ᐅᑭᐅᖅᑕᖅᑐᒥ ᐃᓄᑭᑦᑐᓄᑦ ᓄᓇᓕᖕᓄᑦ ᐃᖏᕐᕋᓯᑎᑕᐅᓯᒪᔪᓄᑦ ᑮᓇᐅᔭᒃᓴᖅ

ᑭᓲᕙ ᐅᑭᐅᖅᑕᖅᑐᒥ ᐃᓄᑭᑦᑐᓄᑦ ᓄᓇᓕᖕᓄᑦ ᐃᖏᕐᕋᓯᑎᑕᐅᓯᒪᔪᓄᑦ ᑮᓇᐅᔭᒃᓴᖅ

ᐅᓇ ᐅᑭᐅᖅᑕᖅᑐᒥ ᐃᓄᑭᑦᑐᓄᑦ ᓄᓇᓕᖕᓄᑦ ᐃᖏᕐᕋᓯᑎᑕᐅᓯᒪᔪᓄᑦ ᑮᓇᐅᔭᒃᓴᖅ ᐃᑲᔫᑎ ᓄᓇᓕᖕᓂᑦ-ᐃᖏᕐᕋᓯᑎᑕᐅᓯᒪᔪᓂᒃ ᐱᓕᕆᐊᖑᔪᓂᑦ ᑐᕌᖅᑐᓂᒃ ᓄᓇᓕᖕᓄᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᓂᕿᒃᓴᖏᓐᓂᒃ ᐱᓕᕆᔾᔪᑕᐅᔪᖅ ᐊᔭᐅᕆᓪᓗᑎᒃ ᓄᑖᑎᒍᑦ ᐱᓕᕆᔾᔪᑕᐅᓕᖅᑐᑎᒍᑦ ᐊᒻᒪᓗ ᐊᑑᑎᖃᖅᑐᓂᒃ ᐋᕿᒃᓯᔾᔪᑕᐅᔪᓐᓇᖅᑐᑦ ᐅᓄᖅᓯᒋᐊᕐᓂᐊᕐᒪᑕ ᓂᕿᒋᔪᓐᓇᖅᑕᖏᑦ ᓇᒥᑐᐃᓐᓇᖅ ᐅᑭᐅᖅᑕᖅᑐᒥ.

ᐅᓇ ᐅᑭᐅᖅᑕᖅᑐᒥ ᐃᓄᑭᑦᑐᓄᑦ ᓄᓇᓕᖕᓄᑦ ᐃᖏᕐᕋᓯᑎᑕᐅᓯᒪᔪᓄᑦ ᑮᓇᐅᔭᒃᓴᖅ ᑐᓴᕐᑎᑦᑎᔾᔪᑕᐅᓚᐅᖅᑐᖅ ᑮᓇᐅᔭᖅᑑᑎᑦ 2019 ᑕᐃᑲᓂ $15 ᒥᓕᐊᓐ ᖃᑭᔾᔪᑎᒃᓴᖅ, ᐅᖓᑖᓄᑦ ᑕᓪᓕᒪᑦ ᐅᑭᐅᓄᑦ ᐱᒋᐊᕐᓗᑎᒃ 2019-2020 ᑮᓇᐅᔭᓕᕆᕕᖓᑦ ᐊᕐᕌᒍᐃᑦ. ᑳᓄᐊᒃᑯᑦ ᐊᑐᓕᖅᑕᐅᑎᑦᑎᓯᒪᕗᑦ ᑕᒪᑐᒥᖓ ᑮᓇᐅᔭᒃᓴᒥᒃ ᓴᓇᖃᑎᒋᓪᓗᒋᑦ ᐊᓯᑎᒃ ᒐᕙᒪᑐᖃᒃᑯᑦ ᐊᒻᒪᓗ ᑎᐅᓕᑐᐊᓕᔅ ᓴᕿᑦᑎᓪᓗᑎᒃ ᐋᕿᒍᑎᒃᓴᓂᒃ ᓂᕿᒃᓴᖃᓐᖏᓐᓂᖅ ᐱᔾᔪᑎᒋᓪᓗᒍ.

