ᐅᑭᐅᖅᑕᖅᑐᒥ ᓂᕿᒃᓴᖃᖅᑎᑦᑎᓂᕐᒧ ᐱᓇᔪᒍᑎᑦ
ᑲᓇᑕᐅ ᐅᑭᐅᖅᑕᖅᑐᖓᓂ ᐱᕙᓪᓕᐊᔪᓕᕆᔨᑦ ᖃᐃᖁᔨᕗᑦ ᐃᓕᖕᓂᑦ ᐃᓕᑦᑎᓗᒍ ᐅᑭᐅᖅᑕᖅᑐᒥ ᓂᕿᒃᓴᖃᖅᑎᑦᑎᓂᕐᒧ ᐱᓇᔪᒍᑎ ᓱᕐᕌᕙᓪᓕᐊᓂᖓ 2 ᓂᕈᐊᒐᒃᓴᓄᑦ. ᐱᓕᕆᖃᑎᒋᒍᑎᑦ ᑭᖑᓕᖓᓃᓕᕐᒪᑦ ᓱᕌᕙᓪᓕᐊᓂᖓ ᐊᒻᒪᓗ ᐱᔪᒪᔪᓂ ᐱᔪᓐᓃᖅᑐᑦ.
ᓇᓗᓇᐃᖅᓯᒪᔪᑦ ᑎᑎᖃᑦ
ᐅᑭᐅᖅᑕᖅᑐᒥ ᓂᕿᒃᓴᖃᖅᑎᑦᑎᓂᕐᒧ ᐱᓇᔪᒍᑎ ᑖᓇ ᐃᓚᖓ ᐊᑐᖅᑕᐅᔪᖅ ᐱᖓᓲᓕᖃᖓᓪᓗᓂ ᑕᐃᑰᓇ ᐅᑭᐅᖅᑕᖅᑐᒥ ᓄᓇᓕᕋᓛᕐᓄ ᐊᖏᕋᑦᑎᐊᖅᑎᑎᓇᓱᒃᑎ (NICI) ᐃᑲᔫᓯᐊᓄᑦ.
ᑐᕌᖅᑐᖅ ᑖᒃᓱᒪ ᐱᓕᕆᔾᔪᑎᐅᑉ ᐃᑲᔫᑎᖃᑦᑎᐊᖁᓪᓗᒍ ᐃᓱᒪᓕᐅᕆᓂᒃᑯ, ᓄᓇᓕᑎᒍ ᐱᓕᕆᐊᒃᓴᑦ ᓄᓇᓕᖕᓄᑦ ᐊᒻᒪᓗ ᓄᓇᖃᖅᖄᖅᓯᒪᔪᑦ ᓂᕿᓕᕆᔾᔪᓯᖏᑦ ᐃᑲᔪᕐᓗᒋ ᐊᕿᒋᐊᕐᓗᒍ ᓂᕿᓄ ᐅᓗᕆᐊᓇᖏᑦᑐᒦᑕᐃᓕᒪᔪᑎ ᑲᓇᑕᒥ ᐊᕕᒃᑐᖅᓯᒪᔪᒃᑯᑦ.
ᑕᒪᓐᓇ ᐱᓕᕆᔅᔪᑎ ᐃᓗᓕᖃᖅᑐᖅ ᒪᕈᒃ ᓱᕋᕐᑑᒃ:
ᓱᕐᕋᒃᑐᖅ 1: ᐃᒃᐱᒋᔭᐅᓂᒃᑯᑦ ᖃᐅᔨᓴᕈᑎ ᐊᕙᑎᒧ.
- ᐊᕐᕕᓂᓕᒃ ᑎᓴᒪᑦ ᐅᑭᐅᖅᑕᖅᑐᒥ ᓂᕿᒃᓴᖃᖅᑎᑦᑎᓂᕐᒧ ᐱᓇᔪᒍᑎᓄ ᐃᓚᐅᔪᑦ ᓂᕈᐊᖅᑕᐅᓚᐅᖅᑐᑦ ᐃᑲᔫᑎᓄᑦ ᑕᐃᑰᓇ ᓱᕋᒃᑐᖅ 1 (ᑎᑭᓪᓗᒍ $250,000 ᐊᑐᓂ ᐱᓕᕆᐊᒃᓴᑦ) ᒪᓕᒍ ᑖᓇ ᑐᕌᕈᑎ ᐅᑭᐅᖅᑕᖅᑐᒥ ᓂᕿᖃᖅᑎᑎᓂᕐᒧ ᐱᓇᔪᒍᑎ ᓱᕐᕋᒃᑐᖅ 1 ᓂᕈᐊᒐᒃᓴᑦ ᓇᓂᓗᒋ ᐊᑎᑦ ᓂᕈᐊᒐᒃᓴᐅᔪᑦ ᐊᒻᒪᓗ ᐱᓕᕆᐊᒃᓴᖏᑦ.
