ᐅᑭᐅᖅᑕᖅᑐᒥ ᐅᖓᓯᒃᑐᒥ ᓄᓇᓕᖏᓐᓄᑦ ᐃᖏᕐᕋᓯᑎᑕᐅᓯᒪᔪᓄᑦ ᑮᓇᐅᔭᒃᓴᖓ

ᓇᓂᑦᑎᓯ

• ᐱᔾᔪᑎᓕᒃ ᐅᑭᐅᖅᑕᖅᑐᒥ ᐅᖓᓯᒃᑐᒥ ᓄᓇᓕᖏᓐᓄᑦ ᐃᖏᕐᕋᓯᑎᑕᐅᓯᒪᔪᑦ ᑮᓇᐅᔭᒃᓴᖓ
• ᑭᒃᑯᑦ ᐱᓇᔪᒍᓐᓇᖅᐸᑦ?
• ᐱᑎᑕᐅᔪᓐᓇᖅᑐᑦ
• ᑐᑭᓯᒋᐊᒃᑲᓐᓂᕐᕕᒃᓴᑦ

ᐱᔾᔪᑎᓕᒃ ᐅᑭᐅᖅᑕᖅᑐᒥ ᐅᖓᓯᒃᑐᒥ ᓄᓇᓕᖏᓐᓄᑦ ᐃᖏᕐᕋᓯᑎᑕᐅᓯᒪᔪᑦ ᑮᓇᐅᔭᒃᓴᖓ

ᑲᓇᑕᐅᑉ ᐅᑭᐅᖅᑕᖅᑐᐊ ᓂᕿᒃᓴᖃᕐᑎᑦᑎᕙᒃᑐᑦ ᐊᖏᔪᒥᒃ ᑮᓇᐅᔭᓕᐅᕈᑎᖃᕈᓐᓇᖅᑐᑦ ᐱᕕᖃᖅᑎᑕᐅᒍᑎᒃ ᐅᓄᖅᓯᒋᐊᕐᓗᒋᑦ ᓄᓇᓕᖕᓂ ᓂᕿᒃᓴᓕᐅᖃᑦᑕᕐᓂᖅ, ᐃᖅᑲᓇᐃᔮᖃᕐᑎᑦᑎᔪᓐᓇᖅᑐᑦ, ᐊᒻᒪᓗ ᓄᖑᑉᐸᓪᓕᐊᓐᖏᑦᑐᓂᒃ ᐱᕙᓪᓕᐊᑎᑦᑎᔪᓐᓇᖅᑐᑦ ᐃᑲᔫᑎᔪᓂᒃ ᐅᑭᐅᖅᑕᖅᑐᒥ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓄᑦ.