ᐅᑭᐅᖅᑕᖅᑐᒥ ᐃᓄᑭᑦᑐᓄᑦ ᓄᓇᓕᖕᓄᑦ ᐃᖏᕐᕋᓯᑎᑕᐅᓯᒪᔪᓄᑦ ᑮᓇᐅᔭᒃᓴᖅ ᑐᕌᖅᑐᖅ ᐱᐅᓯᕚᓪᓕᖅᑎᓪᓗᒋᑦ ᓄᓇᖅᑲᖅᑳᖅᓯᒪᔪᑦ ᐊᒻᒪᓗ ᐅᑭᐅᖅᑕᖅᑐᒥ ᓂᕿᑦ ᐃᑲᔪᕐᓗᒋᑦ ᓄᓇᓖᑦ, ᓄᓇᓕᖕᓂ-ᐃᖏᕐᕋᑎᑕᐅᔪᑦ ᐱᓕᕆᐊᖑᔪᓄᑦ ᑖᒃᑯᐊᓗ ᐊᑦᑎᒃᓯᑎᑦᑎᓯᒪᔪᑦ ᖃᓪᓗᓈᑦ ᓂᕿᖁᑎᖏᓐᓄᑦ ᑲᒻᐸᓂ ᐊᑐᓗᐊᕐᓂᐊᓐᖏᒻᒪᑕ ᐊᒻᒪᓗ ᖄᖓᒍᑦ ᐊᑭᓕᕆᐊᖃᖅᐸᒃᑐᑦ (ᓲᕐᓗ ᐃᖏᕐᕋᔾᔪᑎᑦ ᐊᒻᒪᓗ ᓯᕐᓗᐊᑦ) ᐅᑭᐅᖅᑕᖅᑐᒥ ᓄᓇᓕᖕᓂ. ᐅᓇ ᐃᖏᕐᕋᓯᑎᑕᐅᔪᖅ ᐃᑲᔪᕐᓂᐊᖅᑐᖅ ᐊᒥᓱᓂᒃ ᐱᓕᕆᐊᖑᔪᓂᒃ ᐅᑯᑎᒎᓇᖅ ᐊᑖᓂ ᑮᓇᐅᔭᖃᕐᑎᑦᑎᕕᐅᔪᓐᓇᖅᑐᑦ:

1. ᐃᑲᔫᑎᑦ ᐅᑭᐅᖅᑕᖅᑐᒥᒃ ᓂᕿᖃᕐᑎᑦᑎᔪᓐᓇᖅᑐᑦ ᓇᖕᒥᓂᖁᑎᖃᖅᑐᑎᒍᑦ ᐃᑲᔫᑎᑦ : ᐅᓇ ᑮᓇᐅᔭᖃᕐᑎᑦᑎᕕᐅᔪᖅ ᑐᓂᓯᓯᒪᓂᐊᖅᑐᖅ ᐅᑭᐅᖅᑕᖅᑐᒥ ᐱᔅᓂᔅ ᐊᒻᒪᓗ ᓄᓇᓕᖕᓂᒃ ᐋᕿᒃᓱᐃᓂᐊᕐᒪᑕ ᓴᖕᖏᒃᑎᒋᐊᕐᓗᒍ ᑎᐅᑐᓕᐊᓕᔅ ᓂᕿᓄᑦ ᑲᒻᐸᓂᐅᔪᑦ ᐊᒻᒪᓗ ᐃᑲᔪᕐᓗᑎᒃ ᐋᕿᒃᓗᒍ ᓂᕿᒃᓴᖃᓐᖏᓐᓂᖅ ᐊᑑᑎᖃᖅᑐᓂᒃ ᓈᒻᒪᒃᑐᓂᒃ ᐱᒋᐊᕈᑎᖃᕐᓗᑎᒃ
2. ᐃᑲᔫᑎᑦ ᐅᑭᐅᖅᑕᖅᑐᒥ ᑎᐅᓕᑐᐊᓕᔅ ᓂᕿᖃᕐᑎᑦᑎᔪᓐᓇᖅᑐᑎᒍᑦ : ᐅᓇ ᑮᓇᐅᔭᖃᕐᑎᑦᑎᕕᐅᔪᖅ ᑎᐅᓕᑐᐊᓕᔅ ᐃᖏᕐᕋᓯᑎᓯᒪᔭᖏᓐᓄᑦ ᓇᓗᓇᐃᖅᑕᐅᓯᒪᑎᓪᓗᒋᑦ ᐅᑭᐅᖅᑕᖅᑐᒥᑦ ᓂᕿᒃᓴᖃᕐᑎᑦᑎᓂᕐᒧᑦ ᐱᓇᓱᐊᖃᑎᒌᑦ ᑲᑎᒪᕙᒃᑐᑦ, ᒐᕙᒪᑐᖃᒃᑯᓂᑦ-ᑎᐅᓕᑐᐊᓕᔅ ᐱᓇᓱᐊᕐᕕᖃᖅᑐᑦ ᑲᑎᖓᕙᒃᑐᑦ ᓴᕿᑕᐅᓯᒪᔪᑦ ᐅᓄᖅᓯᒋᐊᖅᑎᑦᑎᖁᓪᓗᒋᑦ ᑮᓇᐅᔭᓕᐅᕈᑕᐅᔪᓐᓇᖅᑐᓂᒃ ᐱᕕᖃᕐᑎᑦᑎᓂᖅ ᑎᐅᓕᑐᐊᓕᔅᓂᒃ ᐱᓯᒪᓗᒋᑦ ᐱᕈᖅᑎᑦᑎᓂᖅ, ᐊᖑᓇᓱᖕᓂᖅ, ᐊᒻᒪᓗ ᓂᕿᓕᕆᓂᖅ ᓂᕿᑦᑎᐊᕙᖕᓂᒃ.
3. ᐃᑲᔫᑎᑦ ᐅᑭᐅᖅᑕᖅᑐᒥ ᓂᕿᒃᓴᖃᕐᑎᑦᑎᓂᖅ ᓄᑖᓂᒃ ᐱᓕᕆᔾᔪᑕᐅᓕᖅᑐᑎᒍᑦ : ᐅᓇ ᑮᓇᐅᔭᖃᕐᑎᑦᑎᓂᖓ ᐃᑲᔪᖅᑐᖅ ᓄᑖᓂᒃ ᐱᓕᕆᔾᔪᑕᐅᓕᖅᑐᓂᒃ ᓄᓇᓕᖕᓂ-ᐃᖏᕐᕋᑎᑕᐅᔪᑦ ᐱᓕᕆᐊᖑᔪᑦ ᓄᓇᓕᖕᓄᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᓂᕿᖃᕐᑎᑦᑎᒥᖅ ᐃᖃᔪᕐᓗᑎᒃ ᓂᕿᒃᓴᖃᓐᖏᑦᑐᑦ ᑲᓇᑕᐅᑉ ᑎᐅᓕᑐᐊᓕᔅᓂ.