ᓱᕐᕋᒃᑐᖅ 2: ᐱᓕᕆᐊᒃᓴᒧ ᐅᒃᑐᐃᓂᖅ ᐊᒻᒪᓗ ᓴᕿᑎᕙᓪᓕᐊᓂᖅ ᑐᕌᑲᐅᑎᒋᔪᒧ ᐃᑲᔫᓯᐊᓄ ᒪᓕᒃᑐᒥ ᓄᓇᓕᖕᓄᒃ.
- ᐊᓂᒍᐃᑦᑎᐊᖅᑐ ᓱᕋᒃᑐᑦ 2 ᓂᕈᐊᒐᒃᓴᑦ ᓇᓂᔭᐅᔪᓐᓇᖅᑐ ᐅᕘᓇ.
ᓂᕿᓄ ᐅᓗᕆᐊᓇᖏᑦᑐᒦᑕᐃᓕᒪᔪᑎ ᑲᓇᑕᐅ ᐊᕕᒃᑐᖅᓯᒪᔭᖏᑎᒍ
ᑎᑎᖃᑦ ᐃᓚᖓ ᐊᒡᔨ 1. %-ᖓ ᓂᕿᒃᓴᖃᖏᓂᖅ ᐃᒡᓗᒥᐅᖃᑎᒌᖕᓄᑦ ᑲᓇᑕᒥ, ᑲᓇᑕᒥ ᐊᒻᒪᓗ ᐊᕕᒃᑐᖅᓯᒪᔪᒃᑯᑦ, 2017-2018 (ᐋᕿᒃᑕᐅᓯᒪᔪᖅ ᓇᐃᓴᖅᑎᓂ ᑲᓇᑕᒥ)
| ᐊᕕᒃᑐᖅᓯᒪᔪᑦ/ᑎᐅᓕᑐᐊᓕᔅ | ᐳᓴᑎᖓ ᓂᕿᒃᓴᖃᓐᖏᑦᑐᑦ ᐊᖏᕐᕋᒥᖕᓂ |
|---|---|
| Nunavut | 57 |
| Northwest Territories | 21.7 |
| Yukon | 16.9 |
| British Columbia | 12.4 |
| Alberta | 12.9 |
| Saskatchewan | 13.9 |
| Manitoba | 14.4 |
| Ontario | 13.3 |
| Quebec | 11.1 |
| New Brunswick | 13 |
| Nova Scotia | 15.4 |
| Prince Edward Island | 13.9 |
| Newfoundland and Labrador | 14.8 |
- ᐅᖃᖅᓯᒪᔪᓂ ᓇᐃᓴᖅᑕᐅᓯᒪᔪᑦ ᑲᓇᑕᐅ 2017-2018 ᑲᓇᑕᒥᐅᓄ ᓄᓇᓕᖕᓄᑦ ᐋᓂᐊᖃᖅᑕᐃᓕᒪᑎᑦᑎᔩ ᓇᐃᓴᖅᑕᐅᓯᒪᔪᑦ, ᐊᕕᒃᑐᖅᑕᐅᓯᒪᔪᑦ ᐊᒃᑐᐃᓂᖅᐹᖑᓯᒪᔪᑦ ᖁᑎᒃᑐᑯ ᓇᐃᓴᐅᑎ ᓂᕿᑭᒃᓴᖅᓯᐅᕐᓂᖅ ᐃᓚᖏᓐᓄ ᑲᓇᑕᒥᐅᓕᒫᒥ. ᓇᐃᓴᖅᑕᐅᓯᒪᔪᑦ ᓴᕿᑎᑦᑎᓚᐅᖅᑐᖅ ᐃᒡᓗᒥᐅᖃᑎᒌᖕᓄ ᓂᕿᑭᒃᓴᕐᓂᒃ 57% ᓄᓇᕗᒻᒥ, 21.6% ᓄᓇᑦᑎᐊᖅ, ᐊᒻᒪᓗ 16.9% ᐃᓄᕕᐊᓗᐃᑦ.