ᐅᑭᐅᖅᑕᖅᑐᒥ ᐅᖓᓯᒃᑐᒥ ᓄᓇᓕᖏᓐᓄᑦ ᐃᖏᕐᕋᓯᑎᑕᐅᓯᒪᔪᑦ ᑮᓇᐅᔭᒃᓴᖓ ᐃᑲᔪᖅᑐᖅ ᓂᕿᒃᓴᖏᓐᓂᒃ ᐊᒻᒪᓗ ᐱᕈᖅᑐᓂᒃ ᓇᖕᒥᓂᖁᑎᖃᖅᖢᑎᒃ, ᐊᒻᒪᓗ ᐊᓯᖏᑦ ᑭᒃᑯᑐᐃᓐᓇᐃᑦ ᐊᒻᒪᓗ ᐃᒻᒥᒎᖅᑐᑦ ᐊᐅᓚᑦᓯᔨᑦ. ᖃᑭᔾᔪᑎᒃᓴᓕᐅᕈᑎᒋᓪᓗᒍ ᐅᑭᐅᖅᑕᖅᑐᒥ ᐅᖓᓯᒃᑐᒥ ᓄᓇᓕᖏᓐᓄᑦ ᐃᖏᕐᕋᓯᑎᑕᐅᓯᒪᔪᑦ ᑮᓇᐅᔭᒃᓴᖓ ᐃᑲᔪᖅᑐᖅ ᓄᑖᓂᒃ ᐊᒻᒪᓗ ᒫᓐᓇ ᐱᑕᖃᖅᑐᓂᒃ ᓂᕿᒃᓴᖃᕐᑎᑦᑎᓂᕐᒧᑦ ᐃᖏᕐᕋᓯᑎᑕᐅᓯᒪᔪᑦ ᑐᕌᖅᑐᑦ ᓴᖕᖏᒃᑎᒋᐊᕐᓗᒋᑦ ᐊᒻᒪᓗ ᐊᔾᔨᒌᓐᖏᑑᑕᐅᔪᓐᓇᖅᑐᑦ ᒪᑭᒪᓇᓱᒍᑎᒃᓴᓄᑦ ᐱᓕᕆᐊᖑᔪᓐᓇᖅᑐᑦ ᐅᑭᐅᖅᑕᖅᑐᒥ. ᐱᓕᕆᐊᖑᔪᑦ ᐅᑯᐊ ᐋᕿᒃᓱᐃᔪᑦ ᓂᕿᒃᓴᖃᑦᑎᐊᕐᑎᑦᑎᓂᕐᒥᒃ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓂ ᐅᕝᕙᓘᓐᓃᑦ ᐊᓯᖏᓐᓂᒃ ᐊᑦᑕᕐᓇᖅᑐᒦᑦᑐᓂᒃ ᐃᓄᖕᓂᑦ ᐅᑯᐊ ᓯᕗᓪᓕᐅᑎᔭᐅᔭᕆᐊᓕᖕᓂᒃ.

ᑐᓂᔭᐅᔪᑦ ᐱᖓᓱᓄᑦ ᑲᓇᑕᐅᑉ ᐊᕕᒃᑐᖅᓯᒪᔪᓂ ᐱᕙᓪᓕᐊᑎᑦᑎᓂᕐᒧᑦ ᑎᒥᖁᑎᖏᑦ; ᑲᓇᑕᐅᑉ ᐅᑭᐅᖅᑕᖅᑐᐊᓂ ᒪᑭᒪᓇᓱᐊᕐᓂᕐᒧᑦ ᐱᕙᓪᓕᐊᑎᑦᑎᔨᑦ ᑎᒥᖓ, ᑲᓇᑕᒥ ᐱᕙᓪᓕᐊᑎᑦᑎᓂᕐᒧᑦ ᑯᐸᐃᖕᒥᐅᓄᑦ ᐊᒻᒪᓗ ᐊᑦᓛᓐᑎᒃ ᑲᓇᑕ ᐱᕕᖃᕐᑎᑦᑎᔪᑦ ᑎᒥᖁᑖ, ᐅᑭᐅᖅᑕᖅᑐᒥ ᐅᖓᓯᒃᑐᒥ ᓄᓇᓕᖏᓐᓄᑦ ᐃᖏᕐᕋᓯᑎᑕᐅᓯᒪᔪᑦ ᑮᓇᐅᔭᒃᓴᖓ ᑐᓂᓯᖃᑦᑕᖅᑐᑦ ᖃᓂᒋᔮᓂ $15 ᒥᓕᐊᓐ ᐅᖓᑖᓄᑦ ᐱᖓᓱᑦ ᐊᕐᕌᒍᓄᑦ, ᓄᓇᓕᖕᓂ-ᐊᐅᓚᑕᐅᔪᓂᒃ ᓴᓇᔭᐅᔪᓄᑦ ᐅᑯᐊᓗ ᐃᑲᔫᑎᔪᑦ ᓄᓇᓕᖕᓂᒃ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᓂᕿᒃᓴᖃᕐᑎᑦᑎᔾᔪᓯᖏᓐᓂᒃ, ᑲᔪᖏᖅᓴᐅᑎᒋᓪᓗᒋᑦ ᓄᑖᑦ ᐱᓕᕆᔾᔪᑕᐅᓕᖅᑐᑎᒍᑦ ᐊᒻᒪᓗ ᐊᑑᑎᖃᖅᑐᓂᒃ ᐋᕿᒃᓯᔾᔪᑎᒃᓴᓂᒃ ᐅᓄᖅᓯᒋᐊᖁᓪᓗᒋᑦ ᓂᕿᒃᓴᖏᑦ ᑕᒪᐃᓐᓂ ᐅᑭᐅᖅᑕᖅᑐᖅ. ᑎᐊᓕᑐᐊᓕᔅ, ᐅᓇ ᐅᑭᐅᖅᑕᖅᑐᒥ ᐅᖓᓯᒃᑐᒥ ᓄᓇᓕᖏᓐᓄᑦ ᐃᖏᕐᕋᓯᑎᑕᐅᓯᒪᔪᑦ ᑮᓇᐅᔭᒃᓴᖓ ᑮᓇᐅᔭᖅᑑᑎᒃᓴᖃᖅᑐᖅ $9 ᒥᓕᐊᓐ ᑮᓇᐅᔭᓂᒃ ᐃᑲᔫᑎᓂᒃ ᖃᓄᕆᑦᑐᑐᐃᓐᓇᓄᑦ ᐱᓕᕆᐊᖑᔪᓄᑦ ᑕᒪᐅᓐᓇ ᐊᑖᓂ ᑎᑎᕋᖅᓯᒪᔪᑎᒍᑦ:

1. ᐃᑲᔫᑎᑦ ᓇᖕᒥᓂᖁᑎᒋᔭᐅᔪᓄᑦ ᐊᒻᒪᓗ ᓇᖕᒥᓂᖃᖅᑎᐅᔪᓄᑦ
   ᐅᓇ ᑐᓂᓯᓲᖅ ᑮᓇᐅᔭᒃᓴᓂᒃ ᓇᖕᒥᓂᖁᑎᖃᖅᑐᓄᑦ ᕿᓂᖅᑐᑦ ᐱᒋᐊᕈᑎᒃᓴᓂᒃ ᐅᕝᕙᓘᓐᓃᑦ ᐅᖓᕙᕆᐊᕈᑎᒃᓴᓂᒃ ᓂᕿᒃᓴᓕᐅᓂᕐᒧᑦ, ᐱᓕᕆᔭᐅᓂᖏᓐᓄᑦ ᐊᒻᒪᓗ ᑐᓂᐅᖃᐅᑕᐅᓂᖏᒻᓄᑦ ᓂᕿᑦ ᐊᑑᖅᓯᓪᓗᑎᒃ ᐱᒋᐊᕈᑎᑦᑎᐊᕙᒃᑎᒍᑦ.
2. ᐃᑲᔫᑎᑦ ᐅᑭᐅᖅᑕᖅᑐᒥ ᓂᕿᒃᓴᖃᕐᑎᑦᑎᓂᕐᒧᑦ ᐊᒻᒪᓗ ᐆᒪᔪᓕᒫᑦ ᐊᕙᑎᓕᒫᖏᓪᓗ
   ᐅᓇ ᑐᓂᓯᓲᖅ ᐃᑲᔪᖅᑐᑦ ᐃᖏᕐᕋᓯᑎᑕᐅᓯᒪᔪᓂᒃ ᓴᖕᖏᒃᑎᒋᐊᖅᑎᑦᑎᔪᑦ ᓄᓇᓕᖕᓂ ᐊᒻᒪᓗ ᐊᕕᒃᑐᖅᓯᒪᔪᓂ ᓂᕿᒃᓴᖃᕐᑎᑦᑎᓲᓂᒃ.
3. ᐃᑲᔫᑎᑦ ᐅᑭᐅᖅᑕᖅᑐᒥ ᓂᒃᓴᓄᒃ ᓄᑖᑦ ᐱᓕᕆᔾᔪᑕᐅᓕᖅᑐᑎᒍᑦ
   ᐅᓇ ᑐᓂᓯᓲᖅ ᑮᓇᐅᔭᒃᓴᓂᒃ ᓄᓇᖅᑲᖅᑳᖅᓯᒪᔪᑦ ᐱᓕᕆᐊᕆᔭᖏᓐᓂᒃ, ᓄᓇᓕᖕᓂᑦ-ᐊᐅᓚᑕᐅᔪᑦ ᐃᖏᕐᕋᓯᑎᑕᐅᓯᒪᔪᑦ ᐊᒻᒪᓗ ᐊᓯᖏᑦ ᐱᓕᕆᐊᖑᔪᑦ ᐱᒋᐊᖅᑎᑦᑎᓯᒪᔪᑦ ᓄᑖᓂᒃ ᐱᓕᕆᔾᔪᑕᐅᓕᖅᑐᑎᒍᑦ ᖃᕆᓴᐅᔭᒃᑯᓪᓗ, ᐱᓕᕆᔾᔪᓯᑦ, ᐅᕝᕙᓘᓐᓃᑦ ᐱᒋᐊᕈᑎᑦ ᓂᕿᒃᓴᖃᕐᑎᑦᑎᓂᕐᒧᑦ ᐱᐅᓯᕚᓪᓕᖅᓯᒪᓂᐊᕐᒪᑕ ᓄᓇᓕᖕᓂ ᐊᒻᒪᓗ ᐊᕕᒃᑐᖅᓯᒪᔪᓂ ᓂᕿᒃᓴᖃᕐᑎᑦᑎᓂᖅ ᐊᒻᒪᓗ/ᐅᕝᕙᓘᓐᓃᑦ ᓄᓇᖏᓐᓂᑦ ᓂᕿᒃᓴᖅᓯᐅᕈᔾᔨᓂᖅ.