ᑭᒃᑯᑦ ᑮᓇᐅᔭᖅᑖᕋᓱᒍᓐᓇᖅᐹᑦ?

ᐅᑭᐅᖅᑕᖅᑐᒥ ᐃᓄᑭᑦᑐᓄᑦ ᓄᓇᓕᖕᓄᑦ ᐃᖏᕐᕋᓯᑎᑕᐅᓯᒪᔪᓄᑦ ᑮᓇᐅᔭᒃᓴᖅ ᐃᑲᔪᖅᑐᖅ ᓂᕿᓄᑦ ᐊᒻᒪᓗ ᐱᕈᖅᓰᓂᖅ ᓂᑭᒃᓴᓂᒃ ᐱᔅᓂᔅᒋᓪᓗᒋᑦ, ᐊᒻᒪᓗ ᐊᓯᖏᑦ ᑭᒃᑯᑐᐃᓐᓇᐃᑦ ᐊᒻᒪᓗ ᐃᒻᒥᒎᖅᑐᑦ ᐊᐅᓚᑦᓯᔨᑦ ᖃᐅᔨᑎᑦᑎᔪᑦ ᑮᓇᐅᔭᖅᑖᕆᐊᖃᖅᑐᑦ ᓄᓇᖅᑲᖅᑳᖅᓯᒪᔪᓄᑦ ᓄᓇᖏᓐᓄᑦ. ᖃᑭᔾᔪᑎᒃᓴᓄᑦ ᓴᖕᖏᕐᑎᒋᐊᕐᑎᑦᑎᔪᓐᓇᖅᑐᖅ ᒫᓐᓇᐅᔪᖅ ᐃᖏᕐᕋᓯᑎᑕᐅᓯᒪᕙᒌᖅᑐᓄᑦ ᐊᒻᒪᓗ ᓄᑖᓄᑦ ᓂᕿᓄᑦ ᐱᓯᒪᔪᓄᑦ ᐃᖏᕐᕋᓯᑎᑕᐅᓯᒪᔪᓄᑦ ᑐᕌᕆᔭᖃᖅᑐᑦ ᐱᐅᓯᕚᓪᓕᕐᑎᑦᑎᓇᓱᐊᖅᑐᑦ ᐊᒻᒪᓗ ᐊᔾᔨᒌᓐᖏᑦᑐᓂᒃ ᒪᑭᒪᔾᔪᑎᒃᓴᖃᕐᑎᑦᑎᔪᑦ ᖃᓄᐃᓕᐅᕈᑎᖃᖅᖢᑎᒃ ᑎᐅᓕᑐᐊᓕᔅᓂ.