- ᐊᕐᓇᑦ, ᓄᑕᖅᑲᑦ, ᐊᒻᒪᓗ ᓄᓇᖃᖅᖄᖅᓯᒪᔪᑦ ᐊᒃᑐᖅᑕᐅᓗᐊᕕᓲᖑᕗᑦ ᓂᕿᑭᒃᓴᕐᓂᖅ ᐊᑦᑐᐃᓂᖃᕈᑕᐅᓪᓗᓂ ᐋᓂᐊᖃᖅᑕᐃᓕᒪᓂᖅ ᐊᒻᒪᓗ ᐃᓅᑎᐊᕋᓱᐊᕐᓂᖅ. ᓄᓇᖃᖅᖄᖅᓯᒪᔪᑦ ᖁᑎᒃᑐᒃᑯ ᐅᓗᕆᐊᓇᖅᑐᒥᓂᖅᓴᐅᕗᑦ ᓂᕿᑭᒃᓴᕐᓂ ᐱᔾᔪᑎᖃᐅᖅᑐᖅ − ᐱᔪᒪᖏᖢᑎ ᓅᑕᐅᓂᑯᑦ ᐊᒻᒪᓗ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᑦ − ᑕᒪᓐᓇ ᐅᓚᕕᓴᐃᓪᓗᓂ ᐊᑦᑐᐊᓂᖓ ᓄᓇᒥᖔᖅᑐᑦ ᓂᕿᑦᑎᐊᕙᑦ ᐱᖅᑯᓯᖅ. ᑕᒪᓐᓇ ᐅᓚᕕᔾᔪᑎ ᐊᑲᐅᖏᑦᑐᒥ ᐊᑦᑐᐃᓂᖃᕐᒪᑦ ᓯᕗᓕᒃᓴᓂ ᖃᐅᔨᒪᔭᑐᖃᖅ ᐊᓯᕙᕐᓂᑯ ᐊᒻᒪᓗ ᐊᖑᓇᓱᖕᓂᖅ ᖃᐅᔪᓯᑦ, ᐊᒻᒪᓗ ᓂᕿᑦᑎᐊᕙᓄ ᖃᐅᔪᓯᑦ.
- ᐱᔾᔪᑎᑕᖃᐅᖅᑐᖅ ᐊᑐᖅᑕᐅᔪᖅ ᐃᓚᖃᓯᐅᔭᐅᔪᑕᐅᔪᖅ ᖁᕝᕙᓯᖕᓂᖓ ᐊᑭᑦ ᓂᕿᓄ ᐊᒻᒪᓗ ᓂᕿᑭᒃᓴᕐᓂᖅ ᐊᕕᒃᑐᖅᓯᒪᔪᒃᑯᑦ. ᓄᓇᓕᕋᓛᑦ ᐊᒻᒪᓗ ᐃᓄᑑᔾᔨᓗᐊᖅᑐᑦ ᓄᓇᓕᑦ ᐃᓚᖃᓯᐅᑎᔪᖅ ᖁᕝᕙᓯᖕᓂᖓ ᐊᑭ ᐃᓅᓇᓱᐊᕐᓂᖅ, ᐃᓂᓪᓚᒃᓯᒪᓂ (ᓲᕐᓗ, ᐊᔪᖅᓴᑦᑐᖅᓯᐅᕐᓂᖅ, ᐃᖃᓇᐃᔮᖃᖏᓐᓂᖅ), ᐊᒻᒪᓗ ᖁᕝᕙᓯᖕᓂᖓᑕ ᐃᖏᕐᕋᔪᑎᕈᔪᑦ ᐊᒻᒪᓗ ᐱᓕᕆᐊᒃᓴ ᐊᒃᑐᐊᔪᓗᒃᑖ ᐊᑭᓄ ᐊᒻᒪᓗ ᐱᔪᓐᐅᑎᓄ ᓂᕿᓄ. ᐊᕕᒃᑐᖅᓯᒪᔪᒃᑯ ᓂᕿᓕᕆᔾᔪᓯᖅ ᐊᑐᓲᖑᖕᒪᑦ ᐊᔾᔨᐅᖏᑦᑐᒥᒃ ᐊᒃᓱᕈᕈᑎᑦ ᐊᒻᒪᓗ ᐱᔭᒃᓴᑦ. ᐊᕕᒃᑐᖅᓯᒪᔪᒃᑯᑦ, ᓂᕿᓕᕆᔾᔪᓯᖏᑦ ᐋᕿᒃᑕᐅᓯᒪᖕᒪᑦ ᐱᖓᓱᐃᓕᖅᑲᖓᓗᓂ ᑲᑎᖓᔪᑦ: ᑮᓇᐅᔭᓕᐅᕋᓱᐊᖅᑐᑦ (ᓲᕐᓗ, ᑮᓇᐅᔭᓕᐅᕋᓱᒃᑎ ᐅᕝᕙᓘᓃᑦ ᑲᓇᑕᒥᖔᖏᑦᑐᑦ ᓂᕿ), ᓄᓇᐅᑉ ᓂᕿᖏ (ᓲᕐᓗ, ᐊᓯᕙᕐᓂᒃᑯᑦ ᐊᒻᒪᓗ ᐃᑲᔪᖃᑎᒌᖕᓂᖅ ᐃᓕᖁᓯᑐᖃᖅ/ᐅᒪᔪᑦ ᓂᕿᑦ,) ᐊᒻᒪᓗ ᓄᓇᒥᙶᖅᑐᑦ ᓂᕿᒧ ᐊᑐᕈᓯᖅ (ᓲᕐᓗ, ᐊᓯᕙᓂᖅ ᐊᒻᒪᓗ ᐃᑲᔪᖃᑎᒌᖕᓂᖅ ᐱᖅᑯᓯᖅ/ᐅᒪᔪᒃ ᓂᖀ), ᐊᒻᒪᓗ ᐱᕈᖅᐸᓪᓕᐊᓂᖓ ᐊᑐᕈᓯᑖᖅ ᓄᓇᓕᖕᓄ ᐱᕈᖅᓰᓂ ᓂᕿᒃᓴᓂ (ᓲᕐᓗ, ᓄᓇᓕᖕᓄ ᐱᕈᑐᓂ ᐱᕈᖅᓰᕕᑦ, ᒥᑭᑦᑑᓇᕐᓗᒋ ᐱᕈᖅᓰᓂᖅ ᓂᕐᔪᑎᓂ, ᐊᒻᒪᓗ ᐱᕈᖅᓰᔨᓄᓪᓗ ᓂᐅᕕᕐᕕᒐᓛᑦ). ᓂᕈᒥᒃᓯᐅᑎᔪᑎᖏ ᐊᒃᑐᐊᖃᑦᑕᐅᑎᔫ ᐊᒻᒪᓗ ᐃᓕᖅᑯᓯᐅ ᐱᒻᒪᕆᐅᓂᖓ ᓄᓇᒥᖔᖅᑐᑦ ᓂᕿᑦ ᓄᓇᖃᖄᖅᓯᒪᔪ ᓄᓇᓕᖏᑦ ᐊᑐᕆᐊᓕᑦ ᓄᑖᑦ ᐊᑐᖅᑕᐅᓂᐊᖅᑐᑦ ᓴᕿᑎᓪᓗᒋ ᓂᕿᓄ ᐅᓗᕆᐊᓇᖏᑦᑐᒦᑕᐃᓕᒪᔪᑎ ᐊᑐᖅᐊᐅᔪᑦ ᐊᕕᒃᑐᖅᓯᒪᔪᒃᑯᑦ.
- ᑐᑭᓯᒋᐊᒃᑲᓂᕈᒪᒍᕕᑦ ᓂᕿᓄ ᐅᓗᕆᐊᓇᖏᑦᑐᒦᑕᐃᓕᒪᔪᑎ ᑲᓇᑕᒥ ᐊᕕᒃᑐᖅᓯᒪᔪᒃᑯᑦ, ᑕᑯᒋᐊᕈ:
ᐱᔾᔪᑎᖓ ᐱᓇᔪᖕᓂᕐᒧ
- ᑕᒪᓐᓇ ᐱᓇᔪᖕᓂᖅ ᑲᓇᑕᒥᓗᒃᑖᕐᒥ ᐊᒻᒪᓗ ᐅᒃᑯᐃᖓᓪᓗᓂ ᑮᓇᐅᔭᓕᐅᕋᓱᖏᑦᑐᓄ, ᓄᓇᖃᖅᑳᓯᒪᔪᑦᒐᕙᒪᖏᑦ ᐊᒻᒪᓗ ᐱᕙᓪᓕᐊᔪᓕᕆᔨᕐᔪᐊᑦ, ᐱᔨᑦᑎᕋᖅᑎᑦ ᒐᕙᒪᑯ, ᖃᐅᔨᓴᖅᑎᕐᔪᐊᑦ ᐊᒻᒪᓗ ᒥᑭᑦᑐᑦ ᐊᒻᒪᓗ ᓈᖕᒪᒃᑐᑦ ᓇᖕᒥᓂᓕᕐᔪᐊᓪᓗ. ᐱᓇᔪᖕᓂᖅ ᐱᔪᓐᓇᖅᓯᑎᑦᑎᓂᖅ ᐊᕕᒃᑐᖅᓯᒪᔪᒃᑯᑦ ᓄᓇᓕᖕᓂ ᓱᖏᐅᑎᓴᕐᓂᕐᓗ ᐊᑐᖅᑕᐅᕙᓪᓕᐊᔪᓂᑦ ᐊᕿᒋᐊᕐᓗᒍ ᐃᓅᓯᑦ ᓄᓇᓕᖕᓂ ᑕᐃᑰᓇ ᖁᕝᕙᓯᒋᐊᕐᓗᒍᓗ ᐊᑐᖅᑐᒃᑯ ᓂᕿ ᐅᓗᕆᐊᓇᖏᑐᒦᑕᐃᓕᒪᔪᑎ.