ᑭᒃᑯᑦ ᐱᓇᔪᒍᓐᓇᖅᐸᑦ?

ᐅᑭᐅᖅᑕᖅᑐᒥ ᐅᖓᓯᒃᑐᒥ ᓄᓇᓕᖏᓐᓄᑦ ᐃᖏᕐᕋᓯᑎᑕᐅᓯᒪᔪᑦ ᑮᓇᐅᔭᒃᓴᖓ ᐃᑲᔪᖅᑐᖅ ᓂᕿᒃᓴᑦ ᐊᒻᒪᓗ ᐱᕈᖅᑐᑦ-ᐱᓯᒪᔪᑦ ᓇᖕᒥᓂᖁᑎᒋᔭᐅᔪᓄᑦ, ᐊᒻᒪᓗ ᐊᓯᖏᑦ ᑭᒃᑯᑐᐃᓐᓇᐃᑦ ᐊᒻᒪᓗ ᐃᒻᒥᒎᖅᑐᑦ ᐊᐅᓚᑦᓯᔨᑦ, ᑲᔪᖏᖅᓴᐅᑎᓕᑦ ᓈᒻᒪᒋᔭᖏᓐᓂᒃ ᐊᑐᖅᑎᑕᐅᔪᓐᓇᕐᓗᑎᒃ ᑮᓇᐅᔭᒃᓴᓂᒃ ᐃᓄᐃᑦ ᓄᓇᖓᓂ, ᐅᑯᐊᓗ ᐃᓚᖃᖅᑐᑦ ᐃᓅᕕᐊᓗᐃᑦ ᓄᓇᓕᖏᑦ (ᐅᐊᖕᓇᖓᓂ ᓄᓇᑦᓯᐊᖅ), ᓄᓇᕗᑦ, ᓄᓇᕕᒃ (ᑯᐸᐃᒃ ᑕᕐᕋᖓᓂ), ᐊᒻᒪᓗ ᓄᓇᑦᓯᐊᕗᑦ (ᐅᐊᖕᓇᖓᓂ ᓛᐸᑐᐊ). ᐅᑯᐊᑦᑕᐅᖅ ᐱᔨᑦᑎᕋᐅᑎᖃᖅᑐᑦ ᑕᒪᐃᓐᓂ ᐊᕕᒃᑐᖅᓯᒪᔪᓂ ᑎᐊᓕᑐᐊᓕᔅ. ᖃᑭᔾᔪᑎᒃᓴᓄᑦ ᓴᖕᖏᒃᑎᒋᐊᕈᑎᑦ ᓄᑖᓄᑦ ᐊᒻᒪᓗ ᒫᓐᓇ ᐊᑐᖅᑕᐅᔪᓄᑦ ᓂᕿᓄᑦ-ᐱᓯᒪᔪᑦ ᐃᖏᕐᕋᓯᑎᑕᐅᓯᓚᔪᓄᑦ ᑐᕌᖅᑐᓄᑦ ᐱᐅᓯᕚᓪᓕᖅᑎᑦᑎᓂᕐᒥᒃ ᐊᒻᒪᓗ ᐊᔾᔨᒌᓐᖏᑦᑐᓂᒃ ᒪᑭᒪᓇᓱᐊᕈᑎᒃᓴᓂᒃ ᐱᓕᕆᔪᑦ ᑎᐅᓕᑐᐊᓕᔅᓂ.