ᓯᕗᓪᓕᐅᑎᓐᓂᐊᖅᑐᑦ ᑐᒃᓯᕋᖅᑐᑦ ᐱᓕᕆᐊᖑᔪᒪᔪᑦ ᐱᓇᓱᐊᑐᐊᖅᐸᑕ ᓂᕿᖃᕐᑎᑦᑎᓂᕐᒥᒃ ᓄᓇᖃᖅᑳᖅᓯᒪᔪᑦ ᓄᓇᖏᓐᓂ ᐅᒡᕙᓘᓐᓃᑦ ᐊᓯᖏᓐᓂ ᐊᑦᑕᕐᓇᖅᑐᑦ ᓄᓇᖃᑎᒌᖕᓄᑦ.

ᐱᑎᑕᐅᔪᓐᓇᖅᑐᑦ

ᐅᑭᐅᖅᑕᖅᑐᒥ ᐃᓄᑭᑦᑐᓄᑦ ᓄᓇᓕᖕᓄᑦ ᐃᖏᕐᕋᓯᑎᑕᐅᓯᒪᔪᓄᑦ ᑮᓇᐅᔭᒃᓴᖅ ᒪᑐᐃᖓᔪᖅ ᑭᒃᑯᑐᐃᓐᓇᕐᓄᑦ ᐊᐅᓚᑦᓯᔨᓄᑦ, ᐃᓚᒋᔭᐅᕗᑦ ᑮᓇᐅᔭᓕᐅᕋᓱᐊᖅᑎᐅᒐᑎᒃ ᐊᐅᓚᑦᓯᔨᐅᔪᓄᑦ, ᐃᓕᓐᓂᐊᕐᕕᖕᓄᑦ, ᖃᒻᐸᓂᑦ ᑲᑐᔾᔨᖃᑎᒌᑦ, ᓄᓇᓕᖕᓂᑦ ᐅᒡᕙᓘᓐᓃᑦ ᓄᓇᖅᑲᖅᑳᖅᓯᒪᔪᑦ ᒐᕙᒪᒃᑯᖏᑦ ᐊᒻᒪᓗ ᑮᓇᐅᔭᓕᐅᕈᑎᖃᕈᓐᓇᖅᑐᑦ ᐱᔅᓂᔅ. ᑎᐅᑐᓕᐊᑐᔅ ᒐᕙᒪᒃᑯᑦ ᐊᐅᓚᑦᓯᔨᖏᑦ ᐱᔪᓐᓇᖅᑐᑦ ᑖᒃᑯᑎᒍᑦ ᐅᑭᐅᖅᑕᖅᑐᒥ ᑎᐅᓕᑐᐊᓕᔅ ᓂᕿᖃᕐᑎᑦᑎᔪᓐᓇᖅᑐᑎᒍᑦ.