ᑎᑎᕋᖅᓯᒪᔪᑦ ᐅᑭᐅᖅᑕᖅᑐᒥ ᓂᕿᖃᖅᑎᑦᑎᓂᕐᒧ ᐱᓇᔪᒍᑎ ᐃᓱᒪᒋᔭᐅᔪᖅ ᐋᕿᒃᓯᒪᓂᖓ
- ᐱᓕᕆᐊᖑᔪᖅ ᐃᖏᕐᕋᓯᑎᑕᐅᕗᖅ
- ᐱᐅᓯᕚᓪᓕᖅᐳᑦ ᐃᓄᓕᒫᑦ ᖃᐅᔨᒪᓂᐊᖅᑐᑦ ᐃᓗᐊᖏᔾᔪᑎᑕᖃᕐᓂᖓᓂᒃ ᐱᔾᔪᑎᑕᖃᕐᓂᖓᓂᒡᓗ
- ᐱᓕᕆᔾᔪᓯᖓᓄᑦ ᐋᕿᒍᑎᔪᑦ
- ᓄᑖᑦ ᐊᔪᖏᑦᑐᑦ ᐃᖏᕐᕋᓯᑎᑕᐅᕗᑦ
- ᑐᑭᓯᓇᓱᐊᖃᑎᒌᑦ ᐊᑕᕕᒋᔪᓐᓇᖅᑕᓂᒃ ᐊᒻᒪᓗ ᐱᓇᓱᐊᖃᑎᒋᔪᓐᓇᖅᑕᓂᒃ
- ᓄᖃᔮᓐᖏᑦᑐᓂᒃ ᑐᓂᓯᓯᒪᕕᖃᕐᓗᑎᒃ
- ᓄᑖᑦ ᐱᓕᕆᔾᔪᑕᐅᓕᖅᑐᑦ ᐊᒻᒪᓗ ᐱᔨᑦᑎᕋᐅᑎᑦ
- ᐱᐅᓯᕚᓪᓕᖅᑐᖅ ᓴᓇᓕᕆᔪᓐᓇᖅᑐᑦ ᐊᒻᒪᓗ ᐃᓐᓄᒍᓐᓇᕐᓂᖓ
- ᐅᓄᖅᓯᒋᐊᖅᑐᑦ ᖃᑭᔾᔪᑎᒃᓴᑦ
- ᐊᖏᓂᖅᓴᒥᒃ ᑕᒪᐃᓐᓄᑦ ᐊᑑᑎᖃᕐᓗᓂ
- ᐃᓅᓯᓕᕆᓂᒃᑯᑦ ᐃᑲᔫᑎᔪᑦ
- ᐊᕙᑎᒥᒃ ᐊᒃᑐᐃᓂᖃᕐᓂᖓ
- ᒪᑭᒪᔾᔪᑎᒃᓴᑦ ᑮᓇᐅᔭᖃᕐᑎᑦᑎᓂᖅ ᐱᐅᓯᕚᓪᓕᖅᑐᖅ
ᐊᒃᓱᕈᕐᓇᖅᑐᑰᕈᑎ ᐊᓂᒍᐃᑎᐊᖁᓪᓗᒍ
ᓂᕈᐊᕆᔭᐅᔪᑦ ᐱᓕᕆᐊᒃᓴᓄᑦ ᐊᑐᖅᑐᒧ ᐃᓱᒪᓕᐅᕆᔪᓐᓇᕐᓂᖅ ᓱᕐᕋᐃᔪᓐᓇᖅᑐᒧ ᐅᑭᐅᖅᑕᖅᑐᒥ ᐅᕝᕙᓘᓃᑦ ᓯᓚᐅ ᐃᖏᕋᓂᖓᓄ ᓄᓇᓕᕋᓛᑦ, ᐃᖏᕋᑎᑕᐅᔪᓐᓇᖅᓗᓂ ᐊᕕᒃᑐᖅᓯᒪᔪᒃᑯᑦ, ᐊᒻᒪᓗ ᓴᕿᑎᑦᑎᓗᓂ ᐊᑕᐅᓯᕐᒥᒃ ᐅᕝᕙᓘᓃᑦ ᐅᖓᑖᓄ ᒪᓕᒃᑐᒥ ᐃᓂᐅᔪᓄᑦ:
- ᓂᕿᓂ ᓴᕿᑎᕙᓪᓕᐊᓂᖅ/ᐊᓯᕙᕐᓂᖅ
- ᓂᕿᓕᕆᔾᔪᑎᓄᑦ
- ᓂᕿᓕᕆᔨᕐᔪᐊᑦ/ᐅᓯᑲᖅᑕᕐᓂᖅ
ᐱᓕᕆᐊᒃᓴᑦ ᑐᕋᖓᔪᒧ ᐱᔪᒪᓂᒃᑯ ᐱᓕᒻᒪᒃᓴᐃᓂᖅ ᐊᒻᒪᓗ ᐃᒡᓗᕐᔪᐊᖃᖅᑐ ᑖᑯᐊ ᐃᓂᐅᔪᑦ ᐱᔪᒪᔭᐅᓂᖃᓚᐅᕐᒥᔪᑦ.
