕ ᓇᐅᒃᑯᑐᐃᓐᓇᖅ ᐃᓕᓐᓂᐊᖅᑐᓕᕆᓂᕐᒥ.

ᐱᓕᕆᐊᖑᔪᖅ: ᐅᑯᐊ ᔫᑳᓐ ᐊᓪᓚᐃᑦ ᐃᓕᓐᓂᐊᖅᑐᓕᕆᔨᒃᑯᑦ ᐱᔭᕇᖅᓯᓂᐊᖅᑐᑦ ᑲᔪᓯᔪᓐᓇᕐᒪᖔᑕ ᖃᐅᔨᓴᕐᓗᑎᒃ, ᐃᖏᕐᕋᔾᔪᑎᒋᓂᐊᖅᑐᓄᑦ ᐸᕐᓇᐅᑎ, ᖃᓄᖅ ᑕᐅᑦᑐᖃᕐᓂᐊᕐᓂᖓ ᐊᒻᒪᓗ ᓇᓗᓇᐃᔭᑦᑎᐊᖅᓯᒪᓗᑎᒃ ᓴᓇᓯᒪᓂᕆᓂᐊᖅᑕᖓ ᑕᒪᐃᓐᓄᑦ ᐱᐅᓯᑐᖃᓕᕆᕕᖓ ᐊᒻᒪᓗ ᓄᓇᓕᖕᓂ ᓂᕿᓕᕆᕕᒃ ᒍᐃᑦᕼᐅᐊᔅᒥ, ᔫᑳᓐ. ᔫᑳᓐ ᐊᓪᓚᐃᑦ ᐃᓕᓐᓂᐊᖅᑐᓕᕆᔨᒃᑯᑦ ᐱᔭᕇᖅᓯᓂᐊᖅᑐᑦ ᖃᐅᔨᓴᕈᑎᒥᖕᓂᒃ ᒻᒪᓗ ᖃᓄᐃᓕᖓᓂᐊᕐᒪᖔᑦ ᓴᓇᓯᒪᓂᐊᕐᓂᖓᑕ ᑕᐃᒪᓐᓇᐅᔭᕆᐊᖃᖅᑎᑕᐅᔪᑦ ᐅᑯᐊᓗ ᐊᔪᖏᓐᓂᐊᕐᒪᑕ ᓄᑖᓂᒃ ᐱᓕᕆᔾᔪᑕᐅᓕᖅᑐᑎᒍᑦ ᐱᐅᓯᑐᖃᖏᓐᓄᑦ ᐊᒻᒪᓗ ᓄᓇᓕᖕᓂ ᓂᕿᓪᓚᑖᓄᑦ ᑮᓇᐅᔭᓕᐅᕈᑎᖃᕐᓗᑎᒃ ᐃᒐᓗᑎᒃ ᐅᑯᐊ ᐃᑲᔪᕐᓂᐊᖅᑐᑦ ᓂᕿᓕᕆᓂᕐᒥᒃ ᐊᒻᒪᓗ ᑐᖁᖅᓯᒪᓂᕐᒥᒃ ᓂᕿᓪᓚᑖᓂᒃ ᐋᕿᒃᓯᒪᔪᒥ ᖃᓪᓗᓈᑦ ᓄᓇᖓᑦᑎᑐᑦ ᐱᓕᕆᔾᔪᓯᖃᕐᓗᑎᒃ. ᐊᒻᒪᓗ, ᐱᓕᕆᐊᖑᔪᖅ ᑕᑯᓂᐊᖅᑐᖅ ᐱᕙᓪᓕᐊᑎᑦᑎᓂᕐᒧᑦ ᐊᓪᓚᐃᑦ ᖃᐅᔨᒪᔭᑐᖃᖏᓐᓂᒃ ᐃᓕᓐᓂᐊᕈᑎᓂᒃ ᐅᑯᐊ ᐊᔪᕈᓐᓃᕐᓂᐊᕐᒪᑕ ᑐᓴᕐᑎᑦᑎᔪᓐᓇᕐᓗᑎᒃ ᖃᐅᔨᒪᔭᒥᖕᓂᒃ ᐊᒻᒪᓗ ᐱᔭᕆᐅᖅᓴᑎᓪᓗᒋᑦ ᐊᓪᓚᐃᑦ ᓂᕿᓕᕆᓂᕐᒥᒃ.  ᐅᓇ ᐱᓕᕆᐊᖑᔪᖅ ᓴᕿᑦᑎᓂᐊᖅᑐᑦ ᐃᓕᓐᓂᐊᕈᑎᒃᓴᓂᒃ ᐊᒻᒪᓗ ᓴᕿᑦᑎᓂᐊᖅᑐᑦ ᐱᔭᕐᓂᖅᑐᓂᒃ ᓴᓇᔭᕐᓂᖅᑐᓂᒃ ᑕᒪᕐᒥᒃ ᓇᓗᓇᐃᒃᑯᑕᖃᑦᑎᐊᖅᑐᑦ ᐊᓪᓚᐃᑦ ᐃᒐᕕᖓᓂᒃ.