ᑖᒃᑯᓄᖓ ᐅᑭᐅᖅᑕᖅᑐᒥᒃ ᓂᕿᖃᕐᑎᑦᑎᔪᓐᓇᖅᑐᑦ ᓇᖕᒥᓂᖁᑎᖃᖅᑐᑎᒍᑦ ᐊᒻᒪᓗ ᐅᑭᐅᖅᑕᖅᑐᒥ ᑎᐅᓕᑐᐊᓕᔅ ᓂᕿᖃᕐᑎᑦᑎᔪᓐᓇᖅᑐᑎᒍᑦ, ᐱᑎᑕᐅᔪᓐᓇᖅᑐᑦ ᖃᓄᐃᓕᐅᕈᑕᐅᔪᑦ ᐃᑲᔪᖅᑐᑦ ᓴᖕᖏᒃᑎᒋᐊᖅᖢᒍ ᐊᖏᓂᖅᐹᖓᒍᑦ ᐅᑭᐅᖅᑕᖅᑐᒥ ᓂᕿᓕᕆᓂᖅ ᑕᒪᐅᓐᓇ ᐃᖏᕐᕋᓯᑎᑦᑎᓯᒪᓗᑕ ᓲᕐᓗ ᓄᓇᓕᖕᓂ ᖁᐊᒃᑯᕕᑦ, ᐱᕈᖅᓰᕕᑦ, ᐊᒻᒪᓗ ᓄᓇᓕᖕᓂ ᓂᕿᒃᓴᖃᕐᑎᑦᑎᓂᖅ ᐱᓕᕆᐊᖑᔪᑦ. ᓯᕗᓪᓕᐅᑎᓗᒋᑦ ᑐᒃᓯᕋᐅᑎᑦ ᑐᓂᓯᓯᒪᔪᑦ ᓴᓇᔾᔪᓯᐅᓂᐊᖅᑐᓄᑦ ᐱᔭᕆᐅᖅᓴᑎᑦᑎᔪᓐᓇᕐᓗᑎᒃ ᓄᓇᓕᖕᓂᒃ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᓄᕿᑖᖅᑎᑦᑎᕙᒃᑐᑦ.

ᑕᒪᑐᒧᖓ ᐅᑭᐅᖅᑕᖅᑐᒥ ᓂᕿᒃᓴᖃᕐᑎᑦᑎᓂᖅ ᓄᑖᓂᒃ ᐱᓕᕆᔾᔪᑕᐅᓕᖅᑐᑎᒍᑦ, ᐊᔪᖏᑦᑐᑦ ᖃᓄᐃᓕᐅᕈᑕᐅᔪᑦ ᐊᐅᓪᓗᑎᔪᑦ ᓄᑖᓂᒃ ᐱᓕᕆᔾᔪᑕᐅᓕᖅᑐᑎᒍᑦ ᐅᑯᐊ ᐊᒃᑐᖅᓯᓯᒪᔪᑦ ᑳᖃᑦᑕᖅᑎᑦᑎᓇᑎᒃ ᐅᒡᕙᓘᓐᓃᑦ ᓴᖕᖏᔫᑎᑦᑎᓯᒪᔪᑦ ᓂᕿᓕᕆᓂᖏᓐᓂᒃ ᐊᑕᐅᓯᕐᒥᒃ ᐅᒡᕙᓘᓐᓃᖅ ᐊᒥᓱᓂᒃ ᐃᓗᐊᓂ ᑎᐅᓕᑐᐊᓕᔅ. ᓯᕗᓪᓕᐅᑎᓂᐊᖅᑐᑦ ᑮᓇᐅᔭᖅᑖᕋᓱᒃᑐᑦ ᑕᑯᑎᑦᑎᔪᓐᓇᖅᑐᑦ ᐱᖃᕐᑎᑦᑎᔪᓐᓇᕋᒥᒃ ᑐᓂᓯᓯᒪᓗᑎᒃ ᐱᓕᕆᐊᒃᓴᓂᒃ ᐅᑭᐅᖅᑕᖅᑐᒥ ᐊᒻᒪᓗ ᐱᓕᕆᔪᒪᔪᑦ/ᐃᓚᐅᔪᒪᔪᑦ ᑎᐅᑐᓕᐊᓕᒥᖕᓂᒃ ᓂᕿᖃᕐᑎᑦᑎᓂᕐᒥᒃ.

ᑐᑭᓯᒋᐊᑲᓐᓂᕈᓐᓇᖅᑐᑎᑦ

ᑐᑭᓯᔪᒪᒍᕕᑦ ᖃᓄᖅ ᑕᒪᑐᒧᖓ ᐱᓕᕆᔾᔪᑎᖏᓐᓂᒃ, ᐊᑏ ᐅᖃᕐᕕᒋᑎᒍᑦ ᖃᕆᓴᐅᔭᒃᑯᑦ ᑎᑎᕋᕐᓗᑎᑦ ᐅᕗᖓ ᑐᕌᕈᑎᒧᑦ cannor.operations.cannor@canada.ca, ᐅᒡᕙᓘᓐᓃᑦ ᐅᖃᕐᕕᒋᔪᓐᓇᖅᑕᐃᑦ ᐃᓚᖓᑦ ᐊᕕᒃᑐᖅᓯᒪᔪᓂ ᑎᑎᕋᕐᕕᒃ ᐅᖃᓗᒡᕕᒋᓗᒍ.