ᓂᕈᐊᕆᔭᐅᔪᑦ ᑐᓂᔭᐅᓚᐅᖅᑐ ᐱᔪᒪᔪᑎ ᐱᓕᕆᐊᒃᓴᓄ ᓴᕿᑎᑦᑎᔪᓐᓇᖅᑐᒥ ᓂᕿᓄ ᐅᓗᕆᐊᓇᖏᑦᑐᒦᑕᐃᓕᒪᔪᑎ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ ᐅᕝᕙᓘᓃᑦ ᐊᓯᖏᑦ ᐊᒃᑐᖅᑕᐅᓴᕋᐃᑦᑐᑦ.
ᐱᔪᓐᓇᖅᑐᖅ
ᐱᓇᔪᒍᑎ ᐅᑯᓇᖔ ᑐᕌᓚᐅᖅᑐᖅ:
- ᑮᓇᐅᔭᓕᐅᕋᓱᖏᑦᑐᓄ ᑲᑐᔨᖃᑎᒌᒃ;
- ᓄᓇᖃᖅᑳᓯᒪᔪᑦ ᒐᕙᒪᖏ, ᓄᓇᓕᑦ−ᓇᖕᒥᓂᖃᖅᑐᑦ ᐱᕙᓪᓕᐊᔪᓕᕆᔨᕐᔪᐊᑦ ᐅᕝᕙᓘᓃᑦ ᐊᓯᖏᑦ ᑎᒥᖃᖅᑎᐅᔪᑦ;
- ᐱᔨᑦᑎᕋᖅᑎ ᒐᕙᒪ;
- ᖃᐅᔨᒪᔪᕐᔪᐊᑦ ᖃᐅᔨᓴᕐᕕᑦ; ᐊᒻᒪᓗ
- ᒥᑭᑦᑐᑦᕝᐊᒻᒪᓗ−ᓈᖕᒪᒃᑐᑦ ᓇᖕᒥᓂᖃᖅᑎᕐᔪᐊᑦ.
ᐱᔪᒪᓂᖃᖅᑐᑦ ᐃᓂᖃᖅᖢᑎ ᓯᓚᑖᓂ ᐊᕕᒃᑐᖅᓯᒪᔪᑦ ᐱᖁᔭᐅᓚᐅᕐᒥᔪᑦ ᑕᑕᑎᕆᓗᑎ ᐃᓚᖃᖅᑐᒥ ᐃᓚᓕᐅᑎᖃᖅᑐᒥ ᐊᕕᒃᑐᖅᓯᒪᔪᒃᑯᑦ ᑕᐱᕇᓂ ᐊᒻᒪᓗ ᑕᐅᑐᖑᐊᖅᑎᑦᑎᔪᓐᓇᖅᑐᖅ ᖃᓄᖅ ᐱᔪᒪᔭᐅᔪᑎ ᐱᔪᒪᓂᕐᒧ ᑐᓂᓯᔪᓐᓇᕋᒥ ᐃᑲᔫᑎᓄ ᐊᒃᑎᒃᓯᒋᐊᕐᓗᒍ ᐊᔪᕈᑎᑦ ᐊᑐᖅᑐᒧ ᓂᕿᑭᓴᕐᓂᖅ ᐅᕝᕙᓘᓃᑦ ᓴᖏᒃᑎᓴᕐᓗᒍ ᓂᕿᓕᕆᔪᓯᑦ ᐊᑕᐅᓯᒃᑯᑦ ᐅᕝᕙᓘᓃᑦ ᐅᖓᑖᓄ ᐊᕕᒃᑐᖅᓯᒪᔫᑉ.
ᑐᓴᕈᒥᓇᖅᑐᑦ
- ᐃᑲᔫᑎᓄ ᐱᓕᕆᐊᒃᓴᓄ ᐊᑭ ᑎᑭᓪᓗᒍ $250,000 ᓂᕈᖅᑕᐅᔪᓄ ᑕᐃᑲᓂ ᓱᕐᕌᕙᓕᐊᔪᖅ 1.