ᐱᑎᑕᐅᔪᓐᓇᖅᑐᑦ

ᐅᑭᐅᖅᑕᖅᑐᒥ ᐅᖓᓯᒃᑐᒥ ᓄᓇᓕᖏᓐᓄᑦ ᐃᖏᕐᕋᓯᑎᑕᐅᓯᒪᔪᑦ ᑮᓇᐅᔭᒃᓴᖓ ᒪᑐᐃᖓᔪᑦ ᖃᓄᕆᑦᑐᑐᐃᓐᓇᓄᑦ ᐊᐅᓚᑦᓯᔨᓄᑦ, ᐃᓚᒋᔭᐅᔪᑦ ᑮᓇᐅᔭᓕᐅᕋᓱᐊᖅᑎᐅᓇᑎᒃ ᑎᒥᐅᔪᑦ, ᐃᓕᓐᓂᐊᕐᕕᑦ, ᑲᒻᐸᓂᑦ, ᓄᓇᓕᖕᓂ ᓄᓇᖅᑲᖅᑳᖅᓯᒪᔪᑦ ᒐᕙᒪᒃᑯᖏᑦ, ᐊᒻᒪᓗ ᑮᓇᐅᔭᓕᐅᕋᓱᐊᖅᑎᐅᒐᑎᒃ ᓇᖕᒥᓂᖃᖅᑐᑦ. ᐅᓇᑦᑕᐅᖅ ᒪᑐᐃᖓᔪᖅ ᑲᓇᑕᒥ ᐊᒻᒪᓗ ᑎᐊᓕᑐᐊᓕᔅ ᒐᕙᒪᒃᑯᓐᓄᑦ.