- ᑭᖑᓪᓕᐸᖅ ᐱᔪᒪᓂᖃᖅᑐᑦ ᐱᔪᓐᓇᓚᐅᖅᑐᑦ ᑎᑭᓪᓗᒍ $1 ᒥᓕᐊᓐ ᑖᓚ ᐃᖏᕋᓯᒋᐊᕐᓗᒍ ᐱᓕᕆᐊᒃᓴᖅ ᓱᕋᒃᑐᖅ 2.
- ᐱᔪᓐᓇᐅᑎᖃᕐᓗᓂ ᐅᑭᐅᖅᑕᖅᑐᒥ ᖃᐅᔨᒪᔪᕐᔪᐊᑦ ᐊᒻᒪᓗ CanNor ᐃᑲᔪᖅᑎ ᑕᐃᑯᖓ ᓴᐳᑦ ᐱᓕᕆᐊᒃᓴ ᓴᕿᑦᑎᕙᓪᓕᐊᓂᖅ ᑕᐃᑰᓇ ᐊᓂᒍᐃᑦᑎᐊᕈᓐᓇᕐᓂᑯᑦ ᐊᒻᒪᓗ ᑕᓯᐅᖅᑕᐅᓗᓂ.
ᐃᖏᕋᓂᖓ
ᑎᑎᕋᖅᓯᒪᔪᑦ ᓂᕈᐊᕆᔭᐅᔪ CanNor ᐅᑭᐅᖅᑕᖅᑐᒥ ᓂᕿᒃᓴᖃᖅᑎᑎᓂᕐᒧ ᐱᓇᔪᒍᑎ
- ᓯᕗᓪᓕᖅᐹᖅᓯᐅᑎᓄᑦ ᐊᔭᐅᖅᑐᕈᑏᑦ ᓴᖅᑭᖅᑕᐅᔪᑦ
- ᒪᑐᕕᔅᓴᖓ ᒫᔾᔨ 31, 2021
- ᑎᑭᓪᓗᒍ $250,000 ᑮᓇᐅᔭᑦ ᐊᑐᓂ ᐱᓕᕆᐊᓄᑦ
- ᑕᒫᓂᖃᐃ 8 ᐱᑎᑕᐅᔪᑦ ᐱᓕᕆᐊᔅᓴ ᓂᕈᐊᖅᑕᐅᓯᒪᔪᑦ ᑮᓇᐅᔭᓄᑦ
- ᐃᓗᓕᖏᓐᓂ ᐱᒋᐊᓕᖅᑎᓪᓗᒍ
- ᖃᐅᔨᓵᔅᓴᖏᑦ
- ᓄᓇᓕᓐᓂ ᓇᓗᓇᐃᖅᑕᐅᓂᖏᑦ
- ᓇᓗᓇᐃᕐᓗᒋᑦ ᖃᐅᔨᓵᔅᓴᖏᑦ
- ᐆᑦᑐᖅᑕᐅᔪᒫᖅᑐᑦ ᖃᓄᐃᑦᑑᓂᖏᑦ ᐊᐅᓚᔾᔪᑎᓄᑦ ᐊᕙᑎᓅᖓᔪᑦ
- ᐱᓕᕆᐊᑦ ᓴᖅᑭᔮᖁᔭᐅᓗᑎᑦ ᖃᐃᖁᔭᐅᓛᖅᑐᑦ ᐃᓕᓐᓂᐊᕈᑎᔅᓴᓄᑦ
- ᐊᐃᑉᐸᖓᓐᓂ ᐊᔭᐅᖅᑐᕈᑎᒃ ᓴᖅᑭᖅᑐᖅ
- ᕕᕝᕗᐊᕆ 2023
- ᑎᑭᓪᓗᒍ ᐱᖓᓱᑦ (3) ᐱᓕᕆᐊᖑᔪᑦ ᐱᓕᕆᐊᔅᓵᓐᓂᒃ ᓯᕗᓪᓕᖅᐹᖅᓯᐅᑎᓃᓐᖓᖅᑐᓂᒃ
- ᑎᑭᒍᓐᓇᖅᑐᖅ 1−ᒥᓕᐊᑦ ᑮᓇᐅᔭᐃᑦ
- ᑎᑭᓪᓗᒍ ᐱᖓᓱᑦ ᑲᔪᓯᑦᑎᐊᖅᑐᓂᑦ ᐱᓕᕆᐊᓂᑦ ᓂᕈᐊᖅᑕᐅᔪᑦ ᑮᓇᐅᔭᖃᖅᑎᑕᐅᓂᐊᖅᑐᑎᑦ
- ᓯᕗᓪᓕᖅᐹᖅᓯᐅᑎ ᐆᑦᑑᑏᑦ ᒪᓕᑦᑎᐊᖅᑐᑎᑦ
- ᐊᔾᔨᐅᖏᑦᑐᑦ ᓴᖅᑭᖅᑕᐅᓂᖏᑦ ᐱᓕᕆᐊᑦ