ᐊᔪᖏᑦᑎᑕᐅᔪᑦ ᖃᓄᐃᓕᐅᕈᑕᐅᔪᓂᒃ ᐊᐅᓪᓗᑎᔪᑦ ᑕᒪᒃᑯᓄᖓ ᓴᖕᖏᒃᑎᒋᐊᖅᑎᑦᑎᓂᖅ ᐅᑭᐅᖅᑕᖅᑐᒥ ᓂᕿᖃᕈᓯᖏᓐᓂᒃ, ᐱᐅᓯᕚᓪᓕᖅᑎᑦᑎᔪᑦ ᓄᓇᓕᖕᓂ ᓂᕿᒃᓴᖃᕐᑎᑦᑎᖃᑦᑕᖅᑐᓂᒃ, ᐊᑦᑎᒃᓯᒪᑎᑦᑎᔪᑦ ᑐᓗᖅᑕᐅᑎᓂᒃ ᓂᕿᑖᕆᐊᖃᖅᑐᓄᑦ, ᑐᓂᓯᓯᒪᔪᖅ ᓴᓇᓕᕆᔪᓐᓇᐅᑎᓂᒃ ᐱᔭᕆᐅᖅᓴᑎᑦᑎᓂᖅ ᐊᒻᒪᓗ ᐱᓕᕆᔨᖃᓕᕈᓐᓇᖅᓯᕙᓪᓕᐊᓂᖅ ᐋᕿᒃᓱᐃᓂᖅ ᓄᓇᓕᒃᑎᒍᑦ ᐊᓐᒪᓗ ᓄᓇᖅᑲᖅᑳᖅᓯᒪᔪᑦ ᓂᕿᒃᓴᖃᕐᑎᑦᑎᕙᒃᑐᑦ, ᐅᕝᕙᓘᓐᓃᑦ ᑕᒪᒃᑯᐊ ᐊᐅᓪᓗᑎᔪᑦ ᓄᑖᓂᒃ ᐱᓕᕆᔾᔪᑕᐅᓕᖅᑐᑎᒍᑦ.

ᑐᑭᓯᒋᐊᒃᑲᓐᓂᕐᕕᒃᓴᑦ

ᐱᓕᕆᐊᒃᓴᖃᕈᕕᑦ ᐅᕝᕙᓘᓐᓃᑦ ᐃᓱᒪᖃᖅᓯᒪᒍᕕᑦ ᐅᖃᕐᕕᒋᔪᓐᓇᖅᑕᑎᑦ, ᐃᕝᕕᑦ ᓄᓇᑦᑎᓐᓄᑦ ᑲᓇᑕᐅᑉ ᐅᑭᐅᖅᑕᖅᑐᐊᓄᑦ ᒪᑭᒪᓇᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐊᐅᓚᑦᓯᕕᖓᑕ ᑎᑎᕋᕐᕕᖓ ᕿᓂᕈᓐᓇᖅᑐᓯ ᑮᓇᐅᔭᒃᓴᖃᕐᑎᑦᑎᔪᓐᓇᖅᑐᓂᒃ ᓂᕈᐊᖅᓯᒪᔪᓐᓇᖅᑕᕐᓂᒃ.

ᑐᓴᒐᒃᓴᑦ ᐱᔾᔪᑎᒋᓪᓗᒋᑦ ᐅᑭᐅᖅᑕᖅᑐᒥ ᓂᕿᒃᓴᖃᕐᑎᑦᑎᓂᕐᒧᑦ ᓄᑖᑦ ᐱᓕᕆᔾᔪᑕᐅᓕᖅᑐᑦ ᐆᒃᑐᕈᒪᒍᕕᒋᑦ (2021-ᒥᑦ 2024-ᒧᑦ), ᑮᓇᐅᔭᒃᓴᖅᑎᑕᐅᔪᑦ ᐱᒋᐊᕈᑕᐅᓯᒪᔪᓂᑦ ᐅᑭᐅᖅᑕᖅᑐᒥ ᐅᖓᓯᒃᑐᒥ ᓄᓇᓕᖏᓐᓄᑦ ᐃᖏᕐᕋᓯᑎᑕᐅᓯᒪᔪᑦ ᑮᓇᐅᔭᒃᓴᖓᓂᑦ ᐱᓕᕆᑎᑦᑎᔾᔪᑎᖓᓂᑦ, ᐊᑏ ᒪᑐᐃᕐᓗᒋᑦ ᑐᖅᑯᖅᓯᒪᑦᑎᐊᖅᑐᑦ ᒪᒃᐱᒐᐃᑦ ᐅᕘᓇ.