- ᐊᔾᔨᐅᖏᑦᑐᑦ ᐆᑦᑐᕋᖅᑕᑦ, ᖃᐅᔨᓴᑦᑕᐅᖅᑎᐊᖅᑐᑦ
- ᐊᔾᔨᐅᓐᖏᑦᑐᑦ ᓴᖅᑭᔮᖅᑎᑕᐅᔪᑦ
- 2023
ᐃᓱᒪᖃᓕᖅᑎᑦᑎᔪᓐᓇᕐᓂᖅ ᖃᕋᓴᐅᔭᑎᒎᖅᑐᓂ
ᐃᓚᒋᔭᐅᓪᓗᓂ ᐅᑭᐅᖅᑕᖅᑐᒥ ᓂᕿᖃᑎᑦᑎᓂᕐᒧ ᐱᓇᔪᒍᑎᓄ, CanNor ᐱᓕᕆᑎᑦᑎᓚᐅᖅᑐᑦ ᐃᓱᒪᖃᓕᖅᑎᑦᑎᔪᓐᓇᕐᓂᖅ ᖃᕋᓴᐅᔭᑎᒎᖅᑐᓂ ᑐᓂᓯᖃᑎᒌᒡᓗᑎ ᑐᓴᒐᒃᓴᓂ ᐊᒻᒪᓗ ᖃᐅᔨᒪᔭᖏᓐᓂ. ᐃᓚᖃᖅᑐᒥ ᐊᕐᕕᓂᓕᒃ ᑎᓴᒪ ᐃᓱᒪᓕᐅᕆᔩᑦ, ᑲᑎᒪᔨ ᑐᓴᖅᑎᑦᑎᓇᓱᐊᖅᑎᑦᓄ ᑲᑎᒪᔨ ᐊᒻᒪᓗ CanNor ᐃᖃᓇᐃᔭᖅᑎᑦ ᐃᓚᐅᖃᑕᓚᐅᕐᒥᔪᑦ ᐱᓕᕆᐊᒥ ᐊᑐᓚᐅᖅᑐᖅ ᐊᐃᕆᓕ 11-13, 2022.
ᐃᑲᕐᕋᓅᖓᔪᖅ/ᐊᑐᖅᑐ ᐅᓪᓗ
- ᐱᓇᔪᒍᑎᓄ ᓴᕿᑕᐅᓂᖓ: ᔭᓄᐊᕆ 26, 2021
- ᐱᓇᔪᒍᑎᓄ ᐊᓂᒍᕐᕕ ᐅᓪᓗᖅ: ᒫᔨ 31, 2021
- ᓱᕐᕋᒃᐸᓪᓕᐊᔪᖅ 1 ᓂᕈᐊᒐᒃᓴᑦ ᑐᓴᒐᒃᓴᖑᓚᐅᖅᑐᖅ (ᐊᕐᕕᓂᓕᑦ ᑎᓴᒪᑦ ᓂᕈᐊᒐᒃᓴᑦ ᓂᕈᐊᖅᑕᐅᓚᐅᖅᑐᑦ ᓂᕈᐊᒐᒃᓴᓕᒫᓂ): ᔭᓄᐊᕆ 2022
- ᐃᓕᓐᓂᐊᕈᑎᑦ: 2022
- ᓱᕐᕋᒃᐸᓪᓕᐊᔪᑦ 2 ᓂᕈᐊᒐᒃᓴᑦ ᑐᓴᒐᒃᓴᒍᓚᐅᖅᑐᖅ ᐅᑭᐊᒃᓵᖅ 2023
- ᐱᔪᒪᔪᑎᓄ ᓴᕿᔮᖅᑎᑦᑎᔪᑦ ᐅᑭᐅᖅ 2024
ᑐᑭᓯᒋᐊᑲᓐᓂᕈᒪᒍᕕᑦ
ᐊᐱᖁᑎᒃᓴᖃᕈᕕᑦ ᑖᒃᓱᒪ ᐱᓇᔪᒍᑎ, ᑎᑎᕋᕆ ᖃᕋᓴᐅᔭᒃᑯᑦ operations@cannor.gc.ca, ᐅᕝᕙᓘᓃᑦ ᐅᖃᖃᑎᖃᕆ ᑎᑎᕋᕐᕕᖕᒪᕆᒃ.